ليش العرب وعيالهم طرارين !! والاسيويين الفقاره عندهم كرامه !!

[موت وميلاد]

السلام عليكم ورحمة الله وبركاته​

يمكن البعض راح يتضايق من موضوعي بس هذا الصج والي حاصل بالكويت​

ليش الطراريين بالكويت اهما العرب!! ​

ليش مانشوف فلبيني ولاهندي يلحقج عشان تعطينه جم دينار ​

او يطرش عياله يتمسكنون ويدعولج عشان تعطينهم المقسوم!!​

ليش دايما الي يسوون جذي اهما العرب بالديره سواء كانو من اهل الشمال او بدون او غيرهم!!​

بتقولولي والله مساكين فقاره!!​

بقولكم يعني هالفلبن والبنغاليه الي معاشهم 30 دينار مو فقاره!!​

بس كاهم يكرفون ليل نهار وفي بعض يمسكون ثلاث وظايف بس عمرنا ماشفناهم يطرون!!​

بتقولون كا البنغاليه الي ينظفون بالشوارع يتمسكنون عشان نعطيهم!!​

اقولكم في فرق لما الواحد يشتغل ويكرف وينكسر خاطرج عليه وتعطينه!!​

وفي فرق لما يطرشون عيالهم يطقون باب جامتج ويطالعونج بنظرات لين تعطينهم دينار​

وبعدها مايكفيهم ويقولون عطينه اكثر!!​

وهذي حالتهم لاشغله ولا مشغله بس طراره!!​

ليش العرب ماعنهم كرامه!! ليش يطرون!! ليش مايشقون ويتعبون مثل باجي الوافدين!!​

والله انه مره رايحه حولي ويلحقون يهال!! الله يخليج عطينه الله يرزقج بالزوج الصالح عطينه !!​

المهم مامداني عطيته وركبت سيارتي​

ولا يطلع موبايله ويتكلم بالتلفون!!!!!!!!!​

هذا فقير!!!!!!​

والمشكله يعلمونهم شنو نوع الدعوه الي يقولونها لج عشان يوصلون لقلبج!!​

نصييييييييييييييحه يابنات ترى هذيل نصاااااااابين ولا تعطونهم ويه ​

اذا تبون تتصدقون​

تصدقو على راعي البرد الي بالشمس الحاره يكرف​

ولا على البنغالي الي ينظف شوارعكم ووصخكم عشان 30 دينار بالشهر!!!​

او على عامل بالجمعيه!!!​

عطو ناس تكرف وتتعب على لقمتها ولقمة عيالها​

مو على ناس قاعده فبيوتها وتطرش عيالها تطر بدالها وتلقونهم مكنزيين على قلبهم فلوس​

والله حتى ربي مايرضاها لانه الي يستاهل فلوسكم وصدقاتكم الي فعلا قاعد يشتغل ويتعب ويسعى بالارض​

مو الي قاعد فمكانه وناطر الفلوس اتيي لي مكانه واهوا بكل صحه وعافيه​

تنويه :​

انا بهالموضوع موقاعده اتكلم عن كل العرب بالكويت
لانه غالبيتهم الف نعم فيهم
منهم المدرسين والدكاتره والمقاوليين وغيرهم وايد
انا قاعده اتكلم عن فئه قليله المفروض تتكنسل اقامتها ونسويلها منع من دخول الديره​

لاحول ولاقوة الا بالله العلي العظيم​

 

[(كويتيه عسل)]

انزين ليش خايفه وتبررين و600000 مبرر وسبب

بعد هذا الواقع والله

خل يتسنعون علشان محد ينتقدهم

وصاجه وانا شفت بعيني

مسوين عيالهم طرارين عند الاشارات

 

[فـــرح...]

لا حول ولا قوة الا بالله

ياختي انتي اذا بتبرعين لشخص لازم تشوفين شنو لابس او شنو عنده او شنو جنسيته واذا عربيء اولا ؟؟؟


ياختي لو ان عندهم جان ماقعدتوا على ((منة)) احد ..اذا توفرت لهم العيشه وتوفر لهم الرزق مامدوا ايدهم لانسان يتمنن عليهم !!

عملاً بقوله سبحانه وتعالى : " قل ما أنفقتم من خير فللوالدين والأقربين "

وايضا بحديث من الرسول صلى الله عليه وسلم (الأقربون أولى بالمعروف)




و سبحان الله الانسان لما يتصدق لازم يكون مافيهاا منه ...عشان الله سبحان وتعالى يقبلهااا له ...واحنا نتصدق للعربي او الهندي ليش مو عشان الاجر ..؟؟

مهما كان شنو لابس ومهما كان شنو معاااه يمد ايده لازم تعطينه لو ربع دينار ...

