صارحته وانصدمت

[σм 3ℓαωɣ ™]

تدرون شنو أول مسج

دازتله بموت عشان أشوفك وأحبك ما أقدر أعيش بدونك فلان ترى بروح الشاليه وبقعد لما تيي
إن شاء الله لي الصبح ماراح أتحرك
معناته مايبي يشوفها - دزلها عيال عمي والربع بالشاليه
ودازتله حراام عليك أنا راضيه باللي تبيه راضيه أعيش تحت ريولك أنت دنيتي وأخرتي (تخيلوا الذل )
أنا قاعده أموت لما أدري أنك قاعد معاها وقاعده أدوس على نفسي وأتحمل


وثالث مسج أحبك أحب التراب إلي تمشي عليه ما راح أتنازل عنك وماراح أييب طاريها أو أسمها مرة ثانيه أسفه فلان مدلعته

وبعدين للأسف طلع من الدار وما قريت مسجاته لها
بس طبعا من ثالث مسج عرفت ان زافها

مديري يناديني شوي وراجعه

هلا فنور
تذكرين يالغاليه بأول ردّ لي بهالموضوع
لما قلت لج حطي على نفسج ودوسي شوي على كرامتج لأن قليلة الأدب
أكيد لما تصير بينهم مشكلة تدوس على نفسها
هالشي إنتي أحق إنج تسوينه
هذي زوجج
ظلج وظليلج
وإنتي ماشيه صح
متحمله عشانه رغم إن ما زالت بينهم اتصالات والواضح منها إنه ما يبيها
ربي يسخر لج زوجج
ويهدي سركم ويطمن قلبكم ويبعد عنكم بنت إبليس
عليج بقيام الليل يا فنر
والله إن سهام الليل لا ترد

باكمل باقي الموضوع وباجوف إذا في ردود يديده لج خخخخخخخخخخخخخخ
بس أنا وايد وايد وايد فرحانه لج

 

[عهود الحب]

فنر حبيبتي
عسى الله يتمم عليج ردتج له
بس
لا تتأملين شكثر من وراه
لاتخلينه مركز الاهتمام كله
حسسيه انج مستقلة بذاتج موميته عليه
اخاف بعدين يصدمج



سالفة المسجات
يمكن اتفاق بينه وبينها
يمكن شرط عليها تمثل معاه
انتي تدرين ؟ ماتدرين مايدري الا رب العالمين


الاختبار الحقيقي له انه يبيج وشاريج ويبي يستقر معاج الى نهاية العمر
موضوع الانجاب والاطفال
ايانا واياج تصدقين
انه الانسان الي يحب انسان يأجل الانجاب منه


الاسرة الطبيعية فيها اطفال
الاطفال رابط حب بين الزوجة والزوج


زوجج لعاب
ومثل ما عافها

احتمال



يقلب الطاسه عليج اذا مل


لو اي احد ينظر للامور من كل الجوانب
بيكتشف انه الرجل ما له امان
عشمها بالزواج وتركها
وعشم امه
وعشم ابوه
وعشمكم


حبيبتي زوجج مو بسيط
لا تأمنين له بأي حال الا اذا اتفق معاج عالانجاب


رغم انه الطفل ما يربط الرجل
بس بوضعج انتي


انتي يتيمة
والطفل يشيلج لي كبرتي
كوني مع الله يكون معاج
وعسى ربي ييسر امورج ويسخره لج
ولو اني اشك بذلك بس ادعي لج ان الله يسخره لج

 

[((Fner))]

مرحبا بنات شلونكم

أسفه ما قدرت أدخل كلش على النت

كنت تعباته وايد وضروفي كلش ما سمحتلي

وايد أشياء صارت الأيام إلي طافت

وأنا تعبت ومادري ريلي يستاهل عالتعب كله ولا لأ

ومشكورين على سؤالكم واهتمامكم

وكل إلي أرسلي على الخاص راح أحاول أرد بأقصى سرعه لأن ماشاء الله عندي وايد رسايل

بحاول أختصر - عقب احتفالي بيوم زواجنا ثاني يوم دقت حماتي وقالتلي مسويه يمعه عندها كل الأهل وعازمتني على العشا

