.... [ من تجرأ من قطف هالياسمين ] ....

[cute princess]

حدي تعبانه ماقدر اكتب الحين غصب مفتحه عيوني
بنام ساعه عالاقل واصحصح واكتب بارت بضمير :$ لانه الحين ماكو ولا كلمه تنقال بمخي لوووول
ورفيجتي بعد ما قصرت قالتلي سالفة اخس من سالفة بدر وضاق خلقي بالطريج وانا راده شوي وابجي
شكلي بنزلها قصه عقب هذي لانه حده عوار قلب والله بس ماعتقد تبون قلبكم يعوركم انتو بعد لوووووووول
او يمكن ادخلها مع هالقصه بعد
انا من التعب قمت اخربط لوووول خل انام بعدين افكر افكاري هالحزه حدهم مو شي
برب بنام :$

 

[alatrojja]

^^^^

نوووم العااااافيه كيوت

ننطرج يا حلوه

 

[couisn but twin]

:eh_s(16)::eh_s(16)::eh_s(16): :eh_s(16): أخييييييييييييييييييييييييييييييييييييييييييييييييييييييييييييييييييييييييييه يااااااااااااااااااااااااااااااااااااااااقلبي هالبارت خلاني أنطق غصب عني الشعر يبجي صج مايشتغل طلعته من مكان ثاني سمعته وانا اقرا اخيييه عجيييييييييب الشعر يبجي وااااايد حلووو البارت الله يسامحج يا ياسمين كسرتي قلب بدر من وين بتلاقين مثله ذهبه مايتعوض :eh_s(16):



يعطيييييييييج العافيه حبيبتي كيوت عالقصه الروعه انا متابعتج بصمت بس من القهر رديت :eh_s(16):

ناطرين البارت ياحلوه :eh_s(9):

 

[Zozαĺiиaђ]

noom el 3awafii :*

e5thyy ra7tich

waiting ...

 

[أم@الحلوين]

كيوت متى البارت الياي؟؟

 

[كويتية و النعم]

نووم العواافي كيووت =)

 

[طماطه وبطاطه]

لا لا كتبيه قصه بروح بس نطري عقب ما اخلص امتحانات على نص شهر 5

نوم العوافي .. ناطرينج :>

 

[cute princess]

^^^^

نوووم العااااافيه كيوت

ننطرج يا حلوه

الله يعافيج :$

:eh_s(16)::eh_s(16)::eh_s(16): :eh_s(16): أخييييييييييييييييييييييييييييييييييييييييييييييييييييييييييييييييييييييييييه يااااااااااااااااااااااااااااااااااااااااقلبي هالبارت خلاني أنطق غصب عني الشعر يبجي صج مايشتغل طلعته من مكان ثاني سمعته وانا اقرا اخيييه عجيييييييييب الشعر يبجي وااااايد حلووو البارت الله يسامحج يا ياسمين كسرتي قلب بدر من وين بتلاقين مثله ذهبه مايتعوض :eh_s(16):



يعطيييييييييج العافيه حبيبتي كيوت عالقصه الروعه انا متابعتج بصمت بس من القهر رديت :eh_s(16):

ناطرين البارت ياحلوه :eh_s(9):

يعني لازم اغثج بكل بارت عشان تردين عالقصه ؟
خلاص ولا يهمج ما طلبتي شي :$

noom el 3awafii :*

e5thyy ra7tich

waiting ...

الله يعافيج :$

كيوت متى البارت الياي؟؟

عالساعه 8 او 9 تلقونه :$

نووم العواافي كيووت =)

الله يعافيج :$

لا لا كتبيه قصه بروح بس نطري عقب ما اخلص امتحانات على نص شهر 5

نوم العوافي .. ناطرينج :>

لوووووووووووووووووول
مادري افكر بعدين

 

[almynoona]

لا بدر حراااااام
ليش يااياسمين ليش
حرام عليج
ناطرينج حبي​

 

[♥ الــزيــن ♥]

ناطرينج حياتي

 

[cute princess]

لا بدر حراااااام
ليش يااياسمين ليش
حرام عليج
ناطرينج حبي​

يكسر الخاطر حبيبي

ناطرينج حياتي

كا قاعده اكتب :$ كتبت صفحه وسطر :$ قاعده ايمع افكاري لووول

 

[couisn but twin]

