مشاريعكم بالعطله مع العيال

[سيدة الكويت]

شلونكم بنات:nbptr: الحمد الله باقى ايام قليله على انتهاء الكورس الأول ان شاء الله الكل عياله ناجحين ومتفوقين


:nbvppw:


كل وحده شنو راح تسوى بالعطله .مع عيالها...تدخلهم نادى او تحفظ قرآن او لغه انجليزيه او لعب او سفر


بالنسبه لى للحين احتمال اوديهم مكتبه جرير يشترون قصص عربيه واجنبيه +الطلعات والشاليهات+ حفظ القرآن


:bye22:

 

[شهد_77]

انا ودي اودي عيالي معاهد اثنين انجليزي ورياضيات وواحد عربي وانجليزي تأسيس بس صراحه مادري وين اوديهم ماعرف اماكن قويه

 

[سيدة الكويت]

والله اختى شهد مو كل المعاهد قويه ديرى بالج سألى معارفج والى جربو احسن

 

[الصابرة المحتسبة]

هلا سيدة الكويت

يعطيج العافية

الصراحة لي لحين يمكن عمره ان شاء الله

 

[سيدة الكويت]

الله يعافيج اختى الحبيبه الصابره

وان شاء الله عمره مقبوله........ولا تنسينا بالدعاء

 

[gogosh]

مادري لي الحين بس اكيد مايخلى الموضوع من معهد وسينما ومطاعم ونادي بسسسسسسسسسسسسسسسس
السفر حسافه الحين حلاته بالصيف ننحاش من الحررررررررر جونا الحين حلو يستاهل القعده بالديره.

 

[طموحه بزياده]

مادري لي الحين بس اكيد مايخلى الموضوع من معهد وسينما ومطاعم ونادي بسسسسسسسسسسسسسسسس
السفر حسافه الحين حلاته بالصيف ننحاش من الحررررررررر جونا الحين حلو يستاهل القعده بالديره.

معاااج بقول لأختي وعيالها

 

[باونتى]

وين نروح ما فى غير هالمجمعات والسينما والمطاعم .. ياريت باقى الامهات يفيدونه بأفكارهم ؟؟

 

[قلبي ابيض]

بما ني راح ان شاء الله والدة فما في سفر

يمكن ادخلهم حفظ قران وانجلش بس يكون ترفيهي بعد

 

[عهود الحب]

هي العطله 15 يوم بالضبط
واعليه مايمديهم يريحون من الدراسة والامتحانات
بخليهم يتمتعون بالنوم والكسل شوي
عشان المخ شوي يريح والجسم ريلاكس شوي

طبعا اكيد بوديهم العاب ومطاعم وسينما
اما معاهد لا مادري احس واعليه تعبوا
الاكيد انا بما اني احب اقرا حيل
فبوديهم المكتبة ياخذون جم كتاب يستفيدون منه

 

[سيدة الكويت]

جزاكم الله خير وان شاء الله عيالكم يستانسون بالأجازه

 

[حروف من ذهب*]

انا خطتي ان شاء الله اوديهم المزرعه ونام فيها يلعبون ويمرحون ويستانسون كلها 15 يوم خلهم يريحون اشوي

 

[**ام حموود**]

عطلة بنوتي باديه من زمان خخخخ

كله تبي تروح العاب <<<< اذبحتني

و احاول اقويها بالنجليزي و اشتري لها قصص انجليزيه و احاول اقريها و طبعا انا معاها ولا اهي ما تعرف

و طلعات و شاليهات << ماكو غيره

 

[ريان الحلوه]

هلا اختي ما راح اقيدهم ابيهم يرتاحوووووون


وينسوووووون الدراسه مساكين اتعبوووووووو


وبنسفررهم وونونسهم وتسلمييييييييييييييين

 

[سيدة الكويت]

مشكورين بنات على افكاركم الله يوفق عيالكم

 

[أم فهووود]

الله يعينا يبون الطلعه وبس

 

[● ● MisS P!nK ● ●]

احم احم << احس مكاني غلط

بما اني اكبر وحده بالبيت وخلصت مدرسه وحاليا طالبه جامعيه فالتفكير منشطر مع امي شنسوي لقوم المدارس اذا خلصو


المشكله انهم مو واحد والا اثنين مشاء الله 6 لا الاه الا الله وعلى سن رابعه ابتادئي وسادس وسابع وتاسع و 12 وبنوته صغنونه سنه ونص
فأي روحه بتكلف مبلغ وقدره
مو مشكله طلعه وحده جذي اتكون حلوه
يحبون ماجيك بلانت الافنيوز يووونس
صاله التزلج يحبون يروحونلها حيل ويردون منهد حيلهم يلعبون ال 3 فترات وكل فتره اظن 3 ساعات فيستانسون
بس بطل الموسم والعطله بيكون البر طبعا على الله يضبط الجو ويظل جذي كل العطله وانتونس ونطلع من ضغط الدراسه

ترا موشرط لازم طلعه
كافيه جمعه ولمت العايله مع بعض
والله هذا احلى شعور

الله يديم المحبه
ويخلي امهاتنا
ويوفقنا بدراستنا
ويبلّغكم بعيالكم يارب ويخليهم قرت عينكم ويحفظنا ويحفظهم من شر الاماكن العامه وبلاويها

 

[كنوز78]

ابيهم يريحون.... مساكين تعبوا من الواجبات و الدروس ... بنقضيها طلعات ان شاء الله و العاب... بس مو كل يوم عاد.... لأن انا عندى دوام مو اجازة.. و عشان يكون في تنظيم للوقت... ​

 

[سيدة الكويت]

صح الى عندهم عيال وايد راح تكلفهم الطلعات احسن شئ يودونهم المخيم البر صج ما راح يكلفهم هههههههههههه

حلوه مشاركاتكم وافكاركم والله يحفظ عيالنا من شر المجمعات والأماكن العامه