تجمع أولياء أمور مدرسة التكامل(صباح السالم)للعام الدراسي2009-2010

[Miss_Tiger79]

مناره
ما تشوفون شر انشالله

 

[manarah]

ام حسون وفطومه ونواره ومس تايقر الشرر ما اييكم انشالله

 

[ام حسون وفطومه]

حبيت اسال قبل الاجازة راح يسون بعد حفله ؟؟؟

 

[كويتيه ذربه]

مناره
ماتشوفين شر
وماتشوف شر البنوته
ديري بالج صرت خبيره عيون بنتي 3 مرات بنفس العين ديري بالج عدل لان العين تصير حساسه بعدين
والحين لازم كل يوم تودينها يحطون لها الدوا ويفحصونها
الله يعينج ويعينها ان شاءالله
لازم انا وياج كل يوم اول ناس نروح المدرسه واخر ناس نطلع تعودنا
بنتي مادري لي متى بارده بكل شي

 

[كويتيه ذربه]

بسالكم اللي عندهم بنات
تلبسونهم شورت حق المدرسه
انا بنتي ما تلبس النفنوف ولا التنوره حاطينهم بس جذي بالكبت
ماتحب الا البنطلون ومن امس حنه الا تبي شورت
مادري شايفه احد بتقلد

 

[كويتيه ذربه]

رفيج حمني ولدي من ايام قريد 1 يحبه وايد

صج
عاد ماشاءالله هو جريء تلقينه يمشي ويكلم اليهال
وعشتوا صاير محرم حق بنتي يراقيها تكلم منو ويي يفتن بعد

 

[ام حسون وفطومه]

بسالكم اللي عندهم بنات
تلبسونهم شورت حق المدرسه
انا بنتي ما تلبس النفنوف ولا التنوره حاطينهم بس جذي بالكبت
ماتحب الا البنطلون ومن امس حنه الا تبي شورت
مادري شايفه احد بتقلد

عادي حبيبتي لبسيها اناا بنتي تلبس عاد انا خابره ان البنات يحبون التنانير والنفانيف

 

[كويتيه ذربه]

ام حسون انا بنتي ماتحب النفانيف كلش

 

[رفرف]

شلونكم امهات ؟؟؟

ذربة انا مالبسها شورت لأنها اصلا تحب التنانير وبالبرد البسها بنطلون بس اشوف بنات بصفها يلبسون شورتات فعادي ..




بنات انا مكتئبة صج صج مكتئبة .. بفضفض شوي
احس ان بنتي كبرت وانا اشتقيت .. ومرات احس اني ربيتها غلط .. تربيتها واااايد مثالية لدرجة ان الكل يستقوي عليها وحساسة وااايد تعورقلبي .. وما تعرف تاخذ حقها
واهي عندها مشكلة شوي اتاتئ .. ومرات تزيد ومرات تروح كللش بس عموما اهيه تروح وترد .. بالانجلش ما اتأتئء بالمرة ولا بالقرآن مادري اشمعنى بس لما تسولف بالعربي .. وحاولت اعالجها وخذت كورس عند معالج نفسي وماكو فايدة نفس الشي تروح وترد يعني انا مو مهملة الموضوع وعموما المشكلة وراثية ..
اليوم تقولي ماما كللل اللي بصفي يعيبون علي علشان انا لما اتكلم أقول أأأأأ .. وتتكلم وعيونها تدمع ..
اقولها شنو رديتي عليهم ؟؟ تقول ما قلت شي انا قمت ما اتكلم علشان ما يضحكون علي ..
لدرجة ان حتى خدامتي عورها قلبها عليها وهي تتحجى قامت تقولها خل يولوووون ..
انا طبعا زدت ثقتها بنفسها وشجعتها بس المشكلة لما ابني واحس ان كل شي ينهدم لما تحتك بالناس اللي بره ..

