هل استفدتي من حريم كبار معلومات عن النفاس وتحسينها صج ؟؟؟تعالو نسولف

[قانونية]

للرفع

 

[سموالاميره]

فووووووووووق

 

[c00L G!RL]

اب اب اب اب

 

[ريوومة 1982]

بحطلكم بنات مكونات الحسو من و حده معانا بالمنتدى الله يذكرها بالخير و انا حفظته عندي

طريقة عمل الحسو للنفاس :-

كيلو رشاد نجدي ... ينظف جيدا
ربع كيلو كمون .... ينظف ويحمس على النار لما تصير حبته شقره ويطحن ناعم
ربع كيلو حبة سوده (حبة البركه ) .... تنظف وتحمس بالنار لما تطلع ريحتها لانها سوده راح تعرفين انها انحمست لما تشمين ريحتها .... ثم تطحن ناعم
ربع كيلو كركم ......ناعم
نص كيلو زنجبيل ...... ناعم
ربع كيلو فلفل اسود....... ناعم
ربع كيلو حبة حلوه..... ناعم
ربع كيلو حلبه ........ ناعم
شوية هيل وشوية زعفران وشوية ليمون اسود
وسمن او زبده

طبعا هذى المقادير تكفي نفاس كامل (40 يوم ) ويمكن تزيد
وبعد مانخلص تنظيف وتحميس وتشوحينهم على النار نحطها في زجاجه نظيفه ونحفظها عندنا وقت مانبي نطبخها
" طبعا ممكن تاخذين كل هذا من حواي ثقه وتعرفينه" وكون بس عليج الطباخ

الطريقة :-
إنقع الرشاد لمدة 4 ساعات او اكثر بعد غسله جيدا (المقدار يكون 1 كاس رشاد )
ونحط عليه تقريبا 6 كأس ماء او اكثر ( وراح يشرب كميه من الماء ) لان يتفخ الرشاد
نضع الجدر على النار ثم نضع الزيت او سمن او شوية زبده مع السمن للريحه اطيب
طبعا المقدار ربع الي نص كاس زيت وانتوا قيسوها على السمن "وعلى حسب اذا تبين سمن او زيت وايد او قليل على حسب الرغبه بس مو اقل من ربع كاس وحنى انفضل السمن مع شوية زبده "

ولما يصير حار جدا نظع 2 ملعقة طحين ونشقرهم شوي
1 م ك زنجبيل وديري بالج لا يحترق
وبعدها الحبه السوده 1 م ك
وبعدها الكمون نص م ك
وربع م فلفل اسود (اختياري) بس هو ضروري حق النفاس يقولون يحمي الرحم ونزل الدم بس اثناء الدوره مو لازم
ونخلطهم بالزيت عدل

وشويه من الهيل والزعفران وشوية ليمون اسود شويووونه رشه كلش بسيطه بس يدوبك يعطي طعم ونكه لا تكثرون لان مو زين بالنفاس
اهني تعالي شمي الريييييييييييييييحه اللي تينن والخنينيه الريحه عجيبه لا يعلى عليها

وبعدها نكب الرشاد مع مايه ..... ونقلبه
( كبي الرشاد اشوي اشوي بتدريج وندير بالنا لان الزيت حار وايد )
واذا كان الماي قليل زيدي عليه الماي يعني خلي مقدار الماي حوالي ثلاث ارباع الجدر
بعدها نضيف الكركم نص م
ونضع السكر حسب الذوق (اذا تبينه حالي او خفيف انتي تحكمي فيه ) فنجان قهوه تقريبا مناسب وطبعا على حسب الكمية والذوق

وحركيه زين ونخليه يطبخ على النااااااااااار حتى يغلي على نار عاليه
وبعدها نخلي النار هاديه ونخليه يتسكر ويطبخ على راحته ونقلب فيه كل اشوي لمدة ساعه او لما يثقل الخليط ونشوف حبات الرشاد اتفخت وتماسكت مع بعض تقريبا

* وقديمه وهو حار وفي ناس تقط فيه بيضه الي بيضتين مفيوحات او في ناس تسوي بيض قرص وتقطعه صغار وتقطه فيه وقدميه وعليكم بالعافيه

 

[جمر بردان...]

