بنتي انزلت عليها!!!!!!!!!!

[لبيك وسعديك]

:080402ask_prv:السلام عليكم

شلونكم باختصار بعد طول معاناة بتي واخيرا نزلت عليها الدورة........ ابي خبرتكم :s141:

شقولها شنو احسن فوط صحية لها؟؟؟وملابس خاصة داخلية لدورة من وين اجيب لها؟؟واشلون احسب الدورة معاها.. وشلون النضافة الشخصية لها؟؟؟وابى ديودرنت لها شنو مناسب لعمرها13سنة؟واذا فية شى ناسيتة قولولي :080402ask_prv:ووشكرا لاهتمامكم واي بعد شلون اعلمها تفرق بين غسل العادي وبعد الدورة:bbbiu:

ولكم مني :hjy5jewf::hjy5jewf:

 

[pink Flamingo]

الاجوبه عندج
حبيبتي مثل ما انتي اتسويين علميها اتسوي مثلج
تحياتي

 

[costa chic]

الاجوبه عندج
حبيبتي مثل ما انتي اتسويين علميها اتسوي مثلج
تحياتي

صح كلامها
و لا تستعمل اولويز مو شي لان فيه نسبه بوليستر مادري نايلون اكثر من القطن انا استخدم فام وااايد مرتاحه عليه فانصحج فيه

 

[روعة خيال]

لا تستعمل اولويز ديري بااااااااااااااااااااالج

و الشغلات الثانية انتي ام اكيييييييييييد ادرى

الله يخليها لج و يبلغج فيها عروووس

 

[حبيبته آنا]

يعني انتي مابلغتي ليلحين؟؟؟؟
نفس اللي تستخدمينه وترتاحينله علميها

 

[معكرونه أسبكتى يم يم]

اول شي مبروك والله يبلغج فيها عروس امين

مثل ماقالو البنات اللى اتسوينه علميها عليه ....... واهم شي النظافه

 

[hello!]

عادي بيني لها ان الموضوع بسيط علشان ما تخاف وما انصحج باولويز فام حلو
ولا تشترين لها ديودرنت الا اذا صارت تطلع لها ريحه لان في وايد ناس بالغين ماتطلع لهم
يعني نطري علشان ما تتخرع

 

[مروقه على الكوفي]

فيه كلوتات الدوره الشهريه من قماش تنباع في الصيدليه مررره حلوة اشتريهالها وقت الخروج والتمشي
وابتعدي عن فوط الويز لان من نايلون وتسبب الحساسيه وتزيد من التسلخات
وافضل ملابس داخليه اناجربت من سيتي بلازا( سنتر بوينت)عجبتني

 

[لبيك وسعديك]

شكرا لجميع من رد على ...........بس احب اقول ان من رد بان اجواب عندى وانى مابلغت احب اقول ان الوقت تغير واللى نسوية البنات مومثل بنات اول تغير كل شى حتى شلون نعلم عيالنا ماقول الاانا نبى السلامة والطرق الصحيحة خلنا نفيد ونستفيد:hjy5jewf:

 

[HeR HiGHNeSs 90]

بنات ليش الويز مو زيين؟؟
انا استعمله بس مو الي نايلون لا يكون قطن لون الجيس وردي
جربيه انا مرتاحه علييه

 

[LuLiTa]

الفوط في انواااع للبنوتات الصغار اخذيه لها ,,, و الملابس الداخلية اكيد قطن 100% انتي حوسي بالاسواق و نقيلها ,,, و قعدي معاها و علميها و وعيها ,,,و اهي شي علميها على ستايل لبس محتشم شوي يغطي منطقة الدورة وهم الوان غامقة وقت الدورة عشاان ما يصير شكلها غلط و اهي تتحرك و نبهيها على هالشي,,,

 

["اسطورة العشق"]

