تجمع أولياء أمور مدرسة التكامل(صباح السالم)للعام الدراسي2009-2010

[كويتيه ذربه]

نواره وينج مو مبينه
اشلونج مع تدريس ولدج اللي بقريد تو بدت تصعب الكلمات الله يعيننا

 

[ام حسون وفطومه]

صباح الخير شلونكم امهات
اليوم الصبح وانا قاطه بنتي كلمتني ابلتها عن حفلة تسويها المدرسة اخر السنة وانهم من الحين ينقون اليهال عشان يدربونهم واستاذنت مني انها تاخذ بنتي معاهم بس هذا الشي ما ياثر على مستواها وشلون طريقة تدريبهم بعد المدرسة والا بين الحصص واللي عندها خبر او شركت عيالها خل تعطيني خبر اذا اخليها والا لا

 

[ام حسون وفطومه]

الله يعطيكم العافية
انا عيزت وانا اسال بنتي شنو سويتو بالرحلة ماتجاوبني احس مو مستانسة انزين ليش خذو 2kdانا توقعت يخلونهم يشترون شي والله ما ادري وبنتي اير الكلام منها قصب

 

[Miss_Tiger79]

رفرف
اي هالسوالف تطلع ابيت اهلي بعد وجدام الناس يخلونج جذابه جدام الناس
مساكين يبون يبينون حق الناس ان احنا شطار
حتى وهابي جذي


ام حسون وفطومه
اي عادي اهوه الصف كله يكون مشارك بالحفله بس الي يختارونهم يخلونهم يتكلمون بالحفله او يغنون او يقدمون شي
لا تحاتين ما يأثر على بنتج بشي لانه الصف كله مشارك بالحفله

 

[كويتيه ذربه]

صباح الخير شلونكم امهات
اليوم الصبح وانا قاطه بنتي كلمتني ابلتها عن حفلة تسويها المدرسة اخر السنة وانهم من الحين ينقون اليهال عشان يدربونهم واستاذنت مني انها تاخذ بنتي معاهم بس هذا الشي ما ياثر على مستواها وشلون طريقة تدريبهم بعد المدرسة والا بين الحصص واللي عندها خبر او شركت عيالها خل تعطيني خبر اذا اخليها والا لا

هلا والله
الحفله يسوونها وكل الصف يكون مشارك وكلهم يغنون بس بدايه الاغنيه او كلمات منها يخلونها تغنيها
بالعكس خليها تصير جريئه وتغني بعدين احسن بالفيلم تكون طالعه اكثر
اصلا انا عندي حفله الكي جي ون تكون وااايد حلوه
بس كي جي تو بس تخرج

 

[manarah]

السلام عليكم ...

رفرف ومس تايقر شكرا للمساعده بس انا سألتكم لاني انا فاهمه السؤال بس مو عارفه اشلون افهمه بس واجب اليوم وضحه اكثر ان الفرق بينهم .
اليوم ولدي املخبط وماخذ فولدر رفيجه لانهم نفس اللون بس خليته يحل الواجب بورقه خارجيه (ماكو فكه ) .. وناسي ورقه العمل للعربي وهم نسخته بالدفتر وكل هذا ليش اني مو انا اللي يايبته اليوم من المدرسه !! ... اشوه اللي ما نسى روحه هناك

 

[نواره الحلوة]

كويتية ذربة
هلا فيج والله
آنا بخير الحمد الله بس لويه مع تدريس اليهال بالنسبة لولدي اللي بقريد 2 الله يعيني ويعينج والعربي عوار قلب اليوم خليته يكتب الدرس حق املاء باجر لين قال بس وبعدين عطيته لوحة كبيرة وقعدت أختار الكلمات اللي كان يغلط فيها اكتبها بروحها بخط واضح وكبير عشان باجر يتذكرها والماث بعد من بلشوا الطرح وإعادت التسمية وآنا بحاله سويتها له مثل القصة يالله استوعبها وعطيته براكتس وايد على الماث بالويك اند مع بنت اختي لأنها كبره وعشتوا شد حيله عشان عنده عيب تفوز عليه بنت

 

[Miss_Tiger79]

نواره الحلوه

ماشالله عليج زين تسوين مع ولدج
وانشالله نبي نستفيد من خبرتج حق السنه اليايه بإذن الله

