حسن يطالع الوضع ويحس بتأنيب الضمير قربوا من البنات و ... !!
**
وصلوا شلة الخراب مع الأخ حسن ...
البنات طبعا كل وحده تضحك بويه الثانيه !!
كانوا تقريبا اربع بنات
بدر نزل وراح عند دريشة اللي تسوق
بدر : هاي
البنت 1 : هلا والله
بدر : معاج بدر في مجال
مساعد يضحك : يا مؤدب
بدر : هههههههههه شفتيه قاعد يتطنز علي !!
البنت 1 : هههههه (( بمياعه ))
بدر : فديت هالضحكه والله ممم في مجال
البنت 1 : مممم اوكي (( مسكت التلفون ))
بدر : 999 ...........
مساعد راح صوب الدريشة الثانيه : يعني بدر يضبط اللي يمج انا ما استاهل (( وغمز لها ))
البنت 2 : ههههههه
مساعد : اذوب انا اموت انا :>
البنت 2 : ممممم يعني شتبي ؟
مساعد : ابي وحده شاورما وفانتا ههههههه يعني ابي شنو في مجال ؟!!
البنت 2 : واو خفيف دم الصراحه
مساعد : ههههه جنها طنازه بس يالله في مجال واله احول على الثالثه اللي ورى
البنت 2 : اهم شييييييييييييي
البنت 3 : ههههههههههههه يالله شوشو ارضي ههههههههه
مساعد : يالله يا شوشو راضيه
البنت 2 مسكت التلفون وبدى مساعد ينقلها
وحسن !!!
كان يطالعهم مستانسين
وضميره مأنبه حيييل لان قاعد مع بنات
وزينه كانت تدرس على نياتها عشانه
تبي تحقق حلمه وتييب امتياااز !!
حسن كان يلمح البنت اللي ورى لان كل ساعه تتبوسم جدامه
وقعدوا ساعه وشي يسولفون مع البنات لمن البنات استأذنوا وراحوا !!
بدر : هااا حسوون شرايك مو وناسه مو حريه مو فري شوف شلون انت حابس عمرك !!
حسن : الله يخللي لي حبيبتي مابي غيرها
مساعد : ضرااااااااااط
بدر : أي والله
حسن : اوووف ترى اذيتوني
بدر رن تلفونه وبدى يسولف مع البنت اليديده
وصلوا حسن البيت ....
وبنفس الوقت
كان قلبها ناغزها حيييل
مو مرتاحه 4 ساعات ما يدري عنها وينه ؟!!
دقت
حسن ابتسم لمن شاف حياته تدق ...
حسن : هلا بعمري هلا يا بعدهم انتي كلهم هلا يا سراجي انتي هلا يا نورهم والله
زينه : احم احم كل هذا لي الله يستر ههههههههههه
حسن : ها حياتي شلونج شخبارج شلون الدراسه ؟
زينه : والله منييييييحه
حسن : يؤبرني هالصوت والله
(( انتظار من رفيجه بدر ))
زينه : حبيبي والله سامحني ما اتصلت بس انت عارف بالحال والله قاعده اشد حييلي عشانك واييب النسبة اللي ترفع راسك
حسن : أي أي عاشت حبيبتي أي اكيد يا حياتي ابيج تشدين حيلج
زينه : اوكي حبيبي اخليك الحين ادرس باجر امتحاني
(( كانت زينه بفترة امتحانات نص السنه تقريبا شهر 12 )) من عام 2006
حسن : اوكي حبيبي الله يوفقج يا رب بابا اكلي زين وتغذي اوكي ؟
زينه : حسوووووون ان شميت ريحة خيانه يا ويلك نزين مو يعني ما ادق عليك تسوي اشيااء على راحتك (( كان قلبها ناغزها ))
حسن ارتبك : لا بابا تطمني ولا تخافين انا حق زيونه حياتي مالي غيرج حبيبتي بدر يدق صارله ساعه انتي درسي الحين وادق عليج بعد شوي اوكي ؟
زينه : خلاص اوكي حبيبي احبك
حسن : اموت فيج باي قلبي
زينه : باي
**
بدر : هااا مع الحب ؟
حسن : أي مع الحب شتبي ؟
بدر : شدعوه يبه عطنا ويه بس !!
