بنات بفجر القنبله...تعالو ساعدوني ماابي اتزووج

[دمعة عمر]

مرحبا بنات
انا موعارفه شلو ن ا بدا بالموضوع بس اكيد مالي الا الله ثم انتووو
صارلي فوق الاسبوعين ابي اكتبه مو قادره متدوده بس الللي ابيه تساعدوني لاني بحيره مايعلمها الا ربي سبحانه
اولا بحط لن المواضيع الي حطيتها قبل علشان تفهموووني شاللي اقصده للي ماقرو مواضيعي
الموضوع الاول
http://www.q8yat.net/showthread.php?t=404681

الموضوع الثاني
http://www.q8yat.net/showthread.php?t=526604

المهم جريب اخلص عدتي ولا خلصتها مادري المهم لحد ماتطلع اورق الطلاق اكون خلصت العده الشرعيه المهم
انه من اول شهر بالعده وحده لمحت انها تبيني لولدها طبعا بتقولون حرام تخطبج وانتي للحينه بالعده بس اهي لي تكلمت لانه تدري انه مستحيل ارد لريلي اولا ...وانه راح خطب من وانا بذمته وجريب يترزوج ثانيا...ولانه ناس كلموها انه لهم نيه يخطبوني ثالثا فهي تقول انا ماكنت بتكلم لحد ماتخلص البنت العده بس مدام اهي مو براده وريلها بيتزوج والناس قامت تخطبها وانا نفسي فيها من قبل واني خطبتها قبل تزوج ولقيتها مخطوبه فاللحين مابيها تروح مني.....
المهم انا باخر الشهر الياي اكون خلصت عده واهي قالت بتيي تخطبني انا هنييه قلبي بيوووقف

بنات انشالله ماتجربون هالاحساس شعور اني بتزوج مره ثانيه ولا افكر بالزواج شي رعب والله خاااااااااااااااايفه وايد احس قلبي بيوقف فاشنو اسوي اقول لهلي لاعاد تحاجوني بموضوع زواج
انا خايفه من التجربه الثانيه اخاف اتزوج وافشل من يديد ماعرف شلون بفكر بهالموضوع طيب بقولكم الريال اللي يايه
امه تخطبني توه ماتزوج احس انه مايصير اتزوج الا مطلق ولا متزوج ماادري احسب يفكر بعدين انه ليش اخذت مطلقه ؟؟؟؟ولا بيصير عنده احساس بالنقص عمره كله؟؟؟
طيب هذا الشي مخوفني وهم شغلة لمى اتزوج شلون بتصرف معااااااه يعني انا اسمع ناس واي لم يتحجون عن المطلقه وقت ما اتيي تتزوج يقولون عادي بيكون نص الحيا راح منها وعندها خبره وجي بنات انا زواج كله اسبوعييييييييييييييييييييييييييييين ما زاد عن جذيه
يعني شلون بتصرف معاااه وشلون نظرته بتكون هل نفس مااسمع من الناس ولا بتكون غير يعني اكيد بكون استحي بس هل اهو بقول تصنع نفس مالناس تقول ؟؟؟؟
انا قاعده استخير وادعي ربي بهالموضوع بس تعرفون اكيد ابي استشير احد بالموضوع

والحين قولو لي شسوي افكر جد بالموضوع وابعد هالخوف عني ولا اقول بتييني فرص افضل
وانطر يامطلق ولا متزوج ..........مع انه اللي الحين بيخطبني تبارك الرحمن خلق واخلاق مشالله وسمعته زينه وايد ومحترم وهم دراسته زينه ومستواها زين
طيب لو وافقت انا اقول لاخواتي البنات انه يمكن لو وافقت عليه واهو رجال مابعد تزوج
بروح ارجع عذريتي
لاتقولون ليش انا ماحسيت بمتعتها احسها انخذت مني بالقهر فامو علشانه بسوي جذيه
علشان نفسي واهو بكل الاحوال عارف انه بيدخل على وحده مطلقه ...ولو انه استشرت دكتوره وقالتلي عادي ييبي لي اورقج تثبت انج مطلقه وعادي....وهم قالت لي انتي ماامداه ريلج يسويلج شي
انا محتتاره بليز ساعدوني​

