تجمع امهات العالمية الامريكية

[ReeMaN]

واعليه مايشوف شر وليدج كاراميلاا وديه الطبيب احسن يمكن معاه التهاب ببلاعيمه مايروح الا لازم مضاد هاليهال مساكين مو مترقعين من هالجو

هاو تونى ادري بعيد ميلاد مرووو كل سنه وانتى بالف الف الف الف خير مرووو شغلو الجراغياااات :nbvppw:

هابي بيرذداي تو يوو جك جك جك هابي ببيرذداي تو يو جك جك جك هابي بيرذداي تو مروووو :lolo:

 

[bella bambina]

السلام أمهات
آنا شاكه بريمان كاتبه الوصفه عشان اتوبني من الانجليزي
كل عام وانتي بخير مروو (ما عرفنا اشاعه ولا صج ؟ ) :happybday:
سلامته ما يشوف شر وليدج كراميلا استغفر الله الجو طول السنه يمرض اذا ما فيه حرارة لا تودينه الطبيب زوجي بس يحس انه بيستمرض يسوي له خلطه عجيبة بصل وثوم وليمون وزيت زيتون ياكل منها يومين مع الغدا والعشا ويختفي المرض طبعا ماكو ياهل يرضى ياكل من هالخلطه بس صج تقوي المناعه
ريمان زين سويتو رحتو المدينه الترفيهيه لو أودي عيالي حسبالهم مسافرين بس ريلي دوام على طول وطبعا ما أروح الدوحه بروحي اشرايج بالرحله اليايه تاخذين عيالي معاج مو عشان بفتك من عيالي لا سمح الله بس عشان أبي ولدج يستانس معاهم _03BA:
فوز الله يعينج على السهر والله يرد أبوهم وجدهم بالسلامه بأقرب وقت
الله يسلمكم آنا مو قادرة أطلع عيالي بهالعطله بسبة سفرة ماريا :0bee2e8d89: ودوامي فتسليتهم الوحيده انهم يأذون الحشرات اللي بالحوش ماسكين قواطي ويمعون نمل

 

[ReeMaN]

يااااااااربي على هالبنيه حاطه دوبها دووووبي شسوي فيهاااا؟؟؟؟<---- بيلااااااا

انا ياللي اقول كلمتين على بعض اعطيكم وصفه دوا على قولة مروو وفوز ؟؟؟ انا ااصلا طنشت فيها عشان مااحرج روحي ههههههه حتى نك نيمها مو قادره اقوله بدون لا اغض بالكلمه

شخبارج بيلاااا من قااالج انا رايحه هالدرب بروحي هههههه اصلا احنا تجمعنا ببيت اهلى وتماشينا قافله لو مأجرين باص جان احسن انا ضعت عنهم بالليل لما رجعنا تونا طالعين من الترفيهيه وشفت لافته مكتوب عليها العراق اشوه بنت خالي معاي والا جان وقفت السياره وقعدت ابجي ههههههه <--- اخص عليج ياريمان فشلتينااااا

افا عليج ماطلبتى شي اسلفج شغالتنا بس اخاف تعجبج و تغرينها بالمعاش وتاخذينها منااا ههههه احب اطفرج

 

[ملكة بيتها]

السلام مامات
مرووو ...هابي بيرث داي يلا وين الكيك والشموع ؟؟؟ وما تشوف شر بنت ولدج
كارميلا .. مايشوف شر ولدج ..

 

[mr000]

السلام اشلونكم شخباركم ..كراميلا وريمان اشدراكم إن اليوم عيد ميلادي؟؟ هو صح بس جنه آنا ماقلت لكم هني قلت بمكان ثاني..أكيد ريمان متجسسه علي.. هي اللي لاحقتني بكل مكان ..كراميلا مايشوف شر وليدج.. الجو جو مرض استغفرالله مادري عيالنا مناعتهم ضعيفه.. يعني ألحين بنت ولدي مأجلين تطعيمها اسبوعين لأن كل أسبوع لما نسبحها لازم تصخن وكحه ونشله وحالتها حاله..مع إني والله لما بسبحها أقصر عالتكييف من الصبح و ألبسها وأنشف شعرها بالسشوار كله وهي داخل الحمام.. ومع هذا تمرض..الله يستر اليوم سبحتها وتوه ولدي يقولي شكلها خانسه عسى ماتصخن.. والله تعقدت..

 

[mr000]

ملكه اشلونج شخبارج..اشلون بنيتج Thank you أي والله مابقى يصير عمري 25 عيزت وآنا أنطر.:happybday:. العام 8/4 كنت بلندن..:eh_s(2):كانت هديه مني حق نفسي سفرة لندن.. هالسنه الله يهديها بنتي خلتني أأجلها لي شهر 9.:eh_s(2)::eh_s(2)::eh_s(2):

 

[lyale]

مروو كل عام وانتي بخير وما بقيتي تكملين ربع قرن ههههه وااااو صج يبيلج سفره بروحج ماله داعي احد يرووح معاج خلاص صار عمرج 25 مو محتاجه احد
وين الكيكه ليش ما لحقت عليها ؟؟!!

