(( حب وليس له نهايه )) قصه كويتيه حقيقه ..

[كويتية و النعم]

وااايد حلوو البارت ...!
بس حبيبتي يعني ما احس في حدث مهم يشدنا و يشوقنا للقصة اكثر ...~
بلييز تقبلي نقدي :tek:​

 

[T-flower]

انا باك ميرسي عالبارتات الروعه حبي وناطرينج

 

[عديلة^الروح]

انشالله في احداث بالبارتاات اللي يايه ومنورين

 

[purple80]

انا ناطرة و لو سمحتاي لا تطوليييييييييييييييييييين

 

[عديلة^الروح]

البارت

17


وكل يوم يصعدوون السطح ويشووفون بعض لمن رد ابوحنيين من السفر وبعدها ماقدروا يشوفوون بعض وفي هذاك اليوم دقت حنيين على يوسف وقالتله:

حنيين: يوسف انا برووح عنداختي زهراء الحامل تبي تولد عملية قيصريه لانها فيها 3توائم وماعندها احد

يويو: لا والله بتروحين عني انتي كل يووم يمي والحين بتروحين ليش

حنيين: والله ياعمري اهي ماعندها احد واختي الكبيره مع عيالها وامتحاناات عندهم

يوسف: الله يصبرني على فراقج

حنيين: انا بنام عندها لمن تولد واهي باجر دخولها المستشفى((دار الشفاء))

يوسف: يالله انشالله تولد بالسلامه يارب

حنيين: انا بناام عندها شهرين وبقوم بعيالها

يويو: واااايد شهرين شصاير

حنيين: بعد شسوي

يويو: عساج علقوه انشالله

حنيين: بعد والله مسكينه فيها3توائم وخدامتها مايت ليلحيين

يوسف:
الله يعيني على فراقج والله


وراحت حنين تحط ملابسها واغراظها بلجنطه واهي متضايقه تخلي يوسف وابو حنيين كاان ناطرها بلسياره عشان يقطها بيت

اختها ودقت حنيين على يوسف وقالتله انا نازله تحت وابوي ناطرني بلسياره قالها انا توني

سلمت على ابوج عند الباب وانا واقف عند الباب بشوفج قبل لاتروحيين وحنيين نزلت دمعتها وراحت عند الباب جان تشوف

يوسف واقف عند الباب جان يبتسم لها واهي كانت متضايقه حيييل وركبت مع ابوها السياره جان يدزلها

مسج وقالها والله قلبي عورني وانتي تحطين جنطتج بالدبه وااااي قلبي انكسر ياعمري ليش رحتي

جان دزله مسج وقالتله انا ماني مسافره انا موجوده بلكويت شفيك لاتعور قلبي اللي فيني يكفيني والله

ووصلت حنيين بيت اختها زهراء وقعدت عندها ودزتله مسج قالتله انا وصلت وبعدين دق عليها قالها الحمدالله على

السلامه حبيبتي شلوون اختج الحين عساها بخير قالتله الحمدالله بس شويه تعبانه يويو شويه وادق علييك

بشووف اختي زهوور بزهب اغراض الولاده ح ق باجر دخولها وبعدين كلمت حنيين

يوسف ليبليل وقامت حنيين الصبح مع اختها زهراء بيروحوون المستشفى وراحوا ودخلت زهراء غرفة

العملياات جان يدز مسج يوسف قالها طمنيني على اختج وانشالله تقووم بالسلامه اقري قران لمن تطلع من العمليه

دزتله مسج وقالتله انا قاعده اقرى قران بعد عشر دقيق من دخولها طلعت الدكتوره وقالتلهم زهراء

ولدت ويابت 3توائم ماشاء الله تبارك الرحمن وعلى طوول حنيين دزت مسج حق يوسف وقالتله

زهراء ولدت وماشاء الله يابت 3 توائم كلهم صبيان جاان يدزلها مسج وقالها الحمدالله على السلامه

ويتربوون بعزكم انشالله خل تسمي واحد فيهم يوسف((يتغشمر_03ba)

والفال لنا انشالله يارب وصعدوا زهراء غرفتها وحنيين يمها وقالت لاختها الحمدالله على سلامتج

العيال يهبلون طالعين على خالتهام جاان تضحك زهراء وقالتلها شلوون عيالي مافيهم شي قالتلها الحمدالله

وراحت جنيين حق عيال اختها عشاان تصورهم ودز حق يوسف الصور ودزتهم جاان يدق عليها وقالها

يوسف: ياحلاتهم والله الله يحفظهم انشالله والحمداالله على سلامتهم

حنيين: الله يسلمك ياعمري

يوسف: والله اشتقتلج وديري بالج على اختج وعلى قطاوتها(يتغشمر)

حنيين: انشالله ياعمري

يوسف: تصدقيين انا من اشوف بيتكم قلبي يعورني مغبر بيتكم القرين ظلمه بدوونج والله كئييب

حنيين: يالله كلها جم شهر وارد انشالله

يوسف: ديري بالج على نفسج انزين مو تطلعيين مكان خليج كع اختج وقطاوتها موتطلعين مكان

وياويلج ان دقيت وماشلتيه وماتطلعين من المستشفى انزيين

حنيين: انشالله ياعمري يالله انا اخليك في نااس يايين عند اختي

يوسف: انزين ديري بالج على اختج وقطاوتها

حنيين: ههههااي ضحكتني والله يالله حبيبي مع السلامه

يوسف حافظج ربي مع السلامه​

.

 

[Amour]

يسلمووووووووووووو

بس البارتات قصيره يا ريت لو تطولينهم شوي

مشكووووره

ويا اختي "كويتيه والنعم"

امممممم يمكن معاج حق الاحداث حدها عاديه لي حد الحين
بس ما يندرى شبيصير بالمستقبل
ياااايكم ياااايكم هههههههههه

 

[عديلة^الروح]

شكلها القصه موعاجبتكم القصه واقعيه وهذي الاحداث بس القصه تتكلم عن الاحداث اللي بتصير في الاخيره عيل انا ماراح اكتب البارتاات نطرو مس زوزو تنزلكم اياها واسفه علتقصير ونطرو مس زوزو مع السلامه

 

[jod.q8]

اشلون يعني ؟



كملي و الي يعافيج

 

[كويتية و النعم]

ويا اختي "كويتيه والنعم"

امممممم يمكن معاج حق الاحداث حدها عاديه لي حد الحين
بس ما يندرى شبيصير بالمستقبل
ياااايكم ياااايكم هههههههههه[/QUOTE]

ايي والله ما يندرى
ننطر و نجووف :eh_s(6):

 

[cool-princess]

شكلها القصه موعاجبتكم القصه واقعيه وهذي الاحداث بس القصه تتكلم عن الاحداث اللي بتصير في الاخيره عيل انا ماراح اكتب البارتاات نطرو مس زوزو تنزلكم اياها واسفه علتقصير ونطرو مس زوزو مع السلامه

لا عاجبتنا بس البنات قاع يعطون رايهم يعني موشرط يكون ينطبق على الكل

زوزو شكلها مطوله ماراح تدخل واحنا نبي القصة بسرعه وانتي فيج الخير ياقلبي...~

 

[noof>>]

القصه وايددددددددددددددد حلوه

لا تطولين علينا

 

[Amour]

عديلة شدعوااااا زعلتي الله يهداج !!
وبالعكس انتي مو مقصره الا انتي محرجتنا لانج ما شاء الله ما تطنشينا واول باول تنزلين.. الف شكر
ويعطيج الف عافيه يا رب
والانتقاد يا قلبي عادي لازم تتقبلينه بروح رياضيه

(( اختلاف الاراء لا يفسد في الود قضيه ))

واحنا متابعين معاج القصه ما يصير اذا راي واحد ما عجبج توقفين !!!!

يعني كل اللي قرينا ننساه ولا شنو !! واذا راده على مس زوزو عيل مطوله هههههههههههههههههههههههههههههه

ناطرينج قلبي لا تطولين... وترا اللي انقال عادي

واحنا ما قلنا مو عاجبتنا ولا جان ما قرينا كل البارتات

احنا بس نبي اكشن اكثر شوي وانا متأكده انها يايه هالاكشنات هاذي لوووول

 

[كويتية و النعم]

حبيبتي انا ما كنت اقصد انه القصة موو حلوة او سخييفة ..~
لا بالعكس القصة واايد حلوة بس قلت انه يبيلهااا شوي اكشنات مني منااك لووول
سووري اذا زعلتي من كلامي او تضايقتي ,
و حقج على رااسي من فوووق

:tek:​

 

[Amour]

يالله عاد عدوووول لوووووووول

حتى "كويتيه والنعم" اعتذرتلج شتبين بعد ههههههههههههههه

مع انها حرام ما قلت شي غلط هههههههه بس انتي شكلج حساسه شوي صح ولا لأ

يلا لا تطولين علينا وسلمي على مس زوزو

 

[عديلة^الروح]

الله يسلمكم لا والله انا مازعلت بس اهي القصه جذيه مااقدر أألف القصه لانها صجيه وهذي الاحداث بس انا كنت شويه مشغوله وانشالله راح انزل لكم البارت اليوم ومس زوزو اهي تنقلني علماسنجر وانا كتبله لكم وتقولكم اهي حقيقيه وماتقدر تالف لكم ولاتزعلوون وحقكم علي من راسي فديتكم والله

 

[فيلجـ كول ـاويه]

لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقفلايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف
كملي حبيبتي ناطرتج

 

[عديلة^الروح]

البارت 18

وراحت حنين حق اختها زهراء واستقبلت الناس وقامت بواجبهم ولا شويه ينطق الباب ولا

هندي يايب ورد كبيير احمر يهبل كاان شكله ولا مكتوب على الكرت الف الحمدالله على سلامة اختج

ويتربوون بعزها انشالله من يوسف ودخلت الورد ولاتقولها اختها من منو الورد قالتلها انا يايبته وحنيين

خشت الكرت بصدرها جاان تقوول اختها شحلات الورد مشكوره قالتلها العفو جاان يدق عليها يوسف

يوسف: هلا بالحب

حنين: هلا حبيبي مشكور على الورد والله عجييب الورد

يوسف: العفو ترى الورد حقج والله موتعطينه اختج فهمتي

حنيين: لا والله الحين اختي والده مو انا

يوسف: المهم الورد لج انزين

حنين: انشالله حبيبي

يوسف: شلوون اختج الحين وقطاوتها

حنيين: الحمدالله زينين بس اقوول في نااس يايين حق اختي شويه ودق علييك وابوي قاعد عندنا

يوسف: انتي ماطلعتي مكان

حنين: شفيك يوسف انا وين اروح النااس داشه وطالعه

يوسف: خليج عند اختج ومع ابووج

حنيين: انشالله يالله مع السلامه

يوسف: مع السلامه

ويو اهل زوج زهراء وابو حنيين قال حق حنين انا بروح تحت ادخن ((تعرفوون مستشفى دار الشفاء في مكان مخصص حق التدخين))

جان تقوله انزين وباشرتهم حنيين من الحلويات والشاي والعصايروكان يوسف يدق عليها واهي مشغوله

ماترد عليه يمكن صارله ساعه وهو يدق عليها وتشيل اختها توديها الحمام وبعدين ردت عليه حنين ولايقولها

يوسف: انتي و ينج ماتردين على التليفوون

حنيين: كنت مع الناس ماقعدت على حيلي

يوسف: عيل وين ابووج

حنيين: موجوود

يوسف:

انا هندي عندج تجذبين علي صج انج حقيره بعد قمتي تجذبين علي

حنين: شفيك تكلمني بهالاسلووب انا جذابه بشنو جذبت

يوسف: تقولين ابووج بالمستشفى وتوه ابوج صفط عند باب بيتكم

حنين: انت من صجك توه من قبل ساعه قايلي انا نازل تحت بدخن

يوسف : انتي جذابه شوفي وين كنتي وين رايحه يالوصخه

حنيين: والله العظيم مارحت مكاان وعن الغلط يايوسف

يوسف: تدرين حسافه اني معطيج الثقة والله العظيم انا مقهوور والحمدالله ان الله كشفج لي

حنيين: قاعده تبجي والله ظلمتني لاتقول هالحجي ترى وايد جرحتني

يوسف: اجرحج بشنو يالجذابه والله طحتي من عيني

حنين: الله يسامحك انت فهمت الموضوع غلط

يوسف: ماابي افهم منج اي موضوع وانا محذرج انج ماتطلعين من المستشفى صح

حنيين: والله العظيم ماطلعت انا قاعده احلف اذا كنت طالعه راح اطلع مع منو

يوسف:انتي ادرى طالعه مع منو

حنيين: يالله عااد احترم نفسك ولاتقعد تغلط

يوسف: اقول حطي لسانج داخل حلجج وماابي اسمع منج ولا شي يالجذابه فهمتي

حنيين: يوسف صدقني خلاص لاتظلم ابوي قالي راح يدخن ماقال بيروح البيت

يوسف: انتي انا ماابيج دقين علي يالوصخه ولا ابي اشوف رقمج انا مايشرفني اكلم وحده مثلج

وحسافه انتي طلعتي بيت جيرانا يالله يالجذابه




وصكر يوسف التليفوون بويه حنيين وحنيين كانت بره الغرفه وكانت قاعده تبجي ودزتله مسج يوسف والله العظيم انا موجذابه


وانا واثقه من نفسي وايد ولا تقعد تشككني بعمري انا حلفتلك بالله اكثر من جذيه شسوي بتصدق ولا ماتبي

تصدق كيفك والله يسامحك وانا ماراح ادق عليك وقعدت حنيين تبجي وتفكروتقول بينها وبي نفسها

من اول مشكله مايبيني وموواثق فيني شااف علي عشان يسوي كل هذا شااف ماادري

وعلى فكره يوسف وايد يشك ويحب حننين لحد الينون بس يشك بحنيين وايد مايبي احد يطالعها او يكلمها

وراحت حنيين لغرفتها واختها شافتها ولاتقول لها شفيج جان تقولها حنيين مافيني شي

جان تقول زهراء عيل شفيها عيونج حمر ومتفوخه انتي باجيه لاتجذبين جاان حنيين ترقعلها

قالتلها تذكرت المرحووم وقعدت ابجي جاان زهراء تبجي وتقول الله يرحمه وزهراء قالتلها روحي

غسلي ويهج لحد يي عندنا ويشوفج جذيه قالت انشالله وراحت حنيين الحماام وانتو بكرامه غسلت ويها

ولا يوون خالات حنيين وزهوور وقعدت معاهم بس البال مع يوسف الناس بوادي واهي بوادي يوسف

وكانت خانقتها العبره وكل شوي دش الحام تقعد تبجي وترد تغسل ويها وتطلع جاان اختها تقوول

انتي اليوم موطبيعيه خلاص بسج بجي وصار الليل وزهراء كانت نايمه واهي قاعده دوور بالمستشفى

وتبجي مافي احد بلمستشفى ماشافها تبجي ووحده من المستشفى قالتلها عسى ماشر فيكم شي شفيج

قاعده دورين على نفسج وتبجين في احد عندكم اهني تعباان قالتلها لا مافي احد تعباان بس من الفرحه

حق اختي قاعده ابجي وراحت حنيين الغرفه عشاان بتناام طبعا طوول الوقت قاعده تبجي لمن غفت عينها

جاان يرن تليفونها ووفزت على تليفونها ولاتشووف رقم داق عليها::::::::::::::::::::::::




((تتوقعوون منو داق على حنيين بنص الليل وانشالله اكون عند حسن ظنكم))

 

[كويتية اكيد]

وااااااااااااااااي شوقتيني يلا ناطرة البارت حوبي ومشكورة وماقصرتي ويعطيج الف عافية

 

[عديلة^الروح]

يالله نزلتكم البارت وينكم ماقريتووه انشالله يعجبكم وانا اشوف فيه اكشن اشرايكم ومنورين حبايب قلبي

 

[لـولـو الحلوه]

عفيه الله يخيلج نزلي جم بارت والله مشتاقه حيييل اني اقرا قصتهم

ما عندي الا اليوم ادش النت