وقالتلي قولي للي يعز عليج الكل بدق على اصدقائه ونتيمع

المهم تجهزت وكشخت ورحت بهذا اليوم ما كلمت ريلي وايد لأني كنت مشغوله تدريس وجهزت نفسي وحتى اهوا كان مشغول

وصلت بيت حماتي - وابد ناس صوب عمام ريلي اغلبهم مايو لأن عزيز عليهم توفى بره يعني العزيمه صارت كلش صغيرة

واحترامي لهذا الموضوع وطيب أخلاقي طبعا ماكشخت وحطيت مك أب خفيف حييل

لأن تحولت من عزيمه إلى يمعه صغيرة

الصدمه أنها دخلت علينا وطلعت صديقة بنت خالة ريلي ولأنا محد قالي هالموضوع كلش لا خالتي وريلي ولا حماتي

فنصدمت وبين علي الذهول

اهما انصدموا مثلي وبنت خالته حسبي الله عليها سوت روحها نست لا تدق وتقول لها العزيمه تكنسلت وصارت صغيرة

قعدت تسوي حركات وتتدلع وجنا اييها مسجات وتقول بصوت عالي حبيبي وتضحك يعني (مسخرة)

صراحه ما قدرت أتحمل أستأذنت وطلعت سكرت جهازي ونمت مادري شلون قمت أبجي لما نمت

قعدتني الخدامه حق الدوام بس مارحت وبعد شوي دق ريلي ومعصب

يقولي ليش صكرتي التلفون وليش نمتي قبل لا تدقين قمت احاتيج

أنا عرفت من خالتي وبنت خالتي أن داق بليل على البيت وقالوله نايمه

ما عطيت أي عذر بس قتله كنت حييل تعبانه وللحين تعبانه وما أقدر أكلمك

طلع عارف الموضوع خبروه

سألني مباشرة شلون تعرفينها

أول شي استعبطت قتله منو قالي أسمها قتله أعرفها وخلاص

تناجرنا إلا يبي يعرف شلون وأنا اصريت على موقفي

عقها دقيت على خالتي (أمه) قتلها غلي صار قالتلي خلاص جنا أنا موريتج صورة ومن حقج تعرفينها قالتلي خلي الموضوع علي


وفلانه قصدها بنت أختها غلطانه وكلنا عاتبناها وقلنالها هالبنت ماله دخله عندنا وتعذرت وقالت بنت خالته عني ما أدري أنها تعرفها

طبعا جذابه لأن البنت شافتني مع خالتي وشكلها عرفت أني زوجته وأكيد قالت حق ريفيجتها (بنت خالته)

قلت حق خالتي ليش ما قلتيلي أنها صديقتها طبعا تعذرت

بنات أنا ما قدرت أكمل التمثيليه رحت بيتي ودقيت على ريلي وقتله اني ناطرتك رجع عقب ساعتين وربع

خلاني أغلي - رجع معصب أهوا الغلطان ومعصب

قتله أنا تعبت وماني مستواها القذر ما أقدر على حركاتها

شرطت إذا يبيني لازم ينهي كلشي جدامي رفض قالي انا ريال وقتلج حياتي معاها منتهيه

قتله غير تلفونك رفض قالي هذا رقمي والكل يعرفني عليه صعبه

قتلها خلاص أنت بايع - نزلت صرخ من فوق قالي أن طلعتي مالج رجعه

أنا ريال اعتذرت وقربت منج وحاولت أرضيج وأريحج

بيدج القرار

ما ياتني شجاعه أطلع ظليت قاعده تحت شوي ونزلي قالي وايد كلام

رجعت بالليل البيت - ما قدرت انام منهارة - مرة اقول جان زين طلعت جني نزلت نفسي ومرة اقول ماراح أخلي لها

مادري هذا حب ولا شنو - دقيت على رفيجت بنت خالتي وكلمتها واستشرتها

كان ودي أدق على البنت وأبهذلها نصحتني ما ادق وغذا ريلي حاول يرضيني أرضى وأحاول أروح معاه مكان

المهم ما دق إلا ثاني يوم العصر سولف شويه وراح ينام

قررت أعزمه بره حجزت هلتون المنقف يومين رحت هناك أنا وبنات خالتي وأختي حطيت ملابسي وسنعت

