خنت ريلي مع2 والحين درا... واختفى :(

[تعا ولا تجي]

اطلبي الطلاق بدون فضايح .ما في حل ثاني

 

[mimi fawzi]

حبيبتي
مالك الا التوبه
والله يعينك

 

[يمّه مني]

اللي قذفوها ابشرفها اقول لكم

مبروك عليكم الجنه ماراح اتشمونها

اتفضلو هالآيه

‏‏إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ}‏‏

خلو السانكم الزفر وظنكم الخايس ايفيدكم

اهي اوكي سوت شي غلط بس مالكم حق تقذفونها طالما ماعندكم دليل

يالله ام بسومتي خففو عنج ذنوب لاتزعلين

بس اقولج شغله

وايد تسرعتي لمه قلتي حق ابوج
عالاقل ممكن اترقعينها مع ريلج انج اتقولين له
انج دزيتي المسج بس جذيه

الحين المشكله مع ا لوالد
خوفج يروح حق ريلج يقوله متبلين عليج يقول يوريه المسج

 

[ام مبارك الافدع]

عسى الله يخلص كربتج والله حاسة فيج يييييييييييييييييييييييييييييياو عسى الله يهدي سركم

 

[قطوه دلع وولع]

سوري يعني بس قلعتج درى ولا مادرى يعني لو مادرى بتظلين اتكلمين ماما اصحي انتي مربيه اجيال وبالهشي منتي شامه ريحت الجنه ابشرج وابشر غيرج وريلج اذا كان يدرى فاهو طيب وهذا من طيب اصله سكت وقعد يفكر بس مو فيج في بنتج وعلى قولتهم طبخ طبختيه يا الرفله اكليه ومن قلبي ها قلعتج يعني المدرسات قطو نفسهم بالنار بتقطين نفسج استحي على ويهج استحي همج درى ولا ما درى ما همج ربج وضميرج وبعدين واضحه رفيجج وريلج ما يردون عليج بنفس الوقت يعني شنو؟؟؟؟؟؟؟؟؟؟؟؟؟؟؟؟؟؟؟؟؟؟ يالفهيمه​

استغفر الله على حال الحريم مو البنات وبعدين يقولون ريلي يغازل وريلنا يغازل شو فرداتكم او كشختكم اللي بره مو حقه وانا ما اشمل الفئه القليله انا اشمل الفئه الكثرانه​

 

[ن لبا عيونج ن]

انا مو غاثني بالموضوع الا مصروف البيت اللي خلص


ما اقول الا يا سـخفـج ويا برد قلبـج

:eh_s(14)::eh_s(14)::eh_s(14)::eh_s(14):
حتى انا انقهرت من هالمصروف


المهم الله يفرج همج ويهديج ويرد زوجج وينسيه اللي صار
اذا كنتي صاجه بهالقصه

وطمنينا

 

[om MaRyooM]

لازم تتوبين توبة صادقة ..

بس ماأظمنلج ان زوجج بيرجعلج لو بجيتي دم لو انتحرتي جدامه مارح تردين اللي كان

انتي هدمتي بيتج وهدمتي نفسية زوجج وتبين تصلحين الامور ؟؟؟؟


خنتي ريال كان صاينج ورازج وعازج وحاطج ثقة في بيته وبنته أخر شي عشان تفاهة وعشان نقص وحرمان من الررومنسية تتجهين لهالاسلوب؟؟؟؟؟ لو كل وحدة منه ناقصها حنان وحب جان لقيتي كل المتزوجات يكلمون !!وموعذر ياعمري ان رفيجاتج لما يخونون رياييلهم يعني اصير نفسهم !!!! هذي ضعف بالشخصية وضعف ايمان

((عذر أقبح من ذنب))

ادري مو ناقصج لوم .. بس لازم تتحملين الوضع هذا والله يعينج على اللي ياي

 

[ســــــــــما]

انا رديت عليها من قبل والحين لما دخلت الموضوع كنت بتابع معاها وبتطمن واشوف شنو صار عليها

لكن لفت نظري الردود صراحه ومو كلها قريتها بس الي بصفحتي الحاليه

لاحظت الي عاجبها والي مو عاجبها كلهم قاعدين يحددون ويقولون منو بيدش الجنه ومنو ما راح يدش