يعني لازم اغثج بكل بارت عشان تردين عالقصه ؟
خلاص ولا يهمج ما طلبتي شي :$



:eh_s(16): ليش تعصبين علي انا شسويت :eh_s(16):

خلاص ولايهمج مره ثانيه ارد عليج بكل بارت بس لاتزفيني :eh_s(2):

 

[cute princess]

:eh_s(16): ليش تعصبين علي انا شسويت :eh_s(16):

خلاص ولايهمج مره ثانيه ارد عليج بكل بارت بس لاتزفيني :eh_s(2):

ما زفيتج كنت اسال واستفسر :$ يعني لازم البارت يصير حزين عشان تردين ؟ لوووول
انا مو قايله كلمة ناطرين ماراح تعضج
صيري مثل سو وات ... كاتبتلي بس امممممم
لووووووووووووووووول

 

[noof>>]

يسلمووووو ع البارت

 

[UNiQe^PRiNceSs]

اي والله عوار قلب

لازم تكتبيينها

يلا ناطرييينج​

 

[DALLY]

القصيده والقصه لووووول

بس ياسميييييين حرتني نو كومنت

 

[cute princess]

يسلمووووو ع البارت

يسلمج :$

اي والله عوار قلب

لازم تكتبيينها

يلا ناطرييينج​

قاعده افكر اكتبها قصه بروح ولا ادخلها اهني لوووول

القصيده والقصه لووووول

بس ياسميييييين حرتني نو كومنت

لووووووول اوكي :$
عادي حاره الكل اهيه :$

 

[3rbawia 7lwa]

انا دخت متى البارت ؟؟؟

 

[cute princess]

انا دخت متى البارت ؟؟؟

كا بس باقي اخر صفحه

 

[cute princess]

البارت التاسع




بغرفة ياسمين ... ياسمين قاعده عالفراش ومخليه خلود يلعب قاعده تطالعه...
دشت عليها ساره
ساره : صباح الخير
ياسمين : صباح النور ... رايحه دوامج ؟
ساره : ايي ... الحين خلاص تطلقتي ؟
ياسمين : اممم
ساره : ماكو امل تغيرين رايج ؟
ياسمين : لا ... وادري شقاعده تفكرين فيه... لا تقولين حق عمر اني تطلقت
ساره : دام ما تبينه يدري شحقه تطلقتي ؟
ياسمين : لاني بس مو قادره اعيش بهالوضع ... عايشه مع بدر وعقلي وقلبي طول الوقت مع عمر ... حاولت اتغير حاولت اصير زينه مع بدر .. حاولت اعيش حياتي طبيعيه ... بس لما شفت عمر كل شي تغير ... ردتلي كل المشاعر الي كنت احاول اجذب على نفسي واقول انها مو موجوده !
ساره : ومستانسه جذي الصبي بعيد عن ابوه ؟
ياسمين : ابوه بياخذه كل ويك اند وقالي اذا في شي له شغل بخلود دقو عليي
ساره : مادري كيفج على راحتج ... يلا انا طالعه
ياسمين : الله معاج ...





طلعت ياسمين من العده ... وبدر كان كل اسبوع ياخذ خلود مع خدامته ويردهم بعدين بدون لا ينزل يسلم او حتى يكلم ياسمين ... اهل بدر طبعا انقطعت علاقتهم فيها ولا يدقون عليها واهيه مافكرت تدق عليهم خايفه من ردة فعلهم.... يعني انقطعت علاقتها باهل بدر كلهم وكل شي له شغل فيه ..




ياسمين كانت طول وقتها بغرفتها ما تطلع ... ماتطلع الا اذا كانت تبي تشتري شي حق خالد ... وطبعا لانها ما تشتغل فـ ما عندها فلوس تشتري فيهم اغراض حقه الا من مصروفه الي بدر قاعد ينزله بحسابها ... وما كانت ترضى تاخذ شي من اهلها عشان ما تحس انها ثقيله عليهم الحين اكثر من قبل لا تتزوج ....

بعد اسبوعين ...
ياسمين قاعده بغرفتها .... يتلها امها
ام ياسمين : يما ياسمين ... لبسي ونزلي
ياسمين : ليش منو عندنا ؟
ام ياسمين : ناس يبون يشوفونج
ياسمين : يشوفوني شنو يعني ؟ بيخطبوني ؟
ام ياسمين : اي ... يلا قومي لا تطولين
ياسمين : يدرون اني مطلقه وعندي ولد ؟
ام ياسمين : اي يما يدرون ... يلا فشله قاعدين بروحهم
ياسمين : الحين اقوم ..



