ريمه الكويت
New member
- إنضم
- 30 سبتمبر 2005
- المشاركات
- 36,095
- مستوى التفاعل
- 13
- النقاط
- 0
بسم الله الرحمن الرحيم
اولا تروبين الروب بالبيت للي تعرف تسوي طريقتها
انا اخذ تقريبا لترين ماي مع 3 الى 4 كوب حليب بودره واذوبهم بعدين اغليه بالنار
وبعدها اخليه برا الى ان يدفي يعني اذا حطيتي ايدج مايحرقج الحليب بس لاتخلينه بارد
حطي عليه علبه روب كي دي دي الذهبي واخفقيه بخفاقه الكيك الى ان يذوب الروب زين او بالخفاقه اليدويه
بعدين حطي الخلطه بتبروير الي يتسكر زين او اي ماعون يتسكر باحكام ولفيه بفوطه وكيس نايلون وخليه بمكان دافي مثل الفرن
بالصيف خليه يوم اما بالشتا يبله يومين او ثلاث لما تشوفين الروبه صكت وسارت قطعه وحده
اللحين تاخذين كميه من الروب حسب الكميه الى تبينها وحطي عليها رشه ملح تقريبا ربع قفشه وخلطيها مع الروب وحطي الروب بقماش خفيف مثل قماش الغتره البيضه
وربطيها زين وضغطي عليها وعلقيها بالمطبخ وخلي تحتها صحن او صينيه لان الروب راح ينزل ماي
خليها مابين 4 الى 5 ايام لما تحسين الروب جمد
جذي
خلي يمج شويه زيت زيتون دهني ايدج فيه وكوري اللبنه
حطي بغرشه شويه زيت زيتون وحطي الكور فيها وزيدي الزيت لما يغطي اللبنه
حطي النكهه الي تحبينها انا حطيت علب فلفل حار ورشه فلفل احمر ورشه بابريكا وزعتر وسكريه وخليه بالمطبخ اذا الجو بارد اما اذا حر خليه بالثلاجه
وقدميه للريوق او مع العشى او مع السلطات لاتطوووفكم
شغل البيت انظف وطازج وتظمنين زيت الزيتون الطيب
_03BA:عوافي