مبروووك كبرت البنت
امممممم ..
الويز بيييييرفكت و احسن و انظف شي .. يمكن يسببلي حساسيه مرات بس مو دايما .. بس كنظافه انا الويز البنفسجي ما اعرف استخدم غيره
اهوا على حسب التعود بعد ..
اخذيلها شورتات ملوت الدوره عشان يثبت و بنفس الوقت يدفي بطنها كل محلات الملابس الداخليه يبيعونه
اشتريلها ملابس داخليه وااايد عشان تستانس فيهم و لا تخرعينها من شي و قسمومهم ملوت الدوره بروح و الايام الثانيه بروح ..
في شغله مهمه علميها ما تشغل الماي قوي لما تغسل روحها .. اهيا عبالها جذي انظف بس دربالج نبهيها ان مو زين ..
علميها تستخدم ديودرنت من الحين عشان تتعود ما تستغني عنه .. شوفي نوع مو معطر عشان لا يسبب سواد ..
عن الغسل علميها نفس ما تغسلين انتي .. او اشتريلها كتاب ( اقريه انتي قبل عشان تتاكدين من المعلومات انها صحيحه ) و خليها تقراه و يفضل يكون اسلامي يعلمها الطريقه الاسلاميه للغسل و النظافه الشخصيه و غيره ..
كوني ام مثاليه .. و يارب تشوفينها عروس ..




اذا تذكرت شي برد لج ..

 

[ســتارز]

يعني انتي مابلغتي ليلحين؟؟؟؟
نفس اللي تستخدمينه وترتاحينله علميها

هههههههههههه ربي يسعدج ياشيخة


حبيبتي مثل ماقالولج البنات واهم شي الاكل والسوائل الدافية حتى لايمغصها بطنها

ويارب تشوفينها عروس

 

[futfut]

شوفي حبيبتي الفترة اللي تمر فيها بنتج الحين مو سهلة عليها من الناحية النفسية لازم واهم شي تقعدين معاها وتفهمينها شنو يعني الدورة وشلون تصير من ناحية علمية وليش تصير حق المرة وفي نفس الوقت فهميها التغيرات الجسدية اللي راح تصير واشلون تهتم في نظافة جسمها اكثر وتغيير الفوطة الصحية كل دخلت حمام افضل وعلى حسبة الدورة انا اقترح تحطين لها رزنامة السنة الكاملة الكبيرة ورا باب دارها واول يوم تييها الدورة تحط ستكرز يبين التاريخ وأخر يوم تحط ستيكرز ثاني وتكرر العملية كل شهر جذي يكون اسهل عليها تعرف متى راح تييها الدورة الياية .... وعسى ربي يبلغج فيها عروس وتقر عينج بعيالها يارب

 

[*ماي الورد*]

اهم شي علميها تشيل الشعر اللي بالاباط و اللي تحت علشان لا تطلع ريحة و تسبح كل يوم
و الفوط كثيرة بالسوق خل تستعمل اللي فيها اجنحة

 

[بنت باباتي]

في كوتكس وريا روووعه ابتعدي وديري بالج من أولويز لانها معفنه وما ادري شلون يتخدمونها لي الحين

واشتري لها كلوت خاص لايام الدوره وروعه عند الجميع ودوري اللي كله قطن مو اللي فيه نايلون تحت لانه راح يضايقها
وشورتات قطن عشان تدفي بطنها وتحس انها مرتاحه

بالنسبه لنظافه الشخصيه كلميها
قولي لها انتي كبرتي ماشاء الله الحين صرتي مره مثلي ومثل فلانه وفلانه عطيها امثله
قولي الله خلقنا وخلى الدوره عشان يتغير جسمج ويصير حلو وكله انوثه
والبنت اذا كبرت لازم تهتم بنفسها اكثر
وتصير ريحتها لوه حاولي تكونين على طول نظيفه راح يزيد العرق معاج بهالفرته عادي وفي ديودرنت اذا احتاجته طبعا عطيها
وقولي لها عن الشعر المزعج ولون لازم تشيله
وشوي شوي عليمها عن الافرازات واذا احتاجت اشتري لها غسول طبي اللي يستخدمونه كل العايله يعني مايضر نسيت اسمه بس انا حاطه صورته بموضوع
وبجذيه تكونين شرحتي لها كل شي

وخاويها بهالفره وقولي لها بنتي والحين كبرتي وصرتي بنتي ورفيجتي اي شي حاسه فيه لو تافه صارحيني فيه

 

[sara999]

مبروك بلوغها وربي يبلغج فيها عروس
علميها سولفي معاها شنو هالدوره وليش تنزل
وعلميها ان وقتها لازم ما نشرب بارد او غازات او او او وما نقعد على المكان البارد
وعلميها شلون يكون اللبس وقت الدوره
وعلميها ان ملابس الدوره غير وملابس الوقت الي ما عليها غير