 

[Princess Lady]

( استخيري ) .. واذا على العمليه اساليه بينج وبينه عقب الملجه تبي برجعها ما تبي خلاص

والله يوفقج ,,,, ويعوضج خير سواء تزوجتي من هالانسان او لا

 

[دمعة عمر]

الله يجزاج خيرر
اكيد انه بصلي وادعي
بس هم فيه جانب اني استشير واقتنع بالفكره علشان جذيه قلت مالي الا الله ثم انتوو
بناااات وينكم حاجوووني ترا فيني بجوه

 

[الباسمه]

الله يوفقج
ومن رايي لاتسوين عمليه لما تعرفين الرجال وتمونين عليه لان اهو خاطب مطلقه يعني عارف وضعج واذا يبي بعد الزواج سويها
انا عني احس الرجال يحب المرأه الطبيعيه
وانتي كامله لاتحسين بالنقص وهالشي سنه الحياه لاتحسين انه عيب فيج
تقبلي مروري

 

[أبله^زوزو]

حبيبتي انا مومعاج بسالفت ترجعين عذريتج انتي ماغلطتي وكل شي قسمه ونصيب

وعلى فكره شنو يعني تردين بكر ولاتكونين ثيب !! ترى جوهرج ومعدنج اهم من هالقضيه

وعندي بنت خالي تطلقت وكان عندها ولد والحين تزوجت واحد اول زواج له ويابت ولد والحين الثاني بالطريج

ووايد مرتاحه معاه ،، ياقلبي الارزاق بيد ربنا لانعترض على امره الي راح راح خلج بالياي

اذا ريال محترم ومشهود له بالاخلاق ادعي لج من القلب الله يهنيج ويجمعج معاه بالحلال موفقه ان شاءالله

 

[RoWaIsHeDyA]

الله يوفقج اما بالنسبه للعمليه احس حيل حيل صعبه على بنت تقول حق رجال هالكلام يمكن ياخذها بالغلط ماادري والله شغله تحير ان سويتيها من غير مايدري بيقول ان طليقج ..... وان سويتيها بيستغرب امممممم انا اقول استخيري واذا مامنها مضره عليج وعلى صحتج اتوقع سالي امج ان تقول لامه ... ولو حتى هذي فيها احراج بس عموما انشاء الله يكون زوج صالح ونصيب خير لج بس هالمره حسبيها عدل الاشياء الزينه والشينه بالزواج هذا عمر كله مو لعبه مثل الي قبله وانتي سنعي من نفسج لنفسج مو عشان الريل ولاتهتمين لصغائر الامور صج تحز بالخاطر بس خلي ثقتج اكبر من انج تهتزين للكلام التافهه وطليقج ماعنده نظر ولا فهاميه للاسف ياهل بتصرفاته والله يعين الي بتاخذه دامه جذي وانشاء الله تتوفقين ...
كلمه اخيرا منتي ناقصه علشان تخيرين نفسج بين مطلق ولا متزوج لج حق بكل شئ مو غلطتج ان زواجج الاول فشل ...

 

[إكليل الحب]

بسم الله الرحمن الرحيم


بقولج نقطتين عزيزتي :


انتي شكلج بالزواج الأولي ماعشتي فترة ملجه انج كلمتيه وعرفتي اسلوبه عيشي مع الثاني فترة ملجه وكلميه وان فتح معاج هالمواضيع

قوليله عن العمليه


او لا تسوينها يمكن بياخذ فكره عنج غلط ما شاءالله رياييلنا على طول تفكيرهم سلبي فحاولي انج تتزوجينه وبعد الزواج سوي هالعمليه
وخصوصا انتي توج متزوجه يعني اكيد في تحاميل او كريمات او او تردج طبيعيه جنج بنت

بس لا تسوينها الحين انا مع البنات

واهم شي تعرفين عليه بالملجه علشان لا يصير فيج نفس ماصار بالاولي

بعدين سالفة مطلق او ارمل او ماسبق له الزواج ماله شغل كونج انج مطلقه عادي عليج انج تعرفينه شنو اهو
عيل تاخذين واحد متزوج وتهدمين حياته ؟ والا واحد ماسبق له الزواج ؟ طبعا الثاني افضل لج .
والله يعوضج خير يارب ويرزقج الزوج الصالح

