اعتبريني أختج ؟!

[بنوته شي]

/



/




السلام عليكم ورحمة الله وبركاته .. .


أسمي بشاير واي وحده تقرا موضوعي تعتبريني أختها ،ولاتطلع الا ترد علي بليز
لان هذا يعتبر أهم موضوع بحياتي

أنا عمري حاليا 26 سنه ، تزوجت وتطلقت وصارلي مطلقه سنه كامله
تطلقت على سبب والله العظيم ماكان عشان سمنتي

بس الناس عقب طلاقي قالوا خلاها لانه تعب من سمنتها
وانتم تعرفون كلام الناس وفي مجتمع كويتي شلون صاير


طولي 161
ووزني 138

ادري فبله بس ورب البيت من يومني مراهقه للحين
وانا مسويه دايت وتعبت من حبوب التخسيس والاعشاب


انا بجر أمي وامي تفكيرها على قده
وخوفها علينا هو الشي الوحيد اللي يخلينا ندري انها أمنا
لانه بزياده


توظفت قبل فتره ومعاي وحده بالدوام
كانت اكبر مني الحين لما توقف يمي كأنها بنتي
وكل مااشوفها اتشجع واقول لازم اسوي بروحي شي

راح عمري وانا ناطره رجيم يسنعني
وماكو فايده


وكل مااجيب طاري العمليات حق أمي تقولي راح تموتين بالعمليه
وساعتها دوري لج عذر اتقولينه حق ربج


فااخاف واسكت

ولاني مدرسه ومخططه على راتب العطله هذي
اذا جزمت وقررت اسوي عمليه واقنعتوني

تكفين عديني اختج
انا نادرا ماافتح قلبي حق احد وتعرفون هالزمن
مافي صداقه الا من رحم ربي


1- قولولي اسوي عمليه والا لأ ؟ ودي استانس بعمري
بس خايفه من العمليه ؟


2- اذا بسوي اي عمليه تصلح لي ؟ واشمعنى


بليز انا انطركم ياخواتي


/



/​

 

[Snow angel]

حبيبتي ايش العمليه اللي بتسوينها..؟؟؟!!!!

تحوير معده ولا تصغير ولا ايش..؟؟؟؟

 

[بنوته شي]

حبيبتي ايش العمليه اللي بتسوينها..؟؟؟!!!!

تحوير معده ولا تصغير ولا ايش..؟؟؟؟

ياقلبي ماادري

ماعندي فكره بالعمليات

انا اسئلكم شنو الشي المناسب لي من وجهه نظركم وخبرتكم​

 

[نمله معصبه]

ياحياتي انتي والله ماأأيد العمليات الكبيره وخصوصا الشفط والشد ..انتي جربتي حبوب ردكتيل؟
اذا فيج فيج سوي تحويل مسار الظاهر اسمها .. في واحد اعرفه يقولون لوتشوفينه اللحين ماتعرفينه صار ضعيف واهو قبل وزنه اكبر من وزنج..
يارب بهاليوم الفضيل تضعف اختي بشاير وهي بصحه وعافيه وتفرحها بجسمها ياااارب..

 

[حياة زوجي]

مرحبا حبيبتى وانا بكون اختج انشاء الله
انا بكلمج عن تجربتى
كان وزنى 127 والحين وزنى 74
وسويت عمليه تحويل مسار وباقي لى شهر وكمل سنه من سويت العمليه
والحمدالله قمت البس كل اللى خاطرى فيه من السوق
من ناحيه كلام امج العمليات خطره هذاك اول كانت تجارب
لكن الحين الحمدالله رب العالمين دكاترتنا اكثرهم عندهم خبره وشاطرين بالعمليات
والدليل الناس طوابير على العمليات الجراحه بالمستشفيات الحكومه ودورج ما راح يكون الا بعد سنه
واذا قررتى شوفى لج دكتور له سمعته وخبرته بالعمليات
وتقومين بالاسلامه انشاء الله وتبشرينا وتكتبين يومياتج اهنى​

 

[غير كل الناس]

حطي حلقه دام الرجيم سنين مانفع بس اسئلي عن مضاعفاتها ويارب تضعفين بصحه وعافيه

 

[ديناا كوليكشن]

روحى دكتور حسين دشتى شوفى شنويقولج

خوش دكتور

 

[MeMe]

والله ماعندي فكررره
اب
اب

 

[دنيا ورديه]

