عطاء بلا حدود ... قصه واقعيه ...

[readflawer]

السلاااام عليييكم ^_^ كاني ييت و لأنج طلبتيني اقولج رايي بكل صراحه فراح اقوله

القصه باين انها وايد حلوه والله يعين ندى .. اسلوبج وايد حلو ( بس ) الروايه سعوديه ولا كويتيه!!

لأن مرات تتكلمين كويتي ومرات سعودي

اما غير جذي فالقصه والاسلوب وايد حلوين مشكوره حبي ..

بس مو ماتكمليييين !! لأن انا تعقدت من اللي يحطون قصص ومايكملونها عشان جذي صرت ما اقرى الا حق اللي اعرفها عدل

ياهلا ومرحبا نفرشلج الارض ورد احمر :eh_s(17):

القصه حبوبه كويتيه ولكن ام خالد من اصول سعوديه واهي كبيره بالسن ولدها خالد الوحيد فكانت وايد تحن عليه ان تزوجه

حياتي تامرين امر اكمل القصه لاتتعقدين ولا شي وان شاء الله كل يوم بتشوفين بارت

لاتحرميني من طلتج البهيه:eh_s(21):

 

[readflawer]

حبيباتي وين تفاعلكم ابي تعليقاتكم

شجعوني ياالله



وهذي قعده :bbbiu:




تحياتي لكم

 

[@أحلاهم وأتحداهم@]

الله يعينها ندى من الحين معورا قلبي وبعدين هم اهيه وده بضنا ولا بس خالد الي زم يشوف اعياله واهيه شنو ماتحس ماتبي عيال
الله يعينها على ام ريها
بنتضار البارت

 

[readflawer]

الله يعينها ندى من الحين معورا قلبي وبعدين هم اهيه وده بضنا ولا بس خالد الي زم يشوف اعياله واهيه شنو ماتحس ماتبي عيال
الله يعينها على ام ريها
بنتضار البارت

ايه والله الله يعينها واهي بعد ودها بالضنا وتبي تفرح خالد باي طريقه انسانه مضحيه الله يعينها على الياي وبصراحه خالد يستاهل لان وااايد يحبها ومتيم فيها ولكن الخاله تحن ونزن وبصراحه ماالومها 10 سنوات زواج وماكو طبيب ماراحوله كلهم نفس الكلام !


حياج الله اختي ولاتحرميني من ردودج الحلوه وهذي لج :eh_s(17):

 

[readflawer]

البارت الرابع

اقعدوا ندى وام خالد وبوسط الحفله وام خالد تطيح عينها على بنت ترقص واعجبتها واااايد وتسأل ندى ماتعرفين منو هالبنت اللي ترقص ؟؟؟؟!!!!

ندى : لا والله خالتي يمكن من اهل العروس !

ام خالد : امممممم ، وظلت تراقبها ليما راحت البنت عند ام العروس
ــــــــــــــــــــــــــــــــــــــــــــــــــ ــــــــــــــــــــــــــــــ

استاذنت ندى خالتها وراحت عند سحر تسولف وياها ولا ام خالد تأشر حق ام فهد .......

ام خالد: ام فهد منو هذي البنت اللي واقفه يم ام العروس ؟؟

ام فهد : هذي اخت العروس ها عندج خطيب لها ؟؟

ام خالد بينها وبين نفسها ياريت يوافق جان من الحين اخطبها بس اشلون؟؟!!

ام فهد : وين رحتي ياام خالد قاعده احاجيج ؟؟

ام خالد : سلامتج بس ماشاء الله عليها الطول والحلاة كامله والكامل الله

ام فهد : اي والله خوش بنيه مأدبه وشايله بيتهم شيل امها معتمدها عليها بكل شي بس مسكينه مالها حظ تزوجت وماصار نصيب انها تكمل مع زوجها تطلقت !!

ام خالد : مسكينه ، عندها اعيال ؟؟

ام فهد : لا والله احملت وطيحت الياهل يقولج كان ريلها يطقها طق ويمكن الياهل طاح من هالسبه استغفر الله العظيم

ام فهد : حياج الله ام خالد على العشى تفضلوا حبايبي على العشى


راحوا تعشوا واستانسوا والخاله ماطاحت عينها من عين البنت وندى مسكينه ماتدري عن هوا دارها سوالف مع سحر...

