الاكاديمية العربية الامريكية ثنائية اللغة

[توتو79]

هاي بنات ابي رقم الاكاديمية العريبة الامريكية بحولي رقم تلفون بليز:tomato2:

 

[milkey way]

الله يعينج عليهم بتكرهين التدريس والدراسه وهذا رقمهم 22639681​

 

[توتو79]

ليش وايد صعبة

 

[سيدة الكويت]

شلونج أختى توتو 79

بالعكس المدرسه زينه ودراستها قويه بالنسيه لأسعارها وايد مناسبه

موفقه اختى

 

[توتو79]

اشوه طمنتيني مشكوره حبيبتي

 

[سيدة الكويت]

العفو حبيبتى

تفضلى الموقع مالهمhttp://aaba.edu.kw/

ان شاء الله يفيدج ببعض المعلومات

 

[milkey way]

والله من اللي شفته منهم اقولج الله يعينج ، صج المناهج قويه والكتب اتخرع بس للأسف الهيئة التدريسيه مو ذاك الزود لآخر السنه واهم ايغيرون بالمدرسين .

أنا بنتي متفوقه حدها ومعاهم من سنه أولى ابتدائي لي سابع المسأله مسألة حظ سنه نكون مرتاحين وسنه ما يعلم فيها الا الله العام مدرسة الانجليزي هنديه ولا تسألين عن الاكسنت لا وتجبرهم انهم ياخذون دروس خصوصية عندها واللي ياخذ يضمن الامتياز ، واخرها ترجتني اني ما اعلم عليها لأنهم بيفصلونها وموقفين معاشها وينكم عنها طووول السنه .

ومدرس الماث هندي يخليهم يحسبووون بالآله الحاسبه وسافر وخلاهم على نهاية الكورس وبالفاينل توهقووو لأنه مو فاهمين المادة .

اغلبية المدرسات عرب بس عندهم جناسي امريكية وكندية على رياييلهم ، مو بس انا اللي اقول احنا رفيجات دخلنا عيالنا مع بعض وكلهم طلعو عيالهم من الفوضى الموجوده الا انا قاومت لين انفجرت اشدعوه كل يوم مخليه دوامي ورايحتلهم .

والله بنتي ماشيه بتعبي وبتعبها مو من تدريسهم صج صج اللي حسيتها تدرس من قلب مس سماح مدرسة الساينس ومدرسات الابتدائي بس مو كلهم .

ولاحظت انهم اينجحون ويعطون الامتيازات على حسب المدرسين الخصوصيين اللي اهم نفسم ايدرسونهم بالمدرسة ، الادارة تحاول وتحاول بس من غير فايده يادوب مشو خطوه وحده للأمام ، ومشكلتهم يقبلووون اعداد كبيره من كل مكان .

طبعا هذا رايي وكل وحده لها نظره يمكن انا نظامية وايد وادقق على كل شي ، ماراح اتصدقووون اذا قلت لكم انهم ترجوني ترجي واتصالات ولويه علشان اخليها عندهم ويقولون انها بنتها من يوم كانت صغيره ولا يمكن انفرط فيها بس انا قلت خل انقلها الحين قبل لا اتدبس زياده ، سألي اكثر واكثر علشان لا تحسفين صج انها نقله كبيره بحياتها بس مستقبلها اهم

 

[الورد انا]

دير بالج تدخلينها

مصخره مافي ولا مدرس اكاديمي عندهم والطاسه ضايعه

والاداره والمدرسين زلمات كلهم همن يشفطون جيوب اولياء الامور

 

[الورد انا]

غير طولت لسان المدرسات على اليهال

 

[milkey way]

صباح الخير ،،، الورد أنا

صاجة والله كلهم لسانهم طويل وصراخ على اليهال ولا مدرسة العربي أكيد اتعرفينها اللي ماعندها غير السب واللعن وقسما بالله اذكر من جم سنة صارت لوية بالمدرسة ولا اهي من الأعصاب رافعه الكرسي على واحد من الطلبه .

