اي سؤال بخصوص..النمسا- فرنسا-سويسرا-استراليا...انا حاضرة

[swarvoski^girl]

السلام عليكم

بما ان قرب الصيف وموسم السفر

حبيت افيد الحبايب اللي بالمنتدى...

اللي عندها اي استفسار عن النمسا- فرنسا-سويسرا-استراليا

تتفضل تسأل وانا انشالله راح اجاوبها....وخصوصا النمسا واستراليا انا تخصص فيهم


تحياتي لكم​

 

[لازورديه]

:balo:مراحب ياخيبرتنا بغيت اسال عن استراليا نوايه اسافرلها بالصيف ياليت تعطينا معلومات عنها

 

[swarvoski^girl]

حياج الله حبيبتي
استراليا وايد حلوة وممتعه

وتناسب الكبار والاطفال

واهم مناطقها اللي يتم السفر لها

1- سدني وانا احبها وايد...والناس ياخذون فيها 3 ايام فقط لكن انا برايي انها تحتاج 5 ايام...لان التمشي هناك عند الاوبرا والهاربر على البحر...عجييييييييييييييييييييييب بكل معنى الكلمة

2- قولد كوست والناس ياخذون فيها اقل شي اسبوع لان بحرها مو طبيعي فيها المدن الترفيهية الثلاث - دريم وورد-موفي وورد -السي وورد -وفي مدينة رابعة المدينة المائية بس احنا ما انروح لها لانها ما تناسب المحجبات كلها سباحة والعاب مائية.
والمدن اثلاث اللي ذكرتها بالاول عجيبة كل وحدة احلى من الثانية وكل وحده لها طابع معين وكبيرة جدا -تحتاج يوم كامل لزيارة كل مدينه لوحدها.

3- مالبورن: وانا صراحة على 3 زيارات لي لاستراليا ما صارت لي فرصة اني ازور مالبون...مدينة اثلج...وايقولون انها وايد حلوة


واي استفسار انا حاضرة
ذكرتيني بالتمشي في سدني على البحر ....قمة الروعة
اقول لكم قصة
في مرة من المرات قبل لا ايصير عندنا عيال -طبعا احنا اذا سافرنا ما انام سبحان الله ايينا نشاط مو طبيعي من الساعه 5 او 6 قايمين..خفاف ولا عندنا يهال اياخرونا ..قمنا انا مع زوجي نتمشه في شوارع سدني وكان الجو برد ومطر خفيف وبالطريج شفنا واحد يبيع شمسيات شرينا شمسية..الللللللللللله...وبعدها اتعرفون الطراروة اللي يعزفون كان في واحد يعزف موسيقى هادية مو طبيعية ويطق على عمود الانارة...اتخيلو معاي هالموسيقى والمطر والبراد والجو مغيم...........شي خيال:eh_s(2):


لا شيشتوني باجر بسافر....:016:
تحياتي لكم واب سؤال انا حاضرة ​

 

[ام مهاوش]

يعطيج العافيه شوارفسكيه بغيت اسألج عن النمسا وعن سالزبورغ بالتحديد اذا كنتي رايحتلها شنو الفندق اللي سكنتي فيه واي فندق تنصحيني فيه وشنو الاماكن اللي اقدر ازورها من هالمنطقه

 

[ღa7La TeaCHeRღ]

يعطيج الف عافية حبيبتي

بغيت اسالج شنو الحلو باسواق سيدني وتكون اسعاره مناسبة لانه اخوي يدرس هناك وودي اوصيه على اشياء تكون مميزة وغريبة .. وشلون اسعار الماركات الي هناك في فرق والا لا

 

[اللافندر79]

خوش موضوع زين سويتي تفيدينا وايد
انا بغيت اسأل عن سويسرا من طأطأ لي سلام وعليكم
من التذاكر سعرهم وين احسن مكان احجز وإذا في شقق هناك لأن بروح تقريبا شهرين انا وعيالي وشلون جوهم برد حيل ولا عادي عشان اضبط امور اليهال وشلون وسيلة التنقل وشنو عملتهم وجم بالدينار الكويتي وهل غاليه ولا عادي والاماكن اللي فيها
وصراحه اسئلتي وااايد وخاصة اني اول مره اسافر دول اجنبيه ابيج تقولييين كل اللي عندج وكل اللي تعرفينه لان رايحه معاي اليهال وودي اروح عارفه كل شي ولج مني جزيل الشكر وجزاج الله خير حبيبتي

