عملية تعديل الحاجز الانفي .. اسألكم بالله تدخلووون ضرووري الله يحقق ماتتمنوون

[عيا زماني]

السلام عليكم ..

شخباركم خواتي ..

بنات من سوت عملية تعديل الانحراف وتضخم القرنيه بالانف ؟ او تعرف احد سواها وهل تحسن بعد العمليه والا صار له شي مضاعفات لاسمح الله وهل تحسن بعد العمليه او تعب ؟..

تكفووون بنااات طمنووني حدي خاايفه الله يطمن قلبها اللي اطمني وتقولي عن تجربه ..

انتظررركم ..

 

[~Princess~]

انا كان المفروض الدكتور يعدل لي الحاجز ,, اول اتنفس احسن من الحين

سألي عن الدكتور عدل

 

[عيا زماني]

مشكورة اختي ..

 

[كويتية مودرن]

انا بعد اعاني من خشمي الحمدلله ( حساسية وجييوب انفية وانحراف بالحاجز ) صداع متواصل بس خايفة اسويها لان يقولون ان الجيوب ترد مرة ثانية الله يقومج بالسلامة وما تشوفين شر

 

[Turquoiseya]

كان عندي انحراف قوي بالحاجز وقرنيات وجيوب انفية
سويت عمليتي والحمدالله تغير تنفسي الى الاحسن ابمليييييون مرة
وترى العملية ان شالله سهالات وبالبداية راح تتنفسين مع حلجج وبعد شهر تقدرين تتنفسين مع خشمج
والحين ولدي بسوي له عملية اللحميات عند نفس الدكتور
لأن من كبر لحمياته صارت عنده جيوب واهو عمره اربع سنين

 

[Turquoiseya]

وحبيت اضيف ان اذا انحرافج بسيط نوعا ما راح يعدلونه لج بالليزر بدون جراحة
وانا كنت اتنفس شوي مع خشمي اول اسبوع ويصك احيانا وضليت على هالحالة قريب الشهر لأن حاشتني نشلة من التكييف
لكن لما صار لي شهر كنت اتنفس مع خشمي بس ما اصك حلجي لان غضروف الخشم مايتحمل الشد للاسفل
وسويها ان شالله وبترتاحين

 

[kady-elq8]

انا سويتها عند د.خالد العبد الهادي في ام تي سي بس عقب 3 سنوات رد اكثر من اول و الصراحه الحين قالي د خالد الصبيح اني لازم اسويها لانه حالتي وايد تعبانه وعلى طول نشله و بلغم و انسداد انتي وبن بتسوينها؟

 

[~Princess~]

انا بعد اعاني من خشمي الحمدلله ( حساسية وجييوب انفية وانحراف بالحاجز ) صداع متواصل بس خايفة اسويها لان يقولون ان الجيوب ترد مرة ثانية الله يقومج بالسلامة وما تشوفين شر

يعتمد خالي شال الجيوب وردو بعد ٦ شهور ,, بس رفيجتي شالتهم وماشالله صار لها ٣ سنين مرتاحه منهم

 

[عيا زماني]

انا بعد اعاني من خشمي الحمدلله ( حساسية وجييوب انفية وانحراف بالحاجز ) صداع متواصل بس خايفة اسويها لان يقولون ان الجيوب ترد مرة ثانية الله يقومج بالسلامة وما تشوفين شر

هلافيج اختي انا بعد سمعت انهم يردون وفي حالات ماترد لهم ان شاء الله ماترد لا لي ولالج ولاللجميع ان شاء الله ..

بس شسوي لازم اسويها والله تعذبت حيل من هالصداع والخشم ألم مو طبيعي .. الله يشفينا جميع يارب ..

