أول شي نجي للعنايه فيها من ناحية صحيه :
1 / حسسسسسسسسك عينك تلبسين شي نايلون قطن * قطن , والساتان تبع قمصان النوم اذا خلصتي كشختك فيه ارجعي للقطني وارجعي للبجامتك وسمي بالله ونامي
مع تحيات امك
2/ لا تدخلين الحمام وتطلعين ترطرطين المناديل ثم المناديل , نشفي كل المنطقه , لانها وهي رطبه تكون بيئه خصبه لتكون الفطريات ومن ثما بتبدا مشكلة الالتهابات وغيرووو .
3/ نوره قالت لك عن غسول زين ؟ ساره تحلف ان معد شافت الالتهابات عقب هالغسول ؟
هيفا تقسم ان رجلها يموت فيها من عقب ريحة الغسول الفلاني ؟
كلهم خليهم على جنب, مو كل ما سمعتي عن غسول رحتي تدربلين راسك وشريتيه
جسمها يختلف عن جسمك وهالاشياء مافيها لعب
تبين غسول مناسب لك مشوار صغير لاخصائيه وتعطيك شي يناسبك .
4 /المنطقه هذي مش رقبه ولا يد يعني لا تحطين فيها دهن عود عطر أي شي فيه مواد كيميائيه ومعطره ابعدي عنه .حتى الصابون استهدي بالله كل شي وله حل
5/ الطريقه الصحيحه في التنظيف تبدا من الامام بعدين الخلف .
6/ دعيها تتنفس عطوني طرحه علشان اكمل هالنقطه
المهم واضحه النقطه ماتحتاج ايضاح أكثر والافضل كل كم يوم لمدة قصيره وما اعرف وش الهدف
7/ الاندر وير يتغير بشكل يومي .
8/ يفضل استخدام الفوط اليوميه .
9/ موويه + ملح خشن للنظافه والتعقيم , مسك للطهاره والريحه الحلوه .
10/مناديل ديتول أو مناديل كيرفري مناسبه جدا بعد استخدام الحمام , وغير مضره
