@@ تشــات الأمهات : أكاديمية الابداع الأمريكية @@

[حلم الطفولة]

آنا أموت عالبر
أحسه عوده للطبيعه .... التراااب ريحته تهبل
لسعة البرد الصحراوي القارس عالخدود
اللمه العائليه عالدوّه والنار ..
منظر الغروب ,,, منظر السما الصافيه والنجوم ....

....... بس .. أهم شي نكون مخيمين بعيدا عن أفواج المخيمات الأخرى والسياكل البقيات والضجّه واللّجه.

 

[mr000]

اشلونكم أمهات شخباركم.. اشلونكم مع المطر.. ان شاءالله كله أمطار وخير من الله..

 

[حلم الطفولة]

أمطار خير وبركه ان شالله

 

[كويتية1]

السلام امهات حبيت اسالكم عن مدرسة الابداع انه ولدي بمدرسة اسرار القبندي كي جي 1 ودي انقله المدرسة جيدة بس ابي الافضل
تنصحوني بالابداع وجم رسوم الروضه؟؟؟ ومشكورين

 

[ReeMaN]

هلا واله حلومه اى السالفه فيها شرف ههههههه لا اتغشمر .... بس انا محتره علي اى اسم احس انا السبب في الغلقه اللي اهى فيها من كثر ماحنيت عليها ان الابداع زينه وتتهبل وكل اللي اعرفهم مرتاحين فيها ولا سمعت احد تذمر فيها غير مشكله الخدم اللي يتجمعون برا وهالشي عادي لان حتى بالعالميه جذي ...تقولين سفارات مو خدم سفاره الفلبين وسفاره اثيوبيا واندونيسا والسيلان وقرقه وصيحه وتلملم

اي اسم ناطره تقريرج عن المدرسه وان حسيت انج مو مرتاحه انا بسوي اوراق عيالج واردهم الحياه :eh_s(2):

بس اهم شي احتج وراحه عيالج .... سبحان الله على كثر ما اختى ذمت بالعالميه ومارتاحت لها ونقلت عيالها الحياه ومرتاحه فيها ... انا وايد مرتاحه من العالميه مع ان حرام الظليمه شينه الحياه وايد اقوى من العالميه بس احب تعامل العالميه اكثر ....

هاتى تقريرج قبل لايعلق المنتدى معاي :lkmnkl:

 

[حلم الطفولة]

اي ياريمان حياتي انتي ,, هذا حال المدارس الخاصه ,, مره فوق ومره تحت ..
بس آنا بعد الكل كان يمدح لي الابداع وصج ارتحت فيها حيل ,, والحين سمعت كم وحده تذم وسمعت كم وحده تقول ماكو عالإبداع ..
والله إن بنيه في صف بنتي أولت العام نقلتها أمها البيان ,, والسنه ردتها الإبداع تقول لاااا ماكو طلعه بعد ..
والثانيه يايتنا من البيان هي بسابع أو ثامن .. تمدح حيل بالابداع ..
وعندي قريبتي نقلت أولادها من الرؤيه قبل أربع سنين إلى الإبداع .. مستانسه ومرتاحه حدها .. تقول اللي بيحط عياله بمدرسه يوديهم الابداع وهو مرتاح ..

عندج إختي مثلا .. العام تمدح بالابداع والسنه تذم حيل ومتضايقه ...
المشكله إن المدرسات من أمريكا وكندا وكفاءات بس لازم تطلع وحده ثنتين خربوطه ومقلب !! .. السنه يطبون العيال بأبله زينه ,, السنه اللي عقبها ماتضمنين زينه أو مو زينه .. انتي وحظج.

عندج الرؤيه مناهجها قويه ترى ,, بس والله تشتغل عندهم وحده معرفه شخصيه تقول اللي يبي الرؤيا عشان الدين والصحبه يأسس عياله بره وييبهم على آخر المتوسط .. لأن التدريس مو شي ,, تعقيد ودراسه وهلاك وواجبات بس ماكو نتايج تأسيـسيـه .. وتقول مو عارفه وين الخلل لأن فعلا مناهجهم قويه ماشالله ..

وبالنسبه لاي اسم آنا أيضا أشعر بالذنب .. وضايق خلقي .