شنو انتوا الله ؟ استغفرالله

شدراكم ؟

قولي رايج .. نبهي على الغلط .. بس لا تحددين لان مو انتي ولا انا الي نحدد منو يدش الجنه ومنو يدش النار

 

[Over-The-Moon]

ووووووووووووووووووواي
تبطون الجبد
شنو تابت ما تابت
يعني اروح اشرب خمر واذبحلي واحد
واتوووب
عيل ليش رب العالمين
حط شي اسمه اقامه الحد
يعني الي يبوق تنقطع ايده والي يشرب ينجلد
والي يخووووووووووووووون نفس الاخت المصونه المحترمه
الي على ذمه رياااااااااااااااااااااااااااااااااااااااااااااااااااااااااااااااال
عقوبتها الرجم حتى الموووووووت
لا تحللون وتحرمون على كيفكم

وانا لما قلت انتحري
ما قلتها عبط
اشلها بحياه سوووده مثل سواتها

وفووووق هذا هم انسانه جذابه راحت جذبت على ابوووها
الي يبي يتووووب ويبي رب العالمين يغفرله
لازم يكن صافي النيه
ويتوب بنظافه

مو مثل الاخت


لا تحاولون تصلحوون الغلط بالغلط
البنت غلطها كبير
شرعا
والي سوتها اكبر حراااااااااااااااااام

تدروون لو زوجها يرووح يطلع برنت على مكالماتها
يقدر يسجل عليها قضيه زنا
وتنسجن




وضح الإسلام عقوبة الزاني حسب حاله كما يلي :

* الزاني المحصن: أي هو الشخص المتزوج أو الذي سبق له الزواج ، و عقوبته الرجم حتى الموت رجلاً كان او امرأة و ثبت ذلك بفعل النبي و إجماع الصحابة .

* الزاني غير المحصن : و هو الذي لم يسبق له الزواج ، فعقوبته الجلد مائة جلدة أمام جماعة من الناس رجلاً كان او امرأة كما نصت الآية : قال تعالى : " الزانية و الزاني فاجلدوا كل واحد منهما مائة جلدة و لا تأخذكم بهما رأفة في دين الله إن كنتم تؤمنون بالله و اليوم الآخر و ليشهد عذابهما طائفة من المؤمنين " .

الحكمة من التفريق في العقوبة بين الزاني المحصن و غير المحصن :

تتجلى هذه الحكمة في أن النعمة على المحصن أكمل بزواجه فكان كفر هذه النعمة أعظم ذنباً لذلك شدد عليه الاسلام في العقوبة كما أنه أكثر ادراكاً لعظم هذه الجريمة و مفاسدها العظيمة فكان الأجدر به ألا يقع بها أما البكر فلا يعلم بمضارها و الشهوة تدفعه لذلك لذا خفف الاسلام عنه في العقوبة .




القانون الوضعي"في معظم الدول العربية":

أولاً : عدم المساواة في العقوبة بين زنا الزوجة حيث تعاقب الزانية بالحبس مدة سنتين في حين يعاقب الزوج الزاني بالحبس الذي لا يزيد على ستة شهور.

ثانياً: منح القانون زوج المرأة الزانية حق وقف تنفيذ العقوبة الصادرة ضد زوجته الزانية و ذلك برضائه معاشرتها ولم يمنح القانون زوجة الزاني هذا الحق.

ثالثاً : قرر القانون عقاب الزوج على جريمة الزنا بشرط خاص وهو أن يقع الزنا في منزل الزوجية فقط في حين تعاقب الزوجة الزانية على جريمة الزنا إذا وقع في أي مكان.