 

[كويتيه ذربه]

نواره انا الاسبوع هذا استنفار معاها العربي هم طول الاسبوع انسخها الجمل
واليوم بعد نسختها
بس الماث خليتها على طريقتها عشان لااشتت افكارها بس هم قعدت على راسها وهيا تحل الواجب

 

[نواره الحلوة]

كويتية ذربه
بس الماث واعادة التسمية بالطرح يبيله مجابل ولدي لما يآخذ من العشرات ينسى ينقصهم من جذي يطلع الجواب خطأ وهو بعد عمري يحتر إذا غلط ونسى

 

[نواره الحلوة]

نواره الحلوه

ماشالله عليج زين تسوين مع ولدج
وانشالله نبي نستفيد من خبرتج حق السنه اليايه بإذن الله

حاضرين وتآمرين أمر

 

[كويتيه ذربه]

كويتية ذربه
بس الماث واعادة التسمية بالطرح يبيله مجابل ولدي لما يآخذ من العشرات ينسى ينقصهم من جذي يطلع الجواب خطأ وهو بعد عمري يحتر إذا غلط ونسى

اي والله الماث يبيله مجابل
انا على طول اعطيها تمارين
وبعدين احط لها ورقه بعد تحلها الصبح قبل المدرسه
ونسمع بالسياره الايات قبل المدرسه
واذا الخميس نفس باجر حق الملاء امليها بس الكلمات الصعبه الصبح
يعني حياتها دراسه بكل وقت


بغيت اسألج ماعرفتني اي مس زينه حق قريد 3 عشان من الحين نعرف عند منو نحط

 

[um 3li]

بنات شنو سالفة حفلة كي جي 1 ؟؟؟

اول مرة اسمع فيها حتى ولدي ما يابلي طاريها كللللللللللللللش

مستعدين حق التصوير ؟؟؟

 

[manarah]

ام على توه الناس عالحفله ايسوونها اخر الكورس الثاني واهي تكون عن موضوع معين وكل الكي جي 1 يشتركون فيها تكون فيها اغاني بالعربي والانجليزي .. اعيالنا لما كانوا بكي جي 1 كان موضوع حفلتهم عن farm

 

[Miss_Tiger79]

مناره
ذكرتين بالحفله كانت تينن صج
وايد استانست فيها
والسنة الي طافت كانت عن sea world هم عجيييبه

الصراحه احلى من حفلة الكي جي2

 

[ام حسون وفطومه]

الله يعطيكم العافية امهات شخباركم بنات اليوم عطو بنتي ورقة تبين العطل عندهم عطلتهم مو مع مدارس الحكومة صح؟

 

[كوكو لاتي]

بنات شنو سالفة حفلة كي جي 1 ؟؟؟

اول مرة اسمع فيها حتى ولدي ما يابلي طاريها كللللللللللللللش

مستعدين حق التصوير ؟؟؟

اي والله مستعدين وناسه انشاله يطلعون حلوين ومايتنحون عيالنا بالصوره

 

[بشوشه]

امبيييييييييييييييييييييييييييييييي املاء العربي كان تحفه
يا ربي و بعدييييييييييييييييييييييييييييين نعدل الانجليزي يبدع بالعربي
انا سخنت لمن شفت درجته باملاء العربي واااااااااااااااااااااااااااااي صج ما الومه جملتين طوااااااااااااااال

 

[um 3li]

الله يعطيكم العافية امهات شخباركم بنات اليوم عطو بنتي ورقة تبين العطل عندهم عطلتهم مو مع مدارس الحكومة صح؟

حبيبتي الأحد عطلة راس السنة الهجرية
وعندهم الخميس هم عطلة والأسبوع الي وراه عطلة الكريسماس ويداومون 4-1

و30-1 عندهم عطلة مع الحكومة نص السنة اسبوعين

 

[um 3li]

اي والله مستعدين وناسه انشاله يطلعون حلوين ومايتنحون عيالنا بالصوره

ان شاء الله

عاد انا قلت حق ريلي ما يقص شعر ولدي الا حق التصوير دام ان الاسبوع الياي بس 3 ايام دوام وبعدين عطلة لي يوم التصوير