المتزوجات شنو عنايتج وقت الدوره الشهريه للرحم وتنظيفه(لهوم-دارسين-لبس دافي-اكل معين)

[امون حبيبة زوجها]

اهم شي تدفين نفسج تلبسين بنطرون قطن طويل ودلاااغ اهم شي دلاااغ

وتشربين حار
دراسين وزعتر ممتازين الدراسين ينظف الرحم والزعتر يخفف الم البطن

لازم تالين وماتجوعين ابد لاتجوعين احطر شي الجوع وقت الدوره
اكلي لحوووووم وعجين عصيده مرقوق قبوط كيفج خبز بيض بس اكلييي لطي لط خخخخخخخخخخخخخخخخخخخ

وفي اشياء ممنوووعه مثل عصاير الليمون والاناناس والبرتقال الحامض ممنوع
اللبن والروب وهالسوالف
وعندج اي شي بارد ابتعدي عنه قد ماتقدرييين بارد لاااا
بيبيسي سفن وهالسوالف لاا

ولااتتسبحيين<<عاد هذي ماراح تقدرين

بس جد لاتتسبحين انا قالولي وجربت وطلعت مني بلاوي نزل كل اللي برحمي واحس نظفففففففففففت الحمدالله

وفي طرق عشان تنظفين جسمج مثل تخصصين فوطه صغيره لوقت الدوره وتمسحين جسمج فيها يوميا بس لاتتسبحين ولاتغسلين شعرج ادري ماراح تسوينها خخخخخخخخخخخخخخخخخخخخخخخخخخخخخخخخخخخخخخخ

 

[Filakawyia]

موضوع مفيد

و بصراحة اسوي وايد اشياء بالفطرة بس مادري انها تنفع هالكثر

ادفي نفسي و لازم دلاغات <== بدورة و بدون دورة عاد انا امصختها ههههه

ابتعد عن البيبسي و المشروبات الغازية و الباردة

ابتعد عن الايس كريم

اشرب جاي و جاي نعناع و اشياء ساخنه

ماعرف اتسبح اول يومين مادري ليش احس ويييييييييع و توني ادري ان هذا الافضل

و مطارة الماي الحار على البطن و الظهر

هالاشياء اسويها طول عمري . . . و من ثالث يوم تحسين نفسج نظييفة​

 

[مناوي]

مو متزوجه بس لقااااااااااافه

البس دلاغات

احاااااااااااااااااااااااااااااول اقطع البيبسي

ماحب اشرب شي حار الا ما ندر
زين بنات بسال ليش لازم ما اجوع نفسي ؟؟؟؟؟

مرات ما اشتهي شسوي !!

 

[مزيونه وشقره]

نورتوا الموضوع ماشاء الله عليكم والله كل رد افيد من الثاني استفدت منم وااايد يا قلبي انتوا واتمنى الموضوع يفيد كل وحده تقرا





مع تحياتي يا حياتي

مزيونه وشقره​

 

[Viva La Vanilla]

هلا مزيونتنا
شوفي حبيبتي جدة رفيجتي تسويلها حليب بالهيل و تحط فوقه فلفل اسود واااايد زين وقت الدورة
الابتعاد الكلي عن منتجات الالبان اللبن و الجبن و غيره
الابتعاد عن الحمضيات كيوي ليمون برتقال الخ
دارسين مثل ماذكروا اغلب البنات و زعتر ينزلها اسرع
لازم ماتخلين بطنج خالي تترسينه اكل كل ساعتين لو شي خفيف
الخس يخفف الام الدورة
و كثري من الخضرة الورقية جرجير خس بربير اللي تشتهين
و الشمندر عشان يعوضج الدم
و بعد الدورة بعد ما يبيله خلطاتج العجيبة و السبوح الكبير يا احلى مزيونة
عسانا من ننحرم من نظافتج و طيبتج
اتمنى اني فدتج حبيبتي

 

[bnt q8 in usa]

بالسنبه لي:اول 3 ايام.................دارسين وزعفران وحبة حلوه وكمون لازم...............بليل انقع :زنجبيل مطحون نص قفشة+حبه سوده مجروشه نص قفشه+كمون مجروش نص قفشه هذيل انقعهم بماي مغلي تقريبا قلاص جبن الكرافت الصغير وثاني يوم الدوره وثالث ورابع اشربهم الصبح علي الريج...................طبعا ماشرب بيبسي ولا برد ولا عيش ولامعكرونه ولا باميه ولا زهره ولاعدس...........................
البس دلاغ لازم وشورت سترج................وطبعا لازم اخذلي مره مطحونه جذي لهوم حبه وحده باليوم

طبعا الخلطات فايدتهم تنظف وتوخر الكرش والغازات
وسلامتج

 

[om yousif]

الصراحة خوش موضوع نفيد ونستفيد ,,, انا اشرب الاعشاب : مرمية, زعتر, زنجبيل ,,كل الاعشاب الحارة المفيدة ما اطوفها ,,, ومرة قالولي عن الرشاد وفعلا جربتة وايد وايد زين ينظف وينزلها عدل ,,,تلهمين الرشاد قفشة صغيرة ....

