صارحته وانصدمت

[Drama.Queen]

اختي الله يسهل امورج عليج

صبري والصبر مفتاح الفررج هذا ابتلاء من رب العالمين تصبرري ولج الاجر

ادري انه شي صعب على الوحده انها تتقبله بس خلااص انتي الحين تزوجتيه وخذيتيه ولووو صج يبي يتزوجها بعدين عليج جان تزوجهاا من قبل لا ياخذج ودام اهله بصفج مو بصفه تاكدي موقفه ضعيف ماراح يقدر ياخذها
الله يسامح اهله بس

اكررره هالحررركه الاهل يزوجوون عيالهم غصب يا عشاان تقدملها واحد موو عاجبهم ولا يبي بنت موو عاجبتهم واخرتها نهايه مو سعيده وظلمووا عيالهم وعيال النااس انتي مو اوول وحده تمر على عندها نفس هالساالفه

اعرف اثنين يحبون بعض من 5 سنووات الريال قال لاهله انه يبي يتزوج البنت الي يحبها ابووه معااارض وامه وافقت راح الابووو وخطبله وحده من اهلهم ورتب الاموور معاااهم من ورااا ظهر الوولد وبالاخير حطه جدام الامر الواااقع واخرتها يقووول حق الي البنت لو شنوو ماراح اهدج انا مااقدر اقوول لبووي لاااء بس البنت قالت لو خذيت بنت الناس انا بختفي من حياتك اهي شذنبها تتعذب وشذنبها انه ريلها ضعيف وماقدر يدافع عن حبه لي وراح الاقي الي احسن منك ... يعني اخلااق البنت تحكم وكرامتها بعد

تطمني نوعيه ريلج وااايد واخذيها مني مستحيل يتزوجها ومصيره بيهدها

وبعدين ليش ياخذها بالحلال دام كل شي متوفرله وقاعد ياخذه منها بالحرام !! استغفرالله العلي العظيم

الله يستر عليها ويهديها ويبعدها عن دربج ودرب ريلج ويسعدج بدنيتج ويسخر زوجج لج

تركدي واستهدي بالله

ياااا ماااااااااااا رياااييل خاانوا حرريمهم واستهتروا بشبابهم ولعبووو وجدام حرريمهم يصيرووون اكبر ممثلين بالعشق والحب والغراام بس الفرق بمشكلتج انه ريلج وايد صرريح وفاشل بالتمثيل على الاقل عارفه شنو يدوور من ورااج عشان تعررفين تتصرفين مو تلعب فيج الظنون والشكوووك صج بالحالتين متعذبه بس شي اهون من شي

وبعدين ان ابغض الحلال عند الله الطلااق وبعدين انصحج تتقريبن لربج بالصلاااة وقيام الليل والاستغفااار هذا اختبار من رب العالمين يبي يختبر صبر عبده

وسوري ع الاطاله

 

[((Fner))]

هلا حبايبي

سوري أمس كنت حييل مشغووله

 

[فوز وفواز]

هلافنر شلونج الله يعينج حبيبتي بشرينا عنج انشالله خير

 

[عبق البنفسج]

والله لو علي لا فرصة ثانية ولا ثالثة !! ليش لي هالدرجة آنا مسترخصة بنفسي حق واحد زبالة تارسة عينه زبالة مثلة !!

والله إنتي مو هذا اللي يستاهلج , باجر إذا يولج عيال تتوقعين إنسان زاني لاهي بخرابيطه بربيهم أحسن تربية!؟

وبعدين دامج بأول الدرب لا تخلينه يطول ويتعقد , الحين بس تحاتين عمرج باجر لما تفكرين بالإنفصال ويكون عندج بيبي راح يصير الموضوع أصعب!