سحر : ندى شخبارج ماصار شي بعد العلاج ؟

ندى : الله كريم والله قاعده اخذه بانتظام وان شاء الله خير .

سحر : اشفيج ندى شكلج تعبان في احد مضايقج ؟؟

ندى : سحر ، انا قلت حق خالد يتزوج !!

سحر : شنووووووووووووو؟؟ انتي مينونه اشفيج توكم 10 سنين زواج وغيرج ظلوا 20 سنه واكثر ويابوا اعيال

ندى: (اخنقتها العبره ) غصبن علي ياسحر ماتدرين اشلون خالتي تحاتي هالموضوع ومتضايقه وايد ولهدا الوحيد وتبي تفرح بعياله ....

سحر : وخالد ياندى مافكرتي فيه اهو يحبج ومايقدر يعيش مع وحده ثانيه ولو كان قادر وهامه موضوع العيال جان تزوج من زمان شيلي هالفكره من بالج وتعوذي من ابليس وماكو شي بعيد عند الله

ندى : ونعم بالله

صارت الساعه 12 ووصل خالد وركبوا ندى وام خالد السياره وظلت ندى تسولف مع خالد وخالتها ساكته تفكر بموضوع البنت واشلون تقنع خالد بالزواج ........


بعد جم يوم اتصلت سحر على ندى ..........

سحر: هلا ندى اشلونج ؟؟

ندى : هلا فيج سحر شخباركم واشلون المعاريس ؟

سحر : الحمدلله ومعاريسنا سافروا بلاد اروربا حدهم مستانسين

ندى : الله يهنيهم

سحر : اقول ندى خالتج يمج ؟

ندى : اييه ليش

سحر : وخري عنها بكلمج بموضوع !!!!!!

ندى : ايه سحر موجود الطريقه بالكتاب لحظه ....... اشفيج خرعتيني !!!!!!؟؟؟؟؟

سحر : انتي صديقتي وحبيبتي ومااقدر اخش عنج شي ......؟؟؟!!!

ندى : اشفيج قوليلي وقفتي قلبي ؟؟؟؟!!!!!

سحر : خالتج سأله امي عند البنت اللي بالعرس تكون اخت العروس متزوجه ولا لأ؟

ندى: قلبها يرقع وحست بدوخه !! ادري سحر اسألتني بعد عنها وبصراحه كنت ملاحظه هالشي ماشغتيها اشلون كانت اطالعها وقت العشى !!

سحر : سامحيني ندى بس ماادري شنو اقولج انا خفت يكون صار شي ووصلت حق البنت وكلمت خالد وانتي ماتدرين ،، والله اسفه ماكان ودي اقولج ..... قاطعتها ندى

ندى: عادي حبيبتي ماصار الا الخير انا الحين اخليج خالد على وشك ييه البيت !! ( حدها متضايقه )

سحر : على خير ،،، مع السلامه



صكرت التلفون ندى وبجت وايد ليما اعيونها تتفخت وصارت حمر الله يعينها خالتها ادور عروس حق ولدها واهي قلبها محترق ................

يتبع ....

​

 

[readflawer]

يتبع البارت الرابع

وصل خالد البيت ولقى امه قاعده بروحها .........

خالد : السلام عليكم يمه اشلونج ؟ باس راسها

ام خالد : هلا والله يمه وعليكم السلام تعالي يمي ابيك بموضوع !!!!!!!

خالد : تامرين يالغاليه تفضلي قولي ؟؟

ام خالد : يمه انتي تحبي ومارتضى على زعلي ابي منك طلب ؟؟

خالد : اشلون مااحبج انتي امي الغاليه وكلمتج مسموعه طلبي !!

ام خالد : انا بخطب لك !!!

خالد : شنووووووووو يمه الله يخليج انا من زمان قلت لج صكري الموضوع انا مااااااااااااابي اعيال مرتاح مع مرتي جذي ...

ام خالد : ياوليدي تزوجها بدون ماتدري مرتك ولما يصير يوم مرتك الثانيه قول حق ندى انك بالدوام

ياحبيبي انا كبرت ومابقى من العمر كثر مامضى تزوج ولا ماراح ارضى عليك طوووووووول العمر ...


خالد : بس يمه .................



