قصتي انا مع مشاري<<اول مره اكتب قصه

[فديتني 19]

تسلمين حبيبتي فديتني عالقصه وتسلم إيدج يا غلاتي ربي يخلي لج ما بين عينج وقلبج ويحقق لج كل اللي يتمناه قلبج عاجلا غير آجلا آمين يا رب العالمين

البارت حلو وأحداثه حلوه يا الغاليه

يسلمووو على كلامج العسل اختي

 

[فديتني 19]

كملتها لعيونكم فديتكم والله



رجع ابوي واامي راحت خيمه الحريم

نور:هلا يبا شفيكم طولتووو.... وين امي؟؟؟

بوناصر:تبيني اجااوب على السوال الاول ولا السوال الثاني؟؟؟ حددي موقفج

نور:احلا يبا اموووت بالكلام هاذا عجيييييييب

بوناصر:امج راحت خيمه الحريم

نور:اهاااا يعني ارووح؟؟؟؟

بوناصر:احد طردج من هني؟؟

نور:لا

بوناصر:عيل قعدي

نور:زين لاتزف

قعنا انا مع ابوي ومشاري سوالف ورجعو فيصل واحمد

وقررو انهم يطبخون عاد رجاجيل وراح يطبخوون الله لايوريكم شنو سوو

اول مره اشوف طبخه جذي

طبعا مكونات الطبخه:
1 توونه
6 بيضات
1 فلفل بارد
1علبه معبوووج<<<فلفل حااار معلب
1 بصل
2 طماط
ملعقتين ماااجي ابيض
والملح على حسب الرغبه

حطو المكونات مع بعض وصارت شي يقوولوون اانه اكل<<<مومعترفه انهم بياكلونه عبالي يستهبلوون وبيقطونه
صااارت صج

((واذا بتسونها عليكم بالعافيه بس لاتدعون علي))

وهم ياكلونها انا كنت منقرفه

جان ابوي يقووولي
بوناصر:تعالي ذوقي شوي
نور:لامابي بالعافيه توني ماكله<<<جذااابه بس مابي اكل وخااصه انه حاااار انا عقدتي الفلفل

بوناصر:تعالي لاتردين ابووج

نور:بس وحده زين

طبعا اكلتها والله لايوريكم شنو صار فيني المهم رحت وشربت ماي واخذت اختي عشان اقولها شنو صار

يوم قلت لها السالفه زعلت مني تقووول ليش ماخذيتيني معاج

وحنا بنقاش مستمر لقينا الخيمه الشباب البعيده مافيها احد وشابين يمها ناار وقررنا انا معاها نقعد
وخاصه ان كان هناك ظلمه ومافي احد يشوفنا المهم قعدنا سوالف وضحك

وفجااااااه










مشاري سمع صوتنا وجااا على انه ياخذ جاكيته <<كان حده برد

مشاري:احم احم

نور: منو؟؟<<<<مسوييه اني مادري انه هوو

مشاري:انا مشاري

نور: اي هلا

احنا كنا قايمين بنرووح جان يقول
مشاري:وين وين تو الناس؟؟؟

روان:لا بنروح الخيمه مالت الحريم

مشاري:خلوكم انا الحين بروح بس باخذ جاكيتي

طبعا ماصدقنا وقعدنا على طول لا وكل وحده تعدل قعدتهاااا

مشاري:عجبتج الطبخه<<يتطنز

نور:حييييييييييييييييييييييل <<طنازه طبعا

حرقني....

مشاري:شربتي ماي؟؟

نور: اي بس للحين يحرقني

مشاري:الحين ايب لج ماي

ويروح يدور الماي اللي عندهم مسكين بالظلمه ويجي لي قلاص ويصب لي <<ياعييني على الرومنسيه بس

نور: ليش تعبت روحك مايحتاج

مشاري:بالعكس والله مافيها مشكله

نور:يسلموووو

شربت من الماي شوي لاني ماكنت عطشانه حييل وهو واقف ينطرني اخلص

مشاري:خلصتي؟؟

نور: من شنو؟؟؟

مشاري: من الماي....