احنا ندخل الصالون ونتمكيج ونكشخ 50دينار ونشوف الي تشتغل عربيه !!

مانقول كاشخه ولابسه وتاخذ فلوسهااا ..بالعكس نقول عليها بالف عافييه ...

والصدقه الي فيهاا بركه وفيهااا خير كثير لج !! تحاسبين عليهاا !!

قال رسول الله صلى الله عليه وسلم: ثلاثة لا يكلمهم الله يوم القيامة، ولا ينظر إليهم، ولا يزكيهم، ولهم عذاب أليم: المنان بما أعطى، والمسبل إزاره، والمنفق سلعته بالحلف الكاذب

فقد أثنى الله تعالى في كتابه الكريم على المنفقين المخلصين وذم المنفقين المانين والمرائين، فقال سبحانه: الَّذِينَ يُنفِقُونَ أَمْوَالَهُمْ فِي سَبِيلِ اللّهِ ثُمَّ لاَ يُتْبِعُونَ مَا أَنفَقُواُ مَنًّا وَلاَ أَذًى لَّهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ* قَوْلٌ مَّعْرُوفٌ وَمَغْفِرَةٌ خَيْرٌ مِّن صَدَقَةٍ يَتْبَعُهَآ أَذًى وَاللّهُ غَنِيٌّ حَلِيمٌ* يَا أَيُّهَا الَّذِينَ آمَنُواْ لاَ تُبْطِلُواْ صَدَقَاتِكُم بِالْمَنِّ وَالأذَى كَالَّذِي يُنفِقُ مَالَهُ رِئَاء النَّاسِ وَلاَ يُؤْمِنُ بِاللّهِ وَالْيَوْمِ الآخِرِ فَمَثَلُهُ كَمَثَلِ صَفْوَانٍ عَلَيْهِ تُرَابٌ فَأَصَابَهُ وَابِلٌ فَتَرَكَهُ صَلْدًا لاَّ يَقْدِرُونَ عَلَى شَيْءٍ مِّمَّا كَسَبُواْ وَاللّهُ لاَ يَهْدِي الْقَوْمَ الْكَافِرِينَ

ياختي اذا شفتي فقير مهما كانت جنسيته ومهما كان هو شنو مدي ايدج له وعطيه ..واعتبريهااا صدقه بينج وبين ربج ...

ولا تنظرين الى جنسيته وهو شنو ...


وصدقيني لو عنده مامد ايده الانسان ..

واتمنى لنا العافيه والهدايه وشكرا لج​

 

[موت وميلاد]

حبيبتي كان المفروض تقرين الموضوع عدل قبل لاتحطين رد طويل عريض

 

[فـــرح...]

حبيبتي كان المفروض تقرين الموضوع عدل قبل لاتحطين رد طويل عريض

ياعمري انا قريت الموضوع عدل ... وانا اعرف انتي شنو تقصدين ...

بقولج سالفه لوحده ...

في وحده كل جمعه تجي عند ناس ..تنزل من سياره مع سايق((سياره حلوه ومعاها ولدهاا)) وتطلب فلوس ..

كل جمعه !! وناس كل جمعه يعطونهااا المقسووم ..

وكنه يوم الجمعه موعد راتب لها !!

والحرمه كويتيه او عايشه بالكويت مادري !!

لدرجه انه هالناس احيانا يحطون الفلوس عند الخدامه كل جمعه

فسبحان الله ..ليش هالناس ماسالوا شتبي هذي هذي ليش ماتصرف على نفسها !!

ولحد يومج هذا وهي تجي عند هالناس ويعطونها !!

ماتدرين يمكن ربج هو يدز لج ناس معينه ومنها يشوف حمدج له وتصرف بالنعمه ...

الله يهدينا ويهديج ويهدي كل المسلمين يارحم الراحمين​

 

[واثقه خطاي]

انا شفت جنسيات متعدده مو بس العرب ..........واظنهم لمايطرون معناته محتاجين ,,,,لانه مافي احد يبي يذل حاله ,,,,,الحمدالله على النعمه اللي احنا فيها , وترى مو كل العرب يطرون , انا شايفتهم بالاسوقه يصيرون حمالين ,,,,,,,,,, او عند الاشاره يبيعون....

 

[عذبة الإحساس]

تسلمين على هالموضوع

 

[موت وميلاد]

انا شفت جنسيات متعدده مو بس العرب ..........واظنهم لمايطرون معناته محتاجين ,,,,لانه مافي احد يبي يذل حاله ,,,,,الحمدالله على النعمه اللي احنا فيها , وترى مو كل العرب يطرون , انا شايفتهم بالاسوقه يصيرون حمالين ,,,,,,,,,, او عند الاشاره يبيعون....