اختي الزانية لازم يشهدون عليها أربع عفوا مو من برنت تلفون .. لو على رنت التلفون جان وايد متزوجات اتهموهم بالزنا
موجذيه الموضوع الله يهديج .. واذا ما توافر وجود الأربع شهود حد الزنى اللي تقولين عنه ما يقع
وبعدين رب العلمين رحمته واااااسعه ويغفر ويسامح ويبدل سيئات الانسان حسنات اذا تاب توبة نصوحة
مو معقولة نقولها انتحري ..والانتحار عقابه انها ماتجد الجنة ولا تشم ريحها .. مو تستغفر وتتوب وتعاهد ربها انها ماترجع تعيد هالحركة أحسن ؟؟؟
الاختلاف في وجهات النظر لا يفسد للود قضية .. هذي وجهة نظرج بس حطي نفسج مكانها (الله لا يقوله)
مو ودج احد يدليج طريج الصج ويشور عليج ويمسك بإيدج ؟؟ والا يقولج روحي موتي أحسن ؟؟
تقبلي رايي حبيبتي

 

[مطيرية متواضعة]

اختي مبين علييييييج طيبة وعلى نياتج

عندج انا اخر شي افكر فيه اخذ نصيحه من منتدى والمصيبة طالبة نصيحه بسالفة غريبة مثل هذي

المهم عندي احساس الي مسوية شي ثاني بعييييييييييد عن موضوعج كله ولايدري عنج ولا شي

لكن ربج يحذرج من الي سويتية وخلاص

وبعدين انتي لهدرجه تنزلين من وضعج تخلين الي تسوى وماتسوى تشوف نفسها عليج


ياما الي بالنت يسون سوالف وبلاوي ​

 

[قطوه دلع وولع]

هههههههههههههههههههههه سما حبيبتي قصدج انا اي ماما اللي تكلم ومتزوجه وهذا الحجي مو لها انا مو ضدها بالعكس انا معاها بس لازم اتعرف الغلط ما تشم ريحت الجنه لان واااايد قالو ان الزانيه ما تدخل الجنه وانا ما قلت جذي قلت ما تشم ريحت الجنه يعني دامها على ذمت ريال ليش اتكلم ترى زنى ولا تقنعيني انه مو زنى خو بتكلمه وتقوله ويقولها يا قلبي ويا روحي ويا حبيبتي وهذا كلام زنى وما تقوله المره الا حق زوجها واذا انا غلطانه نوريني لان انا واثقه ومقتنعه من كلامي​

 

[Om Ali 86]

باختصار قلعتج
انتي اللي سويتي بنفسج جذي

و شكله ان اللي كنتي تكلمينه ريلج يعرفه

سبحان الله يمهل و لا يهمل
استغفري ربج .. و توبي توبه خالصه لوجه الله

 

[حلا طيبة]

وربي عيوني حرقتني والسبه اني بطمن شنو صار لهاااا بالنهايه عشر صفحات وهي مادخلت

مساكين انتو يالبنات تحطووون حلول لمن..........صاحبة الموضوع فتحتة واختفت وانتم شابين نار:eh_s(14):



مدري اشك باصل الموضووووع

 

[lolo2o0o]

يا بنات............................................................
حرام عليكم اللي قاعدين اتقولونه ترى البنت اغلطت و عارفه غلطتها
واهيا معتبرتكم خواتها عشان جذي قاعده اتفضفض لكم
لازم تنصحونها مو تقطون الحجي عليها بدون ما تفكرون :eh_s(14):
حبيبتي الله يسامحج انشاء الله والانسان مو معصوم عن الخطأ
بس تقربي من ربج وكثري من الاستغفار و الدعاء والله انشاء الله يهدي الأمور:0bee2e8d89:

 

[بناتي سكر نباتي]

استغفرالله الله يهديج

 

[أم توفي]

امممممممم أكيد اللي تكلمينه يعرف زوجج وشاف رقمج عنده وييييييييييي الله يعينج
بس الفاس طاح بالراس المهم انه الواحد يفكر بعقل مو تروحين تعترفين من غير ما أهو يتكلم !!!!!!!!!!
وبعدين ليش ما عندج مصرف انتي مو تقولين انج موظفة؟
وبصراحة ما أتوقع انه يسامحج بسهولة ادعي الله يهديج ويهديه ويردكم حق بعض وحق بنيتكم يارب وهذا درس صعب عسى تستفيدون منه

 

[ســــــــــما]

