الولاده بالمستشفيات الحكوميه

[حرم محمد باشا]

قوه بنات .. شخباركم؟

ابي اسأل عن الولاده بالحكومه .. انا بكر اول حمل لي وبولد بحكومه بس خايفه ابي استفسر اذا يعطون كمام مخدر ؟؟

ومنو ولدت بحكومه ووين بالضبط؟وشلون عنايتهم او تعاملهم؟ انا مجبوره اولد بحكومه للأسف والتفكير والمحاتاه ذبحتني انا بالتاسع الحين :"(

واللي جربت وين تنصحوني العدان والا الصباح؟ اهم شي الكمام ابي وحده متأكده ان يعطون كمام

ومشكورين .. بليز ردو علي .. وابي دعواتكم لي​

 

[انوار المحبه]

حبيبتي الله يسهل عليج مادري اذا يعطون كمام بس جنه اذا عندج واسطه يعطونج

 

[رضاهم جنه]

مستشفيات الحكومه انتي وحظج اذا كان معاج الي والدات واجد يكشتون فيج لما يبي يطلع الجاهل اما اذا كنتي ومعاج وحده او ثنتين يهتمون فيج , واذا معزمه على الحكومي روحي الصباح احسن من العدان وفرق

 

[shoooshooowa 83]

حبيبتي الله يسهل عليج مادري اذا يعطون كمام بس جنه اذا عندج واسطه يعطونج

بسم الله هذي اولها اذاااااا عندج واسطه يعطونج كمام استغفر الله الله يعينج حبيبتي ويسهل ولادتج
انا بجري ولدت بمستشفى النفط لا اهتمام ولا نظافه ولا كمام ولا بطيخ مالت عليهم والله

 

[ام يوسف السعد]

انا حبيبتى والدة مرتين بعيالى الاثنين حكومة وانشا الله الثالث بعد
ولدت بالعدان
والله ثم والله يشهد على كلامة اول ولد خذييت كمام والله جو ثانى لا واسطة ولا بطيخ غير ابرة المهدء اللى عطونى اياها انا طلبتها لانة كنت بجر


وثانى ولادة والله عطونى ابرة الظهر
والحمد لله الولادة سهالات والحمد لله العناية زينة وكانى ناطر الثالث ابى روح اولد هناك بس مابى ابرة ضهر بس كمام

 

[قلب بناتي]

انا ناويه اولد بالصباح الكل يمدحه ويعطون كمام وابرة ظهر

 

[فرفشه منعنشه]

خليها على الله والسهاله من رب العالمين انشالله

 

[ام عيون عسلية]

عااااد تدرين انا ريلي يقووووولي بولدج بخاااااص

اقوووله لالالا مابي خاص ..,,.. ابي الصباااااح

وامي واختي وخالاتي يفووولوووون لي اولدي بالحكووومه لأني بجر ..

واساسا الحكومه يعطوووون كمام وابره الظهر ,,

المشكله بس نظااااافه الجنااااااح ,, يعني ضروري تاخذين غرفه خااااااااصه ..

 

[حرم محمد باشا]

يعطيكم العافيه اللي ردو علي .. الله يسهل عليكم ويسخرلكم ازواجكم يا رب العالمين

والله ريحتوني .. وخليتوني اقرر لأني كنت مشتته بين خوفي من انهم ما يعطوني كمام وانا بكر وبين اني اروح خاص واضغط على زوجي وانا ما ودي اضغط عليه !

مشكوووورين

 

[ZOHOR]

انا ولدت في الفروانية وكنت خايفة بس كانوا يقولون لي لاتخافين وحدة هندية قالت لي كل بين 3 او 3 ونص ساعات يفحصوني في كمام عادي كنت احس في طلقو يوم كامل يحطون الكمام ويشلونة كل ما اسمع صارخ لي تولد افز وانا نايمة في الكمام الغرفة الولادة حلوة وبروحج بعد بس حزت الخياطة يعور شوي وانا ما اخذها كمام بس كل جسم عن جسم يختلف لان انا نزيف من فتحت شرج وكانوا صابرين علي لم يفتح عندي 8 سم لا يصارخون عليج ولالا شي هزت الولادة ...
صج الحمام موشي بس عادي المهم الولادة وراحة وعقب خلصت الولادة انطر غرفة خاصة مافي رحت عمومي بس خايسة عقب 12 الظهر وانا ولادة الفير انطر دوري مافي سراير زهب ...
انا مرت اخوي 3 مرات ولدت في الحكومي ماقلت شي عادي مافيهم شي ...
فرق بين الخاص والحكومي العناية ونظافة شوي..

 

[زهرة الزهور]

الله يسهل عليج الولادة تساهيل سواءا بخاص ولا بحكومة الحكومة هالحين عندهم كل شي
لا تحاتين واحسن لج من امصاريف الفاضية وكل شي باجره عند الله وكلها يومين انتي ببيتج مع طفلج على خير

 

[كيــوتيــه]

الله يسهل علينا وعليج حبيبتي

 

[بنت عطا]

انا افضل الخاص لانهم يظبطونج بالخياط مو نفس الحكومه عادي ويمشونج

والعنايه غير والاهتمام بس كل واحد وظروفه

 

[راقية بأخلاقي]

والله العدان ما تقصر الدكاترة متفهمين وحليوين والسسترات بشوشات حيل

انا ولدت بالعدان والثالث ناوية بعد بالعدان

الله يسهل عليج
الكمام مفتوح عندج شكو واسطة ما يسكرونة الا اذا احتاجوج تشدين او تظغطين وما تحسين بشي حده يدوخ وابره الظهر اذا طلبتيها يعطونج ياها وبتولدين وبتكتبين لنا عن الحكومي وانتي مستانسة ان شاء الله

 

[قلبي ابيض]

مستشفيات الحكومه انتي وحظج اذا كان معاج الي والدات واجد يكشتون فيج لما يبي يطلع الجاهل اما اذا كنتي ومعاج وحده او ثنتين يهتمون فيج , واذا معزمه على الحكومي روحي الصباح احسن من العدان وفرق

صح .

 

["*آآآنؤؤؤقهـ*"]

دام ظروفج ماتسمح لج والله توكلي

انا رفيجاتي يولودو بحكوومه وحده تعرفها امي

وبنت خالة بنات عمي والده حكومي مرتين

تقول كمام وسهالات الله يسهل ويهون عليييييييييييج

 

[سلة فراوله]

انا بولدي اثاني رحت الصباح والحمدلله طلع احسن من المواساة اللي كشتوا فيني وماعطوني كمام بس بالصباح ماحسيت بالطلق لان عطوني ابرتين مسكن وكمام وبعد قالتي الطبيبه تبين ابرة ظهر اعطيج بس انا مابغيتها اهو الفرق النظافه

 

[um khaled]

اختى من اسبوع والده بالعدان
ما اشتكت من معاملتهم كلش وامدحت بالولاده وما عطوها كمام
بس مكانها ويييع ولاعت جبدي من ريحه الحمام والبيبي لافينه بشرشف

بس الصباح احسن
الله يهون عليج