وبعدين إذا أهو من جم سنه يعرفها ويعاشرها معاشرة الأزواج معناته بالنسبة له إنتي الدخيلة عليهم وتلاقين قبل لا ياخذج حالفلها حلف ومعطيها وعد إنها تظل حبيبته ويمكن بعد شارطه إن ما يعاشرج لأنها تغار عشتو!!!!

وعندي تساؤل : اللي يتساهل بالزنا حريص على صلاته ؟ وتتتوقعين اللي محلل الزنا على نفسه يحرم الخمر على نفسه؟؟

يعني الزنا من الكبائر مو شي هين وأهو غرقان فيه من أربع سنين وما يحس بتأنيب الضمير وعايش حياته غلط بغلط وفوق هذا خذاج وظلمج وهم مو حاس بتأنيب الضمير وعند نفسه أهو مو ظالمج ومايدري إنه ظالم نفسه قبل لا يظلمج..

الله يهدي الجميع والحمدلله الذي عافانا ممن ابتلاه وفضلنا على كثير من عباده تفضيلا..

أسفة فنر بس وايد منفعلة ومنبطة جبدي وقاهرتني الردود حسبالهم مسلسل تركي وإنتي الضحية.!!

آنا أهنيج على صبرج ماشاالله عليج لو آنا جان من زمان أنهيت الموضوع وعشت حياتي على هواي مو على هوى غيري , ترى الإنسان يعيش مرة وحدة لا تذبحين عمرج يمكن إييج نصيب غيره يعزج ويحبج ويستاهلج..

شوفي بالبداية انا كنت متحمسة انج اترديدله اذا كان في منه أمل يتعدل ..
بس عقب ماقريت رد الأخت باش مهندسة غيرت رايي ..
ورايي صار مثلها لأن حجيها صــــــــــــــــــــــح .. هذا واحد زاني مايصلي ولا يعرف ربه .. شلون بتعيشين معاه .. شلون بيربي عيالج ..
انا الحين مقتنعة انه بيردج عشان أمه وبس وخاصة عقب ماكان معاج كلا يكلمها ويبي يردج بسرعة يبي الفكة منج ..
انتي كبيرة .. منتي صغيرة وانتي تقدرين تقررين بتكملين معاه ولا بتهدينه ..
كوني قوية وححدي بيترديله أو بتطلقين منه .. واذا بترديله لازم تشرطين عليه انه يهدها وانا ما أوافق البنات الي يقولولج رديله وحاولي تاخذينه منه .. مادري اشوف هالشي مستحيل

 

[لون المطر]

هلا حبايبي

سوري أمس كنت حييل مشغووله

بشري انشالله خير!!

 

[zain-alq8]

مادري احسن انه ايلي يحبها متزوجه ولا شلوون تنااااااااام معاااه ؟؟؟؟ مافي بنت تبييع نفسها جذييه لانه بتنفضح لاتزوجت بس يااهي متزوجه او مطلقه ؟؟؟؟؟؟؟احس جذي

 

[قطوه ورديه]

حياتي فنررررررر اشصار عليج طمنينا

 

[((Fner))]

شلونكم بنات

أمس صار في وايد أحداث

راح أحاول اختصر وياريت تعطوني رايكم

 

[*الزينه*]

فنر حبيبتي انتي ليش متمسكه فيه لهالدرجه ؟؟؟

شلون جذي عنده حبيبه وانتي قاعده على ذمته ؟؟؟

انتي ما صارلكم سنه اعترف انه زاني ؟؟؟ عقب جم سنه شراااااح يقوول بعد لا حـــول ولا قوة الا باللـــــــــــــه


الله يهديييه الله يهدييييييييه يااااااااااااارب



انا مع باش مهندسه انا معاها بكل حرف قااااالته ياعسى ربي يسلمج ويخليج لاهلج يامهندسه عيييين العقل والاسلوب ماشاء الله تبارك الرحمن