 

[@ام ضاري@]

حبيبتي آهو يدري انج مطلقه أنتي ليش خاااااايفه ولازم اخذ مطلق والا متزوج والا ارمل

لا ياقلبي هذا نصيبج في الدنياا اخذتي وجربتي وتطلقتي

والحين جاج ولد مافيه الا العافيه محد يجبره ياخذ وحده مطلقه على قولتج لا ياقلبي

فكري في الامر الجدي استخيري 7 مرات شوفي ترتاحين او لا

وعسى الله يوفقج معااه ويسر امورج يارب

 

[غاية مرامي]

اول شي الله يفوقج حبيبتي ويعوضج بدال اللي شفتيه

الصراحة ماايدج بالمرة انج تردين عذريتج قبل لايكون له علم بهالشي..بعدين انتي ماسويتي شي عيب ولا حرام ريال كان ماخذ بالحلال وماتوفقتوا وانفصلتوا..مانتهت الدنيا وخصوصا ان مافيه عيال بينكم..بعدين اهو ماتقدم الا يدري انج سبقلج الزواج ولو يبي وحدة ماسبقلها الزواج
جان تكلم....

صلي استخارة وادعي ربج اذا فيه خير يقربه واذا قربه شر يبعده عنج

وبالعكس الحياة جدامج ولاتشائمين وليش تحرمين عمرج والا تنطرين واحد مطلق تجربه عدت وخلاص فكري بالمستقبل

وتوكلي الله وخلج واثقة اذا لج نصيب معاه بتاخذينه ربج اهو اللي يسهل الامور

واذا انتي متخوفة من ناحية كونج ماتعرفينها خلي فترة ملجتج شوي تطول عشان تعرفينه ويعرفج وتصير بينكم الفة اكثر مافيها شي وقتها تقدرين تفاتحينه بموضوع العمليه شفتيه متقبل اوكي ولا اذا عارض هم خير وبركة..بس ديري بالج مومن وراه

ادري قرقت عليج وااايد...والله يوفقج حبيبتي ويعوضج خيييييير امين

 

[اشتياق]

عقب ماقريت الموضوعين حابه أهنيج عالطلاق هذا شي

الشي الثاني عمرها ماكانت المطلقة معيار او عيب يتعايرون فيه الناس..

انا كنت متطلقه وعندي ولد وخذيت زوجي ماسبق له الزواج .

لاحاولت اقلل من شأني ولامن مستواي بالعكس فهمته ان الطلاق احيانا رحمة

ولاحاولت ارد لاعذرية ولاتضييج ولا هالسوالف مع ان ماتتصورين حنة خواتي وحنة رفيجاتي وونسيه وانتي مطلقه واهو ولد

حرام عليج

وانا اقول متطلقه سنه وعلى ماايي العرس سنه ثانية يعني المكان حيل ضيج مايبيله واذا عن العذرية فاهو يدري اني ثيب فماله داعي اللعب بنفسي .

لاتاخذين رايه بالعذريه واطيحين من عينه ..

واتذكر ان بزواجي الاول بعد ست اشهر سافر عشر ايام وعقب مارد كان المكان ضيج وهمن طلع دم

وانتي ماطولتي بالزواج وعلى ماتتزوجين بتكون المنطقة زي الفل لاتحاتين ..

خلصي العدة واستخيري ربج وهذا تعويض يا لي عندج لاتردينه وربي يرزقج احسن من اللي راح ويتمم عليج يارب .