 

[mr000]

هلا والله ليالي اشلونج ..إي شفتي اشلون خلاص طفت سن المراهقه وصرتadult‏ ‏! إي كيكه ليالي ياخلاف محد يابلي كيكه كشتوا فيني واحد مسافر والثاني طالع مع مرته وبنتي عندها امتحان ماطلعت قاعده تدرس قلت عاد ماكو إلا باجر أشتري لي كيكه وأوديها معاي بيمعتنا مع خواتي بس من وين أحصل شمع هالكثر يبيلي آخذ اللي بالمحل كله لاآنا راح أحط one of the ‎2‎ digits ‎‏ بس كافي!

 

[bella bambina]

صباح الخير أمهات

 

[mr000]

:happybday::happybday::happybday:

:happybday:​

 

[ReeMaN]

سلاااااااااااام امهات شخباركم

مرووو @@ ظلمتييييييييييييييييني :rgewrg: كاراميلا اهى اللي لاحقتج وبيلا وفوز اهمه اللي سهرانين على كيكتج ماشفنا منها شي ... وانتو كله ظالميني حياتى كلها ظلم بظلم مايصير جذي ياجماعه حتى بالمنتدى هم لاحقنى الظلم :eh_s(2): :eh_s(2): :eh_s(2): :eh_s(2):

ماتشوف شر حفيدتج مروو مسكينه يبا جان جذي مو لزوم تسبحونها خلوها شهر بدون سبوح عادي :eh_s(10): ولا كل سبحه تمرض مسكينه

 

[miss_heathrow]

السلام عليكم :68_asmilies-com:


انا حدي دايسه :RoadRunner: داشه عرض الف عليكم واقول حق مروووو



:nbvppw: :stars: :happybday: :happybday: :happybday: :stars: :nbvppw:




كل عام وانتي بالف خير يالغاليه والله يطول بعمرج ويخليلج اعيالج ان شاء الله :yaaaaaarb:






والله ما ادري انا احترت بين مدرستين الامريكيه العالميه والخليج بالسالميه حق kg1


وشلون طريقه تسجيلهم لازم الاب يروح يوقع ولا الام ؟؟؟؟؟؟؟؟

 

[caramella]

الشر ما إييكم كلكم حبيباتي ما قصرتوا وديته الطبيب عطوه زيرتك و مذيب للبلغم و قطرة ماي ملح وسلامتكم إنشالله ياربي تخف النشله لا تنزل بصدره
مرووو آنا اللي العصفوره قالت لي
ما تجسست عليج
وريمان مسكينه مالها شغل
واي آنا جذي لما اسبح ولدي يمرض علي معني اسكر السنترال و انشف اذونه و شعره بس هم ماكو فايده
ما تشوف شر بنت ولدج
يلا بعد شتسوين مالج إلا تحتفلين مع خواتج :happybday:
العيد ميلاد باليمعات احلى
بيلا عورو قلبي عيالج مساكين مالقو إلا الحشرات مساكين يلا الحين ييه الويك إند جابليهم و طلعيهم مالج عذر إنج مشغوله
الله يرد لكم ماريا بالسلامه
حيالله ملكه وليالي شخباركم
مس هيثروو والله الإختيار صعب لازم تروحين المدرستين ة تشوفين شنو الأنسب لج
و آنا والله اللي مريت خذت الأوراق تالي عبيناهم و الأبو وقعهم بالبيت ووديتهم آنا

 

[mr000]

السلام اشلونكم..ريمان:ssssso::ssssso::ssssso::ssssso:شسوي مو كله أشوفج لاحقتني قلت أكيد إنتي :eh_s(7):هذي حقج لاتزعلين..كراميلا ماشاءالله على عصفورتج طايره كل هالمسافه..:hearting:جانزين تشيلني بكبري تطير فيني لي لندن..أوف والله طقت جبدي ..وولدي يقول الجو حلو..حتى من الوناسه من البارحه مايرد على اتصالاتنا ومسجاتنا..بس نبيه يطمنا قمنا نحاتي..عاد مسكين صادفته مشكله اول ماوصل مااشتغلت معاه بطاقة الفيزا وهو حاط فيها مبلغ كبير ويدق عالبنك من هناك مايردون.. ودقينا احنا حولنا الفلوس الي فيها على بطاقته الكي نت..بس جذي موزين راح يظل على بطاقه وحده وفيها كل الفلوس لو لاسمح الله ضاعت راح يتوهق..وهو وايد نساي وقلبه ميت..مس هيثرو حبيبة قلبي مشكوره ماتقصرين:eh_s(21)::eh_s(21):.آنا اقول هذي منو اللي دايسه جذي صعدت عالرصيف بس علشان اوخر لاتدعمني أثاري هذي إنتي..بعد قلبي الله يبلغج في بنيتج..بس حبيت أقولج شوفي رسوم المدرستين وقارنيهم.. الخليج أرخص بوايد.. العالميه ترى من المدارس الغاليه يعني كي جي2 بحدود ال2200 وعلى نهاية الأبتدائي توصل ال2800 فحرام تدخلينها تالي تضطرين عقب سنه أو سنتين تنقلينها..ولاتفكرين تطلعينها تودينها الحكومه تالي صعب عالياهل وايد من بعد مايتعود على جو المدارس الخاصه ونظامهم ومعاملتهم تالي يروح الحكومه.. إذا رسوم العالميه مناسبه أوكي وإذا لأ ترى الخليج ممتازه مافيها شي.:rerrerek:. وإذا ماتبين نظام أنجليزي شوفي المدرسه الأمريكيه بالسالميه صاحبتها وجيهه الحبيب..المشرفه حلم الطفوله مجربتها وتقول عنها زينه..وأقرب من الخليج ..

