تجمع اولياء امور مدرسة الحياة hubs

[أم فهد الكريديس]

السلام عليكم شلونج أم فهد لايضيق خلقج شطانتهم بهالسن طبيعية تلاقينه يبي يلعب وباله مومع الدراسة وإنشاءالله ينضج ويفهم بس هالشي ماراح يصير إلا روحنا طالعه .
تصدقين آن باستمرار أنبه ولدي أقوله الأبلة تتعب لازم تصيرون شطار والحين قمت أقوله إنت عندك ملكين بجتوفك واحد يسجل الحسنات وواحد يسجل السيئات إذا ما أذيت الأبلة راح يسجلولك حسنة إذا صليت حسنة ....................ألخ تصدقين وايد تأثر جربي هالطريقة .
الله يستر على ولدي ما يندرى عنه شمسوي بالعربي .[/quote]

هلا حبيبتي ومشكورة على المؤازرة ... والله يامدرسة مكروفة انا كل يوم هالنصايح ... واقوله انتبه على الدراسة
عشان تتعلم وتكبر ودائما اشجعه على الدراسة والانتباه بس اهو مرات يعر جذي ... بكل سنه لازم تجييله هالعرة
الله يهدييه ... وأنا بعد دائما اقوله اذا سويت شي زين الله يكتبلك حسنة واذا سويت شي خطأ الله ياخذ هالحسنة
ومن هالحجي
والله يعينا على تربيتهم ... وان شاء الله يطرح فيهم البركة يارب ..

 

[أم فهد الكريديس]

هلا والله ام فهد شخبارج عساج بخير الله يعينج على وليدج اتصدقين انا ملاحضه سياسه المدرسه دايما ينزلون من علامات االياهل نص السنه حتى لو مقدم زين بس عشان ايشد حيله اكثر وينتبه على الكلمات والاحرف وباخر السنه يرفعون مستواه .......

هلا مكروفه ولدي الحمدلله مرتاح بالمدرسه ومستانس عليها بس عندنا ازمه تغيير المدرسين فجاه بلا مقدمات كل شوي مغيرينهم ومايقولون شنو السبب .... الله يسهل انشالله على الجميع وانشالله عيالكم كل علاماتهم aaaaaaa

هلا ريمان حبيبتي ...اي والله عسى الله يعينا على شقاوة الصبيان.. يا الله ان شاء الله تتعوض هالدرجات
اهو مثل ماقلت حق مدرسة مكروفة كل سنة لازم يعر هالعرة ... والله يعينا يارب

 

[مدرسة مكروفة]

هلا إخت ريمان الله يعينكم على تغيير المدرسين موحلو جذي أحس يتشتت الياهل
الله يوفق ولدج ومايخيب تعبج يارب

 

[أم فهد الكريديس]

السلام عليييكم امهات الحياة ....
اليكم هذا الخبر ... موقع المدرسة الجديد راح يكون بالسالمية .... ولن يكون لا بجنوب السرة ولا بغرب مشرف
انما في منطقة السالمية .... حسافة كنا حاطين امل انهم يجربون ... الله كريم ان شاء الله

 

[جناوي82]

السلام عليكم امهات ام فهد اي صوب بالسالميه ومتي ينتقلون اذا عندج تفاصيل فيدينا

 

[اي اسم]

السلام عليييكم امهات الحياة ....
اليكم هذا الخبر ... موقع المدرسة الجديد راح يكون بالسالمية .... ولن يكون لا بجنوب السرة ولا بغرب مشرف
انما في منطقة السالمية .... حسافة كنا حاطين امل انهم يجربون ... الله كريم ان شاء الله

لا
لا تقولين
انا كان ودي بعد يقربون
بس عندج فكرة وين بالسالمية بالضبط
وهل راح ياخذون مبنى مدرسة حكومة ويضبطونها
والا اهما بيبنون مبنى جديد خاص فيهم
ومن وين حصلت على المعلومة ؟؟؟؟

 

[الجمال اليوسفي]

بنات انا بدخل بنتي مدرسة الحياه ومحتاره حيل..
فـ بغيت أسألكم شلون مستواها من ناحية التأسيس وسعرها معقول ولافيه احسن منها .؟ واللي شايفه شي تقول عفيه ..

