احتاج النصيحة من اهل الخبرة،،،

[7oorq8]

السلام عليكم

بنات انا بدش بمشكلتي غلى طووول،

انا حاسة ان شخصيتي مع زوجي مو ذاك الزود، يعني وايد خفيفة،،

بس انا ابي اعدل صورتي وأبني شخصيتي جدامه، وماني عارفة شلون؟؟؟

ودي اصير مثل بعض البنات اللي ما شاء الله ثقل ورزانة بس ماني عارفة شلوون؟؟؟
أبي نصايحكم الحلوة؟؟

وبصراحة أنا يتني فترة واايد واايد امدح فيه بزود لمن شاف نفسه علي حييل وصدق عمره وانا كنت ابالغ، وألحين متحسفة شسوي؟؟؟؟​

 

[عبير الشرق 19]

لا تحاولين تغيرين طبعج بس خففي المدح شوي وحولي تعطين كل شي حقه بدون مبالغه
وتقبلي مروري

 

[(m & m)]

تبين الصج اول شي حلو ان الوحده تكون شخصيتها مرحه مع زوجها هني لما تغيب زوجها يفتقدها مو معناته ان اهي خفيفه

ودائما دائما دائما الريال يحب يحس انه اهو الاذكى و القوامه بيده هالشعور مفيد للرجال يحس ان اهو مسيطر على اسرته فانتي لو

مهما تسوين ما راح تقدرين توصلين لثقل زوجج اما مسالة المدح فهالشي ايجابي خليه يحس ان اهو طيب خليه يحس انه حلو في نظرج

حتى لو ربعه ضغطوه و تضايق من شي خليه يلجالج خليج مصدر الطاقه الايجابيه في حياته عطيه الشعور بالرضا عشان اهو بدوره

يكون لج خير معين خليه ينغر شوي مافيها شي بس شوي مو وايد

اذا حسيتي ان اهو قام يغير معاملته معاج و يستصغرج وايد هني انتي غيري من نفسج

انا ما اقولج لا تضحكين ولا تستانسين ولا تتغشمرين لان الابتسامتج و ابتسامج زوجج اهي دليل السعاده الزوجيه

هالشغله حطيها ببالج يمكن اهو يكون متضايق من شي و شاف نفسه بالله الرياييل منو يتحملهم غير حريمهم لا تغيرين اسلوبج

الا بعد تفكير عميق تحياتو

 

[كويتية و لكن]

حبيبتي الرزانة والثقل انتي تصنعينهم اذا فرطتي فيهم لسبب

الرجل يحب الزوجة الثقيلة بس ماهو في كل الاوقات

حبيبتي خلي كلامك قليل اذا هو تكلم والكلام منك خل يكون علي قد الموضوع وكلام راقي ومعتدل ماهم ساذج

حبيبتي الموضوع اذا تعرفينة تكلمي فيه واللي ما تعرفينه قولي اسفة ما اعرفه اخاف افتي ويطلع غلط علشان يعرف انك ما تتكلمين كثير وبغير معني

وبعد خلي كلامك حلو وفي مديح بأصول علي قد اللي يسويه لا يكون مبالغ فية ويتغر عليك

ولازم تكون عندك ثقة بنفسك وانك ما تتدخليم باللي مالك فيه ولاتردين الا علي سؤاله اذا كان يتكلم يعني لا تقاطيعنه

حاولي تقرين كتب عن الاتكيت واصول الكلام بين الزوجين

وخل عندك معلومات عامة علشان يحب كلامك لان بيكون مفيد ويسعد فيه

والله يوفقك

 

[shaikhat elbnat]

شي حلو انج حسيتي انه لازم اتغيرين طريقتج حبيبتي
غيري هالشي تدريجي علشان ما يحس انه في شي تغير
يعني مثلا .. اذا كشخ بيطلع .. فلينفرض انج عادة اتقولينله ( واي يا حلوك او اشهالحلاة او احلى واحد شفته او او او ) قولي نص الكلام الي كنتي اتقولينه له اول
يعني لا تقطعين فجأه

ومرات محيه وايد نفس اول
مره شدي و مره رخي
بس مو على طووووول مدح ولا على طوووول كلام حب ..ترى بعدين يصير الكلام عادي ماله طعم و لا تأثير

 

[7oorq8]

مشكورين حبايبي،،

بس أنا بصراحة صايرة وايد وايد حساسة وأزعل بسرعة،، أنا أقل شي يزعلني،،

 

[ام بديير]

حبيبتي خفي شوي بمدحج له ,., حلو ان الوحده تمدح ريلها وتحسسه بهالاحساس بس مو واااايد وتوصلينه لي السما ,., وخففي شوي شوي لا تصنعين وتبينين له انج بتغييرين عشان ما تتعبين خلج طبيعيه ,., ومو على اقل شي تزعلين ترى الرياييل يملون بسرعه ,., الشي اللي تحسين ان يستاهل انج تزعلين عليه زعلي ,., بس مو على اي شي ,., الله يهينج ..

 

[الشامريه]

مو لازم كل شي تقولينه خلج ساكته مثلا..............

خلي في غموض بحياتج.................


حاولي مو كل شي تضحكين عليه.................


سوي روحج ماتنتبهين له في بعض الاحيان...............

 

[مشموشته]

مو لازم كل شي تقولينه خلج ساكته مثلا..............

خلي في غموض بحياتج.................


حاولي مو كل شي تضحكين عليه.................


سوي روحج ماتنتبهين له في بعض الاحيان...............

معاج اختي ... و زيدي عليها لا تنهالين عليه مسجات و اساله و اهاو طالع ... يعني طلع يتابع شي او يروح مكان باخر الليل يعني تقريبا خلص مشوارة دزي مسج بارد ( منو فاز بالمباراه ؟) بس عشان يحس انج تهتمين لميوله

امممم خففي الكلام المعسول ( حبيبي - حياتي - عمري - قلبي - ... )

والله يوفقج انشاء الله:bye22:

 

[LA TROO7]

((لاتكن لينا فتعصر ولايابسا فتكسر))

خليها شعار لحياتج

 

[دانه الريم]

السلام عليكم

بنات انا بدش بمشكلتي غلى طووول،

انا حاسة ان شخصيتي مع زوجي مو ذاك الزود، يعني وايد خفيفة،،

بس انا ابي اعدل صورتي وأبني شخصيتي جدامه، وماني عارفة شلون؟؟؟

ودي اصير مثل بعض البنات اللي ما شاء الله ثقل ورزانة بس ماني عارفة شلوون؟؟؟
أبي نصايحكم الحلوة؟؟

وبصراحة أنا يتني فترة واايد واايد امدح فيه بزود لمن شاف نفسه علي حييل وصدق عمره وانا كنت ابالغ، وألحين متحسفة شسوي؟؟؟؟​

قلبي ترى مرات الرزانه تنراد ومرات الخفه تنراد
يعنى انتى كوني كالطفله بالعلب معاة والضحك
وكوني مثل امه بالثقل والتحكم بسوالفك معاة انتى
صيري له صديقه وعاشقه مثل المسلسلات بلغزل والكلام الحلو
البسي تسنعي تمايعي قدامه قولي له قلبي امانه مو حلوة انا
مو احلى منج قلبي حتى لو رد عليج انا احلى مثلا على كلامج
انتى سوى روحج زعلتى يعني مو حلوة انا
ومرات ترى الريال يفرح من مرته تمدحه
ترى والله يكبر راسه انه مرته تغليه وتحبه​