هههههههههههههههههههههه سما حبيبتي قصدج انا اي ماما اللي تكلم ومتزوجه وهذا الحجي مو لها انا مو ضدها بالعكس انا معاها بس لازم اتعرف الغلط ما تشم ريحت الجنه لان واااايد قالو ان الزانيه ما تدخل الجنه وانا ما قلت جذي قلت ما تشم ريحت الجنه يعني دامها على ذمت ريال ليش اتكلم ترى زنى ولا تقنعيني انه مو زنى خو بتكلمه وتقوله ويقولها يا قلبي ويا روحي ويا حبيبتي وهذا كلام زنى وما تقوله المره الا حق زوجها واذا انا غلطانه نوريني لان انا واثقه ومقتنعه من كلامي​

انا ما علي منها اهيا شسوت

كلامي وااضح وضوح الشمس

انا قلت مو انتي الي تحددين وتقولين هذي بدش الجنه وهذي بدش النار

مو انتي

الله وبس

فهمتي الحين ؟

بغض النظر عن فعلها

اولا مابي ادش بمووضوع زنى وما زنى لان ماني عالمة بالدين فما راح افتي واتفلسف بشي ما اعرفه

احنا ما نملك نحكم الا على الكلام الي اهيا ذكرته

والي اهيا ذكرته انها كلمتهم بالتلفون

ما يابت طاري انها طلعت مع واحد منهم

وانتي توج قاعده تألفين الحوار الي ممكن يدور بينهم بالتلفون

لكن شنو الي يدور بينهم بالمكالمه ؟ الله العالم .. انتي تعلمين الغيب ؟

اهيا غلطانه وايد وغلطها كبير وجايد

بس ما اقعد احدد واقووول انها ما تشم ريحة الجنه ومادري شنو

هذا مو شغلج ولا شغلي

هذا شغل رب العالمين

فهمتي ؟؟

انتي حدج معاها تلومينها تعاتبينها تنصحينها تشوفيلها حل وبسسسس مو اكثر ..

اما سالفة انها تروح الجنه والا بتروح النار مو شغلج .. ترى مو زين لج انتي الي قاعده تقولينه .. الله ما يرضى .. لان الجنه والنار ومنو يدشهم هذا موضوع خاص في رب العالمين فقط لاغير فقط لاغير فقط لاغير وما عندي غير هالكلام عاد شنو بتردين ما راح يهمني لان قلت الي عندي عاد عجبج والا ما عجبج مو مهم

 

[وصايف الزين]

بنات حبايبي ليش اذا احد فتح قلبة لكم واعتبركم خواتة ويبي منكم الحل الصواب هاجمتوة اللي تقول احسن تستاهلين واللي تقول قلعتج اعوذ باللة ليش الشماتة بنات اولا اهي كلمت يعني غلطت اوكي وحنا مانعرف ضروفها وليش كلمت او ليش غلطت هذا شي مكتوب لها عند رب العالمين من قبل لاتولد ان بيصير لها جذي وهذي حكمة من اللة ثانيا كلنا سواسية عند رب العالمين ماكو فرق بين الريال والمرة الحرام حرام يعني ليش الريال اذا غلط تسامحونة وهي خنت حيلي عشانها بنت خلاص حكم عليها بالاعدام :eh_s(14): والبنات اللي يقولون خلاص ماراح تشميتن ريحة الجنة شنو هالكلام ترى مايجوز انا سمعت قصة ان في واحد طول سنينة كان كافر وقبل لايموت سوى شي زين ودخل الجنة يعني كانت خاتمتة حسنة بنات بعضكم كلش ماكو اسلوب وماتعرف ترد ليش اللحين البنت طايحة بمصيبة اللللة يواجرها ويسهل امورها وتقول انها ندمانة وخير الخطائون التوابون اذا عندكم حل ولا لاتردون يعني عشانكم مرتاحين وماعندكم مصيبة مثلها قادين تلومونها لو انتم مكانها اللة لا يقولها كان ماهذا كلامكم :0bee2e8d89 انا واللة ماادافع عنها بس ودي تعرفون ان اللي ايدة بالماي الحار مو مثل اللي ايدة بالماي البارد:0bee2e8d89: واللحين احب ارد على اختي صاحبة المشكلة اولا انتي غلطتي هذا شي ومكتوب ومانعترض على كتبتة اللة بس انتي حبيبتي غلطتي لما قلتيلة بالمسج انا مقدرة انج كنتي خايفة وتبين تنهين المشكلة لان الانتظار يذبح بس شوفي انا متاكدة انة مادرى عنج ولا عن سالفتج وهذي صدفة ان اللي كلمتية مارد بنفس الوقت اللي مارد فيةزوجج وهذي دايما تصير من الخوف ربطتي مشكلتة بمشكلتج وبعدين ياماما لو صج درى كان بيكلم اهلة عادي هم شكو مايرد عليهم على لاقل امة يطمنها وانتي ماراح يرد عليج انا اتوقع جذي بس اللي ابية منج تطمنينا عليج لازم اعرف شنو صار لج وكل ماكبرت كل ماهانت وتوبى لربج واللة يصلح بينكم عاجلا غير اجل تقبلو مروري وصايف الزين :eh_s(6):

