التجـــــــــــمع الثــالــــث **لكليـــــــة الدراســــــــــات التجـــــــــاريه**

[^صدى الأهآت^]

بنات علق امس معاي التسجيل وحطوا لي موعد جديد 2\3

شوفوا مواعيدكم ترا عطونهــ وقت جديد ,,

 

[المــ سه ــا]

مـــــــاعرفهم ..!!

يطيج العافيه

 

[المــ سه ــا]

احمد الحنيان

خوش دكتور
وأحسسن شي ان المدتيرم عنده ما يدش بالفاينل
وحقاني يعطيج درجتج بالضبط ما يزيدج ولا يظلمج

يعطيج الف عافيه..

 

[dяέἆᶆ qûếếἦ]

مرحبااا بناااات توني جيكت ولا حاطين لي موعد جديد 28/2 الساعه 12 ؟؟!!!!!! اشلون علما اني مسجله ليما الحين 14 وحده ولايحق لي اكثر من 15 لاني اقل من نقطتين فشلون جذي ساعه 12 وانا اصلا حتى لو لي وقت وسجلت ماراح ينقبل وس12 مو يسكر السستم؟!!

وبالتوفيق للكل

 

[رشيديه نعومه]

بنات متى ناويـــن اداومووون ؟؟

 

[NooN XD]

مرحبااا بناااات توني جيكت ولا حاطين لي موعد جديد 28/2 الساعه 12 ؟؟!!!!!! اشلون علما اني مسجله ليما الحين 14 وحده ولايحق لي اكثر من 15 لاني اقل من نقطتين فشلون جذي ساعه 12 وانا اصلا حتى لو لي وقت وسجلت ماراح ينقبل وس12 مو يسكر السستم؟!!

وبالتوفيق للكل

يمكن 12 الظهر
اذا مكتوب مساءاً يعني الظهر .. واذا كاتبين صباحاً يعني بليل
مو شرط تضيفين مواد اذا انتي مسجله فوق المسموح لج ممكن تغيرين المجموعه والدكتور ! دشي شوفي يمكن يبطلون لج شعب

 

[lailosh]

الي تسأل عن محمد الصالح واايد زين بالامتحان اذا احد دق عليه يطلع بره القاعه يخلص سالفته ويرد ويشوف البنات يغشونن بزفهم شويه ويسكت

يعقوب الكنندري يهبببل يحب كل البنات ويعطي درجاات ومايحب يصقط

وضياء الغانم تلوع الجبد ومصقطتني معني ناجحه باول امتحان صج درجتي مو ذاك الزود بس كله ادااوم وملتزمه بس مصقطتني

 

[سموره 87]

قوه بنات
في احد بيداوم الاسبوع الياي الثلاثا والاربعا والخميس

 

[الطيب ساسي]

أشكر ليلى وسر الجاذبيه على الرد

 

[الطيب ساسي]

بناااااااااااات ترى حطوا مواعيد جديده وإن شاء الله ما يسوون فينا نفس كل مره ويعلق السستم


شنووو الاحد عطله؟؟؟؟

 

[المــ سه ــا]

اي الاحد عطل 26 فبراير..
يحليلهم مايضيعون علينا عطل بدال الجمعه..

 

[lilla]

بنات بلييييييز
امنه الخطاف محاسبه 2 زينه ولا لا وشلون نضامها
وهاجر العصيمي محاسبه1 شلونها زينه ولا لا؟؟؟؟؟؟؟؟

 

[Q8 EL 5ajolah Q8]

بناااااااااااااات اشرايكم بـ شفاء الخريف مبادئ اقتصاد زينه ولا لا؟؟؟؟؟
عفيه بنات ردوا علي ضروري

اشدعوه بنات محد يرد؟؟؟؟؟؟؟

 

[TiNy-GrOuP]

الله يرحم سحر ويغمد روحها الجنة بس منو هذي ؟؟؟؟؟؟
واللي تسأل عن ضياء الغانم يمدحونها وانا مسجله عندها الكورس هذا
ومعالجة نصووووص دانة الصانع تينننننن يعني اللي عندها الاعمال كاامل 20 من 20 تعطي البنات بس العملي عليج واتغشش بعد

 

[عالية المستوى]

اللي تسال عن شفاء الخريف وااايد زينه شرحهااااا حلو رفيجتي كانت ماخذه عندهااا

 

[شيطووونه]

قوه بنات
في احد بيداوم الاسبوع الياي الثلاثا والاربعا والخميس

والله انا من الملل بداوم بشوف يوم الثلاثا بيدرسون ولا خرطي

 

[{ PiNk }]

شفت وحده تسأل عن استاد يعقوب الكندري

عاد قعدت اتذكر واسولف مع رفيجتي بالمسن عنه وعن محاظراته قبل :eh_s(6):

كنا نخاف منه ههههههههههه


واشوف الاغلبيه يقولون يهبل وزين !

انا ماراح اتكلم عن امتحاناته ولا درجاته .. لانه زين من هالناحيه وخصوصا اذا كلمتوه
امحاناته حلوه مو صعبه ودرجاته عاديه اشوفها .. يعني يعطيج حقج ..