 

[mr000]

السلام عليكم!! سندريلا يايه مزرقه من بيتهم!! وااااي من المدارس الخاصه طلعوا كلهم نفس السالفه...آنا بنت عمي اشكثر امدحتلي العالميه وعيالها 4 اسم الله عليهم متخرجين منها واستغربت من سالفة تغيير المدرسين وعدم الاستقرار اللي صايره عندهم هالسنه لما قلتلها بس شنسوي هذي ظروف تمر على أغلب المدارس وان شاءالله بس هالسنه.. لأن الحمدلله العام ماكان جذي وآنا وحده من اللي مدحوها وايد العام وشجعت الأمهات اللي كانوا بيسجلون عيالهم فيها.. لأنها كانت جنه بالنسبه لي من مدرسته الأوليه وبالنسبه لي ارتحت وايد من مشاكلها والحاله الكسيفه اللي كنا فيها... يعني لو كل يوم يدرسه مدرس غير بالعالميه بنطم وبسكت لأنه وين أوديه بعد ومن يظمن لي الدوليه وألا البيان يقبلونه والمدارس الأمريكيه الزينه قليله بالنسبه للمدارس الأنجليزيه.. فخل نقضب مينونا أحسن..والله يوفق عيالكم يارب..أي أسم حبيبتي لايضيق خلقج آنا حاسه فيج لأني مريت بحالتج!!

 

[حضاره]

صباح الخير امهات00اشلونكم

 

[كويتية1]

بنات جم رسوم الكي جي عندهم؟؟؟

 

[كويتية1]

بنات جم رسوم الكي جي عندهم؟؟؟

 

[حضاره]

كويتيه 1

حياج الله 00رسوم الكي جي00بحدود (1600) هذا لل كي جي 1

اما ال كي جي 2 حول (1790) تقريبا

 

[mr000]

السلام ,,حضاره اشلونج,, والله رسوم الكي جي عندكم معقوله, أحنا ينوا وقعدوا جنه وصلت بال2000 !! الله يسهل الأمور,, ألحين اللي بيدخل عياله مدارس خاصه لااييب أكثر من 2 وآخر شي بنصير نفس الصين بس حدنا واحد!!أشلونكم مع الأجازه...

 

[اي اسم]

حبيباتي حلم الطفولة وريمان ...لاتحسون بالذنب ولا شي
انا عادي مو متضايقة ...كنت متضايقة خاصة اول ما امر بالموقف بس بعدين عادي طاف game over
ولا يهمكم ...الدنيا تجارب
انا مرات اقول ابي اعطي الابداع سنة ثانية فرصة عشان اجربها عدل بس زوجي رافض وعيالي بعد معاه

بالنسبة لولدي الصغير ما عندي مشاكل مدرسه كندي حبوب وممتاز وهذه خامس سنه له يدرس بالابداع وعنده ويب سايت خاص بالصف واخبارهم وقبل جم يوم فتحت ايميلي والا داز لي ايميل عن النيوزلتر اللي بعد الاجازة
ومدرس ولدي العربي ممتاز وروعة بعد استاذ انور اذا تعرفونه
الواجبات عموما معقولة
والحمدلله ودوا ولدي رحلتين بالفصل الاول المركز العلمي للاي ماكس وفلكس
وبالنسبة للتشجيع والتكريم للاسف ما عندهم ابداع ستارز ...الظاهر الشي اختياري اذا المدرس يحب يطبقه لان في صف بجريد ثري المدرسة معلقه عند مدخل الصف نجوم للطلبة
يعني التكريم قليل جدا ...واعطاء الشهادات نادر للاسف
خلص السبيريت ويك وما عرفنا عنه اي شي ولا سمعنا باي فعاليات
حسبالي بيكون في كريزي هير دي وكريزي هات دي ومن هالسوالف
سووا اوبوسيت دي بس ولدي الصغير مادرى عنه محد قالهم
وحتى في اليوم الوحيد بالفصل الدراسي الاول اللي سووا فيه فري درس عيالي ما كانوا يدرون واصلا كان في شويه طلبه لابسين على كيفهم ...ما ادري ليش ما يدزون اوراق للبيت بهالخصوص
بس احب اذكر اني طلعت ولدي الصغير من الحياة وانا حابه الحياة ومعجبه فيها والسبب الوحيد اللي خلاني اطلعه المواصلات عشان يكون مع اخوه الكبير وتنحل ازمة التوصيل
المشكلة مع الصغير كثرة عدد الطلبة بالصف وبالفرصة يعني 24 طالب بالصف عدد كبير مقارنة مع 19 طالب بالصف بالحياة
بالفرصة ينزلون جريد 1 و 2 و3 مع بعض بنفس الساحة وكل مرحلة فيها 4 الى 5 فصول والاساتذة المناوبين بالفرصة عددهم قليل فيصير هواش ودز
انا ولدي رد لي قبل الاجازة طايح بالفرصة على حنجه(ذقنه) ومتزلق وشفايفه مورمة ولا مودينه للسيستر ولا شي ...ايام الحياه لادناة الدون يودون الطالب للدكتورة
فيعني مثل ما انتو شايفين ملاحظاتي بسيطة بالنسبة لولدي الصغير بس المشكلة مع الكبير 