 

[تنـــاســـانــي]

استخيري ،،

و فكري عدل بالريال اللي متقدملج ،، لا تستعيلين ،،

بس لا تقولين كرهت الزواج و تخافين منه و تحسين انها تجربه فاشله ،، لانج جذي راح تظلمين نفسج ،، خصوصا انج لمن اطقلتي ماكان تقصير منج ،، و لا عيب فيج ،، بس ولد عمج مو كفو ،،

يمكن الله بيعوضج باللي احسن من طليقج ،،

اذا الريال اللي متقدملج كفو و ولد ناس ليش لا ؟؟

ارد اقولج استخيري و فكري عدل ،، و لا تتعقدين و لا تكرهين الزواج ،،

 

[W A R D]

^
^
صح لسانج اشتياق

حياتي حاسه فيج وانتي لازم يكون فيج ثقه بنفسج شفيها المطلقه ماتاخذ ولد ليش كاهم المطلقين ياخذون بنات شصار يعني شفرقنا عنهم ..عادي وماكو مشكله بالموضوع وعسى الله يريحج يااارب ويكتبلج اللي فيه الخير

 

[لحن الغروووب]

حبيبتي وليش معذبه حالك ومتخوفه هذا رزق وفضل من الله والله بينصرك على الي ظلموك وبيعوضك لا تنظرين لنفسك بهذي النظريه لانها راح تضعف من ثقتك في نفسك في المستقبل وخليك واثقه والحمد لله هذا فضل الله يؤتيه من شاء وليش حاقرة نفسك مو المطلق ياخذ بنت اجل من حق البنت المطلقه الي مالها ذنب تاخذ ولد ويستاهلها ولاتفكرين بسالفة العذريه خليك كما انتي ياقلبي والتوفيق من الله

تفائلي وكثري من الاستخارة والدعاء وادعي دائما في االخيرة وان الله يوفقك والله يسهل امرك

سبحان الله احس انه نصره من رب العالمين لك لانك اخذتي واحد مايستاهلك والله بيعوضك بخير منه يملئ حياتك سعادة وامان والله يسعدك

 

[ركاب الأصايل]

حبيبتي أول شي خيره كل شي صار معاج ,,وربج بعوضج خير استمري في صلاة الاستخاره وتوكلي ع الله وخليها على سهلات الامور ,,
بعدين موقاعده ولاشرط لازم مطلقه تاخذ مطلق ولا متزوج ,,حبيتي بالنسبه لموضوع العمليه أنسى الموضوع وشيلها من راسج لان بصراحه موحلوه ..وانتي ما تدرين شنو تفكير الريال ,,انا اعرف سالفة وحده متزوجه وتبي تسوى مفاجأه لزوجها في عيد زواجهم والماجأه كانت العمليه وفعلا سافرت حق وحده من هالدول بحجة انها تجهزحق الحفله ولما ردت بصراحه كانت خوش مفاجأه لها طلقها زوجها وقالها بصراحه صدمتيني وانا شيضمني انج مومسويتها قبل الزواج ,,
الشي الوحي اللي بوصله لج انج تخلين نفسج عالطبيعه وعلى قولت الدكتوره مامداه زوجج يسوي شي
موفقه يارب

 

[جذابه بنت ذيابه]

انا مع اشتياااااق


فديتهااا ,,

 

[دمعة عمر]

الله يوفقج
ومن رايي لاتسوين عمليه لما تعرفين الرجال وتمونين عليه لان اهو خاطب مطلقه يعني عارف وضعج واذا يبي بعد الزواج سويها
انا عني احس الرجال يحب المرأه الطبيعيه
وانتي كامله لاتحسين بالنقص وهالشي سنه الحياه لاتحسين انه عيب فيج
تقبلي مروري

ماتحسين صعب اقوله هالموضوع يعني اما اسويها واسكت ولا مااسويها خير شر
ويزاج الله خير

 

[دمعة عمر]

برد بعد دقايق........برب

 

[دمعة عمر]

حبيبتي انا مومعاج بسالفت ترجعين عذريتج انتي ماغلطتي وكل شي قسمه ونصيب

وعلى فكره شنو يعني تردين بكر ولاتكونين ثيب !! ترى جوهرج ومعدنج اهم من هالقضيه

وعندي بنت خالي تطلقت وكان عندها ولد والحين تزوجت واحد اول زواج له ويابت ولد والحين الثاني بالطريج

ووايد مرتاحه معاه ،، ياقلبي الارزاق بيد ربنا لانعترض على امره الي راح راح خلج بالياي

اذا ريال محترم ومشهود له بالاخلاق ادعي لج من القلب الله يهنيج ويجمعج معاه بالحلال موفقه ان شاءالله