ودزيت مسج له برقم الغرفه وأسم الاوتيل

دق عقب ساعه تقريبا وقالي وينج قتله ناطرتك

ياني وقعدنا خوش قعده

لما دخل يستبح شفت تلفونه

كنت خايفه شفت الاتصالات ما لقيت رقمها كل سكرته

لما طلع لقاني اقره قرأن وقتله عن حملتنا بالبيت وكان بويهه ينن ومريح وقتله شرايك تدخل معاتا ووافق

الفجر قعدته وصلينا مع بعض وقالي كلام حلو قالي أنا أصلي طبعا تدرين بس وايد أنسى وساعات أجمع


مرتاح أني صليت الفجر بوقتها كان أحلى كلام دار بينا وعدته أسير منبه حق الصلاة


ومن باجر الصبح شفت مسجاته

كان في مسج واحد منها

كلام ينرفز وسخ - رديت التلفون غسلت وبدلت - تفاجات يقولي عيب تفتشين تلفوني

بنات استحيت ومن كثر الحيا بجيت قالي بدلي خل نطلع بدلت وأنا مستحيه

شوي اذن الظهر جان يقولي لو سمحتي وحتى واحنا زعلانين لازم تقومين بوظفتج وتنبهيني على موعد الصلاة


وطاح الحطب -عشنا أحلى يومين رجعنا

انشغلت بالتدريس واهوا عذرني وبالعكس كان يشجعني يعني مو متضايق من هذي النقطه

أخر حدث كان قبل امس دقت علي تخيلوا الجرأة قالتي أنتي الدخيله علينا وترى ماكو فايدة لا تقولين حق فلان أنتي الخسرانه

راح يمثل عليج أنه منزعج وراح اعطيج دليل - انسحبي بكرامتج وشوفي نصيبج مع واحد ثاني فلان حبيبي وانا حبيبته

ما عرفت ارد قتلها عييب عليج إلي تسوينه

قالتلي أمس الساعه 9 كان باجتماع لما 11 تقريا صح - سكت - قالتلي كان معاي وقالتلي شنو كان لون دشداشته

سكيته بويها وما عرفت أتصرف كلمت خدامتي في بيتي وطلع صح لون الدشداشه قلت أكيدد رايحتله الشركه وشايفته

دقت مرة ثانية ورديت عليها قالتلي بعد دقايق بكون عندها ودقي عليه وجربي راح يقولج اجتماع

فعلا دقيت قالي انا مشغول عندي ناس دقيت على الشركه كلمني مدير مكتبه قالي مو موجود

تخيلوا شصار فيني دقت عليه مايرد دقيت مرة ثانية بعد مايرد دزيت مسج حقرته فيه

دق على عقب ربع ساعه مارديت دز مسج يقولي ردي أحسلج

دقيت قالي شنو يعني جذاب و...........قتله أنت معاها قالي ينيتي قمت أصرخ بدون احساس

سك التلفون بويههي شوي ولا خالي داق قالي لبسي أنا مارج وطبعا كل البيت درا بالسالفة

مرني ورحنا ماريوت ولا ريلي هناك وصج عنده اجتماع

تخيلوا الفشله وقتله الموضوع كله - قالي أمس كانت ناطرته عند البيت بيتنا

وتهاوش معاها بعدين ركبت السيارة معاه ودق عليها جدامي وسفل فيها

وقامت تبجي أسمعها وتصرخ وسكر التلفون بويهها استانست بس رجعني بيتنا هالمرة ماقالي متى بترجعين مثل كل مرة

وقبل لا أنزل قالي أخرمرة تسوين هالحركه ما أسمحلج وأخر مرة يدق عليها جدامي أو مو جدامي

قالي أنا ريال تبيني يا بنت الناس اشتريني

ما نطقت وللحين مادري شسوي شلون أراضيه

شسوي مادري - مادري إذا صج إلي قاله لها صج زفها معقوله يمثل

اهيا بتهده معقوله خلاص ماراح تدق مادري بس تعبت

 

[ام الماسه]