وعلميها حتى شراشفها لازم تكون غير وقت تنزل الدوره

 

[لبيك وسعديك]

:aha: :aha::e3: شكرا:aha::e3::aha:


شكرا لهتمامكم ودعواتكم الحلوة لبنتي ....:eh_s(2):بس حبيت ابلغكم اني شريت لها كوتكس شابة مارتاحت لة كثر مارتاحت لفام وصراحة طلع موبعيد عن الويز.وخذيتلها من الجميع ومرك سبنسر ملابس داخلية ورتاحت لمركس ابنسر اكثر تقول احلا من الجميع وخذيت لها ديودرنت سيبا ميد رول ومن مرك سبنسر خذيت عطر ولوشن الفلور الوردي حتي ابلاتها يسالون شنو اسم العطر اللي حاطتة وخذيت بيبي اويل وسائل استحمام وبودرة ماقبل النوم جونسون رووووووووعة.وشامبو دوف اللى لونة ابيض لشعر.وصابونت دوف اللى بالخيار زوووووغة. واى شى اشترية واجرب انة حلو بحطة واللة ودي احط الاغراض بس ما اعرف انزلهم؟!!!؟؟؟:lkmnkl: .وانشاللة يثبتون الموضوع علشان كل ام متوهقة مثلي تقرا الموضوع وتستفيد مثلى :aha:

 

[choclatecho]

انا اقوولج بعتبر انج ام ما بلغتي لووووووووول


عشان لا تسوي نفسي و تسال البنات و تستحي من امها

(يوم بلغت ماقلت لامي استحيت قلت لرفيجاتي و بما اني مدرسة اجنبية وحده ماشاءالله عليها قالتلي امي عودتي استخدم هذول احسن ما يبينون و تدمر هدومج

شنو تتخيلين عطتني تومبونز الي نفس قطنة طويله جنها صبع تدخلينها داخل و في خيط تخلينه برة و الاجانب من قذارتهم يخلونها يوم كامل تخيلي


اشوة اني بحطها انا ادز و اهيا تدز لوووووووووووووووووووول


جان اقرر اقول لامي قبل لا تستانس اني قلت لها بلغت صرخت فيني صرخه و قالتلي ايا بنت ال..........

و الحمدالله رحت الطبيب مافيني شيء


المهم



شوفي يالام الفاضلة


اول شيء علميها اي شي تبي تسال عنه تسالج اننننننننننننننننننننننت حتى لو شيء اهيه تحس ان قليل ادب

(مهمه هالكلمة )

حتى لو في يوم من الايام تسالج عن اي شيء يتعلق بالجنس لا تعصبيين جاوووووووبي عدل لانها كبرت و المدارس فيها بلااااااوي ترة



و ثاني شيء اييبيلها اجنده يعني مذكرة مثل مالع العجيري

و قوليلها يا ماما اي يوم تييلج الدورة تكتبين اول يوم الدورة ثاني يوم ثالث ووو لين تكتب اخر يوم


عشان بعدين تعرفين تحسبيلها اذا منتظمة ولا لا بعدين تعلمينها شلون تعرف تحسب

ثالث شيء يا قلبي فام احسن شيء يبيلها الوردي قطن و جوانج و علميها و من ناحية الصواريل انا ما افظل ملوت الدورة الي فيهم نايلون كلش يفشلون

لا صراويل العادية بس احسن شيء مثلا سلووجي و اختاري قياس يكون مناسب سترش عليها مو وسيع و الكوتكسه تروح مني و مني

و اخذي نوع الي الخصر لي فوق السرة يصير صاك على بطنها يريحها

و شنو بعد ماقلت

اي اي اشتري غسول و قوليلها يا حبيبتي مو بس ايام الدورة كل الايام لنا تدشين الحمام غسلي بالغسول مو كل دشة حمام مرة و ترك مثلا و اهم شيء حبيبتي نشفي بالكلنكس عدل اذا صار المكان رطب تصير ريحه خايسة ترة و و و

و بعد شنو اي اي اهم شيء قوليلها لازم عقب كل دورة تشيل عاد انت اختاري تبين تعلمينها على الموس بس انا اخاف منه يجرحه

او المقص تقصر الشهر بس هم اخاف تجرح نفسها

انا افضل اذا رضت انت شيليلها بالشيرة و اذا مارضت لان انا مارضيت امي تشيلي و كانت كله تحن اشتريلها مكينة بس اييي تعور