 

[الحب الخالد]

انا احاول ادفي نفسي امنع نفسي من البيبسي اصلا مو وايد احبه
ما اشرب بارد ولا لبن ولا ليمون
الاناناس بالعكس مفيد ينزل الدوره عدل والا ليش يمنعون الحامل منه لانه حار واحتمال الوحده تجهض
بس ما اقدر لاوم اسبح اول يوم او ثاني يوم عادي عندي
بس التدفاه مهمه
خامس يوم استخدم اما الملحه او التحاميل اللي لونهم اسود وايد ينظفون الرحم
وبس واتعيشون

 

[شهدQ]

خوووش موضوع

تصدقين عبالي الاهتمام بس بالنفاس

ماخذه الامور سمردحه

 

[shagra]

حتى انا صارلي سنه من عرفت اني لازم اهتم بروحي حتى بالدورة ,اول علبالي بس فترة لنفاس
وبعدها اهتميت على طول البس دلاغ وادفي روحي والروب على طول اكون لابسته مااقطه(طبعا موحيل ثقيل) واشرب سوائل دافيه..الدارسين عجييب صج ينظف الرحم غير التحاميل اللي اخذهم من الحواي علشان تنظف وتنشف الرحم طبعا اخذهم خامس يوم الدوره
وبهالفتره قطعت اي شي بااارد ممنوع اهمهم الببسي والبرد
ومااتسبح طول هالمده كلش الا باليوم الخامس لما تخف كلش بس طبعا اغسل شعري بالمغسله..ادري بتقولون شلون تتحملين شسوي جربت اتسبح باول يومين من اخلص سباحه توقف ماتنزل الا بثاني يوم وشويه وتطول اكثر من اسبوع واحس الرحم ماينظف واتظايق واايد
بس لما مااتسبح صج احس اني جريب ويطلع طحالب مني:eh_s(6): ييييييييييييييع قلتها بدالكم بس والله ارتاح نفسيا واحس صج رد لوني وتنظفت عدل
(عن تجربه)
وطريقة الحسو اللي قالت عنها الاخت انشالله مشروعي هالشهر بجربه
صج طريقه سهله حسو واحط فيه كل انواع الاعشاب والخزعبلات واكله طول فترة الدورة
من غير ماافنتك كل شوي واقوم اسوي

 

[أم حيدر]

بنات شفيكم - بس اول يوم اللي مو زين تسبحون ولا من صجكم بهالصيف والحر والخيسة أقعد طوول أيام الدورة بدون سباحة؟؟؟؟وييييييييع شلون بتحمل عمري

اصلا الدين الاسلامي وصانا بالنظافة.... ولا شرايج مزيونة؟

بالنسبة لي ... اسبح بماي دافي وادفي عمري واشرب سوائل دافية ... دارسين وزعتر وايد أشربهم .. وآخر ايام الدورة استعمل تحاميل البتادين وعلىى طووووووول غسول (سيتل) هذا بالايام العادية وايام الدورة ما يفارقني

وأعيش حياتي طبيعية.

 

[ظروف الليل]

انا عادي ولا شي اسوي بس مرات اشرب حسو
وكاني اهبل ما شاالله نظافه وسنع وجني بنوته
يمه عين الحسود فيها عود هههههههههههههه

 

[حلوه ومزيونه]

كل الاشياء هذي نعرفها بس ما نطبقها

كسسسسسسسسل !!!

