عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

[Simply_The_Best]

ام البنين...

بقولج كيف سير رحلتنا ان شالله بيكون وانتي قوليلي شو رايج وين ممكن ناخذ السيارة..


دبي (طيران الامارات) نيويورك

نيويورك (طيران دلتا) لا فيغاس

لاس فيغاس (بالسيارة) لا هويا سان دييغو

لا هويا (بالسيارة) يفرلي هيلز

لوس انجلوس ( طيران الامارات ) نيويورك ترانزيت وبعدها دبي

خليهـا

لاس فيغاس ----- بفرلي هيلز

بفرلي هيلز ----- سان ديغـو

سانديغـو ----- مطار لوس أنجلوس


انـا خليتها جذيه عـشان قرب المناطق من بعضهم و المسافـة

 

[مفتـون]

لا توني تأكدت الرحلة من لوس انجلس لين دبي مافيها ترانزيت الحمدلله.. 16 ساعه

 

[مفتـون]

بس حسيت انه من لاس فيغاس اقرب تكون لا هويا .. ولا شو رايج؟


بس لو فرضنا مشيت على اقتراحج.. وين باخذ السيارة؟

 

[Simply_The_Best]

سمبلي

تسلم ايدج عالتقرير الحلو ..

بس خساره انا ما بيكون لي نصيب فالحدايق الترفيهيه عشان بنتي صغيره


المره اليايه ان شالله

ليش جم عمـرهـا الصغيرونـه ؟

و بعـديـن ليش تحرمون نفسكم من وناسـة الألعـاب .....راح تستانسين من قلب اذا رحتي

في ألعاب حتى بو شهر يدخلونـه .... و ونيســــــــــه

و اذا كلش كلش مشتهيـه إنتـي أو ريلج تدخلون لعبة .... تقدريـن تنطريـن بغرفـة انتظار تابعة للعبـة و من يطلع زوجـج تـدخلين إنتـي بدون ما تنطريـن بالطابـور و هو يقعـد مع الصغيرونـه

 

[مفتـون]

اويه نفس الشي.. انا المخرفه سامحيني هههههه

 

[Marymary]

انا بعد ماني مودية بنتي بيكون عمرها 9 اشهر وماراح تفهم ان شاءءالله سنه اليايه بخاطري ارووح امريكا يكون تقريبا عمرها سنتين بوديها "

 

[مفتـون]

بنتي عمرها 10 شهور.. وانا احب الالعاااااااب اخاف اسير واتنكد هههههه شوف وحراق يوف

 

[Marymary]

بس ما قلتولي اشلون على طيران الكويت في افلااااااام وميديا نفس الاماراتيه ؟؟

 

[مفتـون]

ماري ماري..

الله ايسر لج يارب..

عاد ماعرف كيف الوضع فالطيارة ويا بيبي صغير .. كيف اذا لا سمح الله يت مطبات هوائية وهالسوالف ..

 

[مفتـون]

ماري ماري..

على طاري الفنادق..

انا مروا عليه وايد فنادق 3 نجوم بس حلويين.. وفي فنادق 5 نجوم وتعيسين

فإنتي اسئليه شو اسم الفندق وشوفي الصور واقري الريفيو اللي يكتبونه المسافرين ..

 

[مفتـون]

اوه انا صدق مسطله .. الحين بس استوعبت

يعني من لاس فيغاس ننزل بفرلي هيلز واستلم السيارة و بعدين اسير سان دييغو و يوم نروح المطار للسفر ارجعها ..

فكرة حلوة ..

 

[ام البنين2000]

اما انكم تغيرون يعني تطيرون من نيويورك لي لوس انجلوس وبعدين تروحون فيغاس بالسياره وتردون لوس انجلوس علشان تردون السياره او تراسلين مكاتب السيارات وتتأكدين اذا ممكن تسلمين السياره بمطار لوس انجلوس وانا اللي اعرفه يصير تسلمينها بولايه ثانيه بس تدفعين مبلغ رمزي زياده علي السعر وانت تأكدي

 

[Marymary]

مفتون الله يسهل علينا وعليكم "

وان شاءالله اخذ اسم الفندق من زوجي واجيك واقولكم عنه

 

[Simply_The_Best]

بس حسيت انه من لاس فيغاس اقرب تكون لا هويا .. ولا شو رايج؟


بس لو فرضنا مشيت على اقتراحج.. وين باخذ السيارة؟

بتـاخذونهـا من فيغـاس و تسلمونهــا بمطار لوس أنجلوس بس في زيـادة بسيطة بالفلوس اذا ما راح تردونها نفس المطار الي خذيتوهـا منـه

تـوني قاعدة أشـوف خريطـة جـوجـل تـرا في فرق بسيط بين ( بفرلي هيلز ) و ( لا هـويـا ) و بيـن فيجاس ... معنـاه عـادي و ممكـن تروحون لاهـويـا قبـل أو بفرلي مـا تفرق وايـد

 

[مفتـون]

ام البنين ..

تصدقين هاي بعد فكرة حلوة.. عشان بالمره اشوف الاوت ليت اللي قلتوا عنه على حدود لاس فيغاس وكاليفورنيا...

تعرفين اسمه؟ عشان اخليه عندي فالملاحظات..


==

ماري ماري ..

ان شالله يطلع حلو لا تحاتين..

 

[Marymary]

محد رد علي " طيران الكويتيه عندهم افلام ومسلسلات نفس طريقة الاماراتية ؟؟

 

[Marymary]

مفتوووووووون ترى الخريطة وايد تفييدج يحليلها ام لعيال ما قصرت عطتني موقع واااااااايد حلوووووو في كل شييييييييييي عن خريطة امريكا هالمنطقة لي هالمنطقة اشكثر ياخذ بالسيارة وشنو فيها من مجمعات واسواق وسينمات وبنزين كل شيييييييي
الموقع تلقيين قبل جم صفحة
انا مو مخزن عندي بالابتوب لان كنت مستخدمة لابتوب ثاني
وطبعا هالموقع راح يفيد الكل

 

[ام البنين2000]

مفتون تري بالطريج ماكو غير هالاوت ليت راح تشوفينه مبين وحده عجيييييب بس للأسف ما عرف اسمه بس بتلاقين علامه مكتويب عليها اوت لت

 

[مفتـون]

سمبلي

في موقع دولار وادفانتج ما تقبل السيستم يوم كتبت تغيير مكان التسليم عن الاستلام..

بس بنشوف يمكن في محلات ثانية تقبل..

 

[Simply_The_Best]

بس ما قلتولي اشلون على طيران الكويت في افلااااااام وميديا نفس الاماراتيه ؟؟

في و لاشي لوووووووووول

على قـولة عادل إمـام كانت لابسة من غير هـدوم لووووول

تخيلي إحنـا مرتيـن رحنـا عليها حج نيويورك .... و على البيزنس و الفيرست اول مرة التلفزيونـات بدون مبالغـة نسبـة 90 % مو شغالة !!!!!!!! مت قهـر و اشتكيت عنـد المضيفـة أوقولهـا ماخذين منـا آلاف و تلفزيون سنع ما كـو ؟؟ هذي آخـر مرة نركب عىل طيارتكم الكحيـانــه !!

كـل ما صـارت مطبـــه يتسكر التلفزيـون و لا يشتغل بعـدهـا !! قامت و يابت لنـا بورتابل دي في دي !!

مـا شفتينـا ثالث مرة قلبنـا على الأماراتيـة ... عموما ً للإحتياط اذا هم ما غيروا تلفزيونـاتهم الأثريـة

إخذي معاج دي في دي و المسرحيـات الي تحبينها أو المسلسلات