اشلون تحافظين على نعومة ملمس الفوط؟؟

[الروح المتوهجة]

السلام عليكم و رحمة الله و بركاته

اشلونكم كويتيات عساكم بخير

حبيباتي محتاجة شوركم و مساعدتكم

عندي فوط جديدة و ناعمة زبدة ... بس لما غسلتهم و حطيت داوني ملطف الاقمشة ماصارو ناعمين !!!

لو تشوفونهم تخترعون تقولون مستخدمتهم مليون مره .. صايرين وايد خشنين والخيوط خشنه و واقفه


ابي شوركم شسوي واشلون افضل طريقة لتنظيف الفوط و المحافظة على نعومة الفوط


مشكورين حبيباتي ماتقصرون :bye22:

 

[عهود الحب]

فيهم للحين صابون
ما تسبعوا عدل
او نوعيتهم موزينة مو اصليه

 

[عهود الحب]

فيهم للحين صابون
ما تسبعوا عدل
او نوعيتهم موزينة مو اصليه

 

[choclatecho]

انا انقعهم في كومرت ربع ساعه تقريبا بعدين ارد اغسلهم ممممممم ناعمين بس صج مو مثل يوم شريتهم

 

[الروح المتوهجة]

ما تنقعو عدل !! فطنتيني

بجرب المره اليايه انقعهم عدل عدل عدل و عقب انقعهم بالكومفورت ... مشكورة يالغالية

 

[الروح المتوهجة]

شوكليت صح انا بعد اهتم فيهم وانقعهم بس مايردون مثل قبل .. لازم نلقى حل حسافه على فطونا غالية مو رخيصه

 

[toto2006]

اكو شي يبيعونه عند الغانم مثل كور ب 6 دنانير تحطينهم بالغساله يقولون يردون نعومه الفوط و يخلون ريشهم ناعم

 

[عبق البنفسج]

شسم هالكور أختي ..
وبنات من وين تشترون فوطكم .. أبي شي حلووو متين مو بوطقة

 

[جبنة بيضة]

نفشها بالنشافة اذا شريتها تصير خشنة

 

[&& دعاء &&]

كمفووووورت يخلي ملمسهم ناعم

وشكرا

 

[قطوه ورديه]

انا بعد حسافه على الفوط صارووو شوي يابسين

 

[foshia girl]

اب

اب

 

[الروح المتوهجة]

اكو شي يبيعونه عند الغانم مثل كور ب 6 دنانير تحطينهم بالغساله يقولون يردون نعومه الفوط و يخلون ريشهم ناعم

خوش معلومة ... بس غالي 6 دنانير اشدعوه !!!

نفشها بالنشافة اذا شريتها تصير خشنة

صج؟ انا دايم انشفهم على الحبل ماجربت النشافه .. اخاف النشافه تخربهم و خيوطهم تطلع و يختربون .. بس بجرب النشافه ان شاء الله مشكورة على المعلومة حبيبتي

شسم هالكور أختي ..
وبنات من وين تشترون فوطكم .. أبي شي حلووو متين مو بوطقة

انا اشتري فوطي من كذا مكان ... صفاة الغانم , دبنهامز , و اخر مره شريت من ستي سنتر وطلعو لا بأس فيهم للاستعمال اليومي

 

[الفراشة_البيضاء]

حبوبه لازم تغسلينهم بصابون سائل مو بودر
وبعدين الملطف كومفرت او داوني
وماي بارد مو حار
وخلي الغساله على الدوران السريع يعني لاتفرينهم بالغساله مده طويله

اتمنى اكون أفدتج

 

[ماما فطوم]

حطي كومفورت وجففيهم بالنشافة اذا عندج يصيرون ناعمين بس العيب بالنشافة انها تشفط ريحة الكومفورت الحلوة اللي بالفوط

وراح تشمين ريحته بالبيت كله جنج حاطه فواحة عطور 0

 

[روح عاشقها]

وانا بعد نفس الحالة
والله اتحسف عالفوط اشلون يصيرون خشنين

 

[أماني الورد]

رفع

 

[لي لي الحلوة]

يا حليلكم كل شئ تسون لة قصة

كلها فوطة
انا فوطتي صار لها اكثر من سنة

قطن مية بالمية ومتينة

ولا اختربت ولا تنتفت ولا تيبست

شريتها من محاميد خيطان

واغسلها بالغسالة بالصابون البودرة تايد باور

وبعدها اغسلها بالماي وتكسر ظهري من ثقلها

واحطها بالنشاف

وانشرها بالمنشره وابخرها

ناعمة ونظيفة والاروع ريحة البخور بعد التنشيف لازم ابخرها

 

[sara3]

استخدمى ورق كومفرت او داونى بالنشافة ورق مو السائل

 

[الجفول&]

مشكله الفوط اذا غسلتها توبر