والله انا اللي احبه التمريه المخلوطه مع الادويه والهيل والحليب والزبده لان كل ماتيوعين لازم تاكلين واهي اسرع شي على مايسوون لج شي تاكلينه
لان النفسه مايصير اتيوع لانهم يقولون اللي تيوع وماتاكل رحمها يخترب

واحب لما يصير اليوم السابع يسوون لج ديايه فيها ادويه واييبون لج كمبل وايغطونج فيه ويفتحون الجدر بويهج و10 دقايق تقريبا تشمين الادويه بعدين تاكلين ديايتج
طبعا انا ماجربت الله يثبت حملي يارب واجرب ان شالله بس اشوف امي تسوي هالسوالف لخواتي

 

[منورة الكويتية]

^
^
^
شيئ غريب شالحكمه من اليوم السابع
والجدر ينفتح بالويه؟
والدياية؟

 

[**ليمونه**]

انا امي قالتلي الحسو وايد زين واهوه شي نشربه وقالت اللي تشرب حسو تضمن 100 /100 ان نظفت والاهم ان يضيج وانشالله اجربه بس تقول ماينشرب ن كثر ما اهوه خايس

أهلييييييين بمرورج
أتوقع الحسو .....مشهور عند الحضر ....وما أعرف مكوناته بس بنفاسي وحده جابته لي وكان من مكوناته ((رشاد )) بس أظن لازم مع الحسو تسوين لج نظام حق النفاس يني شلون راح تهتمين بخياطج وهل راح تستخدمييين تحاميييل وشلون نظام أكلج وشنو راح تشربييين من أعشاب (((يمدحون قشر القهوة والشمر والكمون )) والكمون معروف زييين حق الغازات وقشر القهوة مفيد يابنات واللي تبي تضعف تجربه .

 

[**ليمونه**]

انا طريقتي طبعا من امي و جداتي اشرب حلبه بالحليب الصبح و حسو

ومع الغدا والعشا تمر و رشاد و بالليل الاعشاب او الزعتر

اهم شئ ما تخربطين بين الوجبات مو زين و طبعا المرة المنقعه بالماي نشمها

و التحاميل الطبيه فقط بعد 30

(( الصراحه و عن تجربه اهم شئ الحسوووووووووووووووووو نصيحه من تجربه اما اللهوم مو مقتنعه فيه ابدا معنا امي دايما تهاوشني بس احس ما منه فايده ))

أول شيء مشكووووره يا الغالية على كتابة الحسو ومكوناته الله يجزاك خير إن شاء الله
وشنو أعشابكم ؟؟ وهل تستمرييين على الرشاد طول نفاسج
وإذا كنتي حضريه .....هل تسوون الكبو (((بخور من تحت )) أ

 

[**ليمونه**]

بصراحه انا توني بجريه حبيبت استفيد من تجاربكم بس شلون الماي وملح يعني تتطهرون فيه مايحرق الجرح

أنا راجعت عن الدكتوره يوم كان لي 30 ونصحتني أستخدم الماي والملح
بس يا أختي حاولي تخلييين الماي دافي مو بارد وفي ملح عند العطار اسمه الملح الفارسي جربييه

 

[c00L G!RL]

ابي اعرف سالفة الجدر في اليوم السابع والدجاجه اسالي امج شنو فايدتها
ناطرينج

 

[لامـــــار]

بناااات انا والده بحكومه يعني لاتجميلي وخياط بوطقه

بس شوفو نفاستي ردتني احلى وافضل من يوك كنت بنت <<< والله العظيم

اول ما اقعد بس موشرط الصبح بس المهم تقسمين اكلج 3 وجبات باليوم

:ggdw:

نبدي (( الحسوووووووووو)) وما ادراك ما الحسوووووو
شربيه يوميا الصبح مع العصيده وموشرط تكثرين 5 او 6 قفاش زين وحطي فوق العصيده فلفل اسود

الحسو ينشرب لييييين تنظفين ويوقف الدم
_____________________________________
الفلفل الاسود خليه بكل اكلج مع السلطه مع الخفايق مثل توست وجبن وطماط وفلفل اسود


والعجيييييييييين مثل القبوط والمرقوقه او فطاير الجاهزة لمن تطلبينها جاااهزة اهم شي
لانها تتفخ المعده وتضغط عالرحم وترده لوضعه الطبيعي _ باول اسبوع او 10 ايام زين


ووالغدا تغدي ويا اهلج واكلي الدويات اللي تنحط مع الشوربه مثل المردوووود ووفلفل اسود زين

والعشاااا اكلي الموجود عادي

وقبل تنامين شربي حليب بالحلبه اول 10 ايام فقط ...........