حبيبتي انتي غلطانه انك تسوين مراقبه عليه وبعدين هو لو مو صادق بكلامه وانه راح يتركه كان مادقت عليك

المفروض تصيرين ذكيه وتخلين وجودك معه مصدر راحه وانتي الحين بعدتيه عنك علشان كذا ارجعي اليوم لبيتك

وخليه يتعود ع وجودك وهو قالك وشوا الي خاله متعلق فيه بعد الزواج فسوي الاشياء الي يحبه ولا تكونين مصدر ازعاج له

وهي اذا دقت انتي نرفزيه اذا قالت كان معي قولي انتي كذابه وغيرانه انه رجعني وقطك قطت الكلاب محشوم السامع

اعتذارك راح يكون برجوعك للبيت وسويله ليله حلوه وخلي ايامك عسل وشيله من تفكيرك ولا كانه موجوده واذا رجعتي

لاتعتذرين ولا تجيبين طاري الموضوع ابدا

 

[TeAcHeR_BeZaRiN]

فنر انتي وااايد خقيتي وزوجج مسك مكانج واكان سيد كل المواقف

شنو يعني يوم شفتيها طلعتي وبجيتي وسكرتي التلفون !!!!!!!! شكووووووووو

ليش انسحبتي !! اهي كانت بتشوف مدى قوتج وانتي بينتلي لها قمه الضعف عشان جذي اهي تجرأت وبكل وقاحه اتقولج بعدي

(( وعلى فكرة بنت خاله زوجج حيوانه الي ربعها بهالمستوى الواطي ))

ولما دقت اتقولج كان معاي وانا عطيج الدليل اشلووووووووووون تقبلين انها تسيرج وتعطيج الدليل !!! واترفزج بهالطريقه ؟

كان المفروض اتقولين لها حتى لو انج اتألفين ( لا اصلا زوجي كان باجتماع وائي ادري انه لابس هاللون انا الي معطرته ومخرته وختاره هالدشادشه ومو انتي الي تملين على تصرفاتي ادق على زوجي واقوله عنج ولا لا ,,,, وبعديد اهو باعج برخيص وبعد ما شبع ولعب قطج ويالي ودفع الغالي عشان ياخذني ويوم اني زعلت ياا يبوس الايادي ودخل الوسايط عشان بس يراضيني والخ الخ ))

وبعدين يافنر لما اتحسين نفسج ما اتعرفين اتردين على هالاشكال لا اتردين عليها !! ولا عطيها رقمي انا ابرد جبدج افا عليج

وبس يلا عاد ردي بيتج مصختيها لا تسمحين حق الحشرة تلعب بأعصابكم

 

[غدووور الكويت]

قصتج تعور القلب حبيبتي عطيه الثقه وهذي شكلها قويه ووبتخرب بيتج خليج اقوى منها ولاتردين على مكالماتها والظاهر في احد بدوام ريلج يعطيها كل تحركاته
والمطلوب منج اتييبين زوجج صوب الدين والصلاة وشوي شوي خليه يقعد معاج واقروا مع بعض روايات وكتب يعني خليج دايما قريبه منه ولا تنسين تغيير شكلج والطلعات الرومانسيه مثل ما سويتي مره وان شاء الله بينساها ويصير لج وحدج ولا تنسين شجعيه على صلاة الليل وعن تجربه وااايد يستانس الريال من هالحركه

 

[كريستال]

والله حبيبتي هالاشكال ماتستاهل تنزلين نفسج عشانها

لاتكلمينها ولا تلتفتين لها

لاتردين على تلفونها من صجج تخلينها تنرزفج ؟

اذا تبين تذبحينها قهر انشري سالفه انج حامل وشوفي القهر الصجي

خلااص حبيبتي انتي فزتي عليها واللي تسويه كله انها تبي تخرب عليج وتبي ترده

ريلج انسان طبيعي ذاق الحلال وعرف طعمه صعبه يرد لها

وكل اللي تسويه انها تبعده اكثر واكثر

خلج انتي الطاهره العفيفه المصليه

اللي قعدتها ترد الروح وخليها تغلي تراها ضعييييييييييفه

انتي اقوى منها بس مو حاسه بقوتج وريلج يحبج

حبيبتي الريايل يعرفون الحريم ومايخفى عليهم الطيبه من ...