فنر فنر حبيبتي اصحي ياقلبي من الغفله اللي انتي فيها

خليه يقنع امه يتزوجها وانتي بعد كلمي ام زوجج اللي هي خالتج اقنعي اهله انهم يوافقوون على زواجه من حبيبته اللي زنى معاها ؟؟؟؟ ليش رافضييين يااااااربي ؟؟؟

وحياتج مو واقفه عليه انتي بعد شوفي نصيبج


عسى ربي يكتب اللي فيه الخييير

 

[((Fner))]

أمس ما قدرت اداوم مانمت الليله إلي قبلها

السبب ان وحده من حبايبي وأكد لها أنها عزيزه وغاليه وايد واعتبرها اختي الكبيرة

وأني والله مو زعلانه ولا متضايقه من مكالمتها بالعكس اهيا وايد فادتني ونورتني

البنت تسير صديقت بنت خالتي حيييييل ومن زمان

قرت قصتي في المنتدى وعرفتني ودقت ونصحتني


نصحتني أني مو كلشي أقول حق خالتي(أم زوجي)

لأنه ولدها وماراح نرضى عليه ويمكن تقوله شنو شعوري وشنو ناويه أسوي

ثاني شي لازم أكلمه جد وأساله أهم سؤال يبينا نرجع حق بعض عشان خالتي ولا اهوا يبي

وعلى اساس الأجابه اتصرف - وأني لازم مهما كانت إجابته ابتدي صفحه جديده مع ربي ونفسي
--------------------------------------------------------------

طلعت مع خالتي الغدا وكان وايد وناسه عرفت أن خالتي برغم شكلها الجد ورفعة نفسها

أن لها قلب كبير وحنون وايد مقدرتني ومقدرة صبري وأني قدرتها بقرار رجعتي


قالتلي أنها رتبت سفره حقي وحقه وعطني عدة أختيارات وبعدها تقوله أن عازمتنا ونفس اتفاقنا الأولي

لازم أطلب منه أن مايخذ تلفونه - اخترت عشان لا أحسسها أني بديت بقرار ثاني وعلى أساسه راح أقرر أرجع ولا لأ

ماكنت حابه أضيق خلقها

 

[فوز وفواز]

الله يعينج وينورلج دربج ويسهل خطاج ويوفقج ان شاءالله

 

[بنتq8]

انتىاللى داخل وهى اللى برة ادرى صعبة كسبية سافرى معه لا تعطينة فرصة يطلع بروحة حطى شروط اذا ما يبيج ليش يركض وراة وهى مجرد نزوة واللة يوفقج ويغير زوجج مثل ماتبين ويصلح بينكم

 

[لوازم العائلة]

لله يسرلج امورج احنا ناطرينج ومتابعينج والليله ليلة جمعه ادعي ربج يفرجها عليج

 

[((Fner))]

بس طلبت منها تأجل شوي لأني مو مستعده



مادق علي كلش - برجعتي للبيت دقيت عليه كان بالمطار بسافر


غيرت طريجي ورحت المطار ما كنت قادرة أصبر


كنت غير معاه واثقة من نفسي وطبيعيه وصلت المطار


وسألته عن مكانه طلع بالجيت داخل قتله حسافه انا بالمطار كان ودي أشوفك وسألك سؤال مهم



قالي شنو السؤال قتله هالسؤال بالذات لازم نكون ويهه بويهه مو بالتلفون


أصر يعرف السؤال وأنا اصريت مادري خفت أسأل وتكون هذي نهايتنا كنت مو مستعده


سكر التلفون وقالي لا تطلعين من المطار بعد شوي دق وسألني عن مكاني وياني


أول ما يه قتله لييش بييت وطيارتك قالي ماراح أقدراسافر بدون ما أعرفه (ترى كلش مو طبعه)


