.*. خـبـيـرة بالمكيـاج .. بس ابي المساعدة .*.

[مــســك]

قــوة بناات شلونكم ان شاءالله بخير ...


حابه مساعدتكم لي ومن خبراتكم المثمرة ..


بنات انا عندي موهبة فن ورسم المكياج .. يعني فنانة بالميك اب .. ودي يعني اعطي دورات .. واحط مكياج الي تبي ..


بس ماني عارفة شلوون ..


الي حابة تساعدني شلون لهااا الاجر ..



ومشكــوريــن ..

 

[^noonaa^]

اول شي ابدي من اهلج يعني مثلا قولي حق خواتج او بنات خالتج او عماتج يقولون حق رفيجاتهم انه اتحطين ميك اب وتستقبلين الزياين

وحطي اهني اعلان بالمنتدى ماشاءالله نص بنات الكويت يدشون هالمنتدى وحطي مكياج على عارضات وعرضي الصور اهني

وبعدها اذا مشى شغلج سويلج دورات

والله يوفقج ان شاءالله

 

[WaChoCha]

اذا حابة تسوين دورات اول شي لازم تحددين المكان في بيتج والا في بيت الزبونة
تحددين عدد الساعات اللي حتاجتها علشان تغطين المنهج للدورة
تحتاجين تحطين سعر للدورة
اذا الدورة في بيتج لازم تهيئين لج مكان .. وتحطين لج عدد معين من المتدربات
لازم توفرين احتياجات التدريب

والله يوفقج

 

[مــســك]

اول شي ابدي من اهلج يعني مثلا قولي حق خواتج او بنات خالتج او عماتج يقولون حق رفيجاتهم انه اتحطين ميك اب وتستقبلين الزياين

وحطي اهني اعلان بالمنتدى ماشاءالله نص بنات الكويت يدشون هالمنتدى وحطي مكياج على عارضات وعرضي الصور اهني

وبعدها اذا مشى شغلج سويلج دورات

والله يوفقج ان شاءالله

مشكـورة ياقلبي على ردج ..

وفكرتج حلوة .. وانا فكرت مثلج جذي ..


اناا مصورة مكياجي على نفسي ودي احط صوري بس خايفة .. ياختي كل من هب ودب يدش المنتدى ويبوقون الصور .. هم الوحدة لازم تخاف على نفسهاا ..


وتسملين ياعمري على دعوتج ..

وعلى فكرة انا وايد تعجبني شخصيتج بالمنتدى ماشاءالله عليج مواضيعج حلوة وردودج على البنات احلىى ..

 

[مــســك]

اذا حابة تسوين دورات اول شي لازم تحددين المكان في بيتج والا في بيت الزبونة
تحددين عدد الساعات اللي حتاجتها علشان تغطين المنهج للدورة
تحتاجين تحطين سعر للدورة
اذا الدورة في بيتج لازم تهيئين لج مكان .. وتحطين لج عدد معين من المتدربات
لازم توفرين احتياجات التدريب

والله يوفقج

حبيبتي انتي مشكورة على اقتراحج الحلوو ..


اي لازم يكون بيتي احسن اذا بعطي دورات ..


بآخذ برايج يالغالية ..


شرايج اشتري فيس دميه مثل الي نشووفهم بالمحلااات الملافع بس فيس دمية ولافين عليها الملفع .. اطبق عليهاا المكياااج ؟

 

[krkooora]

^^

لا قلبي ما اشوف هالفكرة تخدمج لانه ما شاء الله البنات يحبون شوفون الشي طبيعي عشان يجربون و يشوفون حلاوة شغلج لانه الدميه غير مو نفس ويه البنت صج عرفتي علي شلون ؟

يعني انا اشوف تبدين من صديقاتج و خواتج و اهلج شوي شوي بشطارتج

و اذا تبين تعرضين بالمنتدى تقدرين تحطين صورة العين فقط في كثير بنات ما شا الله عليهم شغلهم رووعه اشوفهم بقسم الميك اب وحده منهم تاجره بعد تسوي دورات تقدرين تاخذين عضوية التاجرة و تحطين اعلانج و رقمج للبنات و انتي عارفه منتدانا ما شاء الله صيته بكل الخليج يعني شهرة بتصيرلج عرفتي يا قلبي

ومووووووفقه يارب(;

 

[مــســك]

krkooora .. مشكورة حبيبت قلبي على ردج .. لا انا قصدي الدمية لماا اعطي دورات تدربية للبنااات .. اعلمهم عن طريق الدمية ..