عوووووووووور ولوية ما يعلن فيها الا الله تحسفت قد شعر راسي على السنين اللي ضيعتها معاهم ، وعلى الفلوووس اللي قليتها عليهم والمشكله بالناظره مس أحلام اللي تقبل من كل مكان ومن كل المدارس الكسالى والراسبين والمفصولين .

والمشكله ان كل المدارس عارفه اذا شافو بنتج أو ولدج مو ماشين ايقولون لج نقليها الأكاديمية راح تمشي لا ومتفوقه بعد ، انا اللي لاحظته عليهم هالسنتين اللي طافووو اهتمو اشوي بالثانوي تدرون مو لأنه واجهه لهم ولا قبل كل طلبتهم اللي ايتخرجون ما يفهمون شي بالجامعه .

تخيلي انا واكبتهم 7 سنين مو شويه ما عندها الناظره الا المدح دايما تمدح نفسها وبنسوي وبنسوي واحنا واحنا لا ابيه واهي اتحجى دايما اسمع الأمهات اللي يمي يضحكون ولا يعلقووون ويقولون اي صح لا أكيد اي مبين ، وتعالي شوفي مبنى المدرسة ايلوع الجبد والمبنى اليديد كيربي ، على هالفلوس اللي ياخذونها حتى ما فكرو يبنون مدرسه يديده .

شوفي السنة أنا نقلت بنتي للحكومة والله ورفيجتي أولادها اثنين ودتهم الأنجليزية حتى صوب مطعم فرح بحولي وبعد رفيجتي ودت بنتها الغانم من كثر ما لاعت جبدنا .

والتعليم الخاص لين رحت أنقل بنتي ابيه والله ذمووو فيها وقالولي اشلون انتي كملتي معاهم .

 

[أكاديمية وبس]

السلام عليكم اخواتي
بخصوص موضوع الأكاديمية العربية الامريكية
أولا الأكاديمية لا تقبل اي أحد حسب ما تقول الأخت ميلكي وي بالعكس لو تبي تفبل أي احد كان المدرسة انترست من هلأشكال
الاكاديمية اختارت أحسن المناهج لطلابها من خارج الكويت
وكل مدرسينها ماجستير وبكالوريوس كحد أدنى والدنيا ما تخلا من الناس المو زينه مو ذنب الأكاديمية اذا قبلت مدرسين ماجستير مثل المدرسة الهندية اللي تكلمتو عنها وبالآخر طلعت لا ذمه ولا ضمير الاخلاص في العمل ما إله مقياس تقدر تختبره قبل لا تعينها
وزين منهم انهم لما عرفوا من أولياء الامور تصرفوا وفنشوها واعتقد الحق على أولياء الامور اللي ساعدوها تدرس عيالهم خصوصي وهم راضيين لحين ما رئيسة القسم غيرت الاسئلة وتوهقوا بالامتحان يو الاهل يشتكون للمدرسه وبالآخر تسألون وين كانت المدرسة ؟؟؟؟؟؟؟؟؟؟؟
ثم انه مديرة المدرسة مس أحلام وايد زينه وعيب الكلام اللي تقولنه عنها عقب ما ساعدت عيال الكويت كلهم تصير تمدح بنفسها ؟؟؟؟؟؟؟؟؟؟؟
مس احلام قبلت طلاب كانت حالتهم الاجتماعية متدهورة بسبب التفكك الاسري اللي منتشر في الكويت وطلعتهم ريايل معتمدين على نفسهم وخرجت طلاب حصلوا على مراكز كبييرة داخل وخارج الكويت . أحدهم اخذ الاول على دفعته طيران في لندن غبر الأطباء والمهندسين والضباط
بس للأسف اللي يساعد الناس صار يمدح بنفسه واللي حمى عيالكم من الضياع ما استحق منكم كلمة شكرا :eh_s(14):
ناسيين كم كانوا عيالكم ضعاف بالانجليزي ويايين من حكومه وساعدتهم يتكلموا ويتحسنوا وبالآخرا صار الجهد منكم مش من المدرسة اخيرا بقول الاكاديمية ما تترجى أحد يبقى عندها الحمدللة اللي عندها كافي وزياده وعندها اقبال كبير والحمدلله مش كسالى ولا مفصولين والدليل انها تطلب شهادة حسن سلوك من اي مدرسة قبل .
وعنجد ضحكتني اللي قالت انها نقلت بنتها على المدرسة اللي يم فرح :ggdw:يا ريت تحكيلنا آخر السنه كيف مستوها مش بالشهادة لانها اكيد كلها aaaaaaaaaaa ,وبلس بعد بس المستوى الاكاديمي -------------- بدون تعليق الله يساعدها .
وشكرا لكل اللي يمدح بالاكاديمية هادا أمل الأكاديمية بكل طلابها وأحبابها شكرااااا:tek:
وللعلم انا واحدة من اولياء الامور عيالي الاثنين بالاكاديمية ومرتاحه وايد وما افكر اشيلهم لاي مكان يكفي الدين الاسلامي والقرآن الحمدلله ابني ياب مركز بمسابقة الوزارة وعرفانا بالجميل ومن علاقتي المتواصله فيهم جميعا ادارة ومعلمات ومعلمين قررت اسمي نفسي اكاديمية وبس لانها حقا وبس .:eh_s(8):