سألته السؤال قتله ليش تبينه نرجع؟ قالي يعني شلون قتله يعني ليش وشنو السبب؟؟

قالي أبيج أنتي زوجتي


قتله أنا رجعت عشان خالتي (أمه) وعشان أنك وعدتني أن حياتنا راح تسيير أحسن


قالي وأنا عند وعدي شفيج لييش متردده وخايفه


قتله تدري شنو معناة حياتنا تسسير أحسن قالي أكيد ولا تخافين وإن شاء الله بس أرجع


راح أريحج ولا تخافين -قاطتعته يعني أنا وبس وإلي تعرفها لأ تكون مو موجوده بحياتك


سكت وتنهد وقالي إن شاء الله قتله فلان أنت عودتني على صراحتك ورجولتك


حياتنا أفضل معناته عدم وجودها بحياتك

قالي إن شاء الله بس أنا تأخرت نكمل بعدين


وقفت وقتله لا بعدين ولا ألحين خلاص حياتنا انتهت مع بعض تسافر وترجع بالسلامه


ومشيت بعد دقيقتين يمكن وأنا بالمواقف رن تلفوني وقالي أوقفي نطري ما خلصنا


قتله أنا خلصت ما عندي استعداد اضيع حياتي وشبابي وأحلى أيام عمري مع واحد


يحب غيري وغيري وحده زانيه استغفرالله وراضيه بالمذله عشان فلوسك


وإذا حصلها واحد ثاني يدفع أكثر راح تهدك وتبيعك برخيص


فلان أنت ريال وأكيد من داخلك عارف هالشي


عارف انها زانيه وأنها على قد حالها واجتماعيا انت وايد أحسن منها من جميع النواحي انت


أفضل عشان جذي إهيا معاك برغم أنك تزوجت كل ما يتكلم طلبت منه يسكت ويسمع لأنه دوري أتكلم واهوا يسمع


قتله أنا أرفع من اني أرضى أعيش مع واحد راضي بكل إلي تسويه فيه القذرة



لو أني ما شفت فيك صفات الريال السنع جان ما خذيتك بس ألحين ما أقدر أستمر معاك


أنا أبي ريال يصوني ويخاف الله ويعرف قدري

____________________________________________________________________


سألني عن مكاني وقتله بالسيارة سألني وين بالضبط طلبت أن يسافر ماكو وقت اصر وياني

أول ما ركب باس راسي وقالي سامحيني أنتي اصيله وأنا شارييج

بجيت بجيت من كل قلبي مادري لييش - مسكني ومسح دموعي حسيت بحنانه اعتذرت وقتله غصبن علي

مو سهل الفراق وبينا عشرة سنه - وتلفوونه كان كل شوي يرن ويحطه سايلنت ويرد يرن ويحطه سايلنت


كنت حاسه أن أهيا - قالي لا تيبين طاري الفراق ما راح أخليج

رن تلفونه شاله وبس قال مشغول بعدين أكلمكم - ودق على مادري منو وقال بلغهم ماني مسافر راح أحاول باجر


قتله سافر شغلك قالي الشغل مو اهم من زوجتي


قالي سمعيني انا وعدتج حياتنا راح تكون أفضل وأنا ريال عند وعدي


ولاتيبن طاريها مو عشاني عشانج أنا إلي قررت الزواج وأنا إلي قررت أنها ما تصلحلي

وتأكدي لو ما أبي أتزوج جان ما تزوجت

صح أنا غلطت واهملتج بس بعد أنتي كنتي واحد من الأسباب

قتله شلون انا السبب وشلون قررت أنها ما تصلحلك وكملت معاها وظلمتني واهملتني ولما سألتك قتلي أنك تحبها و

سنين وانك انجبرت على الزواج اصرار أمك ومرض أبوك


ليش للحين معاها وما تجسيني وتنام معاها بالحراام لييييش



وتكفى لا تقول مسحور لأن ما فيك شي - لاتقنعني قالي كليتني فنر أكو وايد أشياء

خليني أرتب أفكاري وأقولج كلشي وايد أشياء أنتي ما تعرفينها

أخر مره أطلب منج تعطيني فرصه

 