لكن بالعرض الميك اب لازم تكون الصور حقيقة احسن عشاان يقيموني عـدل ..

بس ماادري اشترك بالعضوية اشوفهاا تو الناس لان مابي اقط فلوسي ويمكن شغلي مايمشي .. اناا بشووف البناات بنزل موضوع وبحط صور واذا حبوو شغلي اووكية اتوكل على الله ..


والله يوفقج الجميع يالغالية ..

 

[أنوثهـ حتى الثمالهـ]

امممم فيه الفيس شارت طبقي عليه بالدورات
وخصصي كم يوم بالدورة طبقيي فيها على موديل وخلي البنات يطبقون على بعض
منها فني ووناسه ومنها تكونين ريحتي ضميرك واستوفيتي كل شي
موفقه

 

[توتاتوتا]

بالتوفيق ان شاء الله انا من اول الزباين

 

[مريانا ام ماريا]

حبيبتي تدرين رفيجتي خبيره مكياج وشغله روعه لمن بدت حطت مكياج لخدامتهم والله والله غيرتها ومحد صدق انها هنديه طلعت تهبل ويابت عارضه لبنانيه وسوت اعلان وزعته على سكان المنطقه الي فيها صالونها والحمد لله صارت مشهوره بمنطقتها
الهدف اتنها حطت لخدامتهم لانها تبي تبين للناس انها تقدر تمكيج كل درجات البشره السمره والبيضه

 

[مــســك]

امممم فيه الفيس شارت طبقي عليه بالدورات
وخصصي كم يوم بالدورة طبقيي فيها على موديل وخلي البنات يطبقون على بعض
منها فني ووناسه ومنها تكونين ريحتي ضميرك واستوفيتي كل شي
موفقه

حبيبتي انتي .. مشكورة على الآقتراح ..


والله يوفق الجميع ..

بالتوفيق ان شاء الله انا من اول الزباين

فـديتج والله يالغالية .. وان شاءالله اذا الله وفقني شرط اسويلج مجانااا ..

والله يوفق الجميع يارب ..

حبيبتي تدرين رفيجتي خبيره مكياج وشغله روعه لمن بدت حطت مكياج لخدامتهم والله والله غيرتها ومحد صدق انها هنديه طلعت تهبل ويابت عارضه لبنانيه وسوت اعلان وزعته على سكان المنطقه الي فيها صالونها والحمد لله صارت مشهوره بمنطقتها
الهدف اتنها حطت لخدامتهم لانها تبي تبين للناس انها تقدر تمكيج كل درجات البشره السمره والبيضه

ماشاءالله عليها ... الله يوفقهاا ويوفق الجميع يالغالية ..


ومشكـورة حبيبتي على ردج ..

 

[يرخصلك كل غالي]

لووووووووووووول امنيتي اصير فنانه بالمكياج

اذاا بديتي بالدورات لا تنسيني

 

[بنت الاحلام]

هلا وغلا لو تبين اي مساعده حاضر حياتي لو تبين احط لج موضوع من عيوني يا الغاليه

 

[مــســك]

لووووووووووووول امنيتي اصير فنانه بالمكياج

اذاا بديتي بالدورات لا تنسيني

ان شاءالله تصيرين فنااانة ميك آب ...

ومن عيوني ياقلبي اذا بلشت بقولكم ...


بس ادعولي الله يوفقني يارب ..


ومشكورة يالغالية ع ردج ..

