تجمع أولياء أمور مدرسة التكامل(صباح السالم)للعام الدراسي2009-2010

[manarah]

اشلونكم بنات ...

نواره شخبارج ... جنتج الحمدلله بخير واكشخت واتهبل على امها :dddds: بس ترى غلطانه امخليه الولد يشوف الذباح .. انا اعيالي عندهم فكره ان اللي ياكلونه هذا الخروف وعندهم فكره ان الخروف اللي انييبه ينذبح بالعيد وعارفين القصه خالصين بس ولا مره خليتهم يشوفون المنظر لايف وبالنسبه للاجازه ايه والله امريحين على قولت رفرف لا واجبات ولا هم ولا عوار قلب يللا نبي عطله طويله _03BA: وانا الف الحمدلله اللي ابوهم ماخذ اجازه وياهم هالثلاث ايام يعني ما يحتاي اوديهم مكان الصبح بس انا المكافحه اداوم .

 

[نواره الحلوة]

رفرف ومناره
من ناحية امريحين العصر اي والله لا عوار قلب واصراخ وترجي عشان يكتبون الهوموورك وآنا أول مرة أمس أحط رآسي وأنام الظهر لأني يالله شلعت نفسي حق الدوام الصبح وبعدين عقب هيله العيد بس والله اسم الله عليكم ما خلوني لأني كنت شاريتلهم ألعاب يديده مكافأه عقب الريبورت بس من قرادة حظي كانواعبارة عن أسلحة ورشاشات ومسدسات اتطلع صوت قوي ومحد كلاها إلا آنا ويامن شراله من حلاله عله:0bee2e8d89:

 

[ام حسون وفطومه]

السلام عليكم بنات شلونكم
شخباركم عقب عطلة العيد....باونتي شلون بنتج انشالله الحين صارت احسن؟؟؟

 

[ام حسون وفطومه]

انا بنتي ملت تبي تروح المدرسة بس حبيت استفسر ان عطلة لكرسمس الكي جي1 ماعندهم صح؟؟؟

 

[رفرف]

نوارة لالالالالا جذي غلط الله يهداج احد يشتري العاب رشاشات ؟؟
انا ماشتري اي لعبة بصوووت .. ولا لعبة تغني .. ولا اورغ ولا مايك ولا اي لعبة مزعجة لأنهم يهدون البيت كله ويشغلونها عند اذوني ..
اللعبة الوحيدة اللي لها صوت عندي بارني ومن كثر ما بنتي تهد حيله وهو يغني شلعت البطاريات ..
حنة عيالنا كاااااااااااااااافية مو ناقصنا حنة الالعاب بعد

 

[باونتى]

باونتي
ماتشوف شر ابنيتج

الشر ما ايييج حبيبتى

 

[باونتى]

السلام عليكم بنات شلونكم
شخباركم عقب عطلة العيد....باونتي شلون بنتج انشالله الحين صارت احسن؟؟؟

الحمدلله .. استمرضت على فراق ابوها لان كان بالحج ومن رجع ردت روحها :eh_s(6): وبالنسبة للكرسمس جنه النكامل ما يعطلون للكرسمس

 

[نواره الحلوة]

نوارة لالالالالا جذي غلط الله يهداج احد يشتري العاب رشاشات ؟؟
انا ماشتري اي لعبة بصوووت .. ولا لعبة تغني .. ولا اورغ ولا مايك ولا اي لعبة مزعجة لأنهم يهدون البيت كله ويشغلونها عند اذوني ..
اللعبة الوحيدة اللي لها صوت عندي بارني ومن كثر ما بنتي تهد حيله وهو يغني شلعت البطاريات ..
حنة عيالنا كاااااااااااااااافية مو ناقصنا حنة الالعاب بعد

لا بعد احفروا الخندق يم داري وصارت المعركة حامية خخخخخ

 

[كويتيه ذربه]

كويتية ذربه .. الشر ما ايييج يا عمرى .. ومشكووره وما تقصرين وانتى بألف خير
وين باقى الامهات فاقدتكم ..

العفو حبيبتي

 

[Miss_Tiger79]

شخباركم بنات

وشلون العطلة معاكم

وكل عام وانتو بخير

 

[شانيل نمبر 5]

شلونكم يالامهات الحلوات؟؟

 

[شانيل نمبر 5]

نواره شلون بنتج؟؟
وحمدالله علي سلامته ابوها

 

[رفرف]

عدنا والعود احمدووو وباجر تبدا مسيرة التحلطم انشالله
بنتي صار لها يومين تقوم من الساعة 5 تقولي بس مليت متى تبدا السكول ؟؟
قلت اي الحين متى تبدا ولي بدت اقعدكم ما تنشلعون من الفراش !!

