علاقات ما قبل الزواج كيف ننظر لها؟؟؟؟

[حلوةودلوعة زوجي]

الحديث عن علاقات ما قبل الزواج


ما مدى مشروعية هذه العلاقات بالنسبة لك؟
الى أي حد ممكن أن تصل ؟
هل هناك حد معين يجب أن تقف عنده؟
سلبياتها وايجابياتها من وجهة نظرك؟


الحديث عن العلاقة ما قبل الزواج أو ما يسمى علاقات الحب
والسؤال لوين ممكن توصل قبل الزواج


طبعاً هنالك حدود يجب أن تقف عندها العلاقة
فهنالك مثلاً حدود شرعية وحدود أخلاقية و ...

الحدود الشرعية تختلف باختلاف مصدر التشريع
يعني كل طائفة وكل دين بحلل وبحرم هالعلاقات بطريقة خاصة بها
اما الحدود الاخلاقية فهي ايضاً تابعة للبيئة التي تنشأ فيها العلاقة
ويبقى المقياس ما تراه انت من مصلحتك ومصلحة الطرف الاخر دون أذية الاخرين


ارجو من اخواتي التعليق على الموضوع بكل صراحة

 

[سمممر]

والله حبيبتي علاقات قبل الزوجات تختلف من شخص لاخر
كل بنت تكلم عشان توصل لشي واحد الا هو الزواج هدا الطبيعي واذ لقتو مايصلح او مو حق زواج خلتو ودورت غيرو يانها تلاقي يانها تنخطب وبعد الزواج تعقل وناس تمشي بالطريق وناس تتعود عليه حتى بعد الزواج لها علاقات
انا عندي الوحدة تكلم قبل الزواج ولتزوجت تنسى هدا الطريق ان كانت اتزوجت الي تعرفه او غيرو لكن انا ضد وبشدة الوحدة المتزوجة ولها علاقات بعد الزواج
والحين اكثر الزوجات عن حب وعلاقات وفي التقليدية وفي نجاح في الانين وفي فشل
اول كان الواحد مايتزوج الي تكلمه او مشيت معاه الحين يتزوجون حتى لو تمادو بالعلاقة قبل الزواج مافي مقياس ولا معيار لان بس اختلاف الناس وتفكيرهم

 

[غيآبڪ عذآبي]

بشششششكل عآم شيء طبيعي نظرتنآ لهآ سسسلبيه ،

ومرآت الوآحد إذآ صصج يحبهآ ويبي يتزوجهآ تلآقينه يقول لامه إن أخت رفيجه أو شآيفهآ برآ .. مآيقول إن يكلمهآ !!! > ليشش ؟ لأن مآيبي بآجر يعيرونه "

ومن جهه أخرى .. لو بينهم علآقه ششششششي طبيعي بيكون بينهم تفآهم ، حب ، أفكآر مششتركه ، أهدآف متفق عليهآ !

أحسسن من إن تزوجين وآحد من الأهل / مآتعرفين طبعه ولآ يعرف طبعج !

 

[jesse Lover]

في البدآيـهـ الموضوع جميل ويستحق المناقشة عليهـ !

آنا ما اشوف إن مو غلط ولا عيب الحب قبل الزواج وهذا أكثر شي شائع في وقتنا الحالي ،،

وفي منهـ الناجح وفي منهـ الفاشل ..

> طبعا على حسب الإنسان الي انتي حبيتيهـ او الي عرفتيهـ ..

> يعني بختصار على حسب معرفتج لمصداقيهـ هذا الشخص ..

ولكن المشكلهـ إن نظرتنــآ لهذا الشي .. >< سلبي جدا >< ..

ان اشلون البنت تحب قبل الزواج وجي ..

اشوف ان هذا الشي جدا طبيعي مثل ما قالت اختي > غيآبڪ عذآبي

::

::

وبالتوفيج للكل ..

 

[احساس مرمر]

الـــــــــــــــــموضوع كلهـ يندرج تحت عقلانية البنت وعقلانية الولد .. اذا هم بدو العلاقه عن حب صادق ونيه الزواج وكانت هالعلاقه فيها الثقه اللي لايمكن تهتزء انا مؤيدتها ..

