ام تعبت وانهدت من المناهج

[ابله نظيرة]

السلام عليكم امهات
انا عندي بنتي بسادس في مدرسة حكومية
صرت لها معلمة بكل المواد وقاعدة تنجح كل سنة بالدز
بس انا اتعب حيل معاها وعندها اخوانها الحين بعد معاها احس انني تشتت ومو قادرة اوفق بينهم
فاللي تعرف مكان للتاسيس يكزن بعبدالله المبارك او قريب تفيدني الله يخليكم
بس يا ريت يكون مضمون مو اي كلام
وجزاكم الله خير

 

[شيــوخه]

الله يعينننننننج

كلنا بلهواء سواااااااا

صراحه ماعرف بلمنطقه هناك

ان شاءالله البنات يفيدونج

 

[العود والبخور]

ياحياااااااتى والله حااااسة فيج...

حايسة ولايصة مع عياااااالى اناا بعد

ومشتته على هاالمناهج الجديدة

مااااعرف اااماكن هنااااك تقوية..

بس ماااحبيت ماااارد على موضوعج​

 

[عهود الحب]

كلنا تشتتنا
بناتي شطار اتوقع هالسنة ما راح يشمون ريحة الامتياز
المناهج جدا صعبة

حبيت آآآآزرج بالرد ولا حل ماكو حل الا رحمة ربي فينا

 

[om al ghaleen]

الله يعنيا ويعينج كلنا على مثل هالحاله بالاخص اللي عندها اكثر من اثنين
واااي انا احس خلاص مخي مو قادر يستوعب اي شي

هالسنه ضغط ضغط علي علشان جذيه دخلتهم تقويه يمي بسلوى
مالج الا تسألين وترا اغلب مدارس العصر عندهم خدمه توصيل بس ماايد ابدا
وموفقه

 

[النهج الاسمى]

يعني معقوله ماكو حل مع المناهج

والله الشيب تارس قذلتي >>>>مو ملحقه كل اسبوع احط حنه

مايخافون من دعواتنا ع الي عسر علينا

 

[ابله نظيرة]

يعطيكم العافية ع الرد يابنات والله اني محتاسة وحاسة اني مو عايشة عمري والله انه يجي الليل ادور المخدة وين
لا ادري عن ريل ولا شي طول النهار اقول اليوم راح اقعد واتمكيج وبسهر مع هالريال اللي طول فترة الامتحانات مادري عنه
اول ما يصير الليل اقوم اطق روس والافكار تطير وحده ورا الثانية وما دري ليمتى بيتم هالوضع ودي احس نفس قبل اطلع ولا احاتي شي
وفيني طاقة لكل شي الحين بس حاطة الكتب ولامه اعيالي تقول راعي البرد عن باب المدرسة بالهدة
بس بعرف اللي حط هالمناهج منووووووو ؟ حسبي الله ونعم الوكيل ... والوزيرة ما تدري عن هالمناهج ولو تسمع شكوانا تعتقدون بترأف بحالنا ؟؟؟؟ عيل ولدي بثالث ابتدائي يعطونه سورة البلد حفظ والله اذكر انهم عطوني اياها برابع متوسط .. وسمعت شي انه منهج الثانوي خلوه للمتوسط ومنهج المتوسط للابتدائي ويا قلب لاتحزن ... ليش يسوون فينا جذي مو حرام يعني بنتي اقولها حرام عليكم انتوا ماتقعدون بالحصة ما تسمعون الشرح ترد علي والله يمه اسأل الابله تقولي لما انا افهم انتوا افهموا !!!!!!!!!!!

 

[أم بدير]

ياويليييييييييييييييييييييييييييييييييييييي
طلع الحال من بعضه
لا وبعد ما اعتقد من بعضه
انا الي عندي غير انه مو قادر يحفظ ويدرس.... يسرح ويرسم يعني لين الساعه ثنعش ما اكون وصلت معاه لي نص الكتاب
لا والسنه مبدع خلاص صر مايحفظ نهائيا
يعني انا اقول التعريف واخليه يعيده وراي مره ومرتين وثلاث واربع واخليه يقوله بروحه عشر مرات او اكثر عقها اسئله عن التعريف تصير لحظة صمت كأنه اول مره بحياته يمر عليه!!! توني محفظتك اياه وانا قايله عشر مرات او اكثر.. قول كلمه منه.. قول بدايته.. لا خلاص مااااااكو
قبل كان يحفظ شوي
الحين خلاص ماكو ولاشي خيييييير شر

 

[عهود الحب]

لاتلومينهم
بس ترى المناهج جك بوم غيروها

ترى في لجنة بيشكلونها عشان يدرسون المناهج ليش الطلبة مومستوعبينها

 

[كويتية صغيرة]

