صارحته وانصدمت

[σм 3ℓαωɣ ™]

السلام عليكم


صحيح رديت متأخر عليج
بس بارك الله في البنات اللي نصحوج إنج تستخيرين وتعطين زوجج فرصه
إنتي حلاله وهو حلالج
وإذا ما دافعتي عن حلالج من يدافع ؟؟

خلي اللي ما تستحي تطلع من بينكم مقهورة
تعدلي وتكشخي ومعلي يالغاليه
دوسي على نفسج وكرامتج شويه

صدقيني وشرط لج وتأكدي إن قليلة الأدب
لين صارت بينهم مشكلة تنازلت وداست على كرامتها
عشان بس تكسبه زود
صيري حنونه عليه
علاقته بهالبنت في حياتكم خلاص
بس إنتي صيري له هينه ولينه وخليه ينساها

وإن شاء الله ما تكون هالعلاقة إلا فاتحة خير عليج
وادعي ربج خصوصاً بقيام الليل
وربج ما يخيب رجاج


وبشرينـا من بعد العشا شنو صار
يا رب يا رب يا رب يسخر لج زوجج ويهديه
يا رب نسمع منج البشارة

 

[بلسم الجروح]

:gathering::gathering:بس يا اختي لا تخلينا يروح من ايدج... ظل راجل ولا ظل حيط ...انتي محد راح ينفعج الي الريال أكسبيه لج وقعدو قعدت صلح وحب وقوليله شعاجبك فيها هذي باعت شرفها لك فأكيد لغيرك بعد مافي امان بعد شلون بتيب منها عيال وشلون بتطلع وانت مرتاح بالك راح يوسوس .. انا احبك وراح اسعدك واي شى مقصره معاك فيه صارحني راح احطك بعيوني ياعيوني ولا راح اسمح لاي وحده تاخذك مني لأنك انت صرتلي أمي وابي واخواني والله يوفقج والسموحه وصفحه جديدة :klhfl::tek::tek::eh_s(8):

 

[smecha]

الله يوفقكم ان شاء الله و يثبت زوجج على طاعة الرحمن
و يهديه

ها شصار عليج طمنيناااا ؟؟

 

[لوازم العائلة]

ناطرينج يافنر
الله يوفقج ويسخره لج

 

[موكا بالكراميل]

قريت موضوعج كامل وبصراحه الله يعينج الموقف جداً صعب

ومحتاج إرادة وقوة لأن مطلوب منج الحين تواجهين نفسج وتتغلبين على أي شعور

بالشك ممكن تحسين فيه لما ترجعين بيت زوجج مو أقل تأخير أو مكالمة أو أو تربطين

الأحداث دايركت باللي كان يعرفها ,,

لأن صفحة يديدة معناها صفحة صافية وخالية من أي شك وهني الصعوبة

ومبين من كلام زوجج انه مرتاح لج وحاب انج تكونيين انتي زوجته وشريكة حياته

ولاتخافين من اللي كان يحبها ترى حطي في بالج ان زوجج مايحترمها ولا يمكن يساويها فيج

لأنها في نظرة ونظر كل ريال ( رخيصة ) بس هذا مايعني انه يزني معاها دام انها رخصت بعمرها

لا المفروض يكون الوازع الديني عنده أكبر من هالمستوى لأن اللي يتساهل في هالجانب ماتضمنين

باجر لا صارت المرة في ولاده والا شي مايروح يزني مع أي وحده لأن الخلل في الوازع الديني

مو واقفه على انه يحب وحده بحد ذاتها ومايبي يعاشر غيرها الحرام حرام فركزي على هالنقطة عددددددل

وحاولي تغيرين من زوجج عشان لايفكر في أي لحظه وتحت أي ظرف انه يلجأ لغيرج عشان حاجته

الجنسية




اتمنى انج تتقبلين نصايحي وتطمنينا عليج حبيبتي وتبشرينا ان شاءالله بالأخبار الحلوه

 

[حبي حبيبي]

حبيبتي .. انا من رايي لاتخلينه لها هذا ريلج مو حبيبج

ودامها واطيه لهالدرجه اكيد راح يحس

شلون رضت تسوي جذي واهو شرعا مو ريلها !!!