بس اللي نشوفهـ عكس هذا كلهـ ....... وللاسف الشديد

اما بالنسبه متزوجه وعندها علاقه غير زوجها طبعا لا حتى ولو كانت مومرتاحه مع زوجها

ومانبي هالكلام يكون تشجيع ع العلاقات لا موالقصد كذا ......
واغلب اللي نشوفهم يبون تجربة حب وبس صار الحب تجربه موعشره وحياه ........ززوالخ
لا صار النقيض .... ورربي قهر

مشكوره صاحبة الموضوع جدا راقي موضوعكـ

 

[حلوةودلوعة زوجي]

مشكورين بنات على تفاعلكم وردودكم الراقية والاسلوب الحلو والرد المقنع
مشكورين حبيباتي

 

[حلوةودلوعة زوجي]

يلا بنات لا تحرمونا من وجهات نظركم

 

[عالم عيون وساع]

والله أشوف محد بهالدنيا مرتاح ,,,,,,,,,,,

لا بالحب,,,,,,,,لانه الحب يذل الواحد

ولا بدونه,,,,,,,,,, لانه بتتزوجه وهي ما تحبه وبعدين بتمثل انها تحبه لانها خلص تعودت عليه ,,,,,,,,,

يعني العلاقتين تعبانين,,,,,,,,,,

هذي الحياه,,,,,,,

 

[دلوعة أبوهآ]

إذا كانت العلاقه مبنيه ع الصدق والصراحه
ونهايتها الزواج !!

طبعاً أأيد هالشي وأكيد انهم راح يكملون حياتهم بهنا وسعاده
أحسن من إن واحد يتزوج وحده مايدري عنها ولا تدري عنه
ونهايتهم تكون الطلاق

طبعاً لكل قاعده شوااذ ..
وماحكم ع كل العلاقات اللي تصير قبل الزواج بالنجاح ونهايتها الزواج
لا طبعاً .. لأن فيه نسبه كبيره الحين الله يهداهم بس همهم التسليه والطلعه ومن هالكلام


أنا قصدي بس ع اللي نيتهم واضحه وصافيه ..,​

 

[غلاي غير]

المشكله اذا كل الطرفين يعرفون ويدرون انهم ماراح يتزوجون بس تعذيب للنفس وسهر على الفاضي

يعني وناسه وبس

 

[حلوةودلوعة زوجي]

اب اب

 

[omy nour 3any]

حبايبي انا وجهت نظري تختلف عنكم ارجو انكم تتقبلوهنا..
عندي سؤال هل العلاقه بين البنت والولد قبل الزواج شرعيه....حتى لو كانت النيه اهي الزواج ....
مهما كان البنت غريبه عن الولد والولد غريب عن البنت وهذا لا يجوز شرعا ....
نفترض مثلا لو ان البنت كان لها علاقه بشاب وممكن انهم يكونون متفقين على زواج...
سوت البنت حادث وتوفت شلون بتقابل ربها ....
وبما اني رافضه فكره العلاقه قبل الزواج من منظور شرعي .....ما يهمني اي منظور ثاني لا اخلاقي ولا غيره....

 

[البطريقة البردانة]

ما مدى مشروعية هذه العلاقات بالنسبة لك؟ إذا إعجاب بريء مو حرام و لا عيب بالعكس شي طبيعي و من فطرة الإنسان خو شنو الإنسان غير لحم و دم و مشاعر.
الى أي حد ممكن أن تصل ؟ طبعا ما تصير علاقة و تليفونات و طلعات و ما أدري شنو لأ طبعا بس إذا فعلا كان الشاب شااري البنيه على طول يتقدم بعد ما يسأل عنها و عن أهلها .و بشكل عام الشاب يحب البنت الغامضة تكون حبوبة طبعا و أسلوبها حلو و طيب و خلوق مو دفشه على أبو خلوقه تصير كريهه لأ بالعكس تكون حبوبه بس تعرف تحط حدود و تكون واثقه من نفسها و عارفه إهيا منو و شنو تبي و أكيد محد يبي الحرام و التخشش.
هل هناك حد معين يجب أن تقف عنده؟ طبعا أكيد في حدود خو العلاقة بينهم مو شرعيه فلازم يعجلون بالإرتباط .
سلبياتها وايجابياتها من وجهة نظرك؟ يعتمد على الأثنين إذا أهما ناضجين فأكيد راح يتوجون هلشي بالزواج أما إذا كانت لعبيه و أهوا لعبي كدينا خير .

 

[البطةالمرحة]

حبايبي انا وجهت نظري تختلف عنكم ارجو انكم تتقبلوهنا..
عندي سؤال هل العلاقه بين البنت والولد قبل الزواج شرعيه....حتى لو كانت النيه اهي الزواج ....
مهما كان البنت غريبه عن الولد والولد غريب عن البنت وهذا لا يجوز شرعا ....
نفترض مثلا لو ان البنت كان لها علاقه بشاب وممكن انهم يكونون متفقين على زواج...
سوت البنت حادث وتوفت شلون بتقابل ربها ....
وبما اني رافضه فكره العلاقه قبل الزواج من منظور شرعي .....ما يهمني اي منظور ثاني لا اخلاقي ولا غيره....

:rerrerek: