الصيف قرب وين النيه وشلون ع الميزانيه تعالو نسولف

[شهدQ]

طبعا الصيف قرب

الكل مخطط

اذا مو برى الكويت داخلها

نبي نسلي نفسنا بهالموضوع ونكسر الروتين الممل

ونستفيد من تجارب بعض

يعني


الأسئلة

ميزانية السفر منج ولا من ريلج ؟؟ او مقاسمه ؟؟

وين ناويه هالسنه تروحين وجم يوم؟؟

معاج عيالج او من غيرهم او تابعه الى اسرتج اذا كنتي غير متزوجه ؟؟

تفضلين السفر مع اهلج وجماعه ام مع زوجج وعيالج بس ؟؟

اذا كنتي تمتلكين بيت او شقه شلون شتسوين تاخذين جيلج من هني ولا من هناك ؟؟ وجم كلفج شراء السكن هناك ؟؟

وين كنتي تمنين تروحين وماقدرتي ؟؟ وين بتروحين ؟؟

شلون تم تجميع ميزانية السفر وتكاليفه ؟؟

وين رحتي قبل وشنو احلى دوله واسوء دوله ومميزاتها وعيوبها ؟؟


احلى مكان رحتيله او سوق بسفراتج السابقه وتنصحين فيه وبشددده ؟؟

الموضوع اسألته وايد

بس مفيد جدا للجميع لانج راح تكسبين خبرات غيرج بالتوفير وطريقة السكن والدوله الي بيسافرون لها ومميزاتها وعيوبها

خليكم هني

خنسمع سوالفكم:eh_s(15):​

 

[bnt q8 in usa]

والله شهوده انا بالنسبه لي بروح الكويت ههههههههه بعني هالسنه سنة الاستقرار بحول الله وموضوعج مفيد والله وانشالله يتثبت عشان كلنا نستفيد منه ومن تجارب غيرنا

 

[rawona]

هلا شهوده .. موضوعج وايد حلو و راح يكون مسلي حق السوالف و الدردشه .. :eh_s(3):
وبالنسبه لج بنت كويت ان يو اس اي .. الله يردج بالسلامة و تستقرين انشالله بديرتج "اتمنى انج تتكيفين مع الاوضاع اهني انا صارلي سنتين من استقريت بالكويت و للحين مو قادره اتكيف!!" :eh_s(1):
عموما انرد حق موضوع شهوده .. بالنسبه للأسئله ..
ميزانية السفر طبعا مقاسمه بيني و بين ريلي والا لو عليه بس والا علي بس ما انشم ريحة السفر موليه :eh_s(20):
و انا انشالله ناويه اروح اورلاندو فلوريدا اخر الصيف انشالله ليش اشتقتلها وايد و تعتبر هذي زيارتي الرابعه حق هالولايه الحلوه وباقعد فيها 21 يوم انشالله
وباخذ وياي بس بنتي الكبيره (3 سنوات ونص) ليش تموت بدزني و تفهم الحين و ما تأذي بالطياره :eh_s(13):
و بالنسبه الى سؤالج اي سفره افضلها سفرة الاهل او الزوج والعيال؟ والله اتمنى اسافر ويا اهلي اذا امكن بس ساعات ظروفهم غير ظروفي و المسؤوليه اقل اذا بس سافرت انا وزوجي وعيالي ليش ما تحاتين احد بالسفر غيرهم ومايكون في التزام ..
وما املك بيت او شقه بره بس "انشالله" على وعسى الله يرزقنا بديرتنا اول تالي نفكر نشتري بره :eh_s(3):
ووين كنت اتمنى اروح .. مممم صراحه نفس المكان اللي باروحله بالصيف انا من عشاق امريكا ..
ووين رحت قبل ... مممم والله سافرت ويا اهلي وايد قبل رحت الامارات، البحرين، جده، مصر، تركيا، سوريا، لندن، فرنسا، بلجيكا، هولندا، المانيا، اثينا، ايطاليا(روما ، صقيليه)، اسبانيا( ملقا، ماربييا)، تايلند، سنغافورا، امريكا( شيكاغو، نيويورك، وسكونسن(ميلواكي)، ميشغن، اوهايو، هاواي، فلوريدا(اورلاندو) ..بس هذا اللي اذكره الحين :eh_s(6):
وبالنسبه لي اغلب الدول الاوروبيه اللي رحتلها حلوه و كل وحده تتميز بشي بس اموووت بايطاليا واسبانيا .. بس عيوب دول اوروبا (الاباحيه) يعني تو مج .. بالشوارع بالتلفزيون في كل مكان قلة ادب و موحلوه حق عايله .. بس بالمقابل فيها طبيعه وجو وحياه وايد حلوه .. وهم من الدول اللي اكتشفت انها حلوه و فنادقها حدها واااو بوكيت (تايلند) يعني حق اللي يحب السباحه والبحر والسنوركلنج (الغوص والسباحه مع السمج) ويحب المناظر الطبيعيه ويبي يروح جذي شهر عسل صراحه انصحه في بوكيت انا رحت شهر عسل بهاواي وااااااااو بس غاليه نااااااااار بوكيت نفس المستوى تقريبا و ارخص ..
واحب امريكا كسفره عائليه ليش فيها نوعا ما محافظه يعني بالشارع والتلفزيونات والدعايات واللي يب الخراب يروحله بس مو مكشوف نفس اوروبا .. وعندي اللي يبي يجمع بين الوناسه والتسوق يختار امريكا لان فعلا فيها هالشيين وتسوى :eh_s(15):
يالله قرقت وايد بس اتمنى انكم استفدتوا وناطرين باجي البنات ..
الا اقولج شهد انتي ما تكلمتي عن تجربتج؟؟ ناطرينج :eh_s(9):
​

