DallY ReferencE

[DALLY]

الله يعطيج العافيه داالي

شوفي انا لمن احط الفونديشن عارفه انه طريقتي غلط لانه يبهت !!

انا ماحط برايمر .. فشنو تنصحيني فيه

ابي المكياج يكون بفتره طويله فرش

ماشالله في بنات تشوفينهم جنها توها حاطته

انا يبهتتتتتت بسمالله ومرات نصه بروح ماجني حاطه ويطلع شكله غلط

يعافيج ربي حبوبه

ابسط طريقه وماتاخذ وقت

غسول مع ماي طبعا-تونر بقطنه-برايمر(اذا للصبح يفضل برايمر بواقي شمس او واقي شمس فوقه برايمر)-الكونسيلر للبقع الداكنه وتحت العين-فاونديشن-بودره

((أهمية البرايمر هي ان يكون واقي للبشره من الفاونديشن والكونسيلر بشكل مباشر وفوق هذا يقوي لون الفاونديشن ويثبته وبعضهم يكون فيهم نسبة وقايه من الشمس واغلبهم يكون برايمر ومرطب ف وقت واحد وبعضهم يجمعون بين هالثلاث برايمر بلون ومرطب وحمايه ومن اسمه Primer معناتها يمهد لمرحلة الفاونديشن اما الفرق بينه وبين الBase مو حيل اللهم المعنى خصوصا ان يكون قاعده اساسيه للفاونديشن))


هذي صور لأفضل برايمر استخدمتهم وعشان ماتقولين ماكو شي مدحتيه


1-High Definition Primer(Make Up For Ever

بألوان متعدده ومع هذا لو تحطينه لونه يميل عالشفاف يوحد لون البشره مع البقع


2-Cargo Blu-Ray High Definition Mattifier

تلقينه ف سيفورا
فيه نسبة لون بسيطه حلو ومطفي عالبشره Matt* وهم فيه نسبة ترطيب وفيه فيتامينات ومواد مضاده للاكسده يرمم البشره يخفف من توسع المسامات وهم يخفف من الخطوط وهو تقريبا مناسب لجميع انواع البشره مو شرط الدهنيه ويحافظ عليها ملمسه ناعم حييييل


3-Stila Illuminating Tinted Moisturize SPF15

حاليا سولد اوت ف سيفورا وانا تحديدا طلبته من النت
ميزته مرطب بالدرجه الاولى وفيه نسبة حمايه من الشمس15 وهم يعطي اضاءه يقلل عيوب البشره يحتوي على زيت اللوز الحلو يعني حييييل صحي

ومن اليوم ورايح لابد من البرايمر:sfg:

 

[DALLY]

ههههههههه عز النفس يغنيني والله على بالي تدرين اني قطريه

والنعم بحالج وعلى راسي كويت واهلها

تسلمين عالمتابعه الطيبه عسوله

 

[DALLY]

Krkooora

انتي اللي نايس ياقلبي

الله يعافيج

لووول والله توقعت نصكم تدرون اني قطريه....

 

[DALLY]

كلج نظر حلو غمازه

ذكرتيني اول ماعرفت شي اسمه نت كان نكي دايما نعومه لوووول

اللي يهمني تستفيدون

واشوا فكرة الفيديو عجبتكم

عساني مااقصر معاكم ولج اللي طلبتي حبي s00n ان شاء الله مااقدر اردج ويللا عقبال ماتصيرين بروفيشنال ونصير نستفيد منج ومن افكارج....نورتي:nbvppw:

 

[najla86]

عجيب بصراحه شغلج


رووووووووعه رووووووووووووووووووووووووووووووووووووووووووعه

احب ابنات اللي يعطون من قلب

 

[DALLY]

Najla86

وانا احب مرورج الأررروع ياعجيبه....

 

[أسيرة_أحزاني]

ياحياتي فديتج دالي

احطه قبل المرطب ولا اهوا نفسه فيه مرطب ؟

وتنصحيني بغسول شنووو وتونر شنو @@ انا اول مره اسمع فيهم لوول

 

[غمـــ ^^ ـــازه]

فديتج دالي على ايدج بصير بروفيشنال

ونااطرتج حياتى

بس عندى سؤال اذا ممكن فديتج

انا الصبح ماحط فاونديشن احط بس بودره عادى احط البرايمر تحت بودره ولا لازم فاونديشن

لانى استخدم فاونديشن استى لودر ووايد ثقيل حق الصبح علشان جذى ماحط فاونديشن

 

[DALLY]

هلا اسوره

حبي بعضهم فيهم نسبة ترطيب كبيره وبعضهم بسيطه

يكفيج تمررين قطنه فيها تونر على ويهج

وطريقة تهيأتي للبشره ناقشتها بأول Step

http://www.q8yat.net/showthread.php?t=576879

وبعدها اذا بتحطين ميك اب حطي مرطب او برايمر المهم يكون اكوا حاجز بين البشره والفاونديشن اللي هو البرايمر

(التونر اللي جربتهم-لوريال فرنسي ف اغلب الجمعيات-فيجي بريطاني ف صيدلية بوتس-حاليا مستقره على شيسيدو فرنسي)اهم شي اختاري اللي يناسب بشرتج...