 

[عيا زماني]

كان عندي انحراف قوي بالحاجز وقرنيات وجيوب انفية
سويت عمليتي والحمدالله تغير تنفسي الى الاحسن ابمليييييون مرة
وترى العملية ان شالله سهالات وبالبداية راح تتنفسين مع حلجج وبعد شهر تقدرين تتنفسين مع خشمج
والحين ولدي بسوي له عملية اللحميات عند نفس الدكتور
لأن من كبر لحمياته صارت عنده جيوب واهو عمره اربع سنين

عسى الله يتم شفاج ولايرد لج الشر ويحفظ ولدج ويشفيه يارب .. الله يجزااج خير

 

[عيا زماني]

انا سويتها عند د.خالد العبد الهادي في ام تي سي بس عقب 3 سنوات رد اكثر من اول و الصراحه الحين قالي د خالد الصبيح اني لازم اسويها لانه حالتي وايد تعبانه وعلى طول نشله و بلغم و انسداد انتي وبن بتسوينها؟

عسى الله يشفيج يارب وتكون آخر عمليه يروح فيها الشر كله ..

انا بسويها ان شاء الله في ام تي سي عند د.هشام النصف وياااارب تتيسر ولايرد لي شي وللجميع ان شاء الله 0..

 

[عيا زماني]

يعتمد خالي شال الجيوب وردو بعد ٦ شهور ,, بس رفيجتي شالتهم وماشالله صار لها ٣ سنين مرتاحه منهم

خالج شنو كان فيه؟؟ تضخم قرنيه وانحراف ؟؟

خوفتيني والله يااارب مايرجع والله شي موطبيعي ألم الله المستعااان ..

 

[Turquoiseya]

عسى الله يتم شفاج ولايرد لج الشر ويحفظ ولدج ويشفيه يارب .. الله يجزااج خير

الله يجزاج الف خيرعلى الدعوة الطيبة
الله يوفقج ويتمم عليج بالصحة

 

[عيا زماني]

اب اب

فيدوووني بنااات هل يتغير شكل الانف والا يرجع طبيعي؟

 

[speed]

السلام عليكم ...

بنات انا ما ادري عن نفسي شي خير شر ..... السالفه وما فيها ان كل ما احد نام عندي قالي تشاخريييييييييييين شيخر مزعج ...
وانا عمري الحين 24 وكنت شايله الحميه لما كان عمري 13 قبل 10 سنين شايله الحميه ...
قالوو لي ان في احتمال كبير ترجع لي ...
رحت حق دكتور .. وقالي ما اقدر احكم لين اسويلج اشعه مقطعيه ... وسويت الاشعه قالي ...عندج التهاب حاد في الانف واحد من الفتحات ... وقالي عندج انحراف بسيط جدا ... عطاني علاج وبعد شهر موعدي عشان اسوي اشعه مقطعيه مرا ثانيه ويشوفون اذا راح الالتهاب ما راح احتاج حق عمليه ...

بس اذا ما زال الالتهاب موجود احتاج عمليه .. ما فهمت شسالفه خذيت العلاج وطلعت ....

اعراضي ما اشممم من زمان وصداع مستمر الفترا الاخيره .. واحياناا لما اقوم تحوشني مشله الفتر الاخيره ...

مع انحراف بسيط .. شنو يعني بنات .. ؟ شنو يقصد الدكتور في الالتهاب !!! معني ما كنت متوقعه ان فيني كل هذا صدمني .. .

على بالي الصداع الي يحوشني عادي حالي حال الناس ما توقعت له علاقه بخشمي .. . شرايكم بنات شسالفه ... ؟ من تجاربكم ؟

 

[بنية ذربة]

عسى الله يشافيج حبيبتي

انا عندي انحراف بسيط وهم مضايقني بالنفس شوي

عفواا الاخت اللي تقول يعدلونة بالليزر تكفين فيدينا اناا مابي جرااحة

ويزاكم لله خيييييييير

 

[عيا زماني]

السلام عليكم ...

بنات انا ما ادري عن نفسي شي خير شر ..... السالفه وما فيها ان كل ما احد نام عندي قالي تشاخريييييييييييين شيخر مزعج ...
وانا عمري الحين 24 وكنت شايله الحميه لما كان عمري 13 قبل 10 سنين شايله الحميه ...
قالوو لي ان في احتمال كبير ترجع لي ...
رحت حق دكتور .. وقالي ما اقدر احكم لين اسويلج اشعه مقطعيه ... وسويت الاشعه قالي ...عندج التهاب حاد في الانف واحد من الفتحات ... وقالي عندج انحراف بسيط جدا ... عطاني علاج وبعد شهر موعدي عشان اسوي اشعه مقطعيه مرا ثانيه ويشوفون اذا راح الالتهاب ما راح احتاج حق عمليه ...