طلعت ام ياسمين .. ياسمين لبست نفنوف بسيط وعدلت شعرها وحطت كحل وقلوس ونزلت... اهيه ما كانت حاطه ابالها تبي تتزوج بس لانه الناس تحت وامها نادتها عشان جذي قررت تنزل ...
طلت من الدريشه تبي تشوف السياره ...
شافت سياره عمر .... وقفت جدام الدريشه تتاكد ... تاكدت انها سيارته ... طاحت عالارض ريولها مو شايلتها .. قامت ترجف.... قعدت خمس دقايق متنحه وترجف ..... لما هدت شوي نزلت تحت ....
شافت ... عمر ......




ياسمين : الـ سـلام عليـ كم
ام ياسمين : تعالي يماا قعدي اشفيج مخترعه اسمالله عليج
اخت عمر ( نوره ) : شكلها مستحيه
ياسمين كانت عينها على عمر ماقدرت تشيلها عنه مو مصدقه انه جدامها ....
قعدو ام ياسمين ونوره وعمر يسولفون ويتحجون وياسمين متنحه بس تطالع عمر ...
ياسمين كانت ليلحين مو مستوعبه شي ... استاذنت وقامت راحت فوق بسرعه....



دشت غرفة ساره....
ساره : باسم الله ! اشفيج
ياسمين : عمر .... عمر اهني
ساره : ادري انه اهني
ياسمين : مو قلتلج لا تقوليله تطلقت ؟ ليش قلتيله ؟
ساره : ياسمين عمر كان يدق عليي تقريبا كل يومين او ثلاث وكل مره يسمع صوت خلود ماقدرت اجذب عليه اكثر من جذي ... وحلفني اقوله الصج
ياسمين : اهوه ياي يخطبني ؟
ساره : اي ياسمين اشفيج منصدمه ؟
ياسمين : مادري ... خلود ؟
ساره : خلود ولدج وبيظل معاج اشفيج خايفه ؟
ياسمين : مادري ... بروح غرفتي ..
ساره : اوكي
راحت ياسمين غرفتها بسرعه وقعدت تفكر بالموضوع ... ما توقعت هالشي يصير ....
يت امها ...
ام ياسمين : ها ياسمين ... شرايج فيهم ؟
ياسمين : مادري يمه مادري ... افكر وارد عليج
ام ياسمين : ترا مركزه وايد زين ... واهمه عايله معروفه بعد وماعليهم قاصر ... يعني بيعيشج عيشة احسن من الي كنتي عايشتها ...
ياسمين : مادري يما خليني افكر
ام ياسمين : خلاص على راحتج ...
طلعت ام ياسمين وصكت الباب ...