وبنت خالته لاتعطينها ويه لانها مثل رفيجتها الا اذا تبين تحرين رفيجتها وصليلها الاخبار الحلوه

ياحامل يابنروح فندق او سفره وحركات الحريم ^_* خليها تمووووت

 

[باربية الكوووويت]

الله يعينج لا تزعلين حسيت انه توم كروز وقاعدين تتهاوشون عليه واهوا مستانس يحسب نفسه معبود الجماهير

 

[لوازم العائلة]

الحمدلله تطمنا عليج
انتي غلطتي فبعض الامور وانتي عارفه غلطاتج والحين تعلمي منها
الحين لاتيبين طاريها نهائيا حتى لوتشوفينهم بعينج مع بعض بدوام اوغيره
حاولي تسافرين

 

[فوز وفواز]

واااااااااااي فنر الله يهديج اهيه لو انه عندها جان مادقت تقول لج ترى عندي وتاكدي لو ماحست روحها خسرانه جان ماسوت كل السخافات اللي سوتها بس شافت انه بايعها قالت اللي فيها فيها واخرب عليه
حسافة واااااايد ضعفتي جدامها مفروض من اول مادقت عليج تحرينها وتجعمينها وتقولين لها اللي ماتطاولينه بايدج طاولي بريلج ريلج
لو يبيها جان ماماتت من القهر وترززت جدامج جان ارتاحت نفس قبل ولاهمها خل تولي وكل ماحسيتي انها ردت له دليليه زيادة وتقربي منه على طول واذا دقت عليج قوليله واذا تقدرين سجليله مكالمتها وانتي تمدحينه وتدقرينها
جبح ويه الله ياخذها صج كل من يسوي باصله صج اي شيء

 

[فله]

الله يعينج
بس انت صراحة بينتي لها ضعفج ؟؟؟
فنر العني خيرها خوفيها هالاشكال ماتنحشهم الا العين الحمرة

 

[L.a.v.e.n.d.e.r]

شفيج
لو انها صاجه جان مالقيتيها كل شوي تدق عليج
اهي قاعده تشيشج عليه عشان تفرقكم لأن مبين ان ساحب عليها
فكري فيها لو الريال عندها ومابينهم شي شحقه تدق عليج وتشيشج
انتي متزوجه صارلج سنه طول هالسنه اللي كنتي متزوجته واهو كان معاها دقت عليج ولادرت عنج

بعدين انتي بهالطريقه قاعده تخلين ريلج يبعد عنج
شيبي بوحده كل قعدتها لوم وعتب وشك
وتلقينها اهي بالمقابل تدلع وتضحك وعايشه حياتها

لو انتي مكانه من له بتروحين

خليج الزوجه الحلوه الشيطونه الفرفوشيه
بس بنفس الوقت حليج مراقبه كل شي عشان محد يلعب من وراج

انتي الاصل انتي الصح انتي زوجته جدام الله وجدام الناس
انتي تبقين واهي تطلع

انتي كنتي باديه صح واحس ريلج في مجال ينصلح وله رغبه والدليل الصلاة

لاتخلينها تهدم حياتج وتفوز عليج
والله يوفقج ويهدي ريلج

 

[فوز وفواز]

صج صج وقحه عمري ماتخيلت انه في وحده بهالجراة والوقاحة شكو داشه بيت اخته؟؟؟؟؟؟؟؟؟؟؟ عينه قويه مصيبة

 

[mariaQ8]

حبيتي فنر

الله يوفقج يا رب و يعطيج على قد نيتج و يسخرلج زوجج و يهديه يااااا رب


والله قصتج عورت قلبي وودي لو بايدي شي اساعدج فيه اكثر من الكلام على النت...بس ان شاء الله انتي قدها و قدود و تكون هذي ازمه و تعدي


انا تابعت الموضوع من الاول...و اشوف في بعض ردود البنات اما اسود او ابيض..يعني اما وحده تقول لأ شلون ترديله و هذا زاني و شلون و شلون و انه يمثل و ما يبيج و انه و انه