 

[مدرسة مكروفة]

بنات انا بدخل بنتي مدرسة الحياه ومحتاره حيل..
فـ بغيت أسألكم شلون مستواها من ناحية التأسيس وسعرها معقول ولافيه احسن منها .؟ واللي شايفه شي تقول عفيه ..

السلام عليكم والله آن بالنسبة لي المدرسة ممتـــــــــــــــــــــــــــــــــــــــازة بكل النواحي تخيلي ولدي درس أولى وثانية روضة بحكومة وكمل أولى ابتدائي عندهم الحين بقريت 2 مستوى وايد حلو يقرى عربي و إنجليزي ممتاز
هي المدرسة جدا جدا قوية و مناهجهم موسهلة لازم اتابعين أول بأول معاهم
وما فيه عندهم مجاملات بالشهادة يعطون الطالب حقة أيا كان مستواه حتى لو مقبول عادي .
طبعا كل صف فيه مدرس أساسي (أجنبي) والمدرس المساعد (عربي)يتقن اللغة الإنجليزية .
باستمرار عندهم أنشطة ورحلات .
هذا كل الي عندي و إذا عندج سؤال آن حاضرة
و إنتي استيخيري وشوفي .

 

[مدرسة مكروفة]

السلام عليييكم امهات الحياة ....
اليكم هذا الخبر ... موقع المدرسة الجديد راح يكون بالسالمية .... ولن يكون لا بجنوب السرة ولا بغرب مشرف
انما في منطقة السالمية .... حسافة كنا حاطين امل انهم يجربون ... الله كريم ان شاء الله

هلا أم فهد شهالخبر منو قالج و وين بصير مكانها بالضبط ؟؟؟؟؟؟؟؟؟



شفتوا رفعو الأسعار السنة الياية .ثالثة ابتدائي صارت 2600 وايد الله يعينا

 

[أم فهد الكريديس]

هلا أم فهد شهالخبر منو قالج و وين بصير مكانها بالضبط ؟؟؟؟؟؟؟؟؟



شفتوا رفعو الأسعار السنة الياية .ثالثة ابتدائي صارت 2600 وايد الله يعينا

هلا فيج حبيبتي مدرسة مكروفة .... أي والله هالخبر من الادارة وبالنسبة للمكان بالضبط ما ادري عنه
وشنو اهي المدرسة حكومية والا مبنى جديد هم ما ادري كل اللي عرفه انها راح تكون بالسالمية وبس
وبالنسبة للأسعار انا لاحظت انها ارتفعت بس ماكنت متأكدة لأن الجدول القديم مو عندي فمن جذي ماكنت متأكدة
وبهذي انا معاج السعر صار غالي ... والله يعينا .

 

[أم فهد الكريديس]

بنات انا بدخل بنتي مدرسة الحياه ومحتاره حيل..
فـ بغيت أسألكم شلون مستواها من ناحية التأسيس وسعرها معقول ولافيه احسن منها .؟ واللي شايفه شي تقول عفيه ..

هلا فيج اختي ... وحياج الله بالمنتدى ... والله المدرسة مستواها فوق الممتاز بكل شي وتوكلي على الله ودخليي
بنتج المدرسة ... والله يسهل علييها يارب

 

[الجمال اليوسفي]

مدرسه مكرووفه يابعد قلبي الله يريح بالج مشكوووووره وماقصرتي..

ام فهد .. تسلمين ياحياتي والله يحييج .. مشكووووره ماقصرتي ..

يعطيكم العافيه .. وشكلي بطيح بـ هالتجمع الحلو ..

 

[أم فهد الكريديس]

مدرسه مكرووفه يابعد قلبي الله يريح بالج مشكوووووره وماقصرتي..

ام فهد .. تسلمين ياحياتي والله يحييج .. مشكووووره ماقصرتي ..

