امتلاك الصغار موبايل و لابتوب / تأيدين أو تعارضين ؟

[رونـق]

السلام عليكم

في زمننا هذا الكل عنده لابتوب و موبايل حتى الصغار

فهل تايدون ان يكون لعيالكم او اخوانكم الصغار موبايل او لابتوب خاص ؟

عن نفسي

انا أأيد ان يكون لعيالي موبايل و لابتوب خاص بس طبعا انا أحدد لهم أوقات استعمال و كيفية الاستعما

فمثلا

الموبايل ما اعطيهم الا اذا طلعوا علشان أعرف وين رايحين او لا سمح الله اذا صارلهم معرفو أعرف بس ما اعطيهم الموبايل 24 ساعة

الابتوب بعد اعطيهم بس مو 24 ساعة بس بالعطلة علشان ما ياخذ وقتهم على حساب اشياء ثانية اهم مثل الدراسة و الصلاة
و طبعا احدد
لهم المواقع المسموحة و الممنوعة مع مراقبتي عليهم

و طبعا آنا تأييدي للموبايل و الكمبيوتر علشان يكونون على اطلاع باخرالمستجدات العلمية و الالكترونية

 

[lovemyself]

انا ضد وارفض بشدة
احس ماله داعى قبل الجامعه
هذا دلع وافساد لانه زمننا يخوف وايد
واذا خذوا لاب توب لازم يكون فيه مراقبة
هذا راى

 

[غلاي غير]

ارفض وبشده
ما اعطي الا الي بعد الدراسه الي بالمدرسه شحقه موبايل ولاب توب خاص اذا بيشبكون حياهمم الله وانا اشوف

وصدقوني هالسوالف تمادوا فيها وخربو بعض عيالنا

مو كل عيالنا يعرفون يتصرفون الصح وخاصه البنت ليش موبايل بالمدرسه اذا من المدرسه للبيت والطلعه معانا

 

[kuwaitya_zoGaa]

انا مع ان الطفل يكون عنده موبايل بس فى وقت الطلعات واللاب توب عادى ما احس انه ممكن يخربه اذا كان فى مراقبه من الاهل وعلى حسب الاستخدامات

 

[tmtmt]

نفس راييج

 

[jesse Lover]

والله من وجهـــة نظري عادي وما فيهــآ شي .. !

بس

يكون تحت المراقبهـ بس بدون ماتحسسينهم ..

وما أشوف شي غلط ..؟ كلنا عندنا لابتوبات وموبايلات .. !!

بس على حسب استخدام هذا الشخص لهذا الجهاز .. ،،

وشاكرتلج الطرح المفيد .. !

 

[جورجيت]

الجوال عادي احسه شي حلو بالعكس بس من عشر سنوات مو قبل

اما اللاب احسه لازم يكون بمراقبه وتحديد مواقع له


شكرا لطرحك ..

 

[رونـق]

اشكر تفاعلكم بالموضوع و ان اختلفنا في الاراء

أنا ما أأيد الموبايل يكون دايم بايد الصغار
لان وايد أشياء ضارة و فاسدة لاخلاق الصغار يمكن يتلقونها و خصوصا مع تقنية البلوتوث

انا رفيجتي ولدها يستخدم لابتوبها لان عنده ايميل
رفيجتي عندها الباسوورد للايميل
تقول انا دايما اجيك عليه
و مرة لقيت ايميلات من اجنبيات يبون يتعرفون و دازين له اسم مواقعهم فقامت علطول مسحته
وفعلا هذه الايميلات توصل لي
ومرة دخلت على هالموقع فشفت صاحبة الموقع حاطة صورها و لابسة ملابس خادشة للحياء
علشان جذيه أنا برايي الصغار لازم يستخدمون الانترنت مع المراقبة حتى على ايميلاتهم

 

[حجيه هيونه]

انا بصراحه بناتي 2 عندهم وولدي عنده

يكلمون صديقاتهم ولي طلعوا مع خوالهم او عمامهم او ولدي لو راح مع ربعه اكون عارفه وين ادق

غير جذي الحمدالله العيال قد الثقه والبنات 24 ساعه تلفونهم طايح عندي بالصاله مادروا عنه الا لو دقت وحده من رفيجاتهم


يعني يختلف من حاله لي حاله فبالنسبه لي أأيد وبشده بعد

 

[ســكره ورديه]

امممممممممم
هالزمن والله يخوف اذا حنا الكبار ماسلمنا كيف الصغار

فانا اعارض بذات الاب توب احسه مايصلح بيدين الصغار>>على انو فيه كبار تقولين حرام عندهم هالتكنولوجيا ويستخدمونها بأشياء واخزياه بس


وحتى الجوال اذا خايفه عليه بشتري له هذا اللي من الاتصلات مدري اش اسمه صغيرون بس كم زر فيه ومخصصه للأم وللأب

يسلموووو ياعسل

 

[اموله111]

لاماييد بصراحه
الجوال ينبلع بس الاب لاوالله ضد وبقوه

 

[الصعيريه]

اايد التلفوون بس الاب توب لأ...