 

[mr000]

كراميلا مايشوف شر وليدج..

 

[ReeMaN]

مايشوف شر وليدج كاراميلا طمنينا عليه انشالله احسن من امس ؟؟

مروو هاتي الورده :rgewrg: خلاص مسامحتج اتفضلي الورود :aha: :aha: :aha: وهديتج منى تذكرة

سفر كويت لندن كويت على حساب بيلا الف الف الف مبروك ...... انشالله تصكرين وتبطلين عويناتج الا صايره

شهر وتكلمينا من لوندون ياحلوها وبهالوقت راح يكون الجو حلوووو

 

[caramella]

أفا عليج مروو عصفورتي أمينه بس ما توديج لندن سوري
لأن راعيتها لي الحين لايعه جبدها من لندن تبين اي مكان ثاني مو مشكله بس لندن لالالالالالاع و ألف لالالالالالالاع
عليه بالعافيه ولدج إنشالله يستانس لازم تصير هالسوالف مالت كروووت البنك :rgewrg: عاد الواحد هناك حده يطفر من هالسوالف
ريمان طماشه تعزمين الناس على حساب بيلا كااااااااااااااك
آنا بعد عزمينني بس في ربوع الكويت طلباتي بسيطه
ابي تحجزين لي شاليه عالبحر و وياي ناس اول مره اشوفهم بحياتي كله تضحك و عايشه على الله مابي ناس تنكد علي كلش ابي طول اليوم اضحك
ريمان على حساب منو هالمره يا ترى ؟؟

 

[mr000]

السلام اشلونكم..لا ريمان مابي هديه تذكره خلاص هونت..مادري مومتطمنه شكلج وايد :eh_s(14):أخاف توديني ورا الشمس..خلاص آنا بروح مشي:ada: الرياضه زينه..:rerrerek:..اشلون استعدادكم النفسي حق الدوام الأحد؟؟وإلا مو الأحد ؟؟تعالوا قولولي ترى آنا قطيت الورقه مو متذكره..عاد ولدي أول مايداوم عنده امتحان ساينس.. وليلحين مافتح الكتاب _03BA:قلتله من باجر خلاص يبطل لعب بلي ستيشن ويدرس يومين..لا إنتوا لاحظوا آنا اللي أقول إدرس يعني لو أسكت ممكن يروح المدرسه عادي وهو مو فاتح الكتاب:ggdw::ggdw:

 

[mr000]

خلاص كراميلا طلبج عندي..عندي شاليه أختي بالخيران آخذه منها ..وآنا ناس أول مره تشوفينهم بحياتج..خلاص أخذيني معاج:friends:

 

[miss_heathrow]

كراميل شلونج شخبارج ما يشوف شر وليدج .. ديري بالج عليه والله يعينج ان شاء الله

حبيتي مرو مشكوره وايد انتي اخت عزيزه وغاليه وتستاهلين
والله يخليلج عيالج يارب قلت ادش لج اهني افاجأج بوجودي


اختياري للمدرستين عاجبيني اثنينهم بس الرسوم مو مشكلتي
انا سجلتها بالخليج بالنهايه اطلبوا مني لازم حضور الاب وانا منفصله وبيما محاكم والاخ معاند ما سجل بنته لا حكومه ولا راضي ايي يوقع يسجلها خاص رفعت قضيه عليه بسحرام التسجيل بخلص

من جذي ابي مدرسه التسجيل يكون عادي بدون حضور الاب بس هالسنه على الاقل حرام تتاخر
على ما يطلع الحكم

على الرسوم انا باخذلي قرض شسوي ما ابي اتوهق بعدين بدفع رسوم اولى وثانيه روضه مع بعض

وعلى الابتدائي يصير خير ان شاء الله


وجان زين تفيدوني بنات على حضور الاب تكفون والله صار التسجيل كله فل




واللي عيالها مرضى هالاسبوع ما يشوفون شر انا بنتي من اخر غبار يانا مريظه سخونه وبلاعيم ومره تكرمون سهال مره امساك ما تاكل ولا شي خذيت اجازه اسبوع حقها وحقي والله يشافي كل عيالنا يا رب