و ردود ثانيه على النقيض...تبيج تقدمين كل التنازلات و تيين على نفسج و تاخذين المسأله جنها تحدي...وانج ما تخلين زوجج حق هالحثاله (سوري على الكلمه)...او اللي تقولج فكري تيبين عيال ...تفكير سطحي مع احترامي للكل

انا من كل ردودج و من كلامج عن زوجج...حسيت شغله...مادري يعني بعد انتي اكيد اخبر في زوجج منه..بس االلي حسيته انه اهوه من الداخل و كشخص ..انسان زين...لكن الظاهر ما تربى على وازع ديني قوي و ما عنده ذاك الالتزام الديني ( و شكله هذي بيئه اهله اساسا)..فحبيبتي انتي اهم شي لو تفكرين تردين......هذا اهم جانب تركزين عليه و تدشين منه..شديه صوب الدين..واللي يقولون اهوه زاني...اقولهم..عيل وين صبر الزوجه على زوجها و دورها..ماكو حريم صبروا على رياييلهم اللي يسكرون و عندهم علاقات و يلعبون قمار و غيره و غيره؟؟؟؟!!!!...خصوصا اذا الريال فيه بذره خير...و صدقيني الله سبحانه ان شاء الله بيوقف معاج...و حتى لو لا قدر الله ما كملتو مع بعض ..حاولي على الاقل تكونين السبب في هدايه انسان

هذي شغله..الشغله الثانيه عاد...شطارتج كأنثى و زوجه...و ما شاء الله البنات ما قصرو في هالجانب...خليه يشوف انه ممكن يلاقي في علاقته معاج كل اللي يبيه...و بالحلال..

و مثل ما قالو خلج قويه...لا تعطين هذيك الفرصه انها تهزج...سواء من داخلج او جدام زوجج...و دايما تذكري انها اهي اللي في موقف ضعف...انسانه رخيصه مالها اي احترام من احد...ماهي كفو انج تشغلين بالج فيها

و اخر شي حبيبتي...وعقب كل هذا..ترا الحياه كلها تظل مغامره و تجربة...و انتي الحين تعيشين تجربتج الخاصه...و يحق لج مثل ما يحق اي وحده فينا..انج تخلين لنفسج مخرج لو لا سمح الله الامور ما مشت معاج...و اعتقد اهم منفذ لج الحين..اهوه تأجيل الانجاب...و لا تخلين احد يوهمج انج بتربطين الزوج بالعيال...ترا مو كل الرياييل جذي..و ما اعتقد زوجج من هالنوع....و انتي من حقج تتاكدين من استقرارج معاه قبل لا تخطون خطوه مهمه مثل هذي..ما عليج من اللي يقول ...انتي ما عندج احد و من هالحجي..قولي عندي رب العالمين ما يخذلني..و اهلج ماشاء الله ما قصرو من قبل وما اظن بيقصرون

و الله يوفقج حبيبتي....و سوري طولت عليج...واااااااايد ودي اقولج حجي

و طمنينا عليج

 

[((Fner))]

حبيبتي انتي غلطانه انك تسوين مراقبه عليه وبعدين هو لو مو صادق بكلامه وانه راح يتركه كان مادقت عليك

المفروض تصيرين ذكيه وتخلين وجودك معه مصدر راحه وانتي الحين بعدتيه عنك علشان كذا ارجعي اليوم لبيتك

وخليه يتعود ع وجودك وهو قالك وشوا الي خاله متعلق فيه بعد الزواج فسوي الاشياء الي يحبه ولا تكونين مصدر ازعاج له

وهي اذا دقت انتي نرفزيه اذا قالت كان معي قولي انتي كذابه وغيرانه انه رجعني وقطك قطت الكلاب محشوم السامع

اعتذارك راح يكون برجوعك للبيت وسويله ليله حلوه وخلي ايامك عسل وشيله من تفكيرك ولا كانه موجوده واذا رجعتي

لاتعتذرين ولا تجيبين طاري الموضوع ابدا

:tek:
مشكورة حبيبتي

كلامج كله صح

كنت مقررة باجر أرجع

بس لللحين ما دق ودزيت قبل ساعه تقريبا مسج وللحين ما رد

 

[((Fner))]