حسن : بدير ترى فيني النوم شتبي حبي انت ؟
بدر : اللي ورى تبيك
حسن : نعم لا اسف ما اخون حبيبتي !!
بدر : يالله عاد اوكي زينه الحب خل عندك سبير مو تقول اهي بفترة امتحانات يعني ما تدري عنها ولا تدري عنك يعني لا تحاتي كلها فتره واجحدتها عادي !!
حسن : لااااا يا معود
بدر : تسلى يا حظي ولمن زينه تخلص امتحانات هد البنت وخلك مع الحب لا تصير بايخ !! ترى ابي مصلحتك ووناستك
حسن : لا الصراحه ونعم الرفيج والله !!
بدر : هههههههههههه ادري طنازه هههههههههه
حسن : ممم خلاص اوكي
بدر : يالله راح تدق عليك اوك
حسن مرتبك : اوكي اوكي
**
ودقت البنت على حسن
شاف رقم غريب
قال بقلبه بنات خفف ما صدقوا على الله !!
حسن : الو ؟
البنت : هلا والله
حسن : هلا منو ؟
البنت : القمر
حسن : ايييه ممممم واثقه
البنت :ليش ما انتبهت ؟
حسن : لا
البنت : وي شفيك نفسيه يعني داق الثقل !!
حسن : ثقيل غصبن على اللي خلفوج !! شالكلام هذا !!
البنت : ممممم انا اسمي ريم
حسن : نزين
البنت : ويي سوري انتي اكيد زعلان صح ؟
حسن : لا (( كانت لايعه جبده ))
البنت قعدت تسولف بالساعات
وحسن ابد مو معاها
مو راضي
قلبه
عقله
كل شي !!
مو راضي
قاعد يخووون زييينه
اللي قاعده تدرس وصاينته !!
واهو يكلم غيرها
هاذي وصيتها
سكر التلفون
دز مسج (( روحي بنصيبج ولا اشوفج داقه انا احب حبيبتي ما اقدر اخون ))
مسح الرقم
غسل ويهه بمااااااااي بااااااااااااارد
وانسدح على فراشه ونام واهو منزعج بللي سواه
كلك خيانه قول .. وشلـون ابمنحـك
وش موقفك من شخص دايم يخونك !!
::
اكبر خطا.. لو جيت يمـك اصالحـك
اول تحـوّل .. لاتـغـرّك إلحـونـك
**
وتمر الأيام وتخلص امتحانات الكورس الأول
ويابت زيونه الامتيااااز
ومن الوناسه
زينه : مااااااامااااااااااااااااا
ام زينه : هلا حياتي امري هلا ببنتي الحلوه الشطوره الأموره
زينه : ايييييي افا عليج بس (( وباستها على خدها ))
ام زينه : امري حبيبتي شبغيتي ؟
زينه : ماما ما ابي اسافر معاكم بروح انام عند لولو وناسه بروحون الخيران والله وناسه وراح استانس شرايج ؟
ام زينه : كيفج حبيبتي دام يبتي الامتياز تدللي امري
زينه : فدييييييييتها
ما قالت النتيييجه لحسن
تبي تروح له تسوي له مفاجئه
وراحت دقت على دانه وكالعاده اتفقت معاها توديها بيت حسن تبي تبشره
دانه وافقت على نياتها !!
واهي راحت البست وكشخت
مريم : وين رايحه
زينه : الحب الحب
مريم : الله يخلف عليييج الله يهنيييج
زينه : هههههههه احبج
مريم : مبروووووووووك
زينه واهي تروح تنزل مستعيله : الله يبارك فييييييج
**
وشافت سيارة دانه واركبت ولمتها من الوناسه
ودانه تضحك عليها طول الطريج
وتحط الحمره وتمسحها
من الوناسه كانت طول الوقت تصرخ
يا فرحه ابي فرحه عمري وحياتي
ابي حسن !!
دقت على حبيبها تبشره بييتها
حسن : صج موجوده بره يا حياتي هااا شلون النسبه ؟
زينه : ممممممممم بطل لي الباب واقولك
حسن : يالله طالع لج
ودخلها
وراحوا غرفته
حسن يطالعها باعجاب صج ضعفانه بس حليانه !!