 

[اي اسم]

السلام عليكم!! سندريلا يايه مزرقه من بيتهم!! وااااي من المدارس الخاصه طلعوا كلهم نفس السالفه...آنا بنت عمي اشكثر امدحتلي العالميه وعيالها 4 اسم الله عليهم متخرجين منها واستغربت من سالفة تغيير المدرسين وعدم الاستقرار اللي صايره عندهم هالسنه لما قلتلها بس شنسوي هذي ظروف تمر على أغلب المدارس وان شاءالله بس هالسنه.. لأن الحمدلله العام ماكان جذي وآنا وحده من اللي مدحوها وايد العام وشجعت الأمهات اللي كانوا بيسجلون عيالهم فيها.. لأنها كانت جنه بالنسبه لي من مدرسته الأوليه وبالنسبه لي ارتحت وايد من مشاكلها والحاله الكسيفه اللي كنا فيها... يعني لو كل يوم يدرسه مدرس غير بالعالميه بنطم وبسكت لأنه وين أوديه بعد ومن يظمن لي الدوليه وألا البيان يقبلونه والمدارس الأمريكيه الزينه قليله بالنسبه للمدارس الأنجليزيه.. فخل نقضب مينونا أحسن..والله يوفق عيالكم يارب..أي أسم حبيبتي لايضيق خلقج آنا حاسه فيج لأني مريت بحالتج!!

بعد عمري مشكورة على المؤازرة والحمدلله ان شا الله خيره
الواحد يتعلم ويتعرف على المدارس
الله يكتب اللي فيه الخير

 

[اي اسم]

المشكلة مع الكبير تتلخص بالهوم روم تيشر واخلاقيات الطلبه وكثرة الهواش
انا منحاشة من مدرسين الانجليزي العرب اللي بالرؤية يطلعولي بالابداع
ولانهم عرب خايفة اكتب بالمنتدى لا يقرون ويحطون على ولدي

بس عموما الرؤية احسن من الناحية الاجتماعية والسلوكية للاولاد لانهم يشغلون الطالب بأنشطة اجتماعية ورحلات خارج اوقات الدوام المدرسي فيبعدونه عن الخراب وتكون باشراف المدرسين ويحرصون على الصلاة والتعامل باحترام بين الطلبة
انا اول مستانسة ان الفرصة بالابداع 45 دقيقة مابين غدا وصلاة ولعب اقول خلي عيالنا يستانسون اطلعت عامل مهم في كثره الهوشات 
والشي الثاني اللي افضله بالنسبة لاي مدرسة هو التخصص انه كل مدرس يدرس مادة وحده ويركز عليها لان هالشي يحسن من المخرجات التعليمية ويرفع مستوى الطلبه
بالابداع كل ما قلت للهوم روم تيشر ليش كتاب الرياضيات مومصلح ليش السبيلنج مو مصلح ليش وليش الاجابة ان ما في وقت لان الهوم روم تيشر يدرس جم مادة بنفس الوقت ؟ 4 ؟
المهم انا اتوقع ان الابداع زينه عموما انا حاليا تاقلمت مع الهوم روم تيشر وتعودنا على بعض بس اللي مضايقني اخلاقيات الطلبة خاصة بالصفوف العادية مو الانريشمنت يقولون الانريشمنت اخلاقياتهم احسن يمكن لانهم اشطر واهلهم مهتمين فيهم اكثر
ويمكن انا لان هذا ولدي الكبير وما عندي خبرة سابقة بالتعامل مع الاولاد بهالسن خاصة ان هذي المرحلة تصادف مرحلة قبل المراهقة فيكون فيها الولد يحب يقلد ربعه عشان يكسبهم ويكون فرد من الشلة
المهم يمكن لهذا السبب اتعامل مع بعض المواقف بحساسية وخوف اكثر من اللي عنده خبره بهالموضوع