عاد اهيه مع الوقت راح تعرفلها

و شنو بعد ماقلت لج

اي اي اهم شيء


قوليلها حبيبتي لما تييج الدورة الدلاق ما ينقط حافية على السراميك اكسر راسج بيبسي ماي بارد يويلج يا سواد ليلج

و يفضل من الحين تعودينها قبل الدورة بيومين دارسين ينسون اي شيء يهدي نعناع عشان لا تييها تعورها

و شنو بعد ماقلت

انا بجر و مريت بهالمرحله مع كل خواتي و كله امي اخر من يعلم لوووووووووووووووول


مادري اتوقع بس
اي اي ذكرت الاباااااط

انت شيليلها او صالون وديها قوليلها ماما لما تفصخين شمي هدومج اذا في ج ريحه تسبحي و لازم مني الشعر مايصير طويل يصير ريحه حبيبتي و لما تتنشفين عدل حطي ديودرنت

انا افضل الشبة جنها بودر و تخلي المكان جاف طوووووووووووووول اليوم او شوفي اهيا شنو ترتاح له


اي بعد ذكرت (ماصااااااااااااااااااااااااااااااااارت )

الغسل من الحيض علميها و شنو بعد وااي طخت ؟؟؟؟؟؟

عليها الدورة و حاطة كوتكسة تطنبز جدام ابوها اخوها قوليلها يوويلج لووووووووووووووووووووول


مرة اختي الصغيرة حاطة كوتكسة شكبرها لان يتها بليل هذا ثاني شهر لها بالغه و ماكو االا كبار و الاخت الصروال وسيع و البجامة قطن و البنطرون ظيج مرت بالصالة جدامنة ولا شيء ناط من جدام و شيء ناط من ورة

انا و اختي الي يميي بققنع عيووونه و ابوي نازل راسة عاد قمت دخلت الدار و ناديتها مابي احرجها و مسكته و رحت جدام المنضرة قلت لها ماشفتي شكلج حبيبتي قبل لا تطلعين الصالة

اول شيء انا جم مرة قايله الصروال السترش الضيج تلبسين و جم مرة اقول فوقه الشورت (تعرفين شورتات الالعاب هذي ) و الاحسن منهم شريت حق خواتي كل الالوان تعرفين المعلم سوق السالمية محلات الي يبيعون ملابس داخلية تشوفينهم معلقين شورتات قطن كل الالوان هذول سترش يلبس كل المقاسات انا البسهم وانا بالنفاس عجيييييييييييييبيييين


وبس نشف ريجي

 

[dnyay_mll]

مبروك والله يبلغج فيها عروس ان شاءالله
انتبهي لازم تكونين وياها بهالفتره وتعلمينها كل شي
ليش تنزل الدوره نظام غذائي وقت الدوره ليش ماتقدر تصلي وقت الدوره الغسل من الدوره كل شي يتعلق بالدوره
اول شي اشتري لها مكينة براون للصبايا كهديه لها وعلميها ان لازم تشيل المنطقه تحت كل شهر مره او مرتين ولازم تشيل شعر الابط بصوره مستمره
اخذي لها ديودرنت وخليها تحط منه مرتين يوميا
لازم تاخذ لها دوش دافيي بعد ماترد من المدرسه
تغير الكوتكس كل ساعتين
ماتشرب ماي بارد ابد لازم يكون دافي
سويلها نظام غذائي بالهالفتره منعيها من الباميه والملوخيه والموز والكولا خلي كل اكلها دافي وزيدي لها البهارات
اهتمي فيها من هالناحيه من الحين عشان تتعود
ويوميا شربيها كوب حبه حلوه مع يانسون وشوية زنجبيل عشان مايجيها مغص ولويه بالبطن
كلوتات الدوره تحصلينها بالسوق لازم تغيره بصوره مستمره
اشتريلها شورتات تحت الكلوت عشان مايدخل فيها هوا وتتعب وقت الدوره
خليها دايما تتدفى وقت الدوره
علميها طريقة الغسل من الدوره
حطيلها بحمامها غسول سيباميد عشان تغسل فيه المنطقه وقت الدوره
والله يوفقها بدراستها وتشوفينها دكتوره ورافعه راسج