حياتي انا متــأكده انج راح تقدرين تخلينه يحبج انتي وتكسبينه مع الوقت


وانتي وشطارتج

ودامه اتصل فيج .. اكيد ندمان وشاريج

وحاولي ماتخلينه يفكر فيها ولا لحظه



انشالله ماكون طولت عليج

 

[Bionic Girl]

الحمدلله الوضع شكله قاعد يتعدل ان شاءاالله .. طمنينا حبيبتي شصار معاج؟

 

[الاخلاص]

رديله بس انصحج بحبوب المانع لو لمدة سنه عشان تشوفينه

 

[the note book]

االله يهدييج حبيبتي ليييييييييش ما ردييتي بيتج يالله حبيبتي قوي قلبج وردي عفيه حبيبتي

 

[the note book]

شصاااااااااار عليييييييييييييييييييييييييييييج بالطلعه

 

[حصوووص]

["]السلام عليكم شلونج حبيبتي فنر - انا الصراحه من زمان متابعه موضوعج

وحبيت اقولج لا تستسلمسن بسهوله ولا تخلين وحده مثل هذي من حثالة المجتمع تهزمج واكيد اهي اللحين عايشه حاله نفسيه

كسيفه لانها راح تلاحظ تغير زوجج معاها والله يوفقج والله اني ادعيلج من كل قلبي ان الله يثبتتج ويعطيج القوه والصبر وإلى

الامام يالغاليه والقويه والله ينصرج عليها انشالله وكل الكويتيات معاج قلباااااااا وقالباااااااااا ::tek:

 

[أم صالح]

رديله بس انصحج بحبوب المانع لو لمدة سنه عشان تشوفينه

لا انا عكس هالراي تماما ماتدرين يمكن اذا حملتي يزيد اهتمامه لج ويجابلج ويمكن الياهل يربطكم ويقربكم من بعض اكثر ويحسسه بالمسؤليه ويلهيه صدقيني انا اعرف وايد بنات ما اخفت مشاكلهم واركدوا ريايلهم عن المغازل الا بعد ماصار عندهم ياهل وبعدين الحبوب بعض الاجسام يتأخرون بالحمل اذا هدت الحبوب بمده طويله

الله يوفقج وياه وبس عاد ردي لاتطولينها عليه ويتعود على بعدج

 

[ام مضاوي]

ربي يوفقج ويسخره بدون ماتتعبين معاه

واهنيج برايج وكبر عقلج وسنعج

ربي يزيدج اكثر واكثر

 

[((Fner))]

شلونكم بنات

أمس الطلعه كانت غيييير

طبعا تعتبر أول مرة أطلع معاه وضعنا أوكى يعني مافي نقاش وجدال



أول مره نطلع مع بعض وجنا تونا متزوجين وبمكان عام

هالمرة اكتشفت أن مجتمع ريلي غييير وبعيد عن مجتمعنا مو أحنا أحسن أو أهما أحسن غيير و صعب علي


أقولكم شلون مجتمعنا شوي محافظ وإذا شفنا أحد نعرفه معرفة سطحيه زملاء أو جيران وخاصه إذا كان من الجنس ألأخر


يكون سلام بسيط ومن بعيد أو ابتسامه أهوا ما شاء الله سلم على وايد ناس منهم رياييل كبار وصبيان صغار الصدمه

سلم باليد على بنات بالمطعم كانوا أربعه إعرف منهم 2 شاليهاتهم يم بعض و2 الباجي عرفوهم له واهوا عرفني عليهم

البنات كانو طقتي أو شوي أكبر بس زوووووغه ستايل ورقي

بصراحه أنا أحلى والله مو غرور بس اجسامهم وستايلهم فظييع

نفس ستايل أهله بحاول أكون شي يشبه هالستايل بس بنكهتي

المهم حبياتي الطلعه كانت حلوة وهاديه بس دقت بنت إبليس وحقرها شفت رقمها التلفون كان صوبي

ودقت عقب 10 دقايق مرة ثانييه ابتسمت ومسكت إيده قتله إهيا حياتي
رد إي عمري حقريهاااااااااااااااااا أنا عطيتها خبر ما تدق مرة ثانيه