نور:اي اي خلصت

عطيته القلاص وهو ياخذ مني القلاص وشرب الماي عقبي
مادري شنو يقصد بهاذي الحركه؟؟؟

وراح عند الرجاجيل وانا وختي ظلينا سوالف وبعدها رحنا عند الحريم ويوم صار بالليل متاخر رجعنا لبيت عمتي بالرياض ونمنا عندهم

انا مع خواتي ويييين نمنا؟؟؟


ويين تتوقعووووون؟؟؟؟؟





نمنا بغرفه الاولاد اللي هم فيصل ومشاري <<<< اهما كل مايجون عندهم ظيوف يروحون ينامون بيت عمهم

الين مانروح احنا


انا طبعا اول مادشيت الغرفه ماصدقت اني بنام فيها

طبعا مستحيل اني انام بفراش مو فراشي

فرشت لي فراش بالغرفه ونمنا انا معاهم<<اقصد خواتي

ويوم صار الصبح رحنا للبر وقمنا نلعب احنا والبنات

وهو كان يطالعني من بعيد وكان البر احلا طلعه طلعتها بحياتي

وشكرت ابوووووي انه خلانا نروح البر

اخر يوم كنا هناك ماكان موجود <<<بالدوام

انا ظاق خلقي لاني ماراح اشوووفه خلاص<<<طحت بحبه وي وي

وانا باطريج تذكرت كل شي صار بينا وقلت بيني وبين نفسي((( مستحيييل راح انساك يامشاري راح احبك طول عمري)))

وصلنا البيتنا بسلام وصار مشاري كل سبوعين يجي عندنا وابوي يحبه حيل وكان كل ما يجي يقوله تعال تغدى عندنا

مره من المرات مسويه اني سنعه يوم دريت انه راح يجي على طول رحت سويت حلاا

طبعا انا احسن وحده تسوي حلا<<موصج لان مستحيل اظبطه

يوم جا كانو عماتي كلهم عندنا بالبيت تغدو وخلصوو وصار العصر

ناديت ابوي وقلت له

نور:يبا انا مسويه حلا وماراح اعطيك اياه لما توعدني

بوناصر: شنو خلصيني مابي اطول على الرجاجيل

نور:ابيك اذا دشيت وحطيت الحلا تقولهم ان انا اللي مسويه الحلا<<مابي تعبي يروح بلاش لوووول

بوناصر:خلاص بس عطيني


عطيته الحلا ورحت ناديت اختي روان عشان نشوف ردت فعله لما يعرف ان الحلا انا اللي مسويته

وحنا نطل ندوره من فتحه الباب وهو الوحيد اللي كان ياكل الحلا<<<ماعجب الباقين لوووول


فجائه شافتنا عمتي <<مو امه عمتي الثانيه وهي قريبه له حييل ومافي بينهم مجاملات يعني مطيحه الميانه


عمتي:هاااشنو تسوووون

نور:هااااا... لا لا ولاشي بس نبي نكلم ابوي

روان:يبا يبا<<تنادي ابوي

عمتي:وخرو انا اناااديه لكم

نور:مشكوره عمه

راحت ونادته وحنا صرفنا الموضوع لابوي ورحنا

شوي وردينا نشوفهم وانا كنت ادوره واوخر روان كانت مغطيه علي واسالها وينه وهي دور معاي

فجأه


التفت وراي ولا مشاري كان طالع من الحمام<<وانتو بكرامه

وكان يغسل ايده انا شفته وشهقت وهو كان يطالع فيني

رحت اركض وروان للحين تدوره ماتدري انه وراها يوم شافته ظحكت وراحت ردت فعلها كااانت حدها عاديه بس نرفزتني<<يعني اغاار

رحت لغرفتي وقعدنا انا وروان نتكلم بالموضوع مومصدقين انه شافنا

يوم صار باليل جت عمتي وقالت لي تعالي ابيج بموضوووع

انا ستغربت!!!!!