 

[سيدة الكويت]

الأخت الورد أنا .............بدون ..تخصصها لغه انجليزيه وحاولت تشتغل بالمدرسه مسكينه ما أقبلوها لأن ما عندها خبره بره الكويت

والأخت ملك وى ...شكل ولدها مفصول من المدرسه من الصف السابع والحين راح الثامن حكومه .......حاست حاست لين قلته بالحكومه ويايبه له جم مدرس البيت.



ا

 

[الورد انا]

الأخت الورد أنا .............بدون ..تخصصها لغه انجليزيه وحاولت تشتغل بالمدرسه مسكينه ما أقبلوها لأن ما عندها خبره بره الكويت

والأخت ملك وى ...شكل ولدها مفصول من المدرسه من الصف السابع والحين راح الثامن حكومه .......حاست حاست لين قلته بالحكومه ويايبه له جم مدرس البيت.



ا

اشرايج الحين اشتغل بالنفط وعاشي اضعاف المعاش الي يبون يعطوني اياه بالمدرسه اول مره اشوف خريجه بكالويوس معاشها 200 غير قابل لزياده ومقدمه عالماستر (كوني بدون مايعيبني ولا ينقص من قدري شي)

انا دخلت المدرسه يوم واحد 4 ساعات عشان اتعرف عالمدرسة والمدرسات والفصول يعني كنت مقبوله وخالصه

نسيت اقولكم عن مدرسه الالعاب داخل صاله الالعاب مسكت طالب شكله خامس او سادس والله طقته طق طاح عالارض شنو السبب ماادري وتكلمت مع طلبه يمكن صف سابع وثامن مايعرفون يتحجون انجليزي مستواهم نفس مستوى الحكومه

انا انصحج بمدرسه البنات الانجليزية بسلوى صج تخرج بنات قائدات

 

[سيدة الكويت]

الورد أنا...........ما ترضين احد يتكلم عنج انتج بدون

ما شفتى فوق بكلامج تتكلمين عن الزلمات شفيهم الزلمات جان زين يردون الزلمات يدرسون بالحكومه

ضحكتينى يوم قلتى لى قاده سمحى لى اختى ما عندج خبره ..... ماشاء الله وشلون يقبلونج بدون مقابله شخصيه؟ ؟؟؟ من التلفون هههههههه

 

[أكاديمية وبس]

اشرايج الحين اشتغل بالنفط وعاشي اضعاف المعاش الي يبون يعطوني اياه بالمدرسه اول مره اشوف خريجه بكالويوس معاشها 200 غير قابل لزياده ومقدمه عالماستر (كوني بدون مايعيبني ولا ينقص من قدري شي)

انا دخلت المدرسه يوم واحد 4 ساعات عشان اتعرف عالمدرسة والمدرسات والفصول يعني كنت مقبوله وخالصه

