تكفوون ساعدوني اخوي تعرض للتحرش الجنسي

[احنا بزمن لايؤتمن]

السلام بنات انا ببدى بالموضوع على طول
اخوي عمره 8 سنوات وعاااقل ومؤدب المهم
انا ما احب يطلع بالشارع المهم اليوم طلع يلعب وراح بيت جيرانا يلعب مع ولد جيرانا عمره 10 سنوات امي راحت تجيبه من بيتهم لقت الولد قافل الغرفة عليهم ولد جيرانا مفصح وكان .........اتمنى انكم فهمتوني بنات انا وامي اليوم بجينا بجي حراام اخوي مايعرف هالسوالف وانا حيل خايفة بنات الله يوفقكم قولولي شسوي ابي رقم معالج نفسي الله يساعدكم

 

[احنا بزمن لايؤتمن]

بنات ليش جذي انا منهاره نفسيا بليز بحاجة اللى مساعدتكم

 

[؛؛دلع بس بسنع؛؛]

والله اختي انا حقيقه ما اعرف رقم لاحد يفيدج ؛؛

لكن الله يحفظ اخوج وحصنوه بالاذكار قبل لا يخرج اي مكان ؛؛ مدرسه؛؛ شارع؛؛ سوبر

ورددي هذا الدعاء { استودعتك الله الذي لا تضيع ودائعه } وبأذن الله لن يصيبه شر حتى يعود لآنك استودعتيه رب العباد

الله يستر عليكم ويحفظ عيالنا من كل مكروه .

 

[بنوته نايس]

حياتي بعد عمري الله يفج ضيقتكم ان شاءالله والله ما اعرف حبيبتي بس ماحبيت اطلع من غير لا ارد عليج..

 

[قطوه ورديه]

حبيبتي والله ماعرف رقم معالج
ان شاء الله البنات يفيدونج

 

[معشووقة السفر]

الله يكون بعونج وربي يحفظه لكم
اخذوله موعد بمكتب الانماء الاجتماعي في باليرموك وفي بالديره صوب سوق الصفاة وعند دكتور اسمه جاسم دكتور نفسي للاطفال يسولف معاه و يوعيه ويفهمه وبين فتره وفتره يروح له وانشالله مافيه الا العافيه

 

[انشودة المطر]

ليش تزودونه تعقيد انسوا السالفه ولا كان شيء صار ............علشان ماتضل براسه ..........انا بصراحه بقولج اشصار لاخوي ........عمره كان17 وخانوا فيه ربعه واغتصبوه وجانا منهار ويبجي وحبنا نكتم السالفه لانها فعلا فضيحه ........بس ابوي الله يهداه لزم يبلغ المخفر وتخيلي طاحت القضيه بايد واحد من جماعتنا وربي ام الفضيحه ...........وانتشرت سالفته منهم من يستحى يسالنا ومنهم من يعير حسبي الله ونعم الوكيل ..........حتى زوج اختى يعير اختى بس الحمد زوجي مايعرف بالسالفه جان زودها بعد ...........فالرسول صلي الله عليه وسلم قال (((((((( اذاابتليتم فستتروا )))))))) مشوا الامر عادي ولا كان شيء صار بس ديروا بالكم عليه وحذروه ولاتبينون شيء له علشان ينسي

 

[BaLLoNa]

حبيبتي اول شي قولو حق ام ولد جيرانكم ضروري خل يكلمون ولدهم ويقضبونه وهم انتي كلمي ولد جيرانكم وقولي له ان عرفتي ان سوا جذي مرة ثانية راح تشتكين عليه و اخوج كلموه بلهداوة مرة وحدة بس وقولو له اذا اي احد سوا فيه شي او يبي يسوي خل يقول لكم وروه ان انتو واثقين فيه ونسووه هلسالفة لا تكرورنها جدامه مرة ثانية

 

[عيش و مرق]

الله يكون بعونج وربي يحفظه لكم
اخذوله موعد بمكتب الانماء الاجتماعي في باليرموك وفي بالديره صوب سوق الصفاة وعند دكتور اسمه جاسم دكتور نفسي للاطفال يسولف معاه و يوعيه ويفهمه وبين فتره وفتره يروح له وانشالله مافيه الا العافيه

كنت بقول الى قالته


عمه بعينهم الواحد وده يشتكى وياخذ حقه بس جذى ينفضح اكثر انتو ديرو بالكم عليه ولايطلع وودوه حق ناس متخصصين وانشاله ماكو الا العافيه

 

[الحلوه الأموره]

لا حول ولا قوة الا بالله

حسبي الله ونعم الوكيل ..