 

[اللافندر79]

نسيت سؤال اي احلا النمسا ولا سويسرا من حيث الجو والاماكن الترفيهيه والمصرف وكل شي لان يمكن هالسفره سفرة العمر شوري علي وين اروح

 

[swarvoski^girl]

حلوووووووووووو

بدا التفاعل.....تعجبوني:rerrerek:
وبرد عليكم وحدة وحدة
------------------------------------------------

ام مهاوش رد: يعطيج العافيه شوارفسكيه بغيت اسألج عن النمسا وعن سالزبورغ بالتحديد اذا كنتي رايحتلها شنو الفندق اللي سكنتي فيه واي فندق تنصحيني فيه وشنو الاماكن اللي اقدر ازورها من هالمنطقه

هلا اختي..بخصوص سالزبورغ الفندق اللي سكنت فيه مرتين اسمه رينيسانس سازبورغ...وحاجزه فيه هالسنة بعد اذا كتب الله...وسالزبورغ فيها وايد اماكن منها :
1- المدينه القديمه
2- قلعة سالزبورغ
3- سوق المشاة
4- نهر السالزاك
5- حديقة الميرابل قاردن
6- حديقة وقصر هيلبرون للالعاب المائيه----------------------------------------------------------------
--ღa7La TeaCHeRღيعطيج الف عافية حبيبتي

بغيت اسالج شنو الحلو باسواق سيدني وتكون اسعاره مناسبة لانه اخوي يدرس هناك وودي اوصيه على اشياء تكون مميزة وغريبة .. وشلون اسعار الماركات الي هناك في فرق والا لا

حياج الله اختي
اللي يميز اسواق سدني ...اسواق منطقة تشمى الروك rock فيها اسواق حلوة واشياء مميزه جدا ...يتميزون بالطباعة على البلايز والقماش بطريقةوايد حلوة.
بالنسبة للماركات..انا مره شريت منهم بالطو سعره 30 دينار...بعده ب 6 سنين لقيته عند زارا ب 45 دينار!!!
اتصدقون والا لا؟؟ انا عندي كل مكان ارخص والماركات احسن عندهم.----------------------------------------------------------------------
missdior1979خوش موضوع زين سويتي تفيدينا وايد
انا بغيت اسأل عن سويسرا من طأطأ لي سلام وعليكم
من التذاكر سعرهم وين احسن مكان احجز وإذا في شقق هناك لأن بروح تقريبا شهرين انا وعيالي وشلون جوهم برد حيل ولا عادي عشان اضبط امور اليهال وشلون وسيلة التنقل وشنو عملتهم وجم بالدينار الكويتي وهل غاليه ولا عادي والاماكن اللي فيها
وصراحه اسئلتي وااايد وخاصة اني اول مره اسافر دول اجنبيه ابيج تقولييين كل اللي عندج وكل اللي تعرفينه لان رايحه معاي اليهال وودي اروح عارفه كل شي ولج مني جزيل الشكر وجزاج الله خير حبيبتي
نسيت سؤال اي احلا النمسا ولا سويسرا من حيث الجو والاماكن الترفيهيه والمصرف وكل شي لان يمكن هالسفره سفرة العمر شوري علي وين اروح

بالنسبة لسويسرا عندهم تذاكر شاملة عجيبه حق جميع المواصلات...في لمدة 20 يوم او اسبوعين ماني ذاكرة المدة بالضبط..اسمها pass saver بس اعتقد في كلمة قبل...سألي عنها الانفرميشن هناك واهما راح يعلمونج.
اوربا كلها غاليه...يعني اذا بتقزرونها مطاعم...راح اتكلفكم وايد لان المطاعم العربية هناك وايد غالية...عندي الطباخ بالبيت وايد احسن.
بالنسبة للشقق انا للاسف ما سكنت في شقق ولكن سكنت في فنادق--العمله اعتقد قريب النص دينار 400 وشي فلس ..
اختي انا سافرت مرة سويسرا بس النمسا 3 سنين اروحلها ورا بعض....عجيبة بكل معنى الكلمة طبيعتها مو صج..
كل شي فيها حلو...وبالنسبة حق اوربا غالية على العموم بالنسبة لدل العالم
واتمنى اني اكون افدتكم وتحياتي لكم​

 

[Loora]

السلام عليكم

بما ان قرب الصيف وموسم السفر

حبيت افيد الحبايب اللي بالمنتدى...