نسيت اقولكم عن مدرسه الالعاب داخل صاله الالعاب مسكت طالب شكله خامس او سادس والله طقته طق طاح عالارض شنو السبب ماادري وتكلمت مع طلبه يمكن صف سابع وثامن مايعرفون يتحجون انجليزي مستواهم نفس مستوى الحكومه

انا انصحج بمدرسه البنات الانجليزية بسلوى صج تخرج بنات قائدات

حبيبتة قلبي الورد انت مسكينه كنت اسستنت في المدرسة وبوزك شبرين الطلاب كانوا يهربوا منك شلون كلمتيهم وعرفتي مستواهم بالانجليزي اظن بالعربي يخافون يكلمونك ثم ان المدرسة تتمسك بالمعلم المتميز وبتزيده كونك انرفضتي من قبل المدرسة دليل فشلك بالتدريس مش عيب بالمدرسة خلينا نعترف باخطاءنا ولا نعيب الآخرين بسبب إخفاقنا بشي معين وأظن كمان ان الانسان ما يحكم على مدرسة من 4 ساعات؟؟؟؟؟؟؟؟؟؟؟؟؟؟؟

 

[رشنا]

سلام عليكم

اختي فعلا اذا تبين نصيحتي لا تدخلين ولدج المدرسه

انا سحبت اختي منها لما كانت بقريد 2
والحين اهيا بالابداع قريد 6 ماشالله عليها بين الفرق بسرعه عليها

مااقولج دخليها الابداع انتي كيفج
حتى رفيجتي اسحبت اختها من المدرسه لنفس السبب من غير ماندري ببعض

مستوى المدرسات حيل ضعيف
ميخالف دفعي زيادة بس راح ترتاحين
موفقه

 

[حلم الطفولة]

سيتم غلق هذا الموضوع غلقا تأديبيا للتطاول على أشخاص بعينهم وذكر أسماءهم والتجريح فيهم ,, وهو مخالف لقوانين القسم ..
سيتم فتح موضوع تجمع آخر للأكاديميه .. كل التقدير للجهود المبذوله في هذه المدرسه ولإدارتها الكريمه

 

[حلم الطفولة]

صباح الخير ،،، الورد أنا

صاجة والله كلهم لسانهم طويل وصراخ على اليهال ولا مدرسة العربي أكيد اتعرفينها اللي xxxxx

عوووووووووور ولوية ما يعلن فيها الا الله تحسفت قد شعر راسي على السنين اللي ضيعتها معاهم ، وعلى الفلوووس اللي قليتها عليهم والمشكله xxx
والمشكله ان كل المدارس عارفه اذا شافو بنتج أو ولدج مو ماشين ايقولون لج نقليها الأكاديمية راح تمشي لا ومتفوقه بعد ، انا اللي لاحظته عليهم هالسنتين اللي طافووو اهتمو اشوي بالثانوي تدرون مو لأنه واجهه لهم ولا قبل كل طلبتهم اللي ايتخرجون ما يفهمون شي بالجامعه .

تخيلي انا واكبتهم 7 سنين مو شويه ما عندها الناظره الا المدح دايما تمدح نفسها وبنسوي وبنسوي واحنا واحنا لا ابيه واهي اتحجى دايما اسمع الأمهات اللي يمي يضحكون ولا يعلقووون ويقولون اي صح لا أكيد اي مبين ، وتعالي شوفي مبنى المدرسة

شوفي السنة أنا نقلت بنتي للحكومة والله ورفيجتي أولادها اثنين ودتهم الأنجليزية حتى صوب مطعم فرح بحولي وبعد رفيجتي ودت بنتها الغانم من كثر ما لاعت جبدنا .

.

الرجاء قراءة قوانين القسم

 

[حلم الطفولة]

سيتم غلق هذا الموضوع غلقا تأديبيا للتطاول على أشخاص بعينهم وذكر أسماءهم والتجريح فيهم ,, وهو مخالف لقوانين القسم ..
سيتم فتح موضوع تجمع آخر للأكاديميه .. كل التقدير للجهود المبذوله في هذه المدرسه ولإدارتها الكريمه