يعطيكم العافيه .. وشكلي بطيح بـ هالتجمع الحلو ..

الســـــــــــــــــــــــاعة المباركة ..... وحياج الله... وان شاء الله تصيرين من امهات الحياة بعد:eh_s(17)::eh_s(17)::eh_s(17)::eh_s(17)::eh_s(17)::eh_s(17)::nbvppw::nbvppw::nbvppw:

 

[حلم الطفولة]

ياني الخبر !!!!!!
اي اسم سلامات خطاه السو وليدج مايشوف شر .. أسأل الله أن يتشافى ويتعافى ويبرى الكسر بسرعه آآمين .

 

[أم فهد الكريديس]

السلام عليكم مدرسة مكروفة .... لو سمحتي اليوم في واجبات عندهم لأن ما في ورقة الواجبات في البيرنت بوك فما ادري هل مافي شي
والا ناسين يحطونها ويعطيج العافية ...

 

[مدرسة مكروفة]

السلام عليكم مدرسة مكروفة .... لو سمحتي اليوم في واجبات عندهم لأن ما في ورقة الواجبات في البيرنت بوك فما ادري هل مافي شي
والا ناسين يحطونها ويعطيج العافية ...

هلا والله أم فهد ما أدري تقصدين الدايري
reading :jingle and jangle for fluency test on thursday + wordlist 4.1
writing: complete book pg 3,8,9 if not finish
وبعد موعد spelling يوم الخميس

بغيت أسإلج أم فهد شنو fluency test .

 

[أم فهد الكريديس]

هلا والله أم فهد ما أدري تقصدين الدايري
reading :jingle and jangle for fluency test on thursday + wordlist 4.1
writing: Complete book pg 3,8,9 if not finish
وبعد موعد spelling يوم الخميس

بغيت أسإلج أم فهد شنو fluency test .

هلا حبيبتي مدرسة مكروفة مشكورة وجزاج الله خير .. الفلونسي تست اهو اختبار القراءة والطلاقة اللغوية عندهم
طريقة لفظ الأحرف والكلمات يعني ..

 

[مدرسة مكروفة]

حياج الله أم فهد لا شكر إلا على واجب

 

[اي اسم]

اسعار مدرسة الحياة العالمية ثنائية اللغة
للاسف هم هالسنة زادوا اسعارهم ...حالهم حال كل المدارس
انا ماني فاهمة ليش هالزيادة السنوية
زيدوا كل خمس سنين مرة مو كل سنة ....الله يعينا 
الحضانة/ 1450
روضة اولى/ 1700
روضة ثانية/ 1850
جريد 1و2/ 2350
جريد 3-4-5 / 2650
جريد 6 / 2700

 

[أم فهد الكريديس]

اسعار مدرسة الحياة العالمية ثنائية اللغة
للاسف هم هالسنة زادوا اسعارهم ...حالهم حال كل المدارس
انا ماني فاهمة ليش هالزيادة السنوية
زيدوا كل خمس سنين مرة مو كل سنة ....الله يعينا 
الحضانة/ 1450
روضة اولى/ 1700
روضة ثانية/ 1850
جريد 1و2/ 2350
جريد 3-4-5 / 2650
جريد 6 / 2700

هلا اختي اي اسم اي والله المفروض الزيادة على الأقل تصير كل جم سنة مو كل سنه زيادة بصراحة راح تصير المبالغ كبيرة
وخصوصا حق اللي عنده اكثر من طفل داخل المدرسة ...بس توني اشوف انهم موحدين اكثر من جريد بنفس المبلغ
وان شاء الله السنه الجاية مايزيدون لأنه بصراحة وايد ... فالرجاء يامدرسة الحياة نود مراعاتنا في المبالغ
صحيح ان المدرسة تستاهل ... لكن الحياة كل ومالها تتصعب ... وصحيح انه اختيارنا لكن ماباليد حيلة
فنحن كأولياء امور نريد الأفضل لأولادنا ولو كان صعب ..