حبيبتي انتي قريتي التنويه الي كاتبته بالاحمر!!

ما اظن

وشاكره مرورج

 

[زهر الرمان]

صاجة وهم ايون بكروت زيارة عشان يطرون واتوقع الاغلب منكم قرا مثل هالاخبار بالجرايد
خصوصا الفترة اللي قبل رمضان وهم مرة حطوا حلقة يمكن بالوطن انه في طراريين فايف ستار
يطر وعقب يركب الكزس وهم يسوي نفسه معاق وعقب ما يخلص طرارة يلعب كرة
وهم صاجة البعض وليس الكل احنا نتكلم عن هالفئة السيئة وهم اتلاقينهم اشكثر مو بس بحولي
بالبلوكات مرة وهم في ريال يدش المحل يسمع اللي حافظة ويطلع لاحظوهم اذا رحتوا
حتى اصحاب المحلات يقولون حافظينهم واحنا وافدين ما نقدر نشتكي انتوا لازم تشتكون
وتسلم ايدج

 

[puppet]

أنا أشوف وايد حريم يمرون علينا بالشركات يطيحون بجي ويسوون حركاتهم

بس اذا عندها جرأة جذي فتقدر تروح البيوت تشتغل نظام ساعات

تخم وتمسح ويعطونها على شغلها في وايد جذي يسوون

 

[موت وميلاد]

ياعمري انا قريت الموضوع عدل ... وانا اعرف انتي شنو تقصدين ... ​

بقولج سالفه لوحده ...​

في وحده كل جمعه تجي عند ناس ..تنزل من سياره مع سايق((سياره حلوه ومعاها ولدهاا)) وتطلب فلوس ..​

كل جمعه !! وناس كل جمعه يعطونهااا المقسووم ..​

وكنه يوم الجمعه موعد راتب لها !!​

والحرمه كويتيه او عايشه بالكويت مادري !!​

لدرجه انه هالناس احيانا يحطون الفلوس عند الخدامه كل جمعه ​

فسبحان الله ..ليش هالناس ماسالوا شتبي هذي هذي ليش ماتصرف على نفسها !!​

ولحد يومج هذا وهي تجي عند هالناس ويعطونها !!​

ماتدرين يمكن ربج هو يدز لج ناس معينه ومنها يشوف حمدج له وتصرف بالنعمه ...​

الله يهدينا ويهديج ويهدي كل المسلمين يارحم الراحمين​

الله سبحانه تعالى يقول عن الفقراء عزيزي النفس : يحسبهم الجاهل أغنياء من التعفف تعرفهم بسيماهم لا يسألون الناس إلحافاً . صدق الله العظيم.


الي اقصده حبيبتي انه احنا المفروض نتصدق على هذي الفئه من الناس وعشان جذي انحطت بيوت الزكاة والصدقات حق الناس الي فعلا محتاجه بس عنده شي اسمه عزة نفس وبيت الزكاة عارف فعلا منو المحتاج


بس لما احنا نعطي الطرارين راح نساعد في زيادة هذي الظاهر

وراح يزيدون الناس البطاليه الي ماعندها غير الاطراره وراح يزيد الاجرام وغير وغيره

ومانبي نوصل لمرحله نصير فيها مصر وكلكم عارفين وضع الطرارين بمصر وشلون يحاولون يحدون من هالظاهره

ولاتنسين ياقلبي انه الانسان الي يسعى ويتعب ويشقى ربي ماينساه

فالمفروض انه هالفئه تشتغل وتتعب حالها من حال غيرها وتخلي امر الرزق لرب العباد

مو يوفقون عيالهم عند الاشارات ويسوون ربكه وحوادث

ياريت وصلت وجهة نظري

وشاكره مرورج

 

[بنت الاحلام]

لا تعليق

 

[بنت الاحلام]

ياعمري انا قريت الموضوع عدل ... وانا اعرف انتي شنو تقصدين ...

بقولج سالفه لوحده ...

في وحده كل جمعه تجي عند ناس ..تنزل من سياره مع سايق((سياره حلوه ومعاها ولدهاا)) وتطلب فلوس ..

كل جمعه !! وناس كل جمعه يعطونهااا المقسووم ..

وكنه يوم الجمعه موعد راتب لها !!

والحرمه كويتيه او عايشه بالكويت مادري !!

لدرجه انه هالناس احيانا يحطون الفلوس عند الخدامه كل جمعه

فسبحان الله ..ليش هالناس ماسالوا شتبي هذي هذي ليش ماتصرف على نفسها !!

ولحد يومج هذا وهي تجي عند هالناس ويعطونها !!

ماتدرين يمكن ربج هو يدز لج ناس معينه ومنها يشوف حمدج له وتصرف بالنعمه ...