رحنا غرفتي

نور:شفيج عمتي عسى ماشر؟؟

عمتي:انتي شبينج وبين مشاري؟؟

نور:هااااا !!! لا مافي شي ليش شصاير؟؟؟

عمتي:لا بس حركاتج معاه مو طبيعيه اني تطلين على الرجاجيل مو من عوايدج

وهو شايل صحون الحلا ويبي يوديهم المطبخ ويوم سالته قال لا بس كنت ابي ايبهم لج عشان تودينهم

نور:والله مافي بينا شي

عمتي:اعترفي عادي قولي انج تحبينه


خلص البرات الثاني واذا عجبكم بعد قولو لي عشان اكمل لكم باقي القصه


شنو توقعاتكم؟؟؟

راح اصارح عمتي واقولها اني احبه؟؟؟

ولا لا؟؟

وانا عمري الحين 19 سنه لخاطر اللي سالت جم عمري الحين

 

[نونيا]

احلى شي ان الخط كبيير والقصه اتونس كمليها بليييييييييييييييز

 

[فديتني 19]

احلى شي ان الخط كبيير والقصه اتونس كمليها بليييييييييييييييز

يسلمووو اهم سي عجبتج القصه

 

[نونيا]

اي والله اعجبتني ناطرين التكمله حبوبه وجان زين اتنزلين اكثر من بارت <<<طماعه

 

[فديتني 19]

احاااول اكملها باقرب وقت لاني تعبت وانا اكتب القصه

ههههههههههههههههههههههههه مومتعوده

 

[sweet.sanfoora]

اي راح تصارحينهاااا

وييتنغ يو

 

[gogosh al7elwa]

كملي ناطرين


ما اتوقع تصارحينها

 

[T-flower]

ناااااااااااااااااطرينج القصه تشوق

 

[كويتية اكيد]

ههههههههه تعجبني القصص اللي جذي تضحك وعفوية لووول يلا ناطرتج خيتو ومالي خلق قصص عوار قلب تكفين هالاسبوع كله مجابلة الافلام الهندية كافي شفت فلم حق شاروخان لما يموت اهىء اهىء للحين متاثرة ترى يعني من الاخر الزبدة لا تبجيني لووووووووووووول

يلا يلا يلا ابي بارت بعد

 

[white**angel]

كمليي واايد حلوه

 

[أم ورود الحلوه]

العمر كله
يعني الاحداث قبل 3 سنوات
يالله بنشوف النهايه في نصيب او لا

 

[تيناا]

القصه حلوه


كملي

 

[فديتني 19]

ههههههههه تعجبني القصص اللي جذي تضحك وعفوية لووول يلا ناطرتج خيتو ومالي خلق قصص عوار قلب تكفين هالاسبوع كله مجابلة الافلام الهندية كافي شفت فلم حق شاروخان لما يموت اهىء اهىء للحين متاثرة ترى يعني من الاخر الزبدة لا تبجيني لووووووووووووول

يلا يلا يلا ابي بارت بعد

ولا يهمج ان شالله الاحداث اليايه تعجبج

 

[فديتني 19]

العمر كله
يعني الاحداث قبل 3 سنوات
يالله بنشوف النهايه في نصيب او لا

العمر كله معاااج

 

[عطر مذهب]

كملييييي

 

[sweet.sanfoora]

عفيه كمليها

 

[bintq8]

كملي عجيبه القصه تسلم ايدج

 

[فديتني 19]

اوكي بس اكمل البارت ومن عيوني

 

[كويتية و النعم]

القصة وايد حلوة و احداثها احلى بعد :rerrerek:
يعطيج العافية حووبي و ناطريـــــــنج ...~