بعد عمري والله شوفي حبيبتي انا بساعدج روحي مستشفى رويال حياة عند الدكتور سامي الصانع سعودي الجنسيه
وقعدي معاه وستشيريه صدقيني ماراح تندمين كلش انا ابي مصلحتج والله لأن اختي سوت عنده قص طولي للمعده وكاهي اسم الله عليها صارة ضعيييفه وحيل مستانسه الله يتمم عليها ويحفظها وبنات عمي سوو عملية تحويل مسار وهم طايرين من الفرحه بالنتيجه واعتقد قيمة العمليه 3,200
انتي روحي المستشفى ولازم تشوفين الدكتور عشان ترتاحين وتفهمين انتي شنو تحتاجين ونوع العمليه
وعلى فكره ترى العمليتين حيييل سهلين ومافي تعب كلش وربي يشهد انا شفت اختي وبنات عمي بعيوني لأن هذا الدكتور حييل فاهم

وربي حابة اساعدج من كل قلبي ماراح تتحسفين صدقيني
وعلى فكره اختي صار لها 4 اشهر من سوت العمليه نازله اكثر من 25 كيلو

ادعيلي يا قلبي انا باجر عملية خشمي
واذا تبين اي شي انا حاضره بوصي اختي تكلم لج الدكنور اذا تبين هم اقول لج ماراح تندميين :eh_s(15):

 

[خفوق المشاعر]

تشوفين برنامج الرابح الاكبر وتشوفين اوزانهم شلوون وعقب البرنامج شلون ضعفوا وهم اجانب والطب متقدم عندهم ولا سووا عمليات
انتي موظفه يعني عندج راتب اشتركي في دايت سنتر مال الوجبات وسوي رياضه وامشي كل يوم لمده ساعه صحيح انه يبي له وقت
يمكن سنه تقريبا بس الافضل ان تنزلين وزنج في سنه بطريقه صحيه ويكون لجسم وقت زين للنزول
مو مثل العمليه اللي ينزل وزنج مرره وحده وهات ياترهل وهات يافيتامينات تاخذينهم طول العمر شاللي حادج
السالفه يبي لها ارااااااده التزمي وتشوفين النتيجه

 

[حصووونه]

وزنج كبير حيل وان سويتي العمليه بيطيح نص وزنج وتعالي رقعي الترهلات بتوصل للركبه وتعالي سوي شد وانتي توج بنت ماحملتي وماتقدرين تشدين اللحين نصحيتي لج ريجيم عند دكتور+رياضه +اعشاب+حبوب مساعده للتخسيس+كريمات+اشتراك نادي +رياضه والاهم من هذا كله ارااااااااااااااااااااااااااااااااااااااااااده
والله يقويني ويقويج بالصحه والعافيه يارب
انا ميته على هالعمليات للتخسيس بس يوم اقرا تجارب البنات عقب ماينزلون 25 و28 كيلو شلون يتوهقون بالجلد والترهلات والعمليات من جديد اقول لا ميخالف اتحمل شوي والله يرزقنا الاراده اللهم امين يارب ونضعف كلنا بصحه وعافيه

 

[الدلال]

ماكو غير الدكتور يقدر يرد على اسألتج ويشوف شنو يناسبج

وبعدها استخيري وتوكلي على الله

 

[baby johnson]

حيااااااااتي انتي
شووفي اعرف بنت وزنها كاان 131 ومومتزوجه وعمرها 22
سوت تحويل معده
شهر 3 2009
الحييييييين صاارت 78 توني سائلتها عن وزنها
لااله الا الله
وحيااااااااتها حيل حيل حيل تغيرررررررررت
وعلى فكره ماصاار فيها ترهلالالات وايد مو ماكو خير شر لالا في بس شووي
لانها من عقب العمليه ب4 اشهررررررر
دشت نادي لمدة سنننه وليلحين مستمره فيه يوميا
تلعب ريااضه يوميا لمدة ساعتين ونصصص وماشاءالله كااااااهي ردتلها الثقه
نصيحتي روحي استشيري دكتوووووور موسى خورشيد او باسل السميط يمدحونه وهم اللي برويال حياة
وان شاءالله خيرررررر حبيبتي وتضعفيييييييييييييين
ونصيحه لاتسكتين على روحج بس كاااااافي 26 سنه ضاعوا من عمرج حياتي
اذا ماتبين تسوين عمليه وخايفه
روحي حق دكتور حسين دشتي يهببببببببببببل
ورجيمه يهببببببل مع نادي تضعفين باذن الله
احساس حلو لما تضعفين 30 كيلو بالبدايه وتدشين خانه الرقمييين وتردلج الثقه وتصدمين النااااااااس فيج
والله يوفقج يارب