الله يهدينا ويهديج ويهدي كل المسلمين يارحم الراحمين​

احترم رايج بشده

 

[موت وميلاد]

قال صلى الله عليه وسلم " لئن يحتزم أحدكم حزمة من حطب فيبيعها خير له من أن يسأل الناس يعطوه أو يمنعوه "

 

[ReeMoh]

موت كلامج والله عدل خربوا الديرة ومحد عافسها غيرهم ما مهنتهم غير الطرارة
ولي موقف بجمعية الشامية كنت امشي راجعة السيارة بروحي ولا تيييلي وحدة متنقبة وعبايتها منتفه
وتقول انتي فلانه وانتي كيت وكيت وكيت
وكلام صج عني
وقعدة تقولي انا وحدة فقييرة
الله دازني لج عشان في وحدة مسويتلج سحر وانا افجه لج اذا عطيتيني الفين دينار
عاد اناا خليتها ومشيت ولحقتني وكنت حد خايفة بس ربج ستر
تخيلي وصلت فيهم هالمواصيل وهاذا بعد بوسط الديرة بالشامية مو تقولين بحولي ولا مكان يخرع
الله يستر من الوافدين الي ما منم فايدة بس والله البعض زينين

 

[موت وميلاد]

الحمدلله في ناس فهمت وجهة نظري وعن اي فئه اتكلم

شاكره مرور الجميع

 

[قـہۈه فـرنسيـہ™]

ليتني مو أنا ,,,

الصدقه غير عن اللي تقصدينه ,,, الصدقه انتي من نفسج تتصدقين على الفقرااااااااااااااااااااااء واللي يكسرون الخاطر ...
مو لما يجيج واحد يلزق فيج لزقة العالميييييييييييييييين يطر منج ,,, وتعطينه تعتبر صدقه ,,, هذي هبه ,,, أو مثل ما نقووول طلعت بالغصب ,,,

اممممممم ما دري شلون أوضح المهم ..

صاحبة الموووضوع صاجه ,,, رووووووووووووحي مصر وسوريا شووووووفي الشحذه على أصووولها وربي تطير كل فلوسج على الشحاذين ,,,شي مو طبيعي ,,, واذا ما عطيتي قاموا يدعون عليج الحمدلله والشكر ,,,
ورووووحي دول أوربا وشوووووووووفي شلووووون الفرق والله عندهم عزة نفس ما مرت علي حتى الفقير اللي ما عنده فلوس ,,,ما يطر ,,, يقعد يرسم ولا يعزف ولا يسوي بهلوااان والناس تحط له فلوووس ,,, يعني خذاها بعرق جبينه ,,,

 

[روح مغليهآ]

موت وميلاد,,, حبيبتي انا تعجبني مواضيعج واستانس عليج واتمنى دام انج نزلتي موضوع انج تلقين اراء معارضه وماتزعلين اذا وحده اختلفت معاج
بالنسبه لوجهة نظري:
اي واحد يسأل او يطلب آخذ بظاهر الامر والله العالم بالسر فدام اهو طلب فهو محتاج بغض النظر عن لبسه او هيئته احيان الانسان يكون بنعمه وخير وتنزل عليه مصيبه مثل حادث او حريق او مرض في والدته او اي شي لايطري على بالج,,, هو فعلا لبسه زين لانه وضعه زين لاكن محتاج لظرف صار له خلاه يصير محتاج,,, ماظن في انسان يحب يذل نفسه للناس لمجرد الترف وان كانت هالفئه موجوده فربي حسيبهم وصدقتج ماتضيع عند ربي والصدقه تطفيء غضب الرب لو ربع دينار وابتسامه كافيه واذا ماعندج دعوة حلوة واتركي علم الغيب لله هو اللي يعلم الغيب اتمنى ماتزعلين هالجمله كانت غلط
نصييييييييييييييحه يابنات ترى هذيل نصاااااااابين ولا تعطونهم ويه
لانج حكمتي عليهم بالنصب وانتي ماتدرين وهم قطعتي حاجتهم ورزقهم
وبالنهايه هذا رايي ممكن اكون صح وممكن اكون غلطانه

 

[costa chic]

:ggdw:

صح كلامج و في بعضهم شركات اتطرشهم عشان يطرون

 

[توته وااااااااو]

الحمدلله في ناس فهمت وجهة نظري وعن اي فئه اتكلم

شاكره مرور الجميع

انا معاج ومتابعه لج وكل مواضيعج هادفه وانتي وجهات نظرج دايما تكون صحيحه ودايما توزنين حجيج مع الرأي الاخر برااااااااااااافو عليج ترا ماما اذا جافت لج موضوع على طول تقراه وانتي مواضيعج حلوه مثلج وانا اقسم بالله احبج :eh_s(8):