 

[mamanoonaa]

السلام عليكم حبوبات الله يعافيكم انا بسجل بنتي بالكي جي والثانيه بقريد 7 ابي اعرف مستوى المدرسه وطريقة الدرجات يعني يعتمدون بس عالامتحانات ولا الهوم وورك عليه درجات وايد ابي اعرف اشياء عنها بلييييز الي تقدر تفيدني تراسلني عالخاص لو سمحتو ضروري

 

[ام حسون وفطومه]

صباح الخير شلونكم امهات شخباركم انا بنتي بالغصب نامت امس كل ماعطلو يعفسونه ويعفسون اليهال معانا

 

[نواره الحلوة]

صباح الخير على الجميع

صاجه أم حسون آنا عشان أعدل نومتهم أمس قعدتهم من الصبح وطلعت وإياهم لين طاح حيلهم ولما رديت على المغرب الا امخلص بانزينهم بس يبون الفراش وناموا امبجر بس وآنا أشوف الأوراق ملوت المدرسة واللا بعد عندهم عطلة ثانية آخر الشهر مالت الكريسماس ويااااااويلتي ويلتاااااه بنرد على نفس الفيلم وتخربط النوم والقعدة والحوسة بالبيت والطق مطاقق لوووول

 

[ام حسون وفطومه]

انا بعد جذي قعدتها امبجر وغديتها بره وطلعنه ورجعنه حممتها قلت عشان تدوخ والله انا اللي دخت واهي ولا في البال نومت اخوها لصغير واهي اخر وحدة نامت اليوم قعدتها امبجر عشان تنام امبجر وما ابي انيمها العصر

 

[um 3li]

السلام عليكم يا امهات وكل عام وانتوا بألف خير يارب

شكلكم كلكم حايسين بنومة اليهال .. صاجين العطلة كانت طويلة من اجتماع اولياء الأمور والنومه اختربت وامس احنا جهاد عشان علاوي ينام @@

الي اعرفه ان ما عندهم عطلة كريسماس لآن عطلة الربيع تبلش 30-1 مايصير كل شهر عطلة اسبوعين ؟؟؟؟؟

الي تعرف خل توافينا بالخبر اليقين

سكتوا اليوم دقوا علي المدرسة ولا ولدي واهو بالفرصة يلعب مع الصبيان طاح عليه صبي وخشمه قام ينزف دم @@ وخبركم ام علاوي قلبها رجيج وحد الدوسه لي المدرسة وانا ابجي
على ما وصلت الا الحمدلله النزيف كان واقف ورجعوه الصف بس عقب ما طلعت روحي وطفت الاشارة الحمرا وكنت بدعم بس الحمدلله ربي ستر

 

[باونتى]

السلام عليكم يا امهات وكل عام وانتوا بألف خير يارب

شكلكم كلكم حايسين بنومة اليهال .. صاجين العطلة كانت طويلة من اجتماع اولياء الأمور والنومه اختربت وامس احنا جهاد عشان علاوي ينام @@

الي اعرفه ان ما عندهم عطلة كريسماس لآن عطلة الربيع تبلش 30-1 مايصير كل شهر عطلة اسبوعين ؟؟؟؟؟

الي تعرف خل توافينا بالخبر اليقين

سكتوا اليوم دقوا علي المدرسة ولا ولدي واهو بالفرصة يلعب مع الصبيان طاح عليه صبي وخشمه قام ينزف دم @@ وخبركم ام علاوي قلبها رجيج وحد الدوسه لي المدرسة وانا ابجي
على ما وصلت الا الحمدلله النزيف كان واقف ورجعوه الصف بس عقب ما طلعت روحي وطفت الاشارة الحمرا وكنت بدعم بس الحمدلله ربي ستر

سلامااات .. وانت ديرى بالج أم على الله ستر ..

 

[بشوشه]

بنات الجريد 1 شنو الامتحان هالاسبوع لان الحبيب ناسي الورقه و كتاب الماث بالمدرسه بليييييييييز
و بعد الاسلاميه الكوثر صح ؟؟؟