 

[قـہۈه فـرنسيـہ™]

أنااا ضد ...لا تقووولون لأن شوي شوي ويصير عنده ايميل و.................................الخ

 

[princess89]

لاماييد بصراحه

 

[رونـق]

اشكركم مرة ثانية لتفاعلكم

بنات

مثل ما قلت قبل اني أأيد يكون الصغير لابتوب
او العيال مثلا يكون عندهم لابتوب واحد لهم

بس انا احدد لهم وقت الاستعمال يعني يكون عندي ما يكون عندهم
و طبعا استخدامه للابتوب يكون جدام عيني

أحب يكونون عيالي مطلعين على اخر التطورات ما احب يكون متأخرين عن غيرهم

مثلا بالجامعة اعرف بنات ما يعرفون يستخدمون الانترنت

مارين عليي شخصيا مايعرفون copy & paste و لا يعرفون ينزلون برامج و فيديوات

فمو حلوة يكونون بالجامعة و ما يعرفون يشتغلون على الكمبيوتر

و بعدين الانترنت يوسع افاق المعرفة عندهم و يقويهم باللغة الانجليزية و بالعلوم الثانية

 

[شهربان]

الموبايل عـاادي عيالي الصغار عندهم عشاان لو طلعوا و دايم يروحون مع عمامهم وابي اعرف وينهم فـ ماخليهم يطلعون الا بـ موبايل..

واللاب توب بنتي و ولدي الكبار عندهم و واثقه فيهم و اقعد عليهم بعد..
وعيال الصغار يقعدون ع الجهاز العادي بالصاله قدامنا..


شكرا

 

[حلا طيبة]

نو اوف كورس

نهائي ما ايد ولا احب الصغير عنده موبايل او لاب توب مع ان اغلب عائلتنا عندهم الصغار

بس احسة يفسد قلبه الطيب

 

[NODA 2]

يووووووووووو ما افتكيا من البلاي ستيشن و البي اس بي هالمره لاب توب نووووووووووووووووووووووووووو
ما اييد موبايل افكر مو اكيد

 

[sweet cake]

اولا بالنسبه للموبايل.. يعتمد اذا كان ولد ولا بنت.. مثلا.. البنات وين بيطلعون؟ اكيد مع امهم ولا مع اختهم الكبيره ولا خالتهم ولا عمتهم.. طبعا هذا الكلام عن البنات من عمر 16 أو 17 وتحت.. من هالعمر انا ما أأيد ان البنت تطلع بروحها لأماكن عامه حتى لو معاها صديقاتها.. حتى لو كانت البنت قممممة الاخلاق والتربيه.. مو شك فيها او شي ..بس لأن الشباب اللي يتحرشون غالبا يتعرضون للبنات بـ هالعمر .. حتى لو ما عطته وجه.. دايم يتحرشون فيهم فـ مو حلوه ان البنت تكون طالعه ويجيها كلام.. هاالعمر المفروض البنت طلعتها من شخص كبير سواء امها او اختها الكبيره مع فرق العمر او خالتها او عمتها او او المهم تكون كبيره اللي معاها..

انا عن نفسي عمري 21 وللحين ما احب اطلع الا مع امي او شخص كبير او اخواني من الاذيه اللي نشوفها..

اذا ولد عادي ياخذ الموبايل من المتوسط لأنه من هالعمر يروح للمعلب او النادي او اي مكان ثاني مع ربعه فـ لازم تكون في طريقه اهله يتواصلون معاه لكن مو معناها لما يرد البيت يكون فونه بدون مراقب و24 ساعه بـ ايده.. لازم مراقبة الاهل الا ان يوصل لعمر يكون فيه فاهم ويتأكدون انه ثقه ومو راعي خرابيط ويعرف شلون يستخدمه..


بالنسبه لـ اللاب توب.. بنت او ولد ما يكون عندهم واحد خاص فيهم الا اذا وصلوا لنهاية الثانوي او دخلوا الجامعه.. ومع هذا ما يكون الاستخدام بدون مراقبه لأن شكثر بهالعمر بدوا يستخدمونه بشكل سلبي.. لكن بالمراحل اللي قبلها لازم يعرفون شلون يستخدمونه خاصه بالشغلات اللي تفعهم ولازم الاهل يعلمونهم ويكونون مراقبينهم.. وما يخلونهم على الاغاني او اليوتيوب بروحهم.. وحتى المحادثات والماسنجر.. لازم الاهل يعرفون الباسوورد والمحادثات تنحفظ.. لكن مو يسوونها بطريقه تبين للعيال انهم مو واثقين فيهم.. هني شطارة الاهل شلون يبررون لعيالهم سبب مراقبتهم..

بس ضروري يتعلمون شلون يستخدمونه.. لكن يكون لاب توب واحد او لاب توبين للاستخدام العام

سوري عالاطاله بس لي مزاج كتابه

 

[وهج الحب]

السلام:
الموبايل انا معاه اذا بيطلع عشان نطمن عليه لان احيانا نروح المولات احنا نتشرى او بالكوفي شوب وهم بالالعاب مع الخدامة هنا ممكن ..
اما اللاب توب ان اؤيدة اذا فيه مراقبة عليه ..وما اؤيد اذا الام فاهية ما تدري بالدنيا ..
وبصراحة ..انا شارية لاب توبات لعيال اخواتي كلهم من صغيرهم لكبيرهم ..:rgewrg:
وهذا الوجة العبوس لان اصغر واحد عمرة 4 سنين بس لانه مغربل اخوه وكان يجيني يطل بوجهي ابي لاب توب ابي لاب توب طوال اليوم( لانه يعرف انا اللي اجيب الاب توب ) ..اذا جاني وانا اقوله يا حبيبي ايش تبي به واقالي اخوة لان يبي يلعب وغربلنا ..انا رحت واشتريت له واحد صج لقيت اهواش من امة بس قلبي معورني عليه ..الا قام بعدها يطل بوجهي ابي ايميل ابي ايميل ..تراه ما يدري بالدنيا يكرر اللي يقولنه اخوانه ..واكسبت امة لاب توب ..:eh_s(2):