الشيشبرك من مطبخ كالا .. بالخطوات المصورة

[[كـالا]]

مشرفة القسم Snow angel



السلام عليكم

شلونكم جميعا

ان شالله الكل تمام وبصحة وعافية

...

من جم يوم سويت الغدا شيشبرك .. أكلة شامية (أردنية إذا ماني غلطانة)

وريلي وايد حباها

وبهالموضوع راح أشرحلكم الطريقة بالصور

والمقادير اللي بحطها تكفي حق 2-3 أشخاص <<< عايلة صغيرة ^_^

...

مقادير العجينة:

1 كوب طحين

1/3 كوب حليب

1/2 ملعقة صغيرة بيكربونات الصودا

1 ملعقة طعام زيت نباتي

شوية ملح

تحطون كل المقادير بالعجانة أو تعجنونهم بإيدكم .. بس العجانة أكيد أسهل وأضبط

وجذي راح يطلع شكلها

...

بعدين مقادير الحشوة:

ربع كيلو لحم مفروم

بصلة مفرومة

1/4 كوب صنوبر

1/2 ملعقة دارسين (قرفة)

1/2 ملعقة بابريكا

1/2 ملعقة بزار (أو كركم)

وملح وفلفل على حسب الذوق

نحمس البصل لين يذبل وبعدين نحط عليه اللحم ونخليه عالنار لين ينشف الماي بعدين نحط عليه البهارات

نحمر الصنوبر ونضيفه على حمسة اللحم

حسافة ماصورت التفاصيل .. بس آخر شي جذي راح يطلع

...

نفرد العجينة على سطح نظيف ونقطعها دوائر صغار (انا استخدمت غطا ممية بنتي .. تقدرون تستخدمون الفنجان أو قطاعة البسكوت)

ونحشي كل دائرة بشوية لحم تقريبا نص قفشة .. وهذي الخطوات

ونصفهم في صينية مدهونة ونحطهم في الفرن على 180 درجة لين يتحمر من تحت .. انا خذا معاي تقريبا ثلث ساعة

ولو تلاحظون فوق مايتحمر .. بس من تحت (هالمتحمرة انا قالبتها)

...

ألحين صلصة اللبن

تاخذون 4 قواطي روب وتحطونهم مع 1/2 ملعقة صغيرة ملح عالنار لين يغلي

بعدين تضيفون ملعقة نشا مذوب بربع كوب ماي بارد

وتحركونه عالنار لين يصير ثقيل شوي << ماصورت هالخطوات

وتكبون داخله حبات الشيشبرك وتخلونه على نار هادية تقريبا 10 دقايق

وتاخذون 3 فصوص ثوم مدقوقة تحمسونهم بزبدة وزيت وتحطون عليهم شوية كزبرة (انا ماكان عندي استخدمت بقدونس) مفرومة وبعدين تحطونه فوق طبختكم وتحركونه

وهذا بصحن التقديم

أتمنى يعجبكم

ولا تنسونا بالدعاء ​

 

[> شمس^^الكويت<]

يعطيك الف عافية حبيبتي

شكلها الطبخه حلووه انشاء الله اجربها باقرب وقت

ومشكورة حبيبتي

 

[جارة القمر]

يعطيج العافييييييييييييييييية



وتسلم ايدج حبيبتي

 

[unreachable]

بخاطري اجربها


مشكوووووورة

 

[ام الدرر]

انا لما اسويها اسلقها
بس غريبة طريقتج تحطينها بالفرن ماتنشف
مشكورة حبيبتي​

 

[CUTE ENGINEER]

ما شالله شغلج وايد حلو ونظيييييييييييييف وروعة

تسلم ايدنج حبيبتي شوقتيني عليها ودي أذوقها

بس بغيت أعرف ناكلها بروحها و لامع خبز أو عيش

 

[78MariMar78]

تسلم ايدك حبوبة

وفعلا هذي الأكلة حدها لذيذة....

 

[Om_Ksha]

يعطيييج العاااااافيه

 

[حلوة ومملوحة الكويت]

مشكووره حبيبتي على الشرح الوافي
وفعلاا أكله لذيذه
تسلم ايدج،،،

 

[فطوم باك]

رووووووووووووعه

يسلمووووووووووووو

 

[[كـالا]]

شمس^^الكويت<, post: 15936701, member: 16159"]يعطيك الف عافية حبيبتي

شكلها الطبخه حلووه انشاء الله اجربها باقرب وقت

ومشكورة حبيبتي

الله يعافيج حبيبتي

ان شالله تجربينها وتعجبج

 

[[كـالا]]

يعطيج العافييييييييييييييييية



وتسلم ايدج حبيبتي

الله يعافيييييج

والله يسلمج

ومشكورة عالمروور

 

[[كـالا]]

بخاطري اجربها


مشكوووووورة

جربيها لذيييذة

والعفو ^_^​

 

[[كـالا]]

انا لما اسويها اسلقها
بس غريبة طريقتج تحطينها بالفرن ماتنشف
مشكورة حبيبتي​

مادري والله مو مجرة أسلقها

بس بالفرن ما تنشف تطلع مضبوطة

ومشكورة عالمرور

 

[روروو]

تسلم ايديك الصراحه شهيتيني اسويها
>>>>>>جاعت:eh_s(2):​

 

[bant-failaJa]

طريقتج تهبل تسلم ايدج
وان شاء الله العايله تكبر ويهنيكم ربي

 

[غادةالكاميليا]

ماشاء الله شهالسنع
شهالنضافة مشكورة وماقصرتي الله يعطيج الف عافية

 

[%عـجـمـيـه صـريـحـه%]

, ,






تسلم يمنآج ....






, ,

 

[ورود خذلتها العاصفه]

اكلتـــــــــــــــــــــــــــــــــــــــــــــــــــــــي المفضله بس مو نفس طريقتج


بجررب طريقتج شكلهاااااا حدهاا لذيذه


تسلم ايدج

 

[..بسمة..أمل..]

تسلم ايدج حبيبتي

هذي اكله شاميه الشيش برك