 

[DALLY]

بعد قلبي غمازه

اخذي راحتج

حبي بوضح شغله مهمه حييييل اذا الصبح المرطب لازم تكون فيه نسبة حمايه

افضل تسخدمين واقي شمس لان هو اساسا يغنيج عن المرطب والبرايمر يعني البرايمر لاتحطينه الا لما بتحطين بعده الفاونديشن

البرايمر اساسا مهيأ للفاونديشن والكونسيلر

اكوا Sun Block بلون يعني يكون فاونديشن ف وقت واحد جربيهم احسن عشان لو بتحطين البودره يطلع شغلج تمام

وانا معاج استلودر ثقيل للصبح بس الحلو ان في نسبة حمايه يعني لو ماراح تحطين واقي شمس لازم الفاونديشن والبودره تكون فيهم نسبة حمايه

انا استخدم واقي بوديرما فرنسي بفاونديشن تلقينه ف الصيدليات واحط فوقه بودره حمايته 100 وفوقه اي بودره فيها حمايه
هم استخدم مرات للصبح فاونديشن لوريال فرنسي حلوووو خفيف تحصلينه ف بوتس وسنتر بوينت وغيرهم حمايته 15 وفوقه بودرته حمايتها هم 15
وحاليا فاونديشن غيرلان فرنسي هم حبيته تحديدا البيرل وايتيننغ خفيف يبيض ويرطب وفاونديشن ف وقت واحد وفوقه بودرته ميزته فيه حمايه15 والبودره35

حيــاج...

 

[foshia girl]

تعالي فوشيا وين صور ميك ابج اللي تطالعينه ويطالعج خووووو طولتي وللحين مانزلتي موضوع عنه!!!!

انشالله ياقلبي انتي تآمرين بس ,,,, لي موضوع انشالله قاعده اجهزه ,,, وراح تكونين اول من يعلم ,,,

فديت ذوقج ,,,

 

[foshia girl]

يلا دالي ,,,, ياقلبي ناطرينج

واب

اب


لأحلى عيوووووون ,,,

فديتج متابعتج وبكل قووووه ,,,,

 

[DALLY]

فوشيا انطر موضوعج على احر من الجمر



وكلج ذووووق عالآب الحلو منج ياحلوه

 

[Rurii]

.
.

وصلت صـ 11
انشالله بعدين اكمل ..

عندي سـؤال ..

ابي شي احطه مع الميك اب او اي شي يعطي ويهي لمعه ..
بس مو قلتر و هالسوالف .. ابيه جنه لمعه طبيعيه شتنصحينيي انا شوي و يهي جاف ..

وباليت النو ميك اب على قولتكم من اي تاجر بـ Ebay شريتي ؟
ممكن تحطين اللينك ..

و مشكوووره..
وانشاالله بعدين اكمل باقي الستيبس و الصفحات ..

 

[DALLY]

Rurii

نورتي بعد عمـــري ويعطيــج العافيه


تبين لمعه طبيعيه ومثل لمعة الماي تقريبا وغير انها تطلع حلوه عالبشره الدهنيه

جربي

1-High Beam (Benefit

من بينيفت حلو حطيه على بشرتج وهي فيها الاساس او ممكن عالبودره بس بالطبطبه

2-Diamond Cream Make Up For Ever

من ميك اب فور ايفر اكوا منه عدة الوان بس انا عندي هذا مايل عالزهري رقم 2 هم طريقته نفس طريقة الاول

باليت النو ميك اب ف هاللينك بتحصلينه

http://cgi.ebay.com/New-28-Piece-Ey...emQQptZLH_DefaultDomain_0?hash=item3ca7efa730

والعفو حبي حيــاج

 

[إخ ـتلاء روح]

مشكوووووووووووووووووووووووووووووووووووووووووووووووووووووره

 

[عز النفس يغنيني]

مرحبااا دالي .. شلونج حبيبتي عسااااج بخير ..

باليت النو ميك أب حولت السعر من الدولار الى الدينار .. طلع لي على دينار بسسسسسسسسس معقووووووووووله ؟؟

يعني انتي شاريته بالقطري 18 ريال ؟؟

وجديد ولا مستعمل ؟؟

 

[غمـــ ^^ ـــازه]

يسلمووووووووووو دالي فديتج وصلت المعلومه :**

ناطرينج واب لعيونج

 

[DALLY]

اختلاء روح

العفوووووو هلا والله

 

[DALLY]

مرحبااا دالي .. شلونج حبيبتي عسااااج بخير ..

باليت النو ميك أب حولت السعر من الدولار الى الدينار .. طلع لي على دينار بسسسسسسسسس معقووووووووووله ؟؟

يعني انتي شاريته بالقطري 18 ريال ؟؟

وجديد ولا مستعمل ؟؟

هلا حبوبه

حمدلله تمام شلونج انتي؟؟؟؟

منو قال دينار واحد لا حبوبه طلع 3دنانير
بالريال القطري 42


اي معقوله لان ميد ان جاينا وتدرين بالصين اكوا جوده وبسعر رخيص


وطبعا يديد ....