 

[ســــــــــما]

لحظه انا مازنيت لا تتهموني بالزنا هذا قذف @@

بس كلام من ورا التلفون وسوالف عاديه

وانا الحين تبت مو تقولون شكلي مستانسه الله يسامحكم

وقريت سورة البقره ليلحين 4 مرات ومستمره

والله ردودكم سدت نفسي وغثتني من قريتها واحس اني برجع

ما اقدر ارد الحين لاني صج منغثه من الردود واللي اتهموني بالزنا

بس انا رديت بيت اهلي وقلت لابوي لاني اخاف من امي وعادي عندها تطق فقلت لابوي <متبلين علي اني اكلم من ورا ريلي وصارله اسبوع ونص طالع> وعصب علي طبعا الله يعين لو قايلتله الصج

وقالي لا تطلعين من البيت لا يطقج ولا يسوي فيج شي واهو اليوم بيدوره ويتفاهم معاه

واحسن حل الحين اني اشوفلي طريقه علشان أدش المستشفى

الله يتقبل توبتج بإذن الواحد الأحد

والي اتهموج بالزنا هذوله الله فوقهم :0bee2e8d89: حسبي الله ونعم الوكيل بكل شخص يقذف المحصنات

عبالهم الكلام بهالامور عادي الحمدلله والشكر

صج الله يعينج على بعض الردود

والله يعينج على الي انتي فيه

واتمنى ان هالشي يكون عبره ودرس حق كل وحده مستهتره سواء متزوجه او غير متزوجه

هذا درس للكل

مو بس لج انتي

وبيني وبينج مثل ما قلتلج لا تلومينه على ولا شي

توقعي منه كل ردود الافعال

حتى طلاق لا سمح الله ممكن يطلقج

انا مابيلج هالشي

بس اذا اهوا يبيه لا تلومينه ولا تحاولين ترجعين خلاص لان الي انكسر عمره ما يتصلح

تعيشين بدونه والا تعيشين معاه واهوا شايل بقلبه عليج لان ما راح ينسى

انا ما اقولج تطلقي

بس اذا اهوا بغى هالشي بالنسبه لي خلاص كلشي انتهى

وانتي حره

 

[Nokia N95]

الله يهديج .. والله يهدي زوجج ...
عسى ربي يوفق بينكم ... و ترجعون لبعض احسن من قبل ...

اختي الحبيبة ...
عليج بالدعاء ...
الله سبحانه وتعالى موجود ...
ابتدي صفحة يديده مع الله سبحانه وتعالى ...
لا تطلعين من البيت وانتي متزينة ... او متعطرة ...
بس يأذن .. قومي صلي
دفعي الصدقات ...
كثري من الاستغفار ...

الله سبحانه وتعالى من اسماءه ... ( الرحمن - الرحيم )
هو اللي ممكن يرحم حالج ...


مثل ماقلت في البداية
خلي علاقتج مع الله قوية ...
وصدقيني ...
بتحسين براحة بال ...

انتي غلطتي ....
وزوجج ممكن يسامحج وممكن لا
بس الله سبحانه وتعالى ... اذا لجأتي له ... و تبتي توبة نصوح ... هو اللي يغفر لج

و اذا قدرتي تكلمين زوجج ..
قولي له ... غلطة وماعاد تتكرر ....
وانج تغيرتي ...
واذا شاف عليج اي شي مرة ثانية ...
يسوي اللي يبيه فيج

بس اوعديه ... وحلفي له ( وكوني قد هالحلف )
انج ماتكررين هالشي


وعسى ربي يغفر لج ... و ييسر الموضوع على زوجج