بس بتكلم عن نظامه وطريقته ( وانا فيني هذره ترى )

اهو استاذ كبير بالعمر يحب يهاوش ويصارخ ويزف ( تحسون ان تقرون قصه ههههههههه )

اذكر اول محاظره - طبعا بعد اسبوعين من الدوامات داوم - دش علينا ومعصب سألته بنت : استاذ نجيب كتاب ولالا ؟
جان يصرخ بوجهاا موشغلج وانا كيفي ( والله اني تخرعت ليش جذي يصرخ لو انا مكان البنت جان بجيت )
المهم ماعطانا خبر قال كيفي انا الحين اقولكم ماابي كتاب و الاسبوع الياي عاد اقرر آنا كيفي

ومره بنت دق تلفونها وماكان سايلنت ..
قعد نص ساعه بالضبط والله ان خلصت المحاظره واهو يزف فيها ويصارخ
وانا اكسر تلفونج والله ما يهمني اكسره جدامج !!
وبالأخير بعد ما خلص زف
قعد يتأسف منها .. انا اسف والله مو قصدي يمكن عصبت عليج سوري مو قصدي لوووول
ياحليله بسرعه يقلب


ولا مره داشه انا ورفيجتي محاظرتنا واهو كان عنده محاظره قبلنا وقاعد بالقاعه
وفجأه يقولي انتي 4
عاد انا : لا
امبلا انتي عندي بالمحاظره اعرفج اعرفكم كلكم
معانا ولا مو معانا ؟
انا : امبلا صح معاكم
اي خلاص انتي رقم 4
درسي درسي انا بروح اشم هوا بمكتبي 5 دقايق وبيي وراح احرجج درسي درسي !!!
انا ما فهمت ! بس من الخرعه قعدت احفظ لي جم تعريف
المهم بدت المحاظره وقلت اشوى نسى يسألنا
فجأه قال يلا انتي 4 عرفي الأمه ؟
عبالج نسيت ؟ آنــا ما أنسى
انا حافظته بس من الخرعه نسيته .. بس قلت اول التعريف صح
جان يقولي درسي درسي مره ثانيه احرجج والله !!

واهو يشرح يأشر على بنت عشان تجاوب .. البنت ما بمديها تبطل حلجها تجاوب
الا حرك اصبعه على بنت ثانيه لووول
يقول كيفي انا اغير بسرعه انتوا خليكم منتبهين لصبعي !!


وكله يقول انا اعتز بالحظور .. اهم شي عندي الحظور
واهو اصلا كله غايب خصوصا الخميس
ومره قعد ياخذ الغياب وطوف اسمي !
بعد ما خلص قلت له ما قلت اسمي
قال : شسمج ؟ قلت : اسمي
قال امبلا قلته وقلتي نعم انتي شنو ما تسمعين !!!

اوكي يعني ما اسمع ! انا ما اسمع شلون يعني قلت لك نعم !!!

ومره كان ياخذ الغياب جان يقول اسم بنت قالت له رفيجتها استاذ اهي قاعده ادور لها باركنق !؟
اهي قالت هالكلام جان يقعد يهاوش ويصارخ مو شغلي اهي ليش متأخره جان يت مبجر انا ما ادخل المتأخرات
وماراح ادخلها وقوليلها مره ثانيه تيي مبجر عشان ما تتأخر على المحاظره .. وماراح ادش المحاظره قوليلها لا تيي
ماراح ادخلها..
شوي الا البنت عند الباب قالها نعم ؟
جان ترد رفيجتها الي قالت له .. استاذ هذي فلانه الي كانت ادور باركنق
قال انتي فلانه ؟
قالت اي
قال اي دشي !!!
قالت : استاد سجلني حظور
قال : خلاص سجلتج
لووووووول


وفيه بنت كان ترجف من الخووف تتنافض مسكينه ..واهو كان يستغرب ودائما اذا جت تطلع من المحاظره تركض بسسرعه قبل لا يناديها ويقول لها انا ما اخوف تعالي
ههههههههههههه


ومره قبل الامتحان يعني بيسوي مراجعه اوكي
قال فيه وحده عندها سؤال بخصوص لامتحان ؟
قالت له بنت : استاد شنو اسئلة الامتحان فيه صح وغلط اختياري ولا كله مقالي ؟
قالها : مو شغلج آنا كيفي احط اختياري مقالي كيفي ( بصراخ كالعاده )
البنت مسكينه انصدمت وسكتت


وبالامتحان عاد

شنو يلعب فينا لعب حشى شطرنج احنا عنده مو طالبات ..
والله ما يمديني احل سؤال واحد الا صرخ علي انتي قومي قومي تعالي اهني .. اوكي
ودقيقتين الا جا قومي قومي روحي مناك
وقال لنا الي تخلص تقلب ورقتها وتطلع .. انا نسيت اقلب ورقتي !
وبطلع الا يناديني شحقه ما قلبتي ورقتج ؟
انا : نسيت
نسيتي ها ناقصه درجه يلا طلعي طلعي ( بصراخ طبعا)