 

[اي اسم]

عندج إختي مثلا .. العام تمدح بالابداع والسنه تذم حيل ومتضايقه ...
المشكله إن المدرسات من أمريكا وكندا وكفاءات بس لازم تطلع وحده ثنتين خربوطه ومقلب !! .. السنه يطبون العيال بأبله زينه ,, السنه اللي عقبها ماتضمنين زينه أو مو زينه .. انتي وحظج.

عندج الرؤيه مناهجها قويه ترى ,, بس والله تشتغل عندهم وحده معرفه شخصيه تقول اللي يبي الرؤيا عشان الدين والصحبه يأسس عياله بره وييبهم على آخر المتوسط .. لأن التدريس مو شي ,, تعقيد ودراسه وهلاك وواجبات بس ماكو نتايج تأسيـسيـه .. وتقول مو عارفه وين الخلل لأن فعلا مناهجهم قويه ماشالله ..

.

مشكلة المدارس اللي تطبق طريقة الهوم روم تيشر انه اذا الهوم روم تيشر زينه كل شي بالمدرسة يصير زين واذا الهوم روم تيشر مو شي المدرسة تطيح من عينج

وبالنسبة للكلام اللي كاتبته عن الرؤية انا مقتنعة فيه تماما
الرؤية مو للصغار ...ابدا مو للابتدائي بس للكبار زينة

 

[حضاره]

صباح الخير 00امهات الابداع00

السلام ,,حضاره اشلونج,, والله رسوم الكي جي عندكم معقوله, أحنا ينوا وقعدوا جنه وصلت بال2000 !! الله يسهل الأمور,, ألحين اللي بيدخل عياله مدارس خاصه لااييب أكثر من 2 وآخر شي بنصير نفس الصين بس حدنا واحد!!أشلونكم مع الأجازه...

هلا مرووو00والله من صجج(2000)!!ياربي مادري اشفيهم ملاك المدارس00اشوف صار مخامط!!!

اي والله صاجه اللي بيدخل عياله مدارس خاصه00حده 1 او 2 بالكثير00

ابونا يقولي بعد نبي واحد00قلت له موخلاص00عقب المدارس الخاصه منت مسوي تنزيلات؟؟؟؟

لا بعد مابي اصدمج00التكامل من السنه الجايه الكتب عندهم ب150 دينار غير الرسوم؟!!!!!!


اي اسم00 اشلونج

على فكره00 الفري درس دي والكريزي هير دي00 والسن جلاسس دي والبجاما دي00

هذي كلها غالبا يكونون مطرشين ورقه يخبرونا عنها!!بس ممكن الولد يكون مضيع الورقه او ناسيها00

ويارب الله يوفق عيالج ويسر امورهم ان شاءالله

 

[mr000]

سلام أمهات الأبداع اشلونكم مع الأجازه!!

 

[حضاره]

اهلين مرووو 00اشلونج 00

ياحلو الاجازه00مكبرين المخده

 

[نطوووعه]

بنات انا ناويه اسجل ولدي ان شاء الله فيها كي جي 1

بس حابه اعرف جم شغله


انا سمعت ان مستواها للبنين مو زين صحيح هالكلام؟؟


ثاني شي حابه اعرف هل يسوون اختبار لولدي و شنو يكون الاختبار يعني يسئلونه عن شنو بضبط و هل يتشددون و مايقبلونه اذا ماجاوبهم زين؟؟


تكفووون جاوبوني ضروووري