اسمعت ندى كل الحوار اللي دار بينهم اهي موقصدها تتسمع بس كان صوتهم عالي واهي توها نازله واسمعت



ندى : خاااالد !!!! انا موافقه تتزوج .... وطاحت من طولها .....
ــــــــــــــــــــــــــــــــــــــــــــــــ

لاتحرموني من ردودكم


تحياتي لكم :eh_s(17):

​

 

[readflawer]

على التعب اللي تعبته حتى كلمة مشكوره او يعطيج العافيه ماكو على الاقل رفعوا الموضوع واذا موعاجبتكم القصه قولوا

خلالالاص انا زعلت

 

[أميرة العود]

افا عاد كلش ولا زعلج
والقصة وايد حلوة

ناطرينج حبوبه

 

[أم@الحلوين]

واااااااااااااي ليش جذي ياندى

مشكوره ياقلبي عالبارت

 

[حنطاويه عسل]

وييييييييي حرام شفيها اذا انطرو جم سنه الله يعينج يا ندى

 

[ReRez]

اكسرت خاطري هالندى .. الله يعوضها يارب

مادري ليش حاسه ان راح يتزوج و بعدين اثنينهم يحملون

الله كريم

ناطرينج حبوو .. كملي ^^

 

[readflawer]

افا عاد كلش ولا زعلج
والقصة وايد حلوة

ناطرينج حبوبه

:eh_s(22): تسلمين حبيبتي :eh_s(22):

حياج الله ولا يهمج اليوم القصه فيها مفاجاه


تحياتي لج :eh_s(17):

 

[readflawer]

واااااااااااااي ليش جذي ياندى

مشكوره ياقلبي عالبارت

ايييييه في مثل كويتي يقولج

ان ماطاعك الزمان ولا طيعه


حيااااااج حياتي

وانتظري المفاجأه

تحياتي :eh_s(17):

 

[readflawer]

وييييييييي حرام شفيها اذا انطرو جم سنه الله يعينج يا ندى

ايه والله الله يعينها ندى

مشكوره حبوبه على الرد

تحياتي لج :eh_s(17):

 

[readflawer]

اكسرت خاطري هالندى .. الله يعوضها يارب

مادري ليش حاسه ان راح يتزوج و بعدين اثنينهم يحملون

الله كريم

ناطرينج حبوو .. كملي ^^

هلا بالزين كله :fun:

مشكوره على الرد الحلو لاتحرميني من طلتج البهيه

انتظري المفاجأه اليايه

تحياتي لج :eh_s(17):

 

[readflawer]

صباح / مساء الخييييير
:nbptr:

حبيباتي اشكر كل وحده قرت قصتي وسواء حطت رد ولا كانت مشاهده :aha:


وبصراحه ماتوقغت اكثر من 260 مشاهده خلال يومين شجعتوني وبستمر بالقصه علشانكم


وسامحوني على البدليات لان اكتب القصه اول باول مااكون محضره لها من قبل يعني من مخي الى المنتدى طاااااااازج
هههههه


احتمال اتأخر عليكم في بعض البارتات فالتمس العذر منكم


والحلوين مجموعة الحنانين ياحلوكم عسل على قلبي لما تحنون اخذوا راحتكم :fun:


ماابي اطول عليكم اليوم البارت فيه مفاجأه وبحاول انزله مبجر ان شاء الله


تحياتي لكم:eh_s(17):​

 

[b6ooo6a*_*]

امبييييي حرام ,....؟؟

ماادري ارتحت حق البنيه ...!@ شككو ماادري بس جذي

 

[أم@الحلوين]

ناطرين البارت على نااااار

والله يستر شنو المفاجأه!!

القصه وايد حلوه بس انشاءالله النهايه تكون سعيده

ويعطيج الف عافيه ياعسسسسل

 

[readflawer]

امبييييي حرام ,....؟؟

ماادري ارتحت حق البنيه ...!@ شككو ماادري بس جذي

مشكوره حبي على الرد

الحب من الله وندى تستاهل

حياج الله:eh_s(17):

 

[readflawer]

ناطرين البارت على نااااار

والله يستر شنو المفاجأه!!

القصه وايد حلوه بس انشاءالله النهايه تكون سعيده

ويعطيج الف عافيه ياعسسسسل

فدييييييييييييتج ياحلوه

والنهايه تبين تعرفين سعيده ولا موسعيده ؟؟:080402ask_prv:







^
^
^
^
^
^
^
^
^
^



الصبر جميل :ceaf32e183:


حياج الله ياقمررررررر



تحياتي لج :eh_s(17):