بس انا واااايد قلبي عورني لأن مو بالمدرسة بس اهيه بكل مكان تواجه هالمشكلة واليهال ما يعرفون مو مثل الكبار يراعون شعورها .. وياتها فترة قامت ما تتكلم وصارت انطوائية وكله تخاف يعيبون عليها والحمدلله حلينا هالمشكلة الحين تتكلم وبطلاقة واسلوبها وايد قوي بالكلام واكبر من عمرها وحتى بالمدرسة مو مأثر عليها بس الحين مع طنازة اليهال اخاف الموضوع يأثر على نفسيتها اكثر

 

[manarah]

شلونكم امهات ؟؟؟

بس المشكلة لما ابني واحس ان كل شي ينهدم لما تحتك بالناس اللي بره ..

والله هذا اللي يعور القلب .. يعني اعيالنا نربيهم باسلوب معين وامجابلينهم 24 ساعه وامعلمينهم شنو الصح وشنو الغلط وهذا يصير وهذا ما يصير واخرتها يحتكون بيهال بالمدرسه يغيرون افكارهم والا ياخذون منهم سلوكيات يديده وانتي ما تبينها بس شنسوي ما باليد حيله واهم الحين صغار مقدور عليهم باجر لي كبروا انشالله اهني عاد تبدي المعاناه عدل ..الله يعينا .

وبعد عمري والله صبويه كسرت خاطري وصج اليهال ما يعروفون بيعيبون وبس .. بس سبحان الله اشلون التأتأه بس بالعربي يمكن لان الماده صعبه بالنسبه لهم يعني الحين اهم توهم يتعلمون الاحرف عدل والمدود فصار الاعتماد عليهم بانهم يقرون فيمكن عشان جذي التأتاه لانها مو متمكنه ليلحين بس انتي خليج معاها وزيدي من الحجي الحلو والتشجيع وبينيلها انها تعرف تفول كل شي وتقرا عدل وقوليلها انتي شاطره والابله تقول عنج شاطره فما عليج من اليهال .

 

[رفرف]

مناره ..

مشكورة على الرد بعد عمري ..
التأتأة مو بمادة العربي .. لا لما تتكلم عربي او تسولف اتاتئ .. لما تتكلم انجلش ماكو شي .. لما تقرا قرآن بعد ماكو شي .. بس لما تسولف بالعربي
انا علمتها شلون ترد بس احس نفسيتها متأثرة ليلحين

 

[ام حسون وفطومه]

صباح الخير منارة ورفرف
اي والله حرام ان عيالنا جذي قتعدين يتغيرون انا عبالي بننتي بس طلع حتى عيالكم والله بنتي تيي تسولف معاي وتقولي اشياء وااايد اكبر من عمره وهذا بصوب والسب بصوب اول كانت تقول بس حمار حق اخوها عزكم الله الحيم مصطلحات وكل يوم ازفها وقايلتلها اذا سمعت مرة ثانية راح تتعاقبين

 

[manarah]

رفرف انتي ما عندج غير انج اتقوين ثقتها بنفسها وتخلينها تتكلم وايد معاج ومع غيرج من الكبار والله يعين يارب .

ام حسون وفطومه بعد ويامالج بتشوفين انا بصف ولدي اللي بقريد 1 كل يوم والثاني امهاوشه واحد من اليهال ومو شرط ان يكون غلطان مع ولدي لا بس من اشوف واحد يسب الثاني تلقيني امسكه واقوله عييييب تقول جذي وانصح حتى يتروالي اليهال اكرهوني ههههه بس البنات يحبوني يشكون عندي .. وانا ولدي الحمدلله سريع التعلم حق هالاشياء يعني عندنا تطبيق مباشر بالبيت ولازم تردين وتقولين نفس الحجي من اول ويديد لا تقول جذي ما يصير .

 

[Miss_Tiger79]

كيتيه ذربه
بالعكس انا اشف ان حق المدرسه احسن الشرت حق البنت

رفرف
تدرين انا عندي عيال اخوي نفس بنتج
العود يتأتت مسكين الي انتي تقولين عنه الكلمه والله يكسر خاطري حبيبي وعمره الحين 15 اسمالله عليه
واخوانه مافيهم تأتأه بس ليش عايشين معاه فقام جم واحد فيهم يتأتأ مع انها ما كانت وراثيه
بس الحمدلله ما أثرت عليه ... لان والله لما يسولف مسكين يبيله مده على ما يخلص

انا اقولج شي....
قولي حق بنتج
انتي عندج التأتأه وترى كل واحد بالدنيا عنده شي غير عن الناس
بس انتي قويه ومو التأتأه الي تخليج ما تتكلمين واخر شي اهمه ينجحون ويصيرون شطار وانتي قاعده
يعني حسسيها انها اذا خلت هالشي مشكله كبيره ابالها ماراح تصير ناجحه (ترى ماني قادره اعبر بالكتابه ) ...