[عسل مرت قيمر]

اله يسخره لج ويبعد عنه الحرام ياارب


انشاء الله تتعدل الامور وتبشرينا بخير


مادري والله شقول اكثر


بس بيدي الدعاء لج

 

[L.a.v.e.n.d.e.r]

وبعدين ؟؟

 

[فوز وفواز]

وااااااااااااي الله كريم يارب يهديه لج انشالله كثري استغفار وصلاة في الموعدخاصة صلاة الفجر وكثري دعاء وقران

 

[{ عبره وهلت }]

لا ترجعين

خليه يتزوج حبيبته

" الزاني لا ينكج الا زانيه "

وهم بعد تذكري " الخبيثون للخبيثت "

وانتي مدام انج طيبه ثقي تمام انها خيره
وانج يتيمه ربي ان شالله يعوضج

مدام انج طيبه خلاص تطمني
" الطيبون لطيبات "

ربي يعوضج

 

[((Fner))]

قالي شرايج نروح بيتنا ونسولف وافقت

وصلنا البيت وقعدنا قالي تتحملين صراحتي قتله أكيد ماكو شي أحسن من الصراحه حتى لو تزعل

قالي أن يعرفها من زمان (4 سنوات ) أول سنتين كان شطانه ولعب وبعدين حبها وكل إلي يدرون عن علاقتهم

وأن يبيها زواج كانو رافضين الوحيد إلي موافقه ولد عمه أصدقاءه وأخته كانوا رافضين


لأنها مطلقه واجتماعيا ما تناسبه وبعضهم قالوله طمعانه فيك وبعضهم قالوله هالأشكال ما تعرف تربي عيالك

وأصر وكل مايبوله طاري الزواج يرفض - قالت أخته حق أمه السبب وقامت أمه تحاول تقنعه بالزواج ويرفض

وبعدين طلب منه أبوه أن يقلل مكالمته لها بعذر الدراسه لأن كان يكمل ماستر وما يشوفها كلش

وقاله إذا استمرت بس 3 شهور ما تعرفت على وواحد ثاني يخطبها له

نفذ طلب عمي وقبل لا تكمل الشهر عرفت واحد ثاني


واجها عذرها كان أنها غلطت وأن إلي بينهم صداقه وتعذرت وقامت تبجي هدها

وبلغ أهله يدوروله على وحده ما كو وحده عجبته وطول ما اهو يدور تدق وتروحله الشركه

وتحلف أن العلاقه مو اكثر من صداقه- ما رجع لها ببس خالتي كانت تحسب أن ما هدها

أو أن هدها ورجع لها يقول أن أهوا مارجع لها هالفترة

حتى ولد عمه إلي كان موافقه على زواجه منها ومشجعه قاله خل تولي ما فيها خيير


شافني وعجبته قالي أنتي ناعمه ومحترمه (لاحظو مصر يقول ناعمه ومحترمه )

كانت كل يوم تدق يكلمها عادي بس ما بينهم أكثر من سوالف بسيطه وعاديه

لما خطبني قال لها بجت وقالتله أحبك وماراح أهدك وبضحي بسعادتي عشانك

لما سمعت جذي ياني ضحك مادري من وين وقتله ما توقعتك جذي أبييه واضح استغلالها لك

عصب وقالي شفتي أنا كنت متأكد ماراح تفهميني

أبييييييه حسيت اني بدعت طلبت منه يكمل يقول بالخطبه زادت -و هذا إلي خلاه مشغول عني

سألته نمت معاها قالي لأ . سكت وقالي بالملجه أي

قتله خلاص عرفت باجي القصه رديت تحس أنك تحبها وطبعا كانت تعطيك كل شي عشان ما تييني