في ناس فعلا ماتعرف الله

لا طبعا .. لازم تستشيرون دكتور نفسي .. ترى الطفل يحمل ذكرياته الى اخر يوم بعمره وممكن اهو يطبق الشي اللي صارله على الي اصغر منه

حسبي الله ونعم الوكيل ... صج انقهرت على الصبي اللي اغتصبوه ربعه .. حسبي الله عليهم .. هذا الاذان يأذن .. الله ياخذ حقه منهم
ومن كل من تطنز عليه ...

اوووف انقهرت والله

الساكت عن الحق شيطان اخرس .. مايصير نسكت عن الغلط .. حتى لو مجتمعنا متخلف

يعني الانسان لما احد يتحرش فيه ولا يغتصبه .. مايصير يسكت

لأن لي سكت في غيره وغيره وغيره هم بعد راح يحوشهم نفس اللي حاشه

لازم ينقطع الشر من اساسه


استغفر الله

الله يحفظ عيالنا يارب من كل سوء ومن كل شر

 

[الحلوه الأموره]

ليش تزودونه تعقيد انسوا السالفه ولا كان شيء صار ............علشان ماتضل براسه

ردي: حبيبتي .. الطفل هذي الحوادث تظل براسه .. يعني مو احد يذكره .. لأن الطفل اذكى من الشخص البالغ بملايين المرات

انا بصراحه بقولج اشصار لاخوي ........عمره كان17 وخانوا فيه ربعه واغتصبوه وجانا منهار ويبجي وحبنا نكتم السالفه لانها فعلا فضيحه ........بس ابوي الله يهداه لزم يبلغ المخفر وتخيلي طاحت القضيه بايد واحد من جماعتنا وربي ام الفضيحه ...........

ردي: حبيبتي ابوج اللي سواه اهو عين الصح .. بس الشرها على هذا اللي بالمخفر .. لأن اهو بمكان المفروض يحفظ اسرار الناس مو يفضح ... والدنيا دوارة .. وتذكري بيجي يوم اهو بينفضح .. الله سبحانه وتعالى .. عادل

انتشرت سالفته..منهم من يستحى يسالنا ومنهم من يعير حسبي الله ونعم الوكيل ..........حتى زوج اختى يعير اختى

ردي: حبيبتي كلمن يسوي بأصله .. وزوج اختج .. اسمحيلي .. من رداته

فالرسول صلي الله عليه وسلم قال (((((((( اذاابتليتم فستتروا ))))))))

حبيبتي .. صحيح هذا حديث عن الرسول صلى الله عليه وسلم .. بس الابتلاء في انواع .. ان الواحد مثلا اهو يشرب خمر ولا يسوي المحرمات .. ويتكلم بالامور اللي يسويها .. هذا اللي المفروض يستتر منه

يعني فعل بإيده يسويه ..

أما اللي صار بأخوج الله ياخذله حقه يارب ويطيب خاطره
والي صار بولد الناس فاهو مصيبه ... مو ابتلاء .. ولما تقع المصيبه .. المفروض الواحد يتصرف علشان يحد من الاضرار

وقال الرسول الكريم : الساكت عن الحق شيطان اخرس

...............................................

حدث العاقل بما يعقل ...