وبعدين بدلي الحلبه وفوحي مع الحليب دارسين او زعتر او قفشه صغيره رشااااد


واهم شي المشي زيييين عساس يشد المنطقه اللي تحت

وبالايام ال10 الاخيره تقدرين توقفين الادويه بس التزمي بالفلفل الاسود وشاااااي الاعشاااااب

وتنقعي بيوم 38 و 39 و 40 بغسوووول عشبة عباءة السيده < انا شريتها من عطار بفحيحيل العلبه بلاستيك الغطا اخضر صناعه سعوديه

وحطي تحاميل بيتادين بيوم 33 و 35 و37 تنشفج وشد وتطلع الوصخ والرطوبه ان وجدت
وانتي لاحظي اذا حطيتي التحميله ال2 وطلعت نظيفه مالاداعي الثالثه



والله يسهل :eh_s(8):

 

[belladona]

حبيباتي والله صرت احاتي

الله يخليكم طمنوني

انا اليوم الثلاثين بنفاسي

الايام 10 الاولى كنت ملتزمه ومهتمه بالاكل والادويه

بعدها وقفت الادويه بس اشرب شاي الاعشاب يوميا

واكل تمر برشاد وحليب دافي الصبح

والاكل خفيف

ومن صارلي 20 يوم صرت مااحب اكل كللللللش

والحين بس اشرب شاي اعشاب

الله يوفقكم طمنوني .. اللي كنت اسويه خطأ !!!؟

يعني راح اخترب !!!


شنو ممكن اسوي الحين عشان اتلاحق عمري!!!

 

[belladona]

اب

اب

اب

 

[**ليمونه**]

مشكوره لامار ...على هذه المشاركة المفيدة ...أسأل الله أن يأجرج ....ويسهل عليج كل خطوة .....وإن شاء الله البنات يستفيدون منها ....

 

[**ليمونه**]

حبيباتي والله صرت احاتي

الله يخليكم طمنوني

انا اليوم الثلاثين بنفاسي

الايام 10 الاولى كنت ملتزمه ومهتمه بالاكل والادويه

بعدها وقفت الادويه بس اشرب شاي الاعشاب يوميا

واكل تمر برشاد وحليب دافي الصبح

والاكل خفيف

ومن صارلي 20 يوم صرت مااحب اكل كللللللش

والحين بس اشرب شاي اعشاب

الله يوفقكم طمنوني .. اللي كنت اسويه خطأ !!!؟

يعني راح اخترب !!!


شنو ممكن اسوي الحين عشان اتلاحق عمري!!!

ياحياتي لاتحاتيين أهم شيء من وجهة نظري النفسية ...

أنتي كم لج اللحين ...؟؟؟
إهتمي بلبسج يكون دافي الدلاقات لاتقطينها أبد ...والسروال الطويل ....وحتى لما تدخليين الحمام طفي الشفاط ...ولازم تأكلييين
سوييلج نظام جديد .....والبنات ماقصروا بالموضوع ....والصبح إستمري على الحليب مع ((دارسين زنجبييل فلفل أسود شمر )) والتمر مع الرشاد وحبة البركة والغداء مع حبة البركة والللحم وكثري الكمون والفلفل بأكلج بأكلج ......سوي شاي أعشاب ((كمون زعتر دارسين شمر يانسون نونخة زنجبييل قشر القهوة ((القينه بالحواج)))) ...أهم شيء النظام
الصبح قطورج راح يكون مثلا كذا وكذا ........طبعا لاتنسين العصيدة مع الفلفل الاسود وووو..........لاتنسين الحليببب مع الدارسيين والشمر وحبة البركة والزنجبييل ....سوي قلاص أو قلاصييين على قدج......وغيره ((جمري ..الخ))

الظهرج غداج كذا وكذا .....

بعد الغدا بساعة .....قهوة أعشاب مسمار هيل نونخة زنجبييل ....وجيبي فنجان وحطي فيه شوية ((عنزروت ومره )))وخليه ينقع ...بعد فترة ....صبي فنجان ثاني ....وحطي عليه شوية من الفنجان اللي نقعتي فيه ((المره والعنزروت ))


العشاء ......مثلا معكرونه سادة حطيها عليها الحمسة هذه (((بصل... كمون كثرييي منه ...فلفل كثثثري ....وطبعا إحمسيهم وحطيهم فوق المعكرونة )).....وشوربة الخ...أهم شيء لاتجوعييين ...

