Nes

[sara999]

الكل يعرف ان هالمدرسه وااايد ممتازه وااايد قويه
انا بسجل ولدي فيها
رحت خذيله اوراق وقالولي ان اذا طاف العدد 120 طفل ماراح نتصل عليج
واااي يأست حدي انهرت منهم
بلييييز الي تعرف شي عن سياسة قبولهم تعطيني المفيد

شاكره لكم

 

[sara999]

:0bee2e8d89:

واي بنات شدعوه ؟؟؟؟؟؟
14 مشاهده ولا وحده تعرف شي عن هالمدرسه ؟؟؟؟

 

[حلم الطفولة]

عذرا مادري عن سياسة القبول عندهم //
النيو نجلش سكول ممتازه ماعليها .... يبقى ان شالله تتسهل حبوبه ويتم قبول ولدج فيها ان شالله .

 

[sara999]

آآآآآآآآآآآآآآآآآآآآآآآآآآآآآآآآمين يارب العالمين ينقبل

 

[Fouz]

شلونج سارونة

انا كنت مقدمة أوراق بنتي و نرفزتني معاملتهم تالي، بالبداية خذت الاوراق و قالت لي المقابلة 21 مارس والله مو ناسية و نطرت محد دق علي عاد ذبك الساعة قدمت لها بكذا مدرسة و ياها القبوا بالعالمية قبرد قلبي، عاد نهاية مارس دقت وحدة تقولي للاسف ما اخترنا اسم بنتج بس راح نكلمج بشهر اربعة احتمال في فرصة جني قاعدة أطر و من ذاك اليوم محد دق علي، تقولي الاولوية حق اللي عنده اخوان جان اقولها و اخوانهم الكبار شلون قبلتوهم على الاقل سووا مقابلة تالي حكموا

أتمنى تلاقين قبول فيها لان المدرسة ممتازة بس للامانة ماكو نكافؤ فرص بالمرة يعني اذا مكتفين ليش تلخذون اوراق الناس و تعشمونهم

 

[ريماا]

ان شالله ينقبل ولو مانفبل قولى خيرة يمكن لله كاتبلة الشى الاحسن ان شالله

 

[sara999]

وااي والله احاتي بشوف بعد العالميه اذا يقبلونه
تهقون اسجله كذا مكان ؟؟؟

 

[حلم الطفولة]

وااي والله احاتي بشوف بعد العالميه اذا يقبلونه
تهقون اسجله كذا مكان ؟؟؟

إي نعم أفضل تسجلينه بمدرستين .. وتنتظرين واللي يصير ان شالله راح يكون هو الخير من الله سبحانه.
موفقه

 

[mr000]

اشلونج سارا شخبارج! شوفي إذا ماعندج مشكله تودينه سلوى فيه مدرسة الكويت الانجليزيه ترى ممتازه ومستواها قوي ومجربينها بنت أخوي فيها أمها تمدحها وايد!

 

[sara999]

اييي مرووو انا رحت سلوا قبل لا امر العالميه الي بحولي
قلت اذا ما انقبل بالانجليزيه الحديثه ينقبل بالانجليزيه الي بسلوى

بس وين صايره حست حست حست ما لقيتها وااي دليني اياها


قلت بسجله بأربع هذيل ثنتين العالميه والنيو انجلش سكول وبسجله في الكويت النجليزيه ومادري بعد بسجله بالبرتش مع انه الكل يذمها

 

[mr000]

هلا سارا مدرسة الكويت الانجليزيه بسلوى قطعه 11 ورى مدرسة الأمه الابتدائيه هي شوى مدعوسه بين البيوت بس خوش مدرسه ممتازه

 

[mr000]

عندج بعد الدوليه الامريكيه اللي بحولي ديري بالج مو الاكاديميه الدوليه لأن راح تشوفينها بطريجج وانتي رايحه الدوليه الامريكيه وهذي بعد يمدحونها وايد وفي ناس قالولي انها اقوى من العالميه بس حسافه ولدي ماانقبل فيها هو صج مبناها مو مثل مبنى العالميه يس مستواها قوي! شوفي انتي قدميله بأكثر من مدرسه وشوفي وين الله يكتب له بس انتي بدي اللي تفضلينهم او مرتاحتلهم اكثر