ياحبي مايصير هذا التخلف اللي عايشينه ... لازم نتغير ونصلح احوالنا .. علشان عيالنا واخوانا

الله يصلحنا ويصلح عيالنا واخوانا وكل المسلمين يارب العالمين

 

[*ماي الورد*]

واااي عشر سنوات يسوي جذيه اكيد هذا مسويله و لا شلون يعرف هالسوالف

المهم لا تتحسون اخوج بالذنب و سولفو معاه

واذا حسيتو انه بدا ينعزل عن الناس ودوه حق معالج نفسي

بس ام الولد لازم اتعرف لان عنده مشكلة الظاهر مو اول مرة الولد عارف

 

[الهما]

انا قاعد احاول اطلع موقع بس موراضي يفتح معاي كمبوتري معلق على الموقع هذا
شوفي روحي منتديات بلقيس مال ناعمه الهاشمي في عندها مقال راااااااااااااااااائع عن هالموضوع دوريه و انا بحاول ادوره مرة ثانية
اهم شي لازم يصير حوار بين امج و ولدها بس لازم تكون قويه مو تبجي ...اذا بجت بيحس كأنه هذي نهايته و العواقب بتصير وخيمه

لازم يعرف ان هذا غلط بس مو مصيبة يعني ما راح ينقص من قدره شي
اقري مقاله ناعمه و الله باذن الله بتستفيدين

 

[الهما]

علاج الطفل الذي تعرض للاعتداء الجنسي.




n العلاج = الحماية في المستقبل
n الاستمرار في التعرض للاعتداء الجنسي = ممارسة الاعتداء الجنسي على الأطفال الآخرين.
n طرق الحديث مع الطفل للتعرف على مدى تعرضه للاعتداء الجنسي:
1. جعل الطفل يتكلم بطريقته هو ويستخدم ألفاظه الخاصة للتعبير عما حدث.
2. يجب استخدام نفس طريقة كلام الطفل للحديث معه.
3. عدم إشعار الطفل أثناء الاستفسار عما حدث بأنك تستجوبه او كأنه في محكمة.
4. محاولة جمع المعلومات البسيطة لمعرفة التفاصيل كاملة وذلك لعدم قدرة جميع الاطفال على سرد القصة كاملة لمرة واحدة.
5. عدم إظهار الخوف والهلع مما حدث وذلك لعدم إخافة الطفل فلا يستطيع ان يسترسل بالكلام.
6. إشعار الطفل أن كل ما يشعر به تقدره الأسرة ومن حوله وأن ما يشعر به او يتعرض له ليس سيئاً أو عيباً يجب عدم قوله .
7. يجب الاستماع للطفل والإنصات له حتى لو تحدث عن شيء فظيع جداً.
8. ترك المجال للطفل للتحدث في أي شيء يشعر به أو يطرأ على فكره وأنه ليس من العيب الحديث عن ذلك ولا نرفض أبداً الاستماع له.
9. التهدئة من روع الطفل وإظهار الحب له وانك لا تلومه على أي شيء.
10. إشعار الطفل بالأمان والحماية لأنها من حقوقه.
11. طمأنة الطفل والتوضيح له بأن هذا الاعتداء الجنسي عليه لن يدمر حياته ويجعله أقل من أقرانه أو أنه سوف يكون شخص غير مرغوب فيه ممن حوله.
12. الإيضاح للطفل عما ستقوم به من إجراءات وطلب المساعدة من الهيئات المختصة لحماية الطفل
13. لا تعد الطفل بأنك لن تخبر أحداً بما حدث.

 

[فنتك 78]

أستغفر الله
الله يعينكم ان شاء الله
أنا برايي لا تسكتون لازم يتأدب الولد وتبلغون المخفر عليه
وولدكم ودوه لدكتور

 

[om_3kash]

وي الله يعيينكم

شلون نفسية اخوج تحسين الموقف اثر عليه ؟ ولا عادي

و لا تسكتون عن الموضوع و زين تسوين اخذيه حق استشاري نفسـي يعالجه قبل لا تكبر المشكله عنده

 

[العنود فهد]

الله يعينكم انشالله
امس في برنامج نشوه الي قناة دبي عن هذا الموضوع اذا تقدرين تشوفينه
وبعد انصحج في الدكتوره منى الغريب واااااااااايد شاطره وهذا رقم العيادة ضروري تودونه 22545961

 

[ملكة زماني]

لاحول ولاقوة الا بالله
الله يلوم اللي يلومكم ياقلبي مو اشويه اللي صار

اول شي تاكدي انشالله ماسوا معاه شي !!
يعني انشالله لحقتوا عليه قبل لايصير اي شي

وثاني شي لازم اتبلغين اهله باللي صار
لانه ممكن يسويها مع اي ياهل ثاااااااااااني غيييييره حرام