 

[قلبين وسهم]

عسى الله يعطيج على قد نيتج حبيبتي ويسعدج ربي

ان شاء الله البنات ماقصرو بعرض خبراتهم وعسى ربي ييسر امرج

بالتوفيـــــــــج

​

 

[مظلومه ياناس]

استخيري واستخيري وماخاب من استخار رب العالمين وسوي عملية تحويل المسار ........ سويها دام انج ماجبتي عيال ولاعندج التزامات
انا سويتها وولدي عمره 3 سنين وبنتي 5 شهور ... يعني كانوا بحاجه لي بس الله يعلم اني سويتها علشانهم علشان اقدر اشيلهم والمهم واحضنهم واطلع اتمشى معاهم ...والحمد لله الحمدلله ربي كريم وحققلي كل اللي ابيه وصارلي الحين 8شهور مسويتها وكل يوم احمد ربي واشكره اني سويتها
اختي لاتستشيرين اي احد ولا تاخذين براي اي احد الا رب العالمين استخيري استخيري والخيره فيما اختاره الله وتوكلي على اللي عينه ماتنام وسويها و :flower:

 

[دنيا فانيه]

السلام عليكم -حبيبتى لا تهدين عمرج جذى دام هذا حالج اول شى استحيرى رب العالمين ثانيا لازم امج ترضا لان رشا الوالدين عباده وعشان اتوفقين كلميها بالكلام العدل راح ترضا باذن الله شوفى حبيبتى انا وزرنى اعلى من وزنج بس سويت عمليه السليف الى اهى تصغير المعده لان والدتى ماكانت راضه اسوى تحويل مسار لخطورتها بالمستقبل سويتها عند الدكتور هيثم الخياط بدار الشفا انا انصحج فيه روحى له وشوفى شراح يقولج دام الرجيم مانفع ويا مالج الا الله ثم العمليه وتكلفتها 2800 ولا فيها لاقص ولا لزق مثل التحويل بس يبيلج ارداه شويه وممارسة رياضه وبعون الله ترتاحين من السمنه والله يعينى ويعينج لان انا هذا مرض الى احنا فيه والحمدلله على كل حال والله كريم

 

[!الجادل الصعب!]

1 ,, انا برايي انج تحتاجين للعمليه ..

2 ,, قبل كل شي اختاري دكتورج بعنايه على حسب الخبره ولا تدورين الرخص على حساب صحتج ..

3 ,, استخيري قبل كل شي

4 ,, اذا سويتيها بالسلامه حافظي على نتايجها بالرياضه عشان ما تترهلين ..

وموفقه يا قلبي وعقبال ما تبشرينا بالعمليه الناجحه ان شالله

 

[ام عفاف الكويت]

لاتهدين نفسج والله اعتبريني اختج
الريجيم مثل حالتج متعب حيل
وانصحج بتحويل مسار
بس روحي لدكتور يقرر حالتج والله
لاتسكتين وايد اعرفهم شخصيا عدوا 6 اشهر بتحويل مسار
وعندي شخص من 2005
الصحه والعافيه اهم شي

 

[بنفســـــج]

ماقصروا الاخوات بالرد

وانتي اختي الصغيرة وانا عن نفسي خليت اختي الصغيرة تسوي تحويل مسار وأمي خليتها تسوي سليف

انا سويت تحويل مسار من 3 سنوات والحمد لله عشت حياتي ويريت سويتها قبل 15 سنة وعشت صح

قرري وتوكلي على الله واستخيريوعيشي حيااااااتج

 

[english muffin]

مرحبا حبيبتي
انا ااااايدج تسوين عملية وانتي مغمضة
هذاك اول العمليات كانت تخوف الحين الحمدلله امااان اهم شي تختارين دكتور زين
انا سويت تحوير معدة من سنة وشهرين نازلة تقريبا 50 كيلو

والعملية تره كلللللللللللللللش سهلة اصلا ماتحسين انه شاقين معدتج

ودخلي هني جوفي الصور حق تتشجعين


http://www.q8yat.net/showthread.php?t=473256