 

[sara999]

ايييي والله قاعده اقدم بس الاختيارات 4 بس كافي ذكرتهم بالرد الي فوق بس ياربي البرتش بغيرها بشيلها من قائمة بحط مكانها شي ثاني

 

[طيبة الكويتية]

الله يعين الكل و الله
حتى انا مقدمه لعيالي فيها و قالوا لي نمتحنهم ان شاءالله متى ما ييتوا الكويت يعني على اول شهر اثنين, و هذا طبعا استثناء ليش انه احنا مو بالكويت.
بس عاد الله يستر من النتيجه لأنها قالت لي بعد ما نمتحن باجي الطلبه شهر 3 ذيج الساعه نعطيج النتيجه اذا كنا قبلنا العيال ولا لأ.

يارب خير ان شاءالله

 

[sara999]

والله كلامهم لج غير عن كلامهم لي والله يستر

 

[mr000]

اختي طيبه بشكل عام انتي وساره قدمولهم بكذا مدرسه... لأن الواحد مايدري على مايقعد ينطر النتيجه ألا المدارس الثانيه مسكره التسجيل تالي تضطرين تحطينه بمدرسه ماتبينها... آنا لما كنت بنقل ولدي قبل سنتين وهو كبير كان بغريد 6 رايح 7 وآنا على راحتي قاعده اختار أبي هالمدرسه ومابي هالمدرسه تالي شفت السالفه مو مثل ماتوقعت مدرسه مدرستين مانقبل فيهم جان أقدمله ب 5 مدارس ولما انقبل بالعالميه الحمدلله كنسلت الباقي!!

 

[mr000]

سارا بالنسبه حق البريتش اللي بسلوى هي مدرسه قويه بس اللي اعرفه انه دراستهم صعبه شوي ليش ماتحطين مكانها مدرسة الخليج اللي بالسالميه ورا ليلى غاليري هم مدرسه ممتازه

 

[sara999]

مروووو بقولج تدرين ؟؟؟؟ اليونيفيرسال ؟؟؟؟ ولدي ما يدخل kg فؤق اسبوع تخيلي بدخلونه nursery!!!!!!!
ادعولي ينقبل في مدرسه حلوه وقويه

 

[mamanoonaa]

حبيبتي المدرسه وبشهادة التعليم الخاص اول احسن مدرسه بالكويت حسب النظام الانجليزي
وانا عيالي فيها بس للاسف نقلت البنت لاني كنت بجربلها النظام الامريكي اسهل
بس الولد اسم الله عليه بيير 10 ومن اروع مايكون
ان شاء الله يقبلون ولدج ماراح تندمين

 

[mr000]

سارا حتى آنا سألت حق بنت ولدي بالعالميه لما تكون 3سنوات و5أشهر وقت بداية الدوام بشهر 8 بيحطونها نيرسيري وتالي السنه اللي وراها 4سنوات ونص يالله تكون كي جي 1 بس تدرين أحنا مانبيها تروح يير 1 صغيره يعني 5 وشوي عن تجربه بعيالي وايد تتعبين بتدريس الياهل خاصة المدارس الأجنبيه مو سهله بس الله يستر لو وداها أبوها نظام بريطاني أكيد راح تكون صغيره بيير 1!! آنا كلش ماأنصح بهالشي جربته وتعبت وايد مع واحد من عيالي لأنه كان صغير وهم زوجي مدرس بالأبتدائي يقولي فرق بالمستوى والاستيعاب والقدره على الكتابه بنفس الصف بين اللي داخلين عمرهم 6 سنين واللي 5 وشوي! مادري آنا هذا رايي!!بس على رايج الواحد يتحسف يدفع على سنتين حضانه يعني سنه بنوديها حضانه بره وسنه حضانه بالعالميه علشان فرق كم أسبوع!!