دق تلفون ياسمين .. كان رقم غريب .... ردت بسرعه وجنه قلبها حاس ....
عمر : اقدر اقولج مرتي ولا تو الناس ؟
ياسمين : هه حبيبي ... بغيت تفضحني تحت... جذي تيي بدون ما تقولي
عمر : كنت ابيها مفاجأة ... بس انتي ويهج كان مو صج هههه
ياسمين : بذبح ساره ... ولا يابتلي طاري عن اي شي !
عمر : انا قايلها ... ياسمين ليش ما قلتيلي انج تطلقتي ؟
ياسمين : ما كان له داعي اقول ... انا ما تطلقت منه عشان اردلك
عمر : يعني تدرين انج حتى لما تتطلقين بيي اخذج ... وهم ماهتميتي تقوليلي ؟
ياسمين : عمووور ... احبك .. بس عندي ولد لازم افكر فيه ... انا تطلقت من بدر لاني مابي اظلمه وياي .... بس ما تطلقت عشان اييلك
عمر : والحين ؟ بترضين نتزوج ؟
ياسمين : وخلود ؟
عمر : ياسمين ولدج بعيوني ... اهوه صج مو ولدي بس كافي انج امه ..
ياسمين : عمور اخاف اظلمه بهالزواج
عمر : ياسمين ؟ ماكو ثقه فيني ؟ قلتلج بعيوني
ياسمين : خلاص اوكي
عمر : اوكي بتصيرين مرتي ؟
ياسمين : ههههه اي
عمر : تبين عرس ؟
ياسمين : عمر اشفييييك تو الناس ترا
عمر : قولي يلا عشان يمدينا نجهز ... تبين عرس ؟
ياسمين : لا مابي مو لازم ... كافي اني بصير معاك
عمر : خلاص ولا يهمج ... متى بتقولين حق اهلج انج موافقه ؟
ياسمين : ههههههه عمررررر ! اشفيك انته
عمر : ابيج عندي اشفيج ! مو مصدق انج بتصيرين مرتي !!
ياسمين : خلاص باجر اقول حق امي ...
عمر : اوكي ... اطلب منج طلب ؟
ياسمين : شنو ؟
عمر : ابي انام وانتي عالخط اليوم
ياسمين : امممممم لا ماكو
عمر : ليش ؟
ياسمين : عشان تشتاقلي اكثر
عمر : اكثر من جذي ؟ حرام عليج !!!!!!!
ياسمين : ههههه احسن عشان تتادب ... عشان ماتروح وتخليني مره ثانيه
عمر : تحسسيني هادج بكيفي !
ياسمين : ههه اطفرك !
عمر : ماحب هالغشمره ... تغشمري بكل شي الا هالموضوع ..
ياسمين : انشالله ولا يهمك ... ممكن تروح الحين ؟
عمر : اروح وين ؟
ياسمين : يلا بس ... مابي اكلمك لي العرس
عمر : سووووووومه حرام عليج !
ياسمين : ههه تدري ولهت عالنك نيم الغبي الي معطيني اياه
عمر ؟ سومه ؟ ليش حلو مو غبي
ياسمين : مادري يضحكني ... عمر وين امك ؟ ليش ما يت ؟
عمر : ما تبي تيي
ياسمين : ليش ؟
عمر : لانج مطلقه
ياسمين : وشلون انته ياي تخطبني واهيه مو راضيه ؟
عمر : المهم انا الي ابيج ... مالي شغل فيها
ياسمين : بس عمر اخاف تسويلنا مشاكل بعدين
عمر : ما عليج .. ماكو الا كل خير
ياسمين : امي ما سالت عن امك ؟
عمر : امبله بس قلتلها انها تعبانه واختي يت بدالها
ياسمين : اختك راضيه ؟
عمر : ساحلتها عشان تيي
ياسمين : يعني اهلك ما يبوني صح ؟
عمر : مو مكفيج انا ابيج ؟
ياسمين : امبله بس ...
عمر : لا بس ولا شي ... لا تطلعين اعذار
ياسمين : خلاص اوكي




ثاني يوم ياسمين قالت حق امها انها راضيه وبسرعه ملجو وصار كل شي ....

ملجو وخلصو طبعا عمر كان (بروحه) ويا خذا ياسمين من بيتهم وراح بيت اهله ...
دشو داخل لقو امه واخته وخالته موجودين ....
ياسمين وعمر : السلام عليكم
ام عمر : شرفت ويبت المسعده معاك ؟
عمر : يما !
ام عمر : ويعه لا تقولي يما ... روح طس غرفتك انته وياها !
ياسمين طالعت عمر وما تحجت ردت التفتت على امه وخالته ... لقتهم كلهم يطالعونها بنظرات انه مو عاجبتهم ...
مسكها عمر : امشي امشي... وين الخدم خل يشيلون الجناط ؟
ام عمر : هذول خدمي انا ... مالك شغل فيهم ... شيل جناطك انت والي معاك
عمر : امشي فوق ...
ياسمين صعدت مع عمر فوق وما قالت شي ودشو الغرفه ...
ياسمين : عمر احنا بنسكن اهني ؟
عمر : اي ليش ؟
ياسمين : مو نطلع بيت بروحنا احسن ؟
عمر : ليش نطلع ؟ البيت شكبره
ياسمين : اي بس عندك خير ونقدر عالاقل ناجرلنا شقه او تشوفلنا بيت صغير باي مكان
عمر : ماله داعي .. البيت كبير واونسلج في احد بدال قعدة البيت بروحج
ياسمين : بس اهمه مبين مو بالعيني ...
عمر : ياسمين ! لا تبدين بالنكد عاد !!!!!!!!



​