فنر انتي وااايد خقيتي وزوجج مسك مكانج واكان سيد كل المواقف

شنو يعني يوم شفتيها طلعتي وبجيتي وسكرتي التلفون !!!!!!!! شكووووووووو

ليش انسحبتي !! اهي كانت بتشوف مدى قوتج وانتي بينتلي لها قمه الضعف عشان جذي اهي تجرأت وبكل وقاحه اتقولج بعدي

(( وعلى فكرة بنت خاله زوجج حيوانه الي ربعها بهالمستوى الواطي ))

ولما دقت اتقولج كان معاي وانا عطيج الدليل اشلووووووووووون تقبلين انها تسيرج وتعطيج الدليل !!! واترفزج بهالطريقه ؟

كان المفروض اتقولين لها حتى لو انج اتألفين ( لا اصلا زوجي كان باجتماع وائي ادري انه لابس هاللون انا الي معطرته ومخرته وختاره هالدشادشه ومو انتي الي تملين على تصرفاتي ادق على زوجي واقوله عنج ولا لا ,,,, وبعديد اهو باعج برخيص وبعد ما شبع ولعب قطج ويالي ودفع الغالي عشان ياخذني ويوم اني زعلت ياا يبوس الايادي ودخل الوسايط عشان بس يراضيني والخ الخ ))

وبعدين يافنر لما اتحسين نفسج ما اتعرفين اتردين على هالاشكال لا اتردين عليها !! ولا عطيها رقمي انا ابرد جبدج افا عليج

وبس يلا عاد ردي بيتج مصختيها لا تسمحين حق الحشرة تلعب بأعصابكم

كل كلامج صح

بس أنا تأثرت وايد واحتريت

مادري شلون سمحت لها تخرب حياتي

ان شاء الله يرد على المسج على الأقل عشان أرجع مابي أرجع وأنا مكسوره

وتسلمين حبيبتي على النصايح الحلوة

 

[شــــــــــــــوقــــه]

الله يوفقج ان شاء الله

و يبعد عنج الحثاله هذي حقيره

 

[على وجهها سمة الأبرياء]

قريت قصتج عدل وخذت مني يومين تقريبا

بالاول قلت لج ماعليج منه وخليه يولي لأني ماقريت باجي القصه

بس الحين اقولج لاتخلين عنه

وايد عورت قلبي قصتج لاتخلين وحده واطيه مثل هذي تاخذ زوجج حلالج منج

اللي حسيته من كلامج انه زوجج خلاص مايبيها

حاولي تحتوينه وتحسسينه انج واثقه منه وعطيه الأمان

انتي غلطتي يوم صدقتي هالحقيره وانا اقرا كلامج حسيت انه لعبه منها يوم قالت لج انه معاها

ودي اقولج اذا دقت مره ثانية بلغي عليها المباحث وقوليلهم بس خوفج زوجج يتمشكل معاها بسين وجيم

احس هالحثاله يبيلها دوسه قوية على راسها عشان تصحى
وين اهلها ؟؟ ليش محد قاضبها ؟؟

وبنت خاله زوجج ماتستحي حسبي الله عليها لاتعطين لها فرصه مره ثانية خلج قوية ووقفيها عند حدها دام هذا مستوى ربعها ماعليها شرهه

تلاقينها ماخلت لاصغيره ولاكبيره الا قالتها لها حطي للكل حدود من الحين

ورتبي امورج واستعيني برب العالمين

وان شاء الله نسمع اخبار حلوة منج

 

[@ الجوري @]

الله يعينج حبيتبي ولج الجنه ان شاء الله

انا رايي من اي البنات عطي نفسج فرصة وعطيه هو بعد والله سبحانه يغير الانسان من حال لي حال

 

[غلا ماجد]

حسبي الله و نعم الوكيل بهالبنات مدري غسلوا عقول الرياجيل ......
انصحج تردين و نفس ما قال خالج لا تشرطين انه يهدها و احمدي ربج خالتج ام زوجج معاج وصراحة خالتج و زوجها اكيد ما صدقوا باليوم اللي تزوجت فيه يبون يفتكون من المسؤؤلية ........لا تردين مطلقة راح تكونين علة ع قلوبهم ردي لزوجج يمكن يحبج اكثر من حبيبته