بس اذا ما زال الالتهاب موجود احتاج عمليه .. ما فهمت شسالفه خذيت العلاج وطلعت ....

اعراضي ما اشممم من زمان وصداع مستمر الفترا الاخيره .. واحياناا لما اقوم تحوشني مشله الفتر الاخيره ...

مع انحراف بسيط .. شنو يعني بنات .. ؟ شنو يقصد الدكتور في الالتهاب !!! معني ما كنت متوقعه ان فيني كل هذا صدمني .. .

على بالي الصداع الي يحوشني عادي حالي حال الناس ما توقعت له علاقه بخشمي .. . شرايكم بنات شسالفه ... ؟ من تجاربكم ؟

اسأل الله العظيم رب العرش العظيم ان يشفيج ومرضى المسلمين اجمعين يارب ..

الشخير من اللحميه هذا اللي اعرفه اما الالتهاب كله من الانحراف لان الانحراف يسبب مشاكل شكثر يعني له مضاعفات مثل الصداع ويأثر عالقرنيه والعيون اما اذا كان الانحراف عادي مايسبب شي فالالتهاب مو من الانحراف لان اغلب الناس 80% فيهم ويختلف من شخص لآخر اما اذا كان من الانحراف فيسوي لج عمليه عشان مايسبب لج مشاكل ثانيه بعدين اتمنى فهمتيني؟؟

 

[عيا زماني]

عسى الله يشافيج حبيبتي

انا عندي انحراف بسيط وهم مضايقني بالنفس شوي

عفواا الاخت اللي تقول يعدلونة بالليزر تكفين فيدينا اناا مابي جرااحة

ويزاكم لله خيييييييير

اللهم آآمين ... يزاج الله خير اختي وعسى الله يششفيج يارب

اذا هالانحراف مسبب لج ضيق بالنفس وصداع مستمر روحي راجعي وشوفي شيقولون لج ..بالشفاء ان شاء الله..

 

[جروح76]

آنا زوجي سواها بمستشفى السلام عند دكتور مصري نسيت اسمه من سنه ونص تقريبا والحين ماشاء الله وااااايد أحسن قام ينفس عدل وما يشاخر.

 

[اشتاق الى ربي]

بسويها بإذن الله عند عبدالمحسن ابراهيم عمليتي يوم الخميس ان شاء الله تضخم لحميه سكر على مجرى التنفس والحاجز الانفي عندي على شكل حرف ال اس وماكو تنفس الا بفتحة خشمي اليمين ودايما اعيوني امحمره وفي سواد وصوتي صاير فيه بحه جنه مخنوق
سويت منظار امس عنده وقال عمليه سهله جدا لا انتفاح ولا شي وجهج ماراح يتغير اهو اهو لا تورم ولا شي الحمدلله وكل من سواها عنده
في مركز الخليج الطبي بحولي والعمليه راح تكون بمستشفى دار الشفا اهو راح يكون اهناك يقول العمليه ساعه بس وراح تقعدين بالمستشفى 6 ساعات على ما تصحين من البنج وبعدها روحي بيتج مافيج شي ومارسي حياتج واركضي جنج حصان
وراح يتغير صوتج 180 درجه واحتمال كبير اتنزلين شريط خخخخ وراح تتفتح كل مجاري التنفس وراح يخف السواد بالعين ويروح حمار العين
اهو ياخذ 500 دينار وطب التدخير بمستشفى دار الشفا ياخذ 300 دينار وبنفس اليوم ارد بيتي لا رضوض ولا انتفاخ ولا شي
عمليتي بس تقويم حاجز انفي ولحميه بس قالي راح يمشي خشمج بعد العمليه على الصراط المستقيم وراح تدعينلي الحمدلله
دعواااااااتكم
اي سؤال انا حاضره