 

[شهدQ]

والله شهوده انا بالنسبه لي بروح الكويت ههههههههه بعني هالسنه سنة الاستقرار بحول الله وموضوعج مفيد والله وانشالله يتثبت عشان كلنا نستفيد منه ومن تجارب غيرنا

هلا وغلا بنت الكويت منوره الموضوع يالحلوه

اممم بس ممكن تكتبين عن الدول الي رحتيلهم والاماكن الي تنصحين فيها وبشده وغيره من النقط الاساسيه الي ممكن تضيف للموضوع

طبعا لمساتج مهمه بنوته لانج من المميزات بالمنتدى :eh_s(15):

 

[شهدQ]

ماشاء الله لا اله الا الله

شكلج بتثرين الموضوع rawona

خلاص نبيج بالموضوع للفائده بنستفيد من تجاربج

الغريبه انج مارحتي لاحلى دوله بشرق اسيا واهيا ماليزيا !!

طيب احلى دوله من الدول الي رحتيلها واسواقها المهمه والمحلات الرووعه هناك شنو ؟؟

افضل الاماكن السياحيه

ناطرين لمساتج بالموضوع

والحين بكتبلج تجربتي

 

[شهدQ]

انا رحت لمصر الامارت البحرين السعودية وماليزيا وتايلند


ميزانية السفر

تذاكر سنه بعد سنه من الدوام اما المصاريف بصراحه من البنك:eh_s(3):

يعني بالفيزا ع المعاش وجمعيه وشي على شي نكون المبلغ :eh_s(22):

هالسنه مااظن ماعندنا اجازه اخذنها بعطلة الربيع

السكن ماعندنا شقه برى الله يرزقنا واذا الله رزقنا اتمنى اخذ بماليزيا هالدوله حيل ونيسه نفس هيصة مصر بس الفرق مافي استغلال هناك كلن بحاله

الشغله الي احب اقولها

اسواق ماليزيا روووعه ورخيصه كلها يعني مجمع فخم سعره رخيص وماتتعدى الشحاطات ال 9 دنانير لافخمها والشنط هم رخيصه


المكان الي مايطوف هناك

الجزررررررررررررر

لانكاوي ساحره بصراحه خوصا الاكواخ داخل البحر

بينانج ونيسه خصوصا بالليل وشارع باثوفرنجي الي انصح السكن فيه وبشده ونيس حيل للتمشي حتى لو ماشريتي شي كله اكشاك صينيه ومطاعم