ولا تحطين ابالج انج ربيتيها غلط كلش بالعكس ترى مو شرط اذا ربيتيها على شخصيه قويه بتصير شخصيتها قويه هذي سبحان الله تصير بالفطره

 

[رفرف]

ام حسون وفطومة ..
اهيه اذا ع السلوكيات تهون تعلمين عيالج الصح من الغلط وخلاص بس احس من بنتي بدت تحتك بالعالم الخارجي وانا نفسيتي متازمة


تايقر ..
لا بالعكس حبيبتي عندها ثقة بنفسها وتسولف مع الكل يعني مو مأثر عليها ولا اهي اللي تحسينها انطوائية وبالبيت محححد يكمل لها كلمة او يبين لها ان عندها مشكلة وانا وريتها شخصيات ناجحة من اهلها عندهم نفس المشكلة وقلت لها هالشي يخليج مميزة لأن كل واحد يختلف عن الثاني بنبرة صوته وطريقة كلامه وانتي هاذي طريقة كلامج .. وهي تشوف ناس من اهلها عندهم نفس المشكلة لأن قلتلج وراثية وهي مقتنعة ومو شايفتها مشكلة بس تعرفين الشعور الخايس لما اييج الياهل يسولفلج وهو تحسينه منكسر ودمعته بعينه يعور قلللللبج ..

 

[كويتيه ذربه]

اشلووونكم
رفرف قبل كل شي واخيراااااااااااااااااا شفتج

رفرف
اقولج شغله احنا من كثر مانخاف على عيالنا وااااايد نحاتيهم احس ماعطيناهم الثقه وااايد
اقولج سالفه ولدي مع اني ماحب اتذكرها
انا ولدي بما ان البجر واول حفيد بالعايله كنت ابيه يكون دايما الاحسن
نفس الشي كنت اخاف عيله لدرجه كنت امنعه يلعب مع احد وخليته انطوائي بشكل مو طبيعي

كنت اخاف عليه بشكل ماتتصورينه
دخلته الحضانه وغيرتها وبعدها دخلته التكامل كان ماشاءالله يي البيت فاهم كل شي ويتكلم ويكتب ويقرا
بس يروح المدرسه يصير واحد ثاني مايكلم احد وانطوائي مايشارك تخيلي ينطق من اليهال مايتكلم يقعد بروحه بزاويه حتى مايبجي
وكل يوم طالبتي المديره كانت ايامها مس نورما الله يسامحها بدال ماتشجعه عقدته زياده
تخيلي كانت تفصله عقاب عليه عشان يتكلم
عبالها بتشجعه كنت اروح له المدرسه القاه قاعد بالاداره من الصبح ومو مدخلته الصف
وااايد تاثرت وريلي اكثر كل يوم نكلمها
اخر شي مارضت تعيد قيده قالت مستواه مايساعد قلت لها المشكله ان عندي يفهم كل شي
حاولت ادخله مدرسه ثانيه حسيت ولدي كره الدراسه
ناس تقول لي اكيد بطيء التعلم وناس تقول يمكن مايستوعب
حولته حكومه دخل لي رابعه ابتدائي وماشاءالله مافيه شي ومعدله وايد زين
والحين هو بخامس يدرس بروحه وكل المدرسات يحبونه وكل يوم يي ومعاه هديه وحتى المدرسات اذا شافوني يمدحون فيه وباخلاقه
اكتشفت ان كره مدرسته وطلع مافيه شي
بس بنتي لمن ييت اسجلها ابوها قال اي مدرسه الا التكامل بس تدرين البنت غير دلوعه ابوها مارفض لها طلب وهو مرتاح لها وهيا بالمدرسه
وللحين ولدي اذا مريت اخذ بنتي مايحب حتى ينزل وياي المدرسه
واذا نزل كله يعلق ويذم بالمدرسه وبنتي تدافع