حسن : محلوه
زينه لمته : يبت امتيااااااااااااااااااز
حسن باسها على خدها : حلفي
زينه : اييييييييي
حسن : حبيبتي والله
وقعدوا ومن الوناسه نامت على صدره واهو يلعب بشعرها
حسن : زيونه
زينه : همممم
حسن : بقولج شي بس بليز لا تزعلين مني الله يخليييج
زينه : شنو خوفتني ؟ قول حبيبي
حسن : ممممم كنت مره طالع مع بدر وانتي كنتي تدرسين عشان الامتحانات زينه انا غلطت ولي الحين مأنبني ضميري ................ (( وخر لها الكلام كله وكل اللي صار بغيابها ))
فزت من على صدره وصرخت : انت حقيييييييير انا ادرس واتعب وادرس عشان ارفع راااااااسك وانت تخوني تخوني ياااااا حسن شقصرت معاااك
حسن مسك ايدها واهي وخرته بسرعه : لا تلمسني لا تكلمني اوووووكي
ووخرت عنه واهي
تبجي
دقت على دااانه
دانه : الوووووووووووووووووووو
زينه : تعاااااااالي البييييييت اخذيني
وسكرت التلفون
حسن : زينه حبيبتي فهميني لو ما احبج ما قلت لج والله ندمان
زينه طالعته بحسره وعتااب وتبجي وقعدت بالزاويه ولامه ركبها صوبها وتبجي
وشللي صار يا قلبي
وشللي بس سويته
ليه دايم تعذبني وتهدم اللي بنيته !!
هذاك اللي رحل عني
تراه قطعه اهوا مني
وانت شاطر تكابر
وحبك فيك اخفيته
ياخساره حبي !!!!!!
حسن قرب منها جان تصرخ زينه
زينه : وخررررررر لا تكلمني يااااااا حقير ولا تقرب والله افضحك
حسن يطالعها بحسره !!
خسر حبيبته
عشان زله
بس زلة خيانه
قويييييييييييه بحق الحبييييب قويه !!
حسن حاول فيها قامت تكسر الاشياااء
كانت مهستره للآآآآآآخر !!
ويت دانه وراحت زينه بيتهم
**
اول ما وصلت
راحت لامها
زينه : ماما بسافر معاكم
ام زينه : يمه شفيج شفيه ويهج ؟
زينه : ماكو تهاوشت مع رفيجتي
مريم خافت : زينه فيج شي ؟
زينه : لا عادي بنام شوي
مريم :اوك
**
سافرت زينه لندن مع اهلها بدون لا تقول لحسن
وطبعا قبل لا تسافر حسن كسر التلفون من الاتصالات والمسجات
وكانت اغلب الاحيان تطنش
او تدز لها (( انت خاين انت حقير انت ما تستاهل صيانتي لك والله !!))
لولو طبعا كانت تدري بهالشي .... وانصحت زينه انه ما ترد عليه خلاص خل تعيش حياتها !!
بعد ما سافرت
ين حسن يبي أي طرف يدق عليه يبي يعرف اخباااااارها اهو نادم !!
كان بالخيران
بنفس اللحظه كانت لولو بالخيران
وراح كلمها : لولو
لولو : انت شتبي اذا ياي تسأل عن زينه خلاص انسىىىىىىىى مراح تكلمك وخر عنها يا اخي
حسن : تكفين بس ابي اقولها جم كلمه اهي وين ؟
لولو : اهي مسافره وما تبي تعرف اخبارك ممكن
حسن : تكفين شوي بس اكلمها
لولو دقت على زينه
زينه : هلا لولو
لولو : هلا زيون حبيبتي في وحده تبي تكلمج
زينه : منو
لولو عطت التلفون حق حسن
حسن : الوووووووووو
زينه بقلبها ودها تكلمه بس سيده سدت التلفون بويها
!!
وظلت تبجي
اهي بغربه
بعيييده عن الكويت
كانت تبي تنسااه بس مستحيل
مالك الا للحبيب الأولي ...
مريم شافتها : زيونه
زينه : هلا
مريم : انسي خلاص
زينه : الله كريم
وراحت عنها ونزلت تتمشى يمكن تقدر تنسى !!
بس طول السفره كانت كئيييبه
ورجعت الكويت !!
عاااادي احساس عادي !!
كانت ميته
حبيبها خانها واهي بنفس الحزه تتعب عشان ترضيه ..