والله يحفظ اعيالنا من كل شر يارب

 

[OM3YAL]

وأفوَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ
1-أمج وأم ولد الجيران هم الملومين بالدرجة الأولي لأهمالهم.
2-في أسرع وقت اخذوا موعد من الأنماء أو طبيب نفسي ،وايد يمدحون دكتور جاسم حاجية ،أو فوزية الدريع(دكتورة منى الغريب ليست اخصائية نفسية بل الدكتوراه مالتها في اللغات حسب ماعرفه)ودوا الولد عند المعالج الصحيح.
3-أم ولد الجيران لازم تاخذ خبر حتى لايتكرر الموضوع مع أحد ثاني وحتى تعالج ولدها.
4-ياجماعة الخير علموا أبنائكم أن منطقة السوال منطقة محرمة لايجوز أحد يشوفها أو يلمسها وفي حال أحد لمسها علموا أولاكم الدفاع عن نفسهم ولو كان بالصراخ بأعلى صوت وطلب النجدة.
5-وجهوا يأختي هالطفل توجيه ديني حتى يقدر يتعامل مع تبعات هالموضوع في المستقبل لأنه في حال كبر هالياهل راح يكون في عذاب نفسي ولوم لكم مدى الحياة .
6-أكثروا من الأستغفار والدعاء وطلب الرحمة والصدقة وطلب العون من الله سبحانه وتعالى للتفريج عنكم وعن هالطفل المسكين ولهدايتم الى التصرف الصحيح في هذا الشأن.
7-أخواتي قارئات منتدى كويتيات أختنا وأخوها وعائلتها في بلاء وفي أمس الحاجة للدعاء لاتنسونها من الدعاء حفظكم الله.
]

 

[shai5at al3arab]

ليش تزودونه تعقيد انسوا السالفه ولا كان شيء صار ............علشان ماتضل براسه ..........انا بصراحه بقولج اشصار لاخوي ........عمره كان17 وخانوا فيه ربعه واغتصبوه وجانا منهار ويبجي وحبنا نكتم السالفه لانها فعلا فضيحه ........بس ابوي الله يهداه لزم يبلغ المخفر وتخيلي طاحت القضيه بايد واحد من جماعتنا وربي ام الفضيحه ...........وانتشرت سالفته منهم من يستحى يسالنا ومنهم من يعير حسبي الله ونعم الوكيل ..........حتى زوج اختى يعير اختى بس الحمد زوجي مايعرف بالسالفه جان زودها بعد ...........فالرسول صلي الله عليه وسلم قال (((((((( اذاابتليتم فستتروا )))))))) مشوا الامر عادي ولا كان شيء صار بس ديروا بالكم عليه وحذروه ولاتبينون شيء له علشان ينسي

بس اختي فيه فرق بين اللي انتوا سويتوه وبين اللي اهم بيسوونه

يعني بقضية اخوج وصلت السالفة المخفر وغلطتوا غلطة كبيرة ومسكتوا القضية شخص من جماعتكم مثل ما قلتي بالعكس المفروض تباعدون عن الاهل ..
اما صاحبة الموضوع تبي استشاري نفسي ، تبي تعيد تأهيل اخوها لانه اللي صار مو سهل ، والاستشارة النفسية سرية وبس بين اخوج والمستشار .. ما فيه ناس تدري وقضايا ..

ياجماعة والله الدنيا صايرة تخررع .. قبل اليهال كللله بالفرجان يلعبون مع بعض قواري وكرة وبراااااءة ، وما تحاتينهم ، الحين اليهال ينخاف منهم :0bee2e8d89: ، اول ما قلتي السالفة عبالي ولد اليران كبير ولا مراهق ما هقيته طقته ياهل :0bee2e8d89:

ما ادري منو قمنا نأمن .. اليران تخافين منهم ، الاهل تخافين منهم .. الله المستعان ..

بس انتوا ديروا بالكم عليه ويايته مرحلة المراهقة مسكووه عدل ، وودوه نوادي يحفظ فيها قرآن وعلموه على المسيد ، والله يحفظه .