 

[ghalaty]

انا ا اقدر على السبوح لازم كل يوم اصة بالصيف هذا اذا مو مرتين في اليوم بس ادفي عمري ومع قهوة العصر اخذ لهوم وتمر واو اسوي طحين مع زبدة وتمر والهوم واشرب شاي نعناع شاي اخضر واحاول يكون اكلي فيه فلفل وافضل التشريب ......... حبيت اسلأل شنو فايدة الترديد خاصه للدوره ومتى اقدر اسويه ومنو احسن وحده تعرفونها تسوي ترديد ادري مسختها بس عادي انشاء الله امون عليكم خواتييييييي

 

[العـذوب]

يعني بنات لو ما اتسبحنا واستعملنا الفوطة المبلولة لغسل الجسم يكون أحسن ؟؟


الصراحة أنا بنية وصار لي كمن شهر الدورة تنزل علي قطرااات بس .. وتعالوا شوفوا الويع ولوعة الجبد أحس إني متضايجة وناوية هالشهر يوم بتشرف أخلي الوالدة تسوي لي كمن خلطة أشربها


وسالفة الدلاغات مقدور عليها والتدفي ما عليه بنتدفى .. والله يسهل

 

[om el7elwen]

هلا وغلا يا احلى مزيونه مزيونتنا ساله ما اقدر ما اجاوب :eh_s(6): :eh_s(6): ياقلبي شوفي قبل الدورة وانتوا الكرامه كثري من السلطات وبالدورة:

1-اول وثاني يوم(حليب مع فلفل-دارسين-زعتر-زنجبيل-كمون)

2-انا عادي اتسبح ابكل الايام لاني مرة سالت دكتورة اتقول ما في ضرر انشاءالله.

3-كمادات ماي حار للعوار.

4-ممنوع شرب البيبسي او عصير برتقال واناناس .

5-حبوب بسكبان مسكن.

6-ثالث ورابع مراميه وزعتر ونعناع.

7-خامس يوم او سادس حمام مغربي .

8-سابع يوم اشيل شيرة وافوح جفت واخليه يبرد احطه اخر يوم وبليل احط زيت اللوز وفازلين

.

 

[طفوش]

بنات السبوح عادى بس تكونين واقفه موقاعدة بالبانيو فهمتوا هذا انا قريته فى كتاب عن ((امراض المرأه وطب الاعشاب)) والصابون مايدخل فيك .....

انا طريقتى اكل مردود واشرب كل شئ حااااااااار شاى نعناع وشاى زعتر وشاى مرمريه وشاى عادى واكل تمر معبوط مع رشاد

اللبن ممنوع والبارد والمشروبات الغازيه والايس كريم

وتدفى بالبنطلون الطويل والدلاغ وبليل نفس الشئ ادفى

 

[تفاخيه مبطوطه]

موضوعج رهييييييييب وعلى بالي هاليومين

ولو اني بنت بس احتاج هالمعلومات خاطري اعرف شاكل وشنو ما آكل وشسوي وشغبررررررر

مشكوريييييييين يابنات

 

[حـور]

بنات بالنسبة للسباحة وقت الدورة اذا تبون دليل انها موزينه خصوصا وقت تدفق الدم بكثرة في اول الايام او حتى طول وقت الدورة...فانا اقولكم شي بسيط فكروا فيه وهو>>
اذا وحدة صار معاها نزيف او استحاضه ..مو لازم تغتسل قبل الفرايض او كل يوم على حسب الاستحاضة وعلى حسب حالتها؟؟؟؟؟
ولو وحدة جربت هالموضوع راح تلاحظ انه اللي تغتسل قبل الصلاة مثلا ..لمن تخلص صلاتها ماراح تلقى دم ..موقتا ..ويرجع بعد شوي...يعني مرور الماي على الراس والظهر يساعد على انقطاع الدم وتقليل نزوله...
مادري انا هذا اللي ربطته في انه يقولون السباحه تقطع الدم عن تجربه ..فعلا تقطعه وتقلله ...يعني اذا انا بتخلص من كل اللي برحمي وابيه ينظف ما افضل اني اسبح ..اكتفي بفوطه مبلله ومناديل جونسون او ديتول ريحتهم منعشه وتحسين بشعور افضل >>وتحملوا اذا تبون تنظفون عدل..
وسلامتكم :eh_s(8): ​

​

 

[ام السلمي]

انا قبل لا اتزوج اذا ياتني العادة اموت وحيا يومين ما اكل شي بس اشرب زعتر وتلقيني لابسة بجامتين فوق بعض واخذ بونستاين اخفف الألم حتى اذا داومت المدرسة البس ملابس داخلية ملوت اشتى (القطن) عرفتوهم كنت اتنافظ من البرد من كثر العوار

بس بعد الزواج راحت كل هالمعانات وماقمت احس بالم وصراحة ما اراعي التدفي والأكل لأني ما احس بشي الحمد الله وعادي اتسبح واكل واشرب
بس باليوم الخامس اسويلي شاي قوري اخذة من العطار انزل ونظف ما تبقى من دم بس

انا احب الزعتر واشربة كل حزة وايد احبة اهوة مع الجاي الأخضر