اللي عندها اي استفسار عن النمسا- فرنسا-سويسرا-استراليا

تتفضل تسأل وانا انشالله راح اجاوبها....وخصوصا النمسا واستراليا انا تخصص فيهم


تحياتي لكم​

أول شي مشكووووووووووووووره على هالمبااااادره الحلوه منج :e3:

والصراحه الموضوع جاي بوقته :rerrerek:


انا بسألج عن (( استراليا )) لان بهالقسم ماحصلت مواضيع واجد عن استراليا ,,,,, وفتحت موضوع اسأل فه

بس ما دام انك خبره ,,,, فأنتي مرجعنا ,,,,, لو نبي اس شي على طوووول بندش موضوعج

وانا ابي رايج بخطتي :

4 ليالي ---- سدني
10 ليالي ---- جولد كوست

هل المده كافيه ومناسبه ؟؟؟

وبعد بسألج عن السكن ؟؟؟؟ ابي بسدني فندق حلو بالهاربر ؟؟؟ وبجولد كوست شقق فندقه بالسيرفس بارادايس؟؟؟

وبعد سمعت عن شقق الشيفرون بجولد كوست شرايج فيها ؟؟؟؟ واهي بالسيرفس ولا بعيده ؟؟؟

سامحيني طولت عليج :eh_s(2):

ومشكووووووره مقدما :e3:

 

[swarvoski^girl]

حياج حبيبتي

بالنسبة لخطتج وايد ممتازه...بس ليش ما اتضيفون مالبورن...انا للاسف مارحت لها ومتحسفه اني مارحت.

بالنسبة للشقق في جولد كوست الشيفرون انا صراحة ما سكنت فيه ...بس وايد عرب يسكنون فيه وفيه غسالة ملابس بالدور نفسه وقريب من البحر بس مو الصفة الاولى...الصفة الثانية..

وعن فنادق سدني قوليلي جم ميزانيتج حق الليلة واقول لج وين تسكنين.

وحياج الله حبيبتي...اي خدمة انا حاضرة

 

[ام مهاوش]

مشكوره حبيبتي على الرد
يعني سالزبورغ زين عليها اربع ايام؟ هالفندق قريب من السنتر ولا لا جم ليلته؟
واشرايج بفندق كراون بلازا ذا بيتر؟ مفكره احجز فيه

 

[swarvoski^girl]

رينيسنس مو بالسنتر..بس مو بعيد والله يعافي وسائل المواصلات هناك...بس وايد حلو ونظيف...ومجددين اللوبي الحين.

وليلته اتحصلينها فبوكنج 58 دينار

كراون بلازا صراحة ما ادري عنه

وبعد نسيت شي عن سالزبورغ اجرو سيارة وروحو البحيرات الثلاث ... وقرية استجلجن...هالرحلة وايد عجيبة وتحتاج يوم كامل...وفي بالطريج الزحلاقية الصيفية

تحياتي لج

 

[ام محمد وسيف]

مرحبا اختي


بغيت اسال شو الاحلى لوزيرن او زيورخ

 

[swarvoski^girl]

هلا حبيبتي

انا لوزيرن ما رحتلها بس ايقولون عنها حلوه...رحت لوزان بس وسخة وما اعجبتني

زيورخ مدينة حلوة وكبيرة

بس تدرون انا عندي النمسا انظف من سويسرا...سويسرا مخلوطة وايد..وكلها امهجرين..وبصراحة احسهم حاقدين على الخليجيين...والعرب بالعموم..شعبه نفسيته خايسه اشوي

بس النمسا شعبها وايد خدوم ولا ايطالعون اذا شافو عرب والا مسلمين متحجبين..

وحياكم الله

 

[ام مهاوش]

رينيسنس مو بالسنتر..بس مو بعيد والله يعافي وسائل المواصلات هناك...بس وايد حلو ونظيف...ومجددين اللوبي الحين.