​

هلا وغلا لو تبين اي مساعده حاضر حياتي لو تبين احط لج موضوع من عيوني يا الغاليه

هلآ فيج يآقلبي .. وي فديتج والله لآ خلآ ولآ عــدم بنت آحلااام ..


وتسلم عيونج والله ..


وانتي ماشاءالله عليج معروفة بطيبت قلبج .. وامبين من مواضيعج الحلووة ياذووق ..


وعسى ربي يرزقج الرزق الطيب ويبعدج من كل عين ومن كل شر وحاسد اللهم آميــن ..










​

 

[noor al3yoon]

رد : .*. خـبـيـرة بالمكيـاج .. بس ابي المساعدة .*.

الله يوفقج يارب

 

[تعويذه الحب]

شوفي حبيبتي اول شي لازم تسويين دعايه حق شغلج يعني تصورين جم لوك وتنزلينه هني بالمنتدى و ممكن تتعاملين مع صالون

ما عندهم خبيره مكياج ووقت اللي يصير عندهم ناس يبون مكياج يدقون علي وتروحين تحطين لهم والمبلغ الصالون له نسبه

اما بالنسبه للدورات فلازم الدورات تكون رخيصه شوي و مكثفه وبجذي راح تكسبين اكبر قدر من الزباين ومثل ما انتي عارفه ان سعر الدورات

حيل غالي والبنات يستغلونها فخلج اقل ولا تنسين اللي يحبون هالسوالف بنات المعاهد والجامعات ولا المقبلات على الزواج يعني

فئه كبيره واكثرهم على الاعانه فلازم تراعين الوضع المادي وهم لازم تسوين كتيبات حتى لو انتي تطبعينها توضح طريقه المكياج



و حبيبتي انا وبناتي نبي نتعلم مكياح واعتبرينا اول زباينج

موفقه يا قلبي

 

[مــســك]

شوفي حبيبتي اول شي لازم تسويين دعايه حق شغلج يعني تصورين جم لوك وتنزلينه هني بالمنتدى و ممكن تتعاملين مع صالون

ما عندهم خبيره مكياج ووقت اللي يصير عندهم ناس يبون مكياج يدقون علي وتروحين تحطين لهم والمبلغ الصالون له نسبه

اما بالنسبه للدورات فلازم الدورات تكون رخيصه شوي و مكثفه وبجذي راح تكسبين اكبر قدر من الزباين ومثل ما انتي عارفه ان سعر الدورات

حيل غالي والبنات يستغلونها فخلج اقل ولا تنسين اللي يحبون هالسوالف بنات المعاهد والجامعات ولا المقبلات على الزواج يعني

فئه كبيره واكثرهم على الاعانه فلازم تراعين الوضع المادي وهم لازم تسوين كتيبات حتى لو انتي تطبعينها توضح طريقه المكياج



و حبيبتي انا وبناتي نبي نتعلم مكياح واعتبرينا اول زباينج

موفقه يا قلبي

يــآ بعد عمــري والله عشووقه ..


مآقصرتي كفيتي وفيتي ..


وكلامج حييل حلو ويشجع ..



بس خلي بعد العرس ان شاءالله اضبط نفسي :$




وشكلج مآخذه دوره الدلع والآتكيت خو بتعلم منج بعد :eh_s(20):




ومن عيوني انتي وبنآتج تتعلموون عندي.. وربي هذا اكبر شرف لييييييي .. فديتج :eh_s(17):












​

 

[كادي_كادي]

ماشاء الله البنات ما قصرو والله يوفقج ان شاء الله

 

[نجلاء الكويت]

رد : .*. خـبـيـرة بالمكيـاج .. بس ابي المساعدة .*.

ربي يوفجج وتفتحين لج صالونج الخاص واكون اول زبونه عندج

 

[قطوووة]

رد : .*. خـبـيـرة بالمكيـاج .. بس ابي المساعدة .*.

اول خطوة تأجرين عارضة وتصورين شغلج عليها بأكثر من لوك نقول 4 لوكات

واعرضي بكويتيات وسوي مكياجج في البيت

وشوفي الاقبال