وبدى الكورس الثاني
وكانت تروح المدرسه
بس مو نفس حماس قبل
خواتها كانوا حوالينها ولولو وهذا اللي مخفف عنها
بس ما تقدر تتحمل اكثر
ولهت عليه
ضحكته
احساسه
حبه
شوقه لهفته
ينونه
ابتسامته
اخيييه ولهت عليه !!
المسجات ما تتوقف
والاتصالات اكثر
بس لا حياة لمن تنادي ما ترد عليه
بالامس كنت بنشوة الحب .. امازحك
اخيـل برقـك واتحـرى امـزونـك
::
واليوم من صفحة حياتي .. ابمسحـك
هديت صرحـك ثـم طاحـت ركونـك
::
ولابي عيوني لـو تصـورت تلمحـك
اعلنت موتك .. وانسجن لي كفونـك
::
وان جيت تطلب .. ترتجيني اسامحك
بهديك طعنه .. مـن بقايـاطعونـك
انتهى الدوام
وكانت واقفه بالهده تنطر امها ولمحته
كانت خايفه لان كان يقرب حيل
حسن : ردي علي اليوم بدق عليج ردي الله يعافيج والله مو قادر اتحمل
زينه : امبيييه حسن روح الله يخليك الناس قاعده تطالعنا امي الحين اتييي
حسن : خراا بالناااااااااس ابيج ابي اكلمج فاهمه !!
زينه : خلاص خلاص برد روووح
وراح حسن
وردت البيت بدلت ملابسها وطالعت التلفونات وشافت اتصالات حسن
وردت عليه
حسن : الووووو
زينه : نعم
حسن : زييييينه والله احبج والله وانا لو ما احبج ما اعترف لج والله مااقدر اعيش من غيرج انتي شفيج نسيتي حلمنا خلاص غلطه وسامحيني اذا الله يسامح ليش انتي ما تسامحيييين !!
زينه : لا والله ارضى بكل شي الا الخيانه ما اقدر انت جرحتني انا شقصرت معاك فهمني ؟
حسن : انا الغلطااااااااان وانا اسف حبيبتي عطيني فرصه الله يخليج
زينه : ............
حسن : احبج والله
زينه : اوك زين
كانت مكالمات زينه جدا عاديه وكانت كله تكلمه بنفسيه وتذكره بالسالفه واهو يتأسف بالأخير رضت عليه وردت العلاقه مثل اول ...
مرت الشهور
وبدت امتحانات الفاينل
خلصت رابعه ثانوي 2007
ونجحت ويااااابت امتياااااااااااز
كانت فرحه مو صججججججج
زينه ميته من الوناسه
اهلها مفتخرين فيها
حسن رافع راسه بحبيبته اللي ماخذه الامتيااااز
راح تحقق حلمها وتدخل حقوووق
حلمها من واهي صغيره
تعبت
بذلت جهد
تبي الحقوق
حسن : لا ماكو حقوق خلط وما ارضى سحبي اوراقج وسجلي بأي معهد اسف مع شباب نو
زينه : حسن هذا حلمي !!
حسن : قلت لج !! حقوق ماكو واذا تبيني واكون راضي عليج وراح اخطبج انا بعد جم يوم بس الحقوق انسيها ...
زينه كلمت اهلها
بكللللللللللل سهوووووووووله
شوف التضحيه يا حسن
سحبت اوراقها
تخلت عن حلمها
عشان رضاااااااااااااااك
اهلها زعلوا عليها
خواتها واخوانها اهلها كلهم جامعييين
وكااااااانت امتياااااااااااااااااااااااااااااااااااااز
بس حجتها انها تعبت وتبي شي اقل من اربع سنين !!
سجلت بالاتصالات والملاحه كان فيها خلط شوي بس بابا حسن كان راضي !!
سحبت اوراقها وخلاص سجلت بالاتصالات ووعدها حسن بعد ما تسجل وتدرس اتصالات تروح معاه انتساب حقوق
بعد جم يوم من بداية الدوام ...
حسن : زينه ابوووووووي مو راضي أي اخطبج يقول ما تاخذ وحده انت تكلمها بس لا تخافين امي معااانا
زينه كشت من هالسالفه
انصدمت !!
قلبها يدق بسرعه
كانت خاايفه حيييل
يا ترى الايام شتخبي لج يا زينه !!
احبكم قراااءة ممتعه :> :eh_s(21):
