بيرياكتين ولا الحبوب الصينيه جينسنج عفيه ردو على موضوعي

[Mo 9eJ]

سلام عليكم
طلبتكم لا تردوني


انا ضعيفه وودي ازيد وزني :eh_s(2): تقريبا 5 الى 7 كحد اقصى لانه هم ريلي مايبي المتن بس يبي المتعافيه
ومثل ماتعرفون جربت تقريبا شغلات وايده بس ماتعطي النتيجه المطلوبه من فيتامينات وغذاء ملكات النحل وفاتح شهيه
بس مشكلتي اني بسرعه انقص خصوصا اذا صارت نفسيتي تعبانه مااكل


والحين باقي شغلتين ماجربتهم بيرياكتين والحبوب الصينيه جينسينغ

بس خايفه اخذ اي شي الي مجربه عفيه تنصحني هل لهم اثار جانبيه او تضر ؟ شنو تنصحوني فيه ؟ وربي يجزاكم خير
ملاحظه (ان حصل وخذيت الحبوب الصينيه باخذهم على 10 ايام بالكثير ) <<<هم راح تضر اذا لها مضار؟

 

[الريـم]

انصحج لا تآكلينهم سمعت انها تجيب دود بالبطن

 

[sadeem yam yam]

البرياكتين مجربتهم انا واختي .. ناسبوها وانا لا .. يعني زياده خفييييييفه بس .. وكله ناااايمه ومالج خلق يعني تنامين وتقومين تاكلين وتردين تنامين لوووووول بس اول الايام راح يأذيج الكسل والنوم
الصينيه ماااااااانصحج فيها ابداااا اصلا المتن الي تسببه مو طبيعي تحسين انج مثل البالون منفوخه واصلا شكثر ذموها وقالوا تسبب امراض الله يكافينا الشر

 

[al.dalo3a88]

حبيبتي انا من تجربة شخصية البيرياكتين نفعوني اول شهر بس وصج تسبب الكسل والخمول بس تفتح شهيتج عدل
واذا انتي من النوع اللي ينقص وزنه بسرعه ماتفيدج
بالنالسبه للجنسنج بعد جربتها وسببت لي نزيف فما انصحج فيها نهائيا
والله الله يعينا لا المتينه مرتاحه ولا الضعيفه مرتاحة

 

[شجون قصيمية]

نصيحة من اخت لااختها لاتستعملين الحبوب الصينية ابد ورب البيت اني استخدمت كل شئ فاالدنيا ولاسمنت الا عليها

نفختني نفخة موطبيعية خلتني بالونة غير كذا لاتركتيها بترجعين انحف من اول غير البلاوي اللي بتطلعلك من تشققات بالجسم

وامساك وجسمك يكون يوجعك كلة حتى ظهرك ورجولك وفخوذك

مع ذلك ماتبت رجعت استخدمها عشان شهيتي للاكل معدومة بعدها رحت لمحل اعشاب قالي احنا بطلنا نبيعها لانها تسفط الجسم

دهون ع غير سنع وليومك هذا شعري قام يطيح بالهبل وخفيف مررررررررررة وربي ابكي ع شعري الاول اللي كان كلن يتغزل فية

اااااااااااااة بس ياشعري ياليتة يرجع مثل قبل

بيرياكتين ماجربتها ابد.............الله يسمنك يارب بصحة وعافية

 

[nora al-M]

عاد أنا مساعه كنت قاعده أسأل بس الحمدالله اني دشيت على هل صفحه والله يجزيكم خير لأني قاعده أقول اني شاريا حبوب جنسنق بس خايفه أستعملهم .. والله مشكوووووريييييين أنقذتووني
لأني صج ما كنت مرتاحتلهم وشكلهم يخرع الصراحه .. بس على طاري اللي استعملهم في اّخر شي حبه صفره تثبت الوزن صح ؟

 

[شجون قصيمية]

اي صح في حبة صفرة تزيد الوزن هذا اللي شفتة بس ماعمري استخدمتها فحياتي مع اني شريت 3 علب

لاني احس لو باكل هالحبة راح ينزل وزني وماراح يثبت لان هالحبوب تنحفك ألعن من اول وهذي تجربتي

وللحين نحيفة ادور شئ يمتني

 

[لولو2008]

نصيحه لوجه الله لاتاكلينها في دوا مكسرات ومخلوط من رهش قسمابالله اكلتهم الكل يسالني انتي طاقة ابر وانا كليت من الدوا العلبه 40 دينار اذا وزنج من 30 وشي لازم تاكلين علبتين وشكرا

 

[ترانيم انثى]

ذبحنا الضعف يابنات..قسم بالله صايرة جلد على عظم وباليوم اكل وجبه وحدة!!

والحبوب الصينه نصيحه لاتستخدميها بس بالبدايه تنفخ وبعدها تفش.وبرياكتين ما جربتها..جربيسبروفيتا تنفع اكثر

 

[روح امها]

انا جربت الحبوب الصينية ومتنت عليهم
هديتهم من زمان وهذا اهو وزني الحمدالله ما تغير
اهم شي نظامج حق الاكل مايتغير
صدقوني اذا النفسية مو مرتاحة لو شنو تاكلين ماكو فايدة

 

[farforaQ8]

برياكتين حلوة

 

[Creazy]

يا قلبي في استخدمي خلطة مكسرات للعضوع غرشه عطر روووعه


وانشالله تمتنين هال5 كيلو بشهر

 

[*الماضي على ويش نعيدهــ*]

نصيحه لوجه الله لاتاكلينها في دوا مكسرات ومخلوط من رهش قسمابالله اكلتهم الكل يسالني انتي طاقة ابر وانا كليت من الدوا العلبه 40 دينار اذا وزنج من 30 وشي لازم تاكلين علبتين وشكرا

حبيبتي من وين أطلب هالخلطه وشلون طريقة اكلها ؟
وليش سعرها 40 مو وايد ؟

 

[Dreams Of a girL]

نصيحة من اخت لااختها لاتستعملين الحبوب الصينية ابد ورب البيت اني استخدمت كل شئ فاالدنيا ولاسمنت الا عليها

نفختني نفخة موطبيعية خلتني بالونة غير كذا لاتركتيها بترجعين انحف من اول غير البلاوي اللي بتطلعلك من تشققات بالجسم

وامساك وجسمك يكون يوجعك كلة حتى ظهرك ورجولك وفخوذك

مع ذلك ماتبت رجعت استخدمها عشان شهيتي للاكل معدومة بعدها رحت لمحل اعشاب قالي احنا بطلنا نبيعها لانها تسفط الجسم

دهون ع غير سنع وليومك هذا شعري قام يطيح بالهبل وخفيف مررررررررررة وربي ابكي ع شعري الاول اللي كان كلن يتغزل فية

اااااااااااااة بس ياشعري ياليتة يرجع مثل قبل

بيرياكتين ماجربتها ابد.............الله يسمنك يارب بصحة وعافية

نفس كلام اختي شجون والله بتعانين بعد ماتخلينهم

 

[ساره.]

اكلي حلى وكاكاو وايد