والمحاظره الي بعد الامتحان ..
دش علينا ومعصبببب حده شنو هذا شالدرجات ؟ تلعبون انتوا ؟ ليش ما تدرسون ؟ انا اوريكم
وقعد يزف ويصارخ ويهاوش ومزفتين بالامتحان وانا عادي عندي ما يهمني لو اسقط الصف كله عادي
وبتشتكون ؟ روحوا اشتكوا .. انا ابيكم تشتكون
( احنا ساكتين ومحد يتكلم من الخرعه)
جان يقول حق بنت ساكته البنت مسكينه
يقولها زعلتي ؟
البنت : سكاته
جان يقول : احسسسن بالطقاق انا ابيج تزعلين
لوووول

المهم بعد الزف خلصت المحاظره ..
جان تسأله بنت : استاد متى توزع الامتحانات
قال: تو النااس ما صلحتهم انا مواعد الشباب اني اصلح اوراقهم قبلكم يعني تو النااس مو الحين ..

:tongue22:

هههههههههههه اجل تزفنا من اليوم وسقطتنا وخليتنا فاشلات اخر شي ما صلحتهم !!!



ولا الفاينل

كان امتحانا بصالة الألعاب
الوقت بدا والاستاد ما جا لي الحين والشعب الثانيه قعدوا يمتحنون واحنا ننطر
وطووول
والاساتذه الي بصالة الالعاب يسألون عنه ؟ ويدقدقون تلفونات
وضياءالغانم تقولنا لا تحاتون الحين استاد يعقوب بيي
واشوف الي يمي بالشعبه الثانيه تمتحن علاقات عامه وصلت الصفحه الرابعه واهو توه ماجا
واحنا نبي نمتحن مبجر عشان نطلع عندنا امتحان ثاني وبندرس
ولا الاستاد دااش ببرود حده هههههههه معاه كوفي واوراق الامتحان ويقعد ساعه يصبح الاساتده بالخير
واستانسنا قلنا واخيراً بنمتحن :eh_s(9):
طبعاً قعد يلعب فينا شطرنج لازم كالعاده يعني
قلب اماكنا كلنا .. وحتى وانا امتحان يصرخ علي ويقول قومي اقولج قومي ( زين بقوم والله .. ما يعطي فرصه ) تخيلوا قمت
حرك الكرسي ورده مكانه بالضبط هههههههههههههه يعني والله مو عارفه شالفايده من هالحركه الا انه يضيع وقتنا :denya:


وحتى الكورسات الي بعده ساعات يكون امتحاني بصالة الألعاب واشوفه لحد الحين يسوي نفس الحركه بالبنات
يعني انا امتحن واوصل الصفحه السادسه واهو لحد الحين ما وزع اوراق الامتحان على شعبته بس قاعد ويصارخ عليهم
ويهددهم ويحرك بكراسيهم مرا يمين ومرا شمال مساكين ..

وبعد مره كنت امتحن اصول تسويق عند ساره الحوطي بصال الالعاب وكان فيه امتحان اداره حكوميه عند يعقوب الكندري
المهم احنا قاعدين فمان الله نمتحن واستاذتنا واقفه علينا ..
واستاذ يعقوب بس قاعد ويصارخ بطالباته وكل ساع مقوم وحده من مكانها ويهدد بهالبنات
شوي
الا جا عند شعبتنا ويهاوش ويصارخ على البنات وقومي انتي قومي روحي قعدي مناك
وساره الحوطي تقوله ليش ؟ شسالفه ؟
يقولها انتي يديده اهني ما تعرفين هههههههههههههه
ويقعد يهاوش فينا ويزف واستاذتنا ساكته ومنصدمه !
بعد ما خلص جا عند الاستاده ويتأسف هههههههههههه كالعاده ياحليله
انا اسف وسوري مو قصدي واذا تدخلت بس انتي ما تعرفينهم انتي يديده اهني انا بساعدج براقب طالباتي وطالباتج لوووول



يعني اهو صج حليل وطيب ولما اتذكر سوالفه ومحاظراته اضحك
بس صراحه كنت احظر محاظراته وانا متوتره حدي ومتخرعه ما تسوى علي ماده ماخذتها



بنات الي عادي عندها الصراخ والهواش بس المهم تاخذ درجه زينه تاخذ عنده
والي خوافه نفسي لا تاااخذ :eh_s(2):​

 

[شيطووونه]

بنااااااااااااااااااات ضروري شرايكم فيي بدرية دهراب انجليزي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


الحين تسجيلي

 

[Q8 EL 5ajolah Q8]

بنااااااااات منو احسن دكتور يدرس (مدخل لدراسه القانون)

بليييييييييييييييييييييييييييز ردوااا علي ولا اطنشووووون ضروري

 

[مطـــيــريهـ فـــوشيـــآ]

ههههههههههههههههه بنك موتيني ضحك
انا مر علي اشكال والوان بس عاد مو جذي ابدااااع هذا لوووووووووووول