بنات أول مرة يسيير بينا مثل هالحوار كلام حلو وهادي استانست لما سمعت منه كلمة عمري والله للحين ترن بذوني

ريلي لسانه حلو يقول وايد مثل هالكلام خاصه كلمة حبيبتي بس هالمرة غيير حسيتها طالعه من قلبه وحقي أنا

---------------------------

اليوم الصبح سويت شي يديد دزيت مسج أصبح عليه وتوه يقعد ورد علي بكلام ينن

بنات أنتوا ساعدتوني وايد وايد وحسيت أنكم حييل قراب مني شجعتوني

وان شاء الله اخر هالأسبوع أرجع البيت أو بحاول أرجع ماراح أوعده


وبغير أكسسوارات البيت والحديقة شوي والصاله اليوميه بغير بداري النوم أبي يحس بيدي على البيت


إن شاء الله ما يرجع نفس قبل ويهملني لأن راح تكون أخر فرصه له وبجذي راح ينهي حياتنا مع بعض

 

[((Fner))]

لا انا عكس هالراي تماما ماتدرين يمكن اذا حملتي يزيد اهتمامه لج ويجابلج ويمكن الياهل يربطكم ويقربكم من بعض اكثر ويحسسه بالمسؤليه ويلهيه صدقيني انا اعرف وايد بنات ما اخفت مشاكلهم واركدوا ريايلهم عن المغازل الا بعد ماصار عندهم ياهل وبعدين الحبوب بعض الاجسام يتأخرون بالحمل اذا هدت الحبوب بمده طويله

الله يوفقج وياه وبس عاد ردي لاتطولينها عليه ويتعود على بعدج

ويوفقج يارب :tek:

 

[عبق البنفسج]

الله عطاج على قد نيتج ..
ان شاء الله يارب يتغير صــج .. ويحس فيج وانتي لا تعطينه مجال يفكر فيها
ولا تنسين لما تردين روحي العمرة معاه وان شاء الله عقبها الله يفرجها عليكم وتتغير عيشتكم
والله يهديه ان شاء الله ..

والله استانست لج .. لاني كنت فاقدة الامل انه يتعدل .. بس الحمد الله الله عطاج على قد نيتج

 

[((Fner))]

["]السلام عليكم شلونج حبيبتي فنر - انا الصراحه من زمان متابعه موضوعج

وحبيت اقولج لا تستسلمسن بسهوله ولا تخلين وحده مثل هذي من حثالة المجتمع تهزمج واكيد اهي اللحين عايشه حاله نفسيه

كسيفه لانها راح تلاحظ تغير زوجج معاها والله يوفقج والله اني ادعيلج من كل قلبي ان الله يثبتتج ويعطيج القوه والصبر وإلى

الامام يالغاليه والقويه والله ينصرج عليها انشالله وكل الكويتيات معاج قلباااااااا وقالباااااااااا ::tek:

يا حيااااااااااااااتي مشكورة وايد وايد

لو ما الله سبحانه وتعالى وقفتكم وتشجيعكم جان ما عندي قوة للمقاومه

تسلميين حبيبتي:eh_s(7):

 

[أحلى روان]

الله يعوضج بالاحسن يارب والله يعينج

 

[متواضعة]

الحمدالله والشكر لله الكريم



الله يهنيييج ويوفقج ويسخر لج ريلج ياربي

ولا يغير عليكم

ويبعد عنج هالساحره

عليج بالصلاه والدعاء وكثري من الاستغفار

 

[((Fner))]

حبيبتي .. انا من رايي لاتخلينه لها هذا ريلج مو حبيبج

ودامها واطيه لهالدرجه اكيد راح يحس

شلون رضت تسوي جذي واهو شرعا مو ريلها !!!

حياتي انا متــأكده انج راح تقدرين تخلينه يحبج انتي وتكسبينه مع الوقت


وانتي وشطارتج

ودامه اتصل فيج .. اكيد ندمان وشاريج

وحاولي ماتخلينه يفكر فيها ولا لحظه



انشالله ماكون طولت عليج

تسلمين حبيبتي:tek: