اختي عضوة مجلس الامه الدكتوره اسيل العوضي اقدم لج اعتذاري

[ghalaty]

السلام عليكم .....اشلونكم وكل عام وانتم بخير..... طبعا متعجبين من العنوان وتبون تعرفون السالفه ....انا في بداية وصول المرأه للبرلمان ما كنت مقتنعه مع ان بحاجه لامرأه مثلنا تحس بمعاناة المرأه الكويتيه خاصه بالفتره الاخيره القوانين كلها ذكوريه المهم ما كنت مقتنعه وبسبب أقول الرياييل ما سوولنا وكنت خايفه نصاب بخيبة امل وبعدين ما كان عندي وقت علشان أحضر الندوات وأسمع طرحهم الهم بعض اللقاءات التلفزونيه ومره ما عجبني طرح وحده من الخوات الي مرشحه نفسها كانت تطرح ومازالت تعرض بس المشاكل الي تعاني اهي منها والعضو المفروض يشوف مصلحة الأمه...المهم امس انصدمت من لقاء مع العضوه الدكتوره اسيل العوضي ماشاء الله اسلوب وهدوء وطرح راقي جدااا حسيت بندم اشلون كنت مو مقتنعه بوصول المرأه مادام فيه خوات فعلا طرحهم راقي والكلام الي يطلع من القلب يدش القلب كانت حاسه ومتفاعله بمعناة المرأه الكويتيه المهضومه ومتعجبه ومستنكره من القوانين العجيبه امثال المرأه ما تقدر تاخذ قرض اسكاني اذا بس عندها بنات!!!! المرأة الكويتيه الحاضنه ما تقدر تطلع جواز لعيالها ماتقدر حتى تنقلهم من مدارسهم .... في اللقاء كانت وااايد متعاطفه مع المرأة وعطت وعود وامنى لها التوفيق وأقدم لها اعتذاري ...وانشاء الله اذا الله عطانه عمر راح اكون اول من يقف معاها في الانتخابات القادمه.....وترا اقسم بالله ما عندي اي مصلحه ولا قاعد اجامل ولا اعرف الدكتوره اسيل العوضي​

 

[hi555]

احسنتي
وعلى فكرة الدكتورة اسيل كان لها الفضل بتسليط الضوء على موضوع حق الزوجة باستصدار جوازها او تجديدة بعد ماكان حكر فقط على زوجها وهالامر كان مسبب مآسي كبيرة لنساء وايد

 

[maadaa]

صح كلامج حبوبة

و النعم فيها و بطرحها و اسلوبها الراقي

 

[ghalaty]

شكرااا لمروركم خواتي ..ايه نعم دريت بسالفة الجواز يعني بعض الرجال المرأه زوجته معاه بنفس البيت ويعاند بالجواز مابالج اذا كانت طليقته اشلون يعاندها بجوازات اعيالها تضطر ترفع قضايا وهذا يزيد الحقد والعناد ومسكينه تتبهذل المرأه بالمحاكم وتدفع بالميات علشان المحامين يعني شنو هالقانون المرأه الكويته وين بتروح بتنحاش يعني بعيالها!!! ولا المرأه الي متزوجه من ريال وعنده عيال وتبي تسوي طفل انابيب ما يحق لها العلاج!!!! المهم وايد فيه قوانين عجيبه غريبه.... والله يوفق الدكتوره اسيل ومره ثانيه ومليون مره اقدم لها اعتذاري

 

[miss_math]

نعم هادئة وراقية ما عندنا اختلاف

لكن كان الاولى انها تطالب بمساواة المرأة الكويتية بالرجل من حيث حق حصولها على السكن والجنسية

كلنا ندري انه قبل الكويتيه تحصل على سكن خاص فيها اذا كانت متزوجة غير كويتي لكن للأسف القرر هذا تم تعطيله


ولا الجواز ما يشكل هاجس كبير للمرأة وانا من وجهة نظري اهي اندفعت وراء سالفة الجواز لانها ليبرالية الوجهة

 

[AbRo0oH Q8]

........
انا ضد اسيل العوضي ...
اولا محد ينسى سالفة محاضرات و شلون كان استهزاءها ..

شوفي انا ادري انها ليبرالية .. لكني مو ضد الليبرالية ..
بالعكس .. يعني انا احب ليبرالية احمد الربعي .. بس اللي بعده طلعوا ..مافيهم شي منه ..

 

[توته وااااااااو]

يااااااااااا حليلهاااااا اسيل العوضي ؟

 

[غصن الغلا]

لاتعليق

 

[جوري وبنفسج]

السلام عليكم

أنا عن نفسي خلاص وصلت لقناعة أن المرأة لا تصلح لمجلس فكلامهم اللي سمعناه بندواتهم شيء ولما وصلوا المجلس شيء ثاني

ومقتنعة بشدة بفشل المرأة في منصب الوزير ولا تنسون تغيير المناهج للأسوء هذا كله حصل مع وزيرتين من النساء ... الله يرحم أيام الربعي كانت قراراته مدروسة وتغيراته للأحسن بس لأسف وقفوا بطريجه حسبي الله عليهم وما خلوه يكمل مسيرة الإصلاح

إما الحين فعلى وزاراتنا السلام دام بتكون المحصلة نفس وزارة التربية وقرارتها الحمقاء لنسف مستقبل أولادنا التعليمي وحسبي الله ونعم الوكيل​

.

 

[hi555]

نعم هادئة وراقية ما عندنا اختلاف

لكن كان الاولى انها تطالب بمساواة المرأة الكويتية بالرجل من حيث حق حصولها على السكن والجنسية

كلنا ندري انه قبل الكويتيه تحصل على سكن خاص فيها اذا كانت متزوجة غير كويتي لكن للأسف القرر هذا تم تعطيله


ولا الجواز ما يشكل هاجس كبير للمرأة وانا من وجهة نظري اهي اندفعت وراء سالفة الجواز لانها ليبرالية الوجهة

ممكن مايسبب هاجس كبير لج بس يسببه لغيرج
وانا اعرف حالات تعور القلب

بعدين بطلوا ليبرالية ما ليبرالية وكبروا عقولكم يوم قامت تدافع عن حقوقكم قلتوا ليبرالية شتبونها تسوي عشان ترضيكم تركض مثل غيرها من النواب لقمعكم والغائكم

واذا على البيوت اعتقد كل شي بوقته اهيا على الاقل قاعدة تحاول تساهم بحل القضايا الي تهين المراة غصب عنها امن الي متزوجة غير كويتي فهذا قرارها واهيا عارفة نتايجة ماتتقارن بوحدة يعلقها ريلها ويحرمها حتى من زيارة بيت ربها

 

[ghalaty]

hi555 مو عارفه اقرا نكج اختي.... والي تقول ركضت ورا الجواز ليش الجواز ترا وااايد ناس محرومين من روحت بيت الله من وره هالسالفه ..... ووايد امهات يقومون من فير الله علشان يودون اعيالهم المدارس مدارس عيالهم بعديده وااايد عن البيت لان ما يصير تنقل عيالها لازم الاب!!!! يعني هذا جزا الكويتيه الي حاضنه لعالها وقاعد تربيهم جذيه يأذونها و برايي المرأه لمن تتزوج غير كويتي هذا قرارها انا اصلا ضد الكويتي لمن يتزوج اجنبيه يجنسها قاعد يزاحمونا بكل شي وغير العادات الدخيله الي قمنا نعاني منها...المهم اهي امس وضحت ان اهم قاعد يدرسون كل الامور الي تخص المرأه اتصلت لافيها وحده تقولها مو معقوله انا مطلقه ابي اطلع جواز لعيالي ابي انقل مدرسه مايرضون لازم الاب قالت لا مانرضى هذا اذلا المراه وانا من وجهة نظري اذلال وتنقيص من قدرها وفوق كل هذا قضايا تزحم المحكمه من غير سنع وغير التكاليف الي تتحملها الام.... وارد اقول أقسم بالله اني ما عندي مصلحه ولا اعرفها مع ان معرفتها تشرف

 

[miss_math]

ممكن مايسبب هاجس كبير لج بس يسببه لغيرج
وانا اعرف حالات تعور القلب

بعدين بطلوا ليبرالية ما ليبرالية وكبروا عقولكم يوم قامت تدافع عن حقوقكم قلتوا ليبرالية شتبونها تسوي عشان ترضيكم تركض مثل غيرها من النواب لقمعكم والغائكم

واذا على البيوت اعتقد كل شي بوقته اهيا على الاقل قاعدة تحاول تساهم بحل القضايا الي تهين المراة غصب عنها امن الي متزوجة غير كويتي فهذا قرارها واهيا عارفة نتايجة ماتتقارن بوحدة يعلقها ريلها ويحرمها حتى من زيارة بيت ربها

اول شيء حبيبتي مثل ما احب اكتب بأسلوب راقي اتمنى انج تكتبين بنفس الاسلوب

انا هاذي وجهة نظري وعبرت عنها بكل حرية وديموقراطية قلت انه توجهها ليبرالي غلطت عليها مثلا ولا شنو ؟

 

[قـہۈه فـرنسيـہ™]

والله مادري ,,,أنا ما شفتها ولا أعرفهااا ,,,,بس ضد ضد ضد أسيييييييييل ومعصومه ورولا ومدري منو .............

 

[ii DareeN ii]

اسيل هدوء ومنطق وطموح للوصول وعندها ايضا مصداقية اتمنى لها كل التوفيق

 

[hi555]

hi555 مو عارفه اقرا نكج اختي.... والي تقول ركضت ورا الجواز ليش الجواز ترا وااايد ناس محرومين من روحت بيت الله من وره هالسالفه ..... ووايد امهات يقومون من فير الله علشان يودون اعيالهم المدارس مدارس عيالهم بعديده وااايد عن البيت لان ما يصير تنقل عيالها لازم الاب!!!! يعني هذا جزا الكويتيه الي حاضنه لعالها وقاعد تربيهم جذيه يأذونها و برايي المرأه لمن تتزوج غير كويتي هذا قرارها انا اصلا ضد الكويتي لمن يتزوج اجنبيه يجنسها قاعد يزاحمونا بكل شي وغير العادات الدخيله الي قمنا نعاني منها...المهم اهي امس وضحت ان اهم قاعد يدرسون كل الامور الي تخص المرأه اتصلت لافيها وحده تقولها مو معقوله انا مطلقه ابي اطلع جواز لعيالي ابي انقل مدرسه مايرضون لازم الاب قالت لا مانرضى هذا اذلا المراه وانا من وجهة نظري اذلال وتنقيص من قدرها وفوق كل هذا قضايا تزحم المحكمه من غير سنع وغير التكاليف الي تتحملها الام.... وارد اقول أقسم بالله اني ما عندي مصلحه ولا اعرفها مع ان معرفتها تشرف

انا هذا الي قلته بالضبط
ان هالامر وغيره من امور اهم من الذ ذكرته الاخت الي تاخذلها مصري او عراقي وتبي بيت بعد انا الكويتي الي ياخذ اجنبية مو بالعينها هالدور يبون يزيدونها علينا
يعني قرار اصدار الجواز مهم مو معقولة اطلع بطاقتي وباجي اوراقي الا الجواز!! او مثل ماقلتي مطلقة وحاضنة يعني متكفلة باليهال ومتحملتهم فليش يضطرونها تنذل لريال وصلت حياتها معاه لطريج مسدود ويااااااكثرهم والله

فبرافوا عليها وتحية كبيرة لها

 

[hi555]

اول شيء حبيبتي مثل ما احب اكتب بأسلوب راقي اتمنى انج تكتبين بنفس الاسلوب

انا هاذي وجهة نظري وعبرت عنها بكل حرية وديموقراطية قلت انه توجهها ليبرالي غلطت عليها مثلا ولا شنو ؟

والله لها الشرف انها ليبرالية حبيبتي
عبدالله السالم الي اسس الكويت الحديثة وحط الدستور ليبرالي
وهذا احنا لي اليوم نبجي عليه دم

لكن انا ضد ضيق النظرة لليبرالية وغصب بتربطونها بالانحلال
مع انها اهيا ثقافة الانسان والانسانية واكبر دليل تشريعاتها

 

[Manarz]

مشكلتهم الحريم العضوات في المجلس بس كلام وطرح واقناع بس ماكوا فعل !! هذي الصراحه الي لازم انعرفها انتوا لازم اتعرفوون انه مجلس الأمه كل واحد يوهم المجتمع بأنه اهو الي حااس فينا واتيي على الجرح من ناحية الجواز والمرأه مهضومه وحجي مأخووذ خيره وبعدين وين الفعل وين التطبيق ويين وين اقرار القوانين ولا بس جذيه سواو فيلم هندي قبل لا يدشوون المجلس وغابوا والحين حست أسيل العوضي انه في كارثه في المجلس او في حل المجلس وفخافت وسويت مقابلات تلفزيونيه وانا ارفيجاتي عندهم ابرزنتيشن راحوا حقها قالت انا مشغوله مشغوله ابشنو بالقوانين والمقترحات الي نسمع عنها ولا شمينا ريحتها حتى !!!!!!!!!!!!!!!!!!!! والله العظيم لا بينين وبينها عداوه ولا شي ولا أعرفها الى من خلال الجرايد والمقابلات بس هذا الصج ودايما الصج يجرح او الحقيقه مره ...........

 

[*يارا*]

حبايبي ونعم باسيل وكل نوابنا ولهم كل الأحترام والتقدير

بس بصراحه وجهتي نظري ان قاعدين يتخانقون ويصارخون على اشياء اكيد مهمه عند كويتين وايد
بس مو كل الكويتين يعني يتخانقون على قضايا خاصه بشريحه معينه

بنات عندنا مشاكل اعتقد انها تهم كل كويتي يعني قضايا عامه ونعيشها كل يوم
مو مهتمين فيها - مثل التعليم وتخبطه ومستواه .. يمكن يتكلمون عنه بس مافي حل ملموس نحس فيه
وثاني شي الصحه والعلاج احنا الحمدلله دوله الله مغنيها والله يتمم عليها ويوخر عنها عين كل حاسد
بس الصحه عندنا مو شي صج في تطور مبانيهم ومواعيد العمليات والكشف بس مافي دكاتره زينه وايد
ما عندنا نيرسات ((اقصد ممرضات )) فلته وضمير وسنع
والادويه من ردي الى اردى

يعني اقصد ياريت النواب إلي انتخبتوهم سوي شي ملموس نحسه في اهم قضايا الشعب
((التعليم والصحه ))

اسفه على الأطاله

 

[:: Diva ::]

الله يوفقها ياارب

 

[bint_looda]

والله ماقط سمعتلها شي كامل عشان اقدر احكم عليها ... بس عموما عسى ربي يوفق الجميع ويبقي الي فيهم خير للوطن ويمحي الباقي