كلامج مقنع بس هم انا فكر لو اهو عالمدى البعيد صحصح وقال انه يبي يتزوج وحده بنت شنو بيكوون موقفي انا افكر لبعيد

ويزاج الله خير عالدعااا

وتوقيعج بجاني
الله يرحمه ويغفر له

 

[دمعة عمر]

الله يوفقج اما بالنسبه للعمليه احس حيل حيل صعبه على بنت تقول حق رجال هالكلام يمكن ياخذها بالغلط ماادري والله شغله تحير ان سويتيها من غير مايدري بيقول ان طليقج ..... وان سويتيها بيستغرب امممممم انا اقول استخيري واذا مامنها مضره عليج وعلى صحتج اتوقع سالي امج ان تقول لامه ... ولو حتى هذي فيها احراج بس عموما انشاء الله يكون زوج صالح ونصيب خير لج بس هالمره حسبيها عدل الاشياء الزينه والشينه بالزواج هذا عمر كله مو لعبه مثل الي قبله وانتي سنعي من نفسج لنفسج مو عشان الريل ولاتهتمين لصغائر الامور صج تحز بالخاطر بس خلي ثقتج اكبر من انج تهتزين للكلام التافهه وطليقج ماعنده نظر ولا فهاميه للاسف ياهل بتصرفاته والله يعين الي بتاخذه دامه جذي وانشاء الله تتوفقين ...
كلمه اخيرا منتي ناقصه علشان تخيرين نفسج بين مطلق ولا متزوج لج حق بكل شئ مو غلطتج ان زواجج الاول فشل ...

اكيد صعب اقوله انا لو سويتها مارااح اقوله وليش اقوله مبله اكيد بيروح باله لبعييييييييييييييد
واذا على طليقي اكيد بيفكرون نفس ماقلتي بس ابكيفه مو شي بيضره ..
وبالنسبه لكلامج احسبها عدل مو هذا الي مخوفني اخاف افشل من يديد وصاجه العمر مو لعبه والله يكتب الي فيه الخير يارب:yaaaaaarb:

 

[دمعة عمر]

بسم الله الرحمن الرحيم


بقولج نقطتين عزيزتي :


انتي شكلج بالزواج الأولي ماعشتي فترة ملجه انج كلمتيه وعرفتي اسلوبه عيشي مع الثاني فترة ملجه وكلميه وان فتح معاج هالمواضيع

قوليله عن العمليه


او لا تسوينها يمكن بياخذ فكره عنج غلط ما شاءالله رياييلنا على طول تفكيرهم سلبي فحاولي انج تتزوجينه وبعد الزواج سوي هالعمليه
وخصوصا انتي توج متزوجه يعني اكيد في تحاميل او كريمات او او تردج طبيعيه جنج بنت

بس لا تسوينها الحين انا مع البنات

واهم شي تعرفين عليه بالملجه علشان لا يصير فيج نفس ماصار بالاولي

بعدين سالفة مطلق او ارمل او ماسبق له الزواج ماله شغل كونج انج مطلقه عادي عليج انج تعرفينه شنو اهو
عيل تاخذين واحد متزوج وتهدمين حياته ؟ والا واحد ماسبق له الزواج ؟ طبعا الثاني افضل لج .
والله يعوضج خير يارب ويرزقج الزوج الصالح

صح ككلامج ماعشت فترة ملجه ماعندنا هالشي على طول دخله
والعمليه انا افكر لو سويتها مااقوله عاد انا استشيركم هل يعرف هالشي ولالا؟؟؟؟؟؟
وصعبه اقوله انه افكر فيها علشان هالتفكير السلبي يعني شدراج عن هالعمليات وجذيه بدخل معاه بدوامه مالها اخر
وانا ماقصدت اخذ متزوج واهدم حياة اححد بس بعض الاوقات يجونج ناس تفكيرهم جذيه اما مطلق ولا متزوج يحب التعدد ولا ارمل؟؟؟؟؟؟؟؟؟؟؟ وبالنسبه لهذولا بيكون لهم وضع مطلقه افضل يعني تشوفين رياييل مابعد تزوجو ياخذون مطلقات بس نسبتهم اقل من الاولين فهمتي ....ويزاج الله خير