وأبشرك راح تحمل منك وتوهقك وتقولك مادري شلون صار

قالي أبشرج أخذ مانع ما تقدر أتسوي جذيه

وقتله شلون انا لما سألتك قتلي أنك تحبها وانجبرت عشان تتزوجني - قالي أنا ما انجبرت إلي صار قتلج عنا

وبعد في شي ثاني

فنر أنتي ما جذبتيني لج لبسج عادي وأسلوبج عادي ومك اب عادي - شوفي نفسج يوم هدينا بعض أسلوبج أحلى ولبسج

غير

أعطيج مصرف زين وتبخلين على نفسج ما تلبسين ماركات أنا أحب جذي

( من شطارتي كنت أقول حراام أبذر أثاري أهوا يبيني أبذر ) وخالتي حبيبتي تقولي حبيبتي مو عشان ريلج عنده خيير تتطلبين عييب

الريال يحب المره تقدر أن قاعد يشتغل ويتعب مو تقطط الفلوس -( صج كل ريال غيير)

وقالي ما تلبسين شي يلفت النظر

عصبت قتله شلون يلفت النظر عادي عندك ألفت نظر الرياييل

قالي تبين أعطيج طراق يفر مخج أنتي متى بتفهمين - عاد فهمت- قتله خلاص فهمت

اخر شي قالي أنا أوعدج أن أتغير وانت بعد

قتله اخر سؤال طبعا اهيا للحين تدق - قالي شقلنا خلاص نعتبر اليوم أول يوم زواج

قتله بس أنت قلت أنا أحب وحده من 4 سنوات سووووووووووووري صح

شلون ألحين خلاص نسيته شنو باباي (رسوم متحركه)- قالي لأ مو باباي أرد أقولج أنتي السبب ما جذبتيني

عشان جذييه قلت بقلبي ما لنا نصيب مع بعض وقتلج احبها وأخربط معاها - أخلاق أهلج وسنعهم خلاني أفكر حرام أضيع بنت ناس

و أظلمها فقررت تكون لنا فرصه ثانيه

فنر اهيا مكفيتني بالكلام الحلو والأهتمام و...................... أسف على صراحتي

وأنتي ما جذبتيني كلش صوبج كوني صريحه انتي بعد ما حبيتيي والدليل كنتي مستعده تتنازلين عني

وتعشين حياتج وتخوضين تجربه مع واحد ثاني صح أنتي اعجبتي فيني وشفتي فيني صفات الريال الزين بس وانتي قلتيها بلسانج

فنر ما دامج مستعده تجربين مع شخص ثاني خلينا نجرب مع بعض

خلصنا سوالف والوقت تأخر قتله باخذ أغراض وبرح البيت - قالي للحين مصره ما ترجعين

قتله أنت بتسافر خل رجعتي بعد السفر قالي خلاص ما تخذين شي عشان أول ما أرجع ألقاج بالبيت

( طول ما أحنا نسولف جهازه كان سايلنت مارد على ولا احد )




ألحين كل إلي اتمناه أن يكون صاج مو جذاب وكل الكلام تأليف



بس ليش يألف شنو مصلحته قتله أن مابي أرجع واصر أرجع وقالي كل القصه


شرايكم بنات (أنا متأكده أنها راح تظل تدق ) ريلي ما قالي شنو بسوي معاها وأنا ما سالت حسيت بتضايق

ما حبيت اخرب القعده

شرايكم متى اسأله شنو سوا معاها ولا ما أسأله وشيك بس على رقمها تدق ولا لأ وأهوا يدق عليها

شسوي معاها إذا عرفت أنها للحين تحاول تاخذه صوبها

 

[فوز وفواز]

بتعرفين اذا هدها ولالأ بدون لاتسالينه يمكن اذا قلتيله انا واثقه انك بتخلص لي تكبر هالكلمة براسه ويخلص لج صج عطيه الثقة بويهه ومن وراه جيكي عليه بدون مايحس يمكن الله يهديه ماتدرين الله كريم