عشان جذي رفرف
عطيها الثقه وقوليلها مالج شغل باحد خليها تتكلم عادي ولاتخاف حتى لو غلطت ولا تاتات قوليلها عادي مع الايام تتعدل

 

[رفرف]

ذربة ..
اي والله السااااعة المباركة اللي شفناج بس ماعليه على السريع وبنتي بتنحاش بالشارع
مشكلة لما المدرسة اللي المفروض يكونون تربويين ما يعرفون يعالجون المشكلة !!
كان عندنا وحدة بمدرستنا بأولى ابتدائي ما تتكلم ولا تبتسم ولا تمد ايدها تمسك القلم ولا تطلع كتاب من الجنطة ولااااا شي .. اهيه والكرسي واحد .. عاد انا مادرسهم بس تكسر خاطري لأن الكل مستقوي عليها يطقونها ويدرون ماراح تسوي شي فكنت وايد اهتم فيها لما اكون عندهم احتياط او بالفرص لما اشوف البنات يطقونها عاد ماقولج تكلمت بس قامت تبتسم ولما العب البنات بر بحر تلعب معاي ولما البنات يقولون لها تحبين ابله رفرف ؟ تهز راسها يعني اي حتى امها ما صدقت بس باقي الابلات يا يزفونها علبو بيخلصون المنهج يا يهملونها جنها طاولة او كرسي عورت قلبي عادت السنة ونقلوها من المدرسة بسبب اهمال مدرساتها ..

بس انا بنتي مابي اعطيها امل ان التأتاة بتروح لأنها بكل اسف ماراح تروح
بس صاجة على قولتج من كثر خوفنا عليهم مو معطينهم الثقة الحين انا بس اشجعها وهي متجاوبة الحمدلله بس انا اللي قلبي معورني أحس ان الغلطة غلطتي انا ..

 

[كويتيه ذربه]

هلا والله رفرف
والله الساعه المباركه
كنت اخاف اقول لج انتي رفرف تقولين نعم؟؟ وتطلع وحده ثانيه تقول شنو رفرف

رفرف الله كريم يمكن تروح ماتدرين
او يبيلها مدرس يعطيها مخارج الحروف بس
لاتستبعدين بما انها تتكلم انجليزي عادي والقران عادي ان شاءالله مافي شي
ويروح
واذا على قولتج وراثه ان شاءالله تتقبل الموضوع عادي
الله يعينا على مايكبرون للحين مسئولياتهم ماكبرت احس بنشيب منهم
ايامنا كبرنا ولا احد راعى مشاعرنا وماشاءالله الحين احنا بنربي اجيال

 

[ام _خلودي]

بس انا بنتي مابي اعطيها امل ان التأتاة بتروح لأنها بكل اسف ماراح تروح
بس صاجة على قولتج من كثر خوفنا عليهم مو معطينهم الثقة الحين انا بس اشجعها وهي متجاوبة الحمدلله بس انا اللي قلبي معورني أحس ان الغلطة غلطتي انا ..

ليش مع الاسف انا بنت عمى كانت اتاتاا وايد وتقعد جم دقيقه من غير مبالغه على ماتقول الكلمه

وكااهى الحمدالله مافيها شىء راحت التاتاه منهااا

 

[Miss_Tiger79]

رفرف
لالالالا انا كنت اقصد ان ولد اخوي جذي وماشالله شخصيته قويه وايد بس مو قصدي ان بنتج ما عندها شخصيه او ان تأتأتها وايد لا بالعكس ماشالله عليها مبين عليها شخصيتها ..
قصدي ان حاولي تعلمينها ترد عليهم بس يكون ردها منها اهيه مو انج انتي تقوليلها قوليلهم جذي
والله يسهل انشالله

كويتيه ذربه
مسكين ولدج ... والله تعبوه مسكين
بس الحمدلله عرفتي السبب من منو