السلام عليكم
ام على عندى جم سؤال
1- بالنسبة للجزر شنو النشاطات الى فيها بس بحر وسباحه وجت سكى وبراشوتات ؟
2- منتجع صن واى هو بمدينة سلانجور ؟ ويسوي اقعد فيها يومين يوم للكوابارك ويوم للسوق ؟ ولا يمدينى يوم واحد وما ابات فيها ؟
3 - بالنسبة للمجمعات مثل بي بي بلازا وsogo ,و السوق الصينى وغيرهم كلهم موجودين بكوالالمبور ولا بمدن ثانيه وتقريبا اشكثر ياخذون وقت بالتاكسي ؟
4 - تعاملنى مع تاكسي معين ودى اتفق مع تاكسي نظيف متى ماابيه اطلبه اذا عندج احد ثقه دزيلى الرقم ؟
واى ادرى اذيتج ويامالى من الاسئله مشكورة مقدما
هلا فيج حبيبتي
عندج جزيرة بينانج فيها حديقة الفواكه عجيييييييييييييييبة وحديقة الفراشات وحديقة التوابل وفيها مجمعين وااايد حلوين وسوق الليل حلو يونس
مارحت لانكاوي بس البنات يمدحونها وااايد ، حق شهر عسل وما اعرف الفعاليات الي فيها .
2- بالنسبة حق الصن واي لاجون انصحج نامي فيها لأن فندقها روعة روعة روعة وطلبي غرفة مطله على المنتجع
المنتجع فيه حمام سباحة ومدينة ملاهي ومدينة رعب وحديقة حيوانات صغيرة يعني يوم واحد ما يكفي
وسوقها واااايد حلو .
3- كلهم موجودين بكوالالمبور وماياخذون الا دقايق بالتاكسي واذا كنتي ساكنه بشارع العرب تقدرين تروحين البيبي بلازا مشي
4- بالنسبة حق الرحلات الطويلة مثل جنتنج وافاموزا كنا حاجزين من المطار باكيج عبارة عن ميني فان توصيل من والى المطار والتوصيل بين الفنادق ورحلة جنتنج وافاموزا مع الانتظار وما طلع علينا وايد .. لا وعطونا خطوط ماليزية بعد ببلاش لسهولة التواصل
اما المجمعات كنا ناخذ تاكسي يعني عادي مو شرط الا احد معين لأن تكاسيهم نظيفة والسواق حدهم محترمين لأن ممنوع عندهم الاساءة للسواح تعتبر جريمة عندهم وانتي اذا طحتي على سايق زين اتفقي معاه واخذي رقمه عشان يوديج مكان ما تبين
يعني ابعد الأسواق الميجامول ميد فالي و اوتاما والباجي كلهم قراب .
وحياج الله بأي وقت حبيبتي عزيزة وغالية .
