اشلون تغسلين العباية

[Liverpolian]

Good Morning

صبحكم الله بالخير .... بنات أنا أغسل العبي بالمصبغة ومرة خربولي عباه ومن يومها وأنا محتارة اشلون أغسل العبي بالبيت وخاصة اللي كمهم واسع ومبطن بساتان ؟

مشكورين سلفا على التفاعل
جد محتاجة نصيحتكم​

 

[نفيخة]

صبحج الله بالنور ...
تحطين طشت في ماي دافي وشامبو العبي اللى لونه احمر وعليه رسمه مره وتنقعين العباية ربع ساعه لاتكثرين المدة عشان مايتغير سواد العباية وبعدين حطيها بالعصار مال الغسالة وسلامتج

 

[Liverpolian]

مشكورة يا حياتي ... جربت الطريقة هاذي بس ما تنفع مع العبي اللي تكون مبطنة من داخل الكم الوسيع بساتان ويكون لونه فاتح مثلا

 

[أم العيش]

صباح النور

مثل ماقالت اخيتي نفيخة

ماي دافي بطشت و أنقع العباة و أفركها كلها شوي شوي - و أكت الماي و أنقعها مرة ثانية بماي دافي مع شوية كومفورت البرتقالي أو الأزرق أو الأسود مال العبي - كلهم ريحتهم حلوة و يعطون العباة ريحة نظاااااااافة و تحسين إنج فرش

و نشفيها بالنشافة و سييييييييييييدة علقيها بعلاق و خليها تنشف وقافي - و إذا خامها زين ماراح تحتاج أوتي

و إذا بتسإليني عن نوع خام العبي ملوتي - آنا ما ألبس إلا بوكنان سعودي مايحتاج أوتي إلا ماندر (حسب الموديل)

هاذي طريقتي​

 

[أم العيش]

نسيت بعد

إذا خامج يحتاج أوتي أو الساتان مثل ماقلتي - استخدمي اوتي البخار

و بس​

 

[Liverpolian]

يا حياتي مشكورة بجرب اليوم هالطريقة وإن شاء الله تنفع

الصراحة أنا مستجدة على لبس العباه وكل العبي اللي عندي من المتحجبة والخام أعتقد اسمة صالون مادري

بس عادي أحطها بالنشافة أنا غسالتي تنشف الملابس وتطلع ناشفة ما فيها قطرة ماي

 

[منارة الإيمان]

حبيبتى أذا عندج غسالة فل أتوماتيك
حطيها على الدورة الخفيفة جدا وضيفي الشامبو وأذا حابة الديتول
العبي أحب أغسلهم بالشامبو وأسبعهم بالديتول
وبالتوفيق

 

[كويتيه برونزيه]

انا عن نفسي احطه بطشت واحط كومفووورت

وبس تنشف بخريها وعطريها

 

[شيــوخه]

صباح النور

مثل ماقالت اخيتي نفيخة

ماي دافي بطشت و أنقع العباة و أفركها كلها شوي شوي - و أكت الماي و أنقعها مرة ثانية بماي دافي مع شوية كومفورت البرتقالي أو الأزرق أو الأسود مال العبي - كلهم ريحتهم حلوة و يعطون العباة ريحة نظاااااااافة و تحسين إنج فرش

و نشفيها بالنشافة و سييييييييييييدة علقيها بعلاق و خليها تنشف وقافي - و إذا خامها زين ماراح تحتاج أوتي

و إذا بتسإليني عن نوع خام العبي ملوتي - آنا ما ألبس إلا بوكنان سعودي مايحتاج أوتي إلا ماندر (حسب الموديل)

هاذي طريقتي​

نفسها بضبببببببببببببببببط

 

[روحها لكويت]

أستخدم برسيل للعبايه روعه بصراحه حتى كانت عندي عبايه مولحة من كثر الغسيل هذي استخدام جمعيه وعالطاير بعد
شحلاتها صارت مع برسيل للعبايه
أخليهم بالغساله دوره وحده وتنشيف وتعليقم بعلاقه

 

[ركاب الأصايل]

صبحج الله بالنور ...
تحطين طشت في ماي دافي وشامبو العبي اللى لونه احمر وعليه رسمه مره وتنقعين العباية ربع ساعه لاتكثرين المدة عشان مايتغير سواد العباية وبعدين حطيها بالعصار مال الغسالة وسلامتج

نفس الطريقه بس تختلف بطريقة التنشيف ما أحطها بالعصار لا ع طول على المنشر
وبالنسبه للكوي أنا استخدم البخار عجيبه صراحه وماتعب وجنج موديتها المصبغه

 

[arwaa3]

أنا عن نفسي انقعها بماي مع شامبو العبي لمدة ساعتين بدون تفريك و لا شي.. راح تطلع الوساخة منها..
و عقب أغسلها... و اعصرها بإيدي و احطها عالمنشر و ما أحطها بالعصارة عشان ما تخرب.. و عقب أكويها بالبخار.
إن شاء الله أكون أفدتج..

 

[الفراشة_البيضاء]

حبيبتى أذا عندج غسالة فل أتوماتيك
حطيها على الدورة الخفيفة جدا وضيفي الشامبو وأذا حابة الديتول
العبي أحب أغسلهم بالشامبو وأسبعهم بالديتول
وبالتوفيق

أستخدم برسيل للعبايه روعه بصراحه حتى كانت عندي عبايه مولحة من كثر الغسيل هذي استخدام جمعيه وعالطاير بعد
شحلاتها صارت مع برسيل للعبايه
أخليهم بالغساله دوره وحده وتنشيف وتعليقم بعلاقه

نفس الطريقه الغساله فل اوتوماتك واحطها عالدوره الخفيفه لان ممكن تكون العبايه فيها شك او شواروفسكي واستعمل شامبو العبايه برسيل ريحته تينن واشطفها مع كومفرت الازق وديتول اخضر واعلقها عشان تنشف واكويها بالبخار