وغسلي بمره مع ملح فارسي ((بعد ما يطيح الخياط )) وسوب الارطا ((طريقتها دوريها بالنت ))حطيها بدولكة نايلون مسكره وكل ما تروحييين الحمام غسلي نفسج من تحت فيها ....أو تنقعيين نفسج فيها أنتي شوفي شنو الاحسن ...والتحامييل يأخر الايام ...وطبعا اللي كتبته مو كامل ....إنتي جيبي ورقة وقلم وسوي لج نظام ...و
سوري ع الاخطاء الاملائيييية هاهاها .....دعواتج

 

[**ليمونه**]

توني أنتيه أنج ....30 .........إستمري بالنظام . الصح...ولاتنسييين التحامييل ورياضة كيجل وغسول الارطا.....وصج تنبيه عن الارطا .....لما تحطبنها بدولكة ....إخذيني منها صحن وزيديه ماي حار .... لين يصير الغسول دافي وغسلي فيه .....لاتغسلييين بماي بارد أبداُ

 

[أم عبووووود]

ماشالله النفاس امي تنفسنا الله يعطيها الصحة والعافية وطولت العمر

الصبح والمغرب نشرب حليب مع حلبه _ اجباري )

الريوق عصيدة وبيض تقول العصيدة تثقل الرحم وترده

الغدا تسوي لنا دجاجة لحم كبدة وقلوب والعشا اول جم يوم قبوط وبعدين يصير دجاج ولحم

الطبق المهم السلطة وتزيد فيها البقدونس عشان الدم

عصير البرتقال الطبيعي في كل وجبة

تعطينا لهوم طبعا اول 10 ايام غير وباقي النفاس لي 36 يوم هذا نوع ثاني

اللهوم خالتي تسويه لنا الله يعطيها العافية وطول العمر

هذا اللي اذكره واذا في شي راح اقول لكم عنه

 

[أم عبووووود]

نسيت اقول لكم تكثر لنا الفلفل الاسود

الممنوعات

اللبن والروب والبامية والليمون والبيبسي

 

[**ليمونه**]

ماشالله النفاس امي تنفسنا الله يعطيها الصحة والعافية وطولت العمر

الصبح والمغرب نشرب حليب مع حلبه _ اجباري )

الريوق عصيدة وبيض تقول العصيدة تثقل الرحم وترده

الغدا تسوي لنا دجاجة لحم كبدة وقلوب والعشا اول جم يوم قبوط وبعدين يصير دجاج ولحم

الطبق المهم السلطة وتزيد فيها البقدونس عشان الدم

عصير البرتقال الطبيعي في كل وجبة

تعطينا لهوم طبعا اول 10 ايام غير وباقي النفاس لي 36 يوم هذا نوع ثاني

اللهوم خالتي تسويه لنا الله يعطيها العافية وطول العمر

هذا اللي اذكره واذا في شي راح اقول لكم عنه

جزاج الله خير .....وإن شاء الله الينات وكل وحده تقرأ .......تستفيييد .......ويالبت يدعون لنا
وأمج يمكن تعطيييج عصير برتقال عشان الامساك .... يمكن ماتبي يجيكم إمساك .....الامساك موزييين حق النفاس ولا مونفاس ....والعنزروت بعد يمشي البطن .....
وطبعا ممنوع الاشياء البارده
حنا الحلبة بس أول عشر أيام

 

[ســـآرون]

يعطيكم العافيه خواتي صج استفدت : )


اناا صار لي يمكن ألحيين 10 ايام واول نفاس لي احاااااااااااتي حيييل لما اطلع ما ابي اخرررب :$

بس احس اني مهمله ما اكل شهيتي مسدووده غصب علي يااارب ارد مثل قبل واحسسسن


وامي تقعدني غصب من نوومي الصبح اشرب حليب حار مع حلبه


ولازم مع بيض مسلووق بس ما اشتهي وتحطييييييين معااه فلفل اسوود تكثرييينه مفيييييييد جداا < على قوله خواتي


وشكررررررن