وليلته اتحصلينها فبوكنج 58 دينار

كراون بلازا صراحة ما ادري عنه

وبعد نسيت شي عن سالزبورغ اجرو سيارة وروحو البحيرات الثلاث ... وقرية استجلجن...هالرحلة وايد عجيبة وتحتاج يوم كامل...وفي بالطريج الزحلاقية الصيفية

تحياتي لج

مشكوره حبيبتي على الرد انتي متى حاجزه انا بروح اذا الله اراد 20\7 حياج بتجمعنا دامج بتسافرين النمسا

 

[swarvoski^girl]

شلونج اختي اسفه على الازعاج بما انج عندج خبره في اوربا بغيت اسال عن باريس ابي اسكن فيها وين تنصحيني وابي اروح انترلاكن بالقطار من باريس ابي اعرف جم مدة المسافه وجم قيمة التذكرة وتنصحيني اقص التذاكر من وين ودي بعد اسالج عن احلى المحلات للجنط والملابس في باريس وتكون اسعارها معقوله ودي باشياء غريبه واسفه اسفه على الازعاج وعلى القرقه

حياج الله حبيبتي

انا في باريس سكنت في اللاديفنس...في شقق فندقية اسمها بشوف شنو اسمها وراح اقول لج...بس منطقة اللاديفنس مو بعيدة وايد عن السنتر ومنطقة وايد حلوة وعجيبة...انصح كل واحد رايح باريس لازم يروح لها...اهو شارع كله عمارات عجيبة غريبة...وفيها اشكال فنية حق فنانين...وايد حلو المكان ما اقدر اوصفة وفي مجمعات هناك بعد...وفي قوس يشابه قوس النصر ويصعدون له الناس..

من باريس الى انترلكن 6 ساعات و 25 دقيقة بالسيارة
km628

التذاكر انا نصحت الاخت اللي قبل بتداكر ينقال لها swiss pass saver وتصير حجز حق اسبوع او 14 يوم او 21 يوم...وكل مدة لها سعر...وهي تكون حق جميع المواصات داخل سويسرا فقط..

الاسواق طبعا شارع الشانزليزيه في كل شي ,,,وعندج اللاديفنس فيه مجمعات حلوة

وتحياتي لج اختي

 

[swarvoski^girl]

مشكوره حبيبتي على الرد انتي متى حاجزه انا بروح اذا الله اراد 20\7 حياج بتجمعنا دامج بتسافرين النمسا

هلا حبيبتي

ما سويت شي يا لبي

انا انشالله رحلتي 31-7 اول شي بقعد بميونخ 4 ايام وبعدين 20 يوم بالنمسا

انتو وين تجمعكم؟؟

 

[^^ام ميمي^^]

مرحبا يعطيج العافيه ياقلبي


انا باذن الله بروح النمسا (( زيلامسي و سالزبورغ )) ابي احلا الاسواق الحلوه واللي تسوى الروحة لها ؟؟


ابي اسالج عن الشقق الفندقية بالنمسا سواءا سالزبورغ او زيلامسي ؟؟ الشرط تكون بالسنتر

 

[ام مهاوش]

http://q8yat.net/showthread.php?t=600085
حياج هذا تجمعنا
اها يعني بتقعدين برمضان هناك ياعيني
الوقت اللي بتكونين فيه بميونخ انا راح اكون موجوده اي فندق بتسكنين

 

[swarvoski^girl]

مرحبا يعطيج العافيه ياقلبي


انا باذن الله بروح النمسا (( زيلامسي و سالزبورغ )) ابي احلا الاسواق الحلوه واللي تسوى الروحة لها ؟؟


ابي اسالج عن الشقق الفندقية بالنمسا سواءا سالزبورغ او زيلامسي ؟؟ الشرط تكون بالسنتر

هلا والله حبيبتي
حياج الله معانا في ربوع اوربا :ceaf32e183:

ببالنسبة حق الشقق الفندقيه في سالزبورغ ما اتحصلين...قليلة جدا الشقق هناك وانا عاجبتني شقه وايد عجيبه بس للاسف محجوزة بالصيف كله .وبسكن في رينيسانس...متعودة اسكن فيه وايد حلو ونظيف

وزلمسي...انا انشالله بسكن بكابرون قريبن من زلمسي 7 دقايق بالسياره او 10 دقايق..
وهذا رابط الشقق www.kaprun-wohnen.at
بصراحة اول مرة اسكن فيه بس شكلها وايد نظيف

ولاسواق...في كل مكان بصراحة انا اسافر للطبيعة...ومو شي اساسي عندي السوق بس اخر خمس ايام للتسوق

ب انشالله بنزل لكم الاسواق ...قريب


حبيبتي ام مهاوش

انا غلطت بالتاريخ

انا بروح بتاريخ 13-7 وانشالله نفس ماقلتلج روحتي على ميونخ...وانا متعودة اسكن بهيلتون سيتي...بس ودي اغيره,,,وعاجبتني سقق سيتيدينا...بس غالية للاسف....وبشوف ما ادري