انا بس ابي افهم شغلة وحدة

هل كل أطفال المرحلة الابتدائية عندهم امهات يدرسونهم ؟؟؟؟

اللي أمها مريضة ......
و اللي منفصلة عن زوجها و العيال عند ابوهم

و اللي عايشة عند جدتها

و اللي
و اللي


هذولي ..... منو يدرسهم ؟؟

المنهج دسم دسم جدا و الدرس الواحد فيه كلام كثير و شرح كثير

حتى الأبلات مايلحقون
تناقشت مع بعض المدرسات
يقولون حتى احنا مو ملحقين المنهج كثير و فيه تفاصيل كثيرة..... و فعلا ...... العلوم قاعد ياخذونهم من حصص الألعاب و الموسيقى علشان يخلصون المنهج

ابلة بنتى مسكينة ..... خذتهم من حصة الألعاب مرتين .... علشان تراجع لهم المنهج و تثبت المعلومة لهم ....... بس ماكو فايدة ..... الوضع جدا صعب لان المعلومات كثيرة بالصفحة الوحدة

يعنى مثلا في شغلات مو مستوى ابتدائي ....بصراحة فوق مستواهم:
* ما اسم رضيع الضفدع ...... اسمه شرغوف (ابوذنيبه)
* الطير له نوعين من الريش ريش اسمه زغب ملاصق للجسم وظيفته يمتص الحرارة هذا غير عن الجناحين !!!!!!!!
* دورة حياة حية غارتر ..... من كم يوم حتى تفقس و كم بيضة تضع في اليوم و ماذا تفعل بالبيض و كيف تهتم فيهم ....
* كيف هو شكل عظام او الهيكل العظمي للطائر ......
* لماذا يوجد فراغات داخل عظام جسم حيوان البومة !!!!!!!!!!!!
* كيف نكون موطن طبيعي ؟
* ماهو النظام البيئي ؟؟؟
* ماهي الصنوبريات .... ماهي المخاريط .... ماهي الحزازيات .... ماهي السراخس .......


و غيره
هذا نقطة في بحر

يمكن 30 تعريف لازم تحفظه البنت
و 90 صفحة تقريبا
كل صفحة متروسة
كأنها صفحة موسوعة علمية
و ليس لطالب ابتدائي


ترى حتى الأبلات متأزمين..... بس حرام الاعتماد كله على الأم ...... انا افكر باللي امها مو عندها او عايشة عند جدتها .... منو يدري عنها

عمر الابتدائي ليس عمر الاعتماد على النفس حتى يكون المنهج بهذه الطريقة
اذا في احد يقدر يوصل الكلام للوزيرة لو سمحتو بسرعة لان السقوط راح يزيد لان هذولي ابتدائي مو متوسط
:0bee2e8d89:

 

[حرير]

قلبتوا الواجع...
الصراحه بديت اشك بقدرات اعيالي.....بس طلع العيب مو فيهم.....العيب بالمجرمين اللي حطوا المناهج...
اللي عندها 2 ورى بعض مثل ايش تسوي بسادس وخامس والصغير بثانيه روضه بريطانيه يعني محتاج اهتمام وتاسيس ...ودوامي حساس ومسئوليه كبيره يعني يحتاج اغلب الوقت تركيز...يعني مجهود ذهني
والله العظيم مو ملحقه ....وحاسه ان عقب الامتحانات بيصير في حنجرتي شي....كل يوم اقعد الصبح صوتي رايح من اللبحه بالتدريس..
والطامه الكبرى اني لما اقعد اشرح الدرس يطالعوني مستغربين ويسالوني....اقول لهم انتوا ماسمعتوا هالكلام بالصف ...يقولون ندوخ لما المدرس يشرح ويجينا النوم....غير ان الاولاد في مرحله المتوسط يصير عندهم لامبلاة غير طبيعيه.....عورني قلبي...
بس بقول لكم قرار اتخذته...بعدين

 

[سيدة الكويت]

رفع

 

[أم بدير]

انا بس ابي افهم شغلة وحدة

هل كل أطفال المرحلة الابتدائية عندهم امهات يدرسونهم ؟؟؟؟

اللي أمها مريضة ......
و اللي منفصلة عن زوجها و العيال عند ابوهم

و اللي عايشة عند جدتها

و اللي
و اللي


هذولي ..... منو يدرسهم ؟؟

حبيبتي هذول ما محد يدرسهم
هذول الي يطلعون عباقرة ودكاترة
بس الي عندنا ندرس ونهلك ونكفخ واخرها شنو؟؟
الولد بعد المتوسط يقولج افكر بالمطافي والا الجيش
والبنت دورات سكرتارية اذا غصبتيها تكمل

 

[أم بدير]

قلبتوا الواجع...
الصراحه بديت اشك بقدرات اعيالي.....بس طلع العيب مو فيهم.....العيب بالمجرمين اللي حطوا المناهج...
اللي عندها 2 ورى بعض مثل ايش تسوي بسادس وخامس والصغير بثانيه روضه بريطانيه يعني محتاج اهتمام وتاسيس ...ودوامي حساس ومسئوليه كبيره يعني يحتاج اغلب الوقت تركيز...يعني مجهود ذهني
والله العظيم مو ملحقه ....وحاسه ان عقب الامتحانات بيصير في حنجرتي شي....كل يوم اقعد الصبح صوتي رايح من اللبحه بالتدريس..
والطامه الكبرى اني لما اقعد اشرح الدرس يطالعوني مستغربين ويسالوني....اقول لهم انتوا ماسمعتوا هالكلام بالصف ...يقولون ندوخ لما المدرس يشرح ويجينا النوم....غير ان الاولاد في مرحله المتوسط يصير عندهم لامبلاة غير طبيعيه.....عورني قلبي...
بس بقول لكم قرار اتخذته...بعدين

لما تشرحين يطالعونج مستغربين ويقولون يدوخون لما المدرس يشرح؟؟
زين نعمه... عالاقل عرفتي سبب استغرابهم وتقدرين تشوفينله حل
عيل الي عندي؟؟
اقوله القانون شنو اهو؟؟
يطالعني جنه اول مره يسمع عنه
اقوله القانون هو القاعده العامه التي تطبق على الجميع بالمساواة والعدل.. قول وراي
خزني خزة جني سابته... قالي طويل
قلتله اوكي.. نمشي حبه حبه
اول شي احفظ القانون هو القاعده العامه زين!! قول القاعده العامه
قال القاعده العامه
قلتله اقانون شنو؟؟ جان يطالعني!! اقوله توك قايلها.. كلمتين بس.. عمج اصمخ
قلتله القااااااااااااااعده العاااااامه (هذا وانا ليلحين ما كملت التعريف)
قول القاعده العامه عشر مرات
قالها عشر مرات وبصوت عالي وقالي خلصت
قلتله اوكي حفظتها الحين؟؟ قالي اي
قلتلها شنو اهو القانون؟؟
جان يطالعني!!!
شنو القانون... اذا تكلمت الطاوله اهو تكلم
صرخت وزفيت وقلتله قولها عشريييييييييين مره يالله بسمع
قالها عشرين مره
جان اسئله شنو القانون؟؟
جان يطالعني وعيونه ذايبه
وخليته يعيدها اربعين مره
وهم نفس النتيجه
وشفتي الطريقة هذي؟؟ صارت مع كل تعريف بالمنهج
وراح امتحن اليوم واهو مو حافظ ولاكلمه والله يستر

 

[حرير]

اه اه اه
بنتي امس افتر راسها من الرياضيات.....وانا اخس....اقول لها الاربعه اكبر من الخمسه او اصغر تقول لي اصغر.....
منهج خامس ابتدائي ترا سهل بس عافسين المنهج وبصراحه مافي تسلسل....
واليوم العلوم
الله يستر انا اصلا صميت المناهج واهم مايدرون وين الله حاطهم...

 

[غنغوش]

انا خلاااااص بعد ما فيني حيل

اليوم بجيييت بجي من حر ما في قلبي

السالفة ان انا عندي اثنين بالابتدائي واحد ابرابعة والثاني اباولى
صايرة اجابل اللي ابرابعة يوميا من تحضير و مراجعة وتصطير وغيييرة وهاملة الثاني لاني ابصراحة ما الحق
واليوم الابلات قالوا لي درجاته : العربي 22 من 30 والحساب الابلة تقوووولي اغلب الطلبة 30 من 30 وهو 25
انزين ليش ما في نتيجة اتبرد القلب والله اعرف ناس العيال ابروحهم يدرسون ودرجاتهم احسن وااااايد من ولدي
والله ما ادري ولدي فيه شيئ لاني ادرسه واحفظه يوميا وما اراكم عليه الاشباء
ما اقووووول الا
الله يهديه ويوسع مداركه ويساعدني ويساعدكم ان شاء الله

 

[ابله نظيرة]

بنات لا توقفون نبي الكل يشارك
نبي حل عاااااااااااااااااااااااااجل

 

[اسيره2]

اختي الي بسلوى وين مكان التقويه والي يعافيج

حسبنا الله ونعم الوكيل

 

[طير الحب]

بالهوا سوااااااااااا :

 

[أم بدير]

انا مفكره ادشش ولدي بعد العيد مركز الأنامل الكويتيه الي دعايته فوق بالمنتدى
صراحه تعبت وانهد حيلي
ما اقدر ادرس كل المواد باليوم الواحد ولا احل معاه كل الواجبات
بس قاعده احاول الي اقدر عليه
وبالاخير اليوم يايبلي كتاب التمارين مال الرياضيات يقولي الابله تقولي حله من اول صفحه لين وصلنا
وقلتله وين كنت من اول السنه؟ كان يقولي دايما ان الكتاب عند الابله ويقول حق الابله ناسي الكتاب بالبيت
اليوم وداه واهو فاضي موحال منه شي وقالتله تييبه محلول كله باجر
وباجر امتحان اجتماعيات
وليلحين انا بالدرس الثالث والامتحان لين الدرس السابع
متى بخلص الاجتماعيات؟
متى بيحل الرياضيات؟
متى بنام وراي دوام؟