تايلند ماحبيتها هالديره خيسسسسه اتكلم عن بانكوك ومافيها ريحة التطور الي بماليزيا

مصر حلوه بس خلاص انتهى عهدها مع وجود البديل الرخيص بنفس الاسعار والتكلفه ( ماليزيا )


الامارات عجييييييييييبه بس حلاتها بالشتاء

افضل المجمعات للملافع هو ابو الهيل مجمع كامل ولو تعطينه اي ديزاين ممكن يطبقه لج وتستلمينه خلال يومين


للاطفال هناك مدينة الثلج سكاي دبي في مول دبي والمجمع رااائع

اف تعبت

كملو وانا معاكم ع الخط:eh_s(20):

 

[شادية]

سوريا3=مرات+المانيا+بحرين+سعوديه

 

[mooomooo]

ميزانية السفر منج ولا من ريلج ؟؟ او مقاسمه ؟؟

والله على حسب العام رحنا دبي نص منه وثلاثترباع مني هخخخخخخخخخ

وين ناويه هالسنه تروحين وجم يوم؟؟

لحد الآن مايندرى

معاج عيالج او من غيرهم او تابعه الى اسرتج اذا كنتي غير متزوجه ؟؟

والله انا سافرت مره ماليزيا من غير عيالي اشصار فيني :eh_s(2): :eh_s(2): والعام وديتهم استانست حيييل وياهم ولله الحمد

[]تفضلين السفر مع اهلج وجماعه ام مع زوجج وعيالج بس ؟؟

حلو السفر مع الاهل بس انا افضل الزوج لان اذا ماراح ريلي معاي
عيالي اسم الله عليهم يننوني ويلعوزوني هههههه

اذا كنتي تمتلكين بيت او شقه شلون شتسوين تاخذين جيلج من هني ولا من هناك ؟؟ وجم كلفج شراء السكن هناك ؟؟

والله احنا ماعندنا شقة بس عمي ابو ريلي عنده شقة بمصر :eh_s(20): بس مره وحده رحنا مصر :eh_s(3):

وين كنتي تمنين تروحين وماقدرتي ؟؟ وين بتروحين ؟؟

امممم مادري والله بس الحمدلله تقريبا وايد اماكن رحتلها وان شاء الله ربي يقدرني واروح اماكن ماشفتها :eh_s(15):

شلون تم تجميع ميزانية السفر وتكاليفه ؟؟

بما اني مدرسة فالله يعافي فلوس العطله والا جان علوم هخخخخخ

وين رحتي قبل وشنو احلى دوله واسوء دوله ومميزاتها وعيوبها ؟؟

مع الاهل رحت مصر - سوريا - لندن - فرنسا - دول الخليج كلها الا عمان
مع الزوج مصر - ماليزيا - الامارات- بحرين


احلى مكان رحتيله او سوق بسفراتج السابقه وتنصحين فيه وبشددده ؟؟

ماليزيا تصلح للعائلات وحلوه واااااااااايد للاطفال

ويزاج الله خيييير عالموضوع الروعه

لانج انتي روعه يا شوشو :eh_s(17):

 

[شهدQ]

سوريا3=مرات+المانيا+بحرين+سعوديه

امممم شاديه نو وي نبي اضافات عشان نرثي الموضوع

ناطرينج يالغلا

 

[شهدQ]

ميزانية السفر منج ولا من ريلج ؟؟ او مقاسمه ؟؟

والله على حسب العام رحنا دبي نص منه وثلاثترباع مني هخخخخخخخخخ

وين ناويه هالسنه تروحين وجم يوم؟؟

لحد الآن مايندرى

معاج عيالج او من غيرهم او تابعه الى اسرتج اذا كنتي غير متزوجه ؟؟

والله انا سافرت مره ماليزيا من غير عيالي اشصار فيني :eh_s(2): :eh_s(2): والعام وديتهم استانست حيييل وياهم ولله الحمد

[]تفضلين السفر مع اهلج وجماعه ام مع زوجج وعيالج بس ؟؟

حلو السفر مع الاهل بس انا افضل الزوج لان اذا ماراح ريلي معاي
عيالي اسم الله عليهم يننوني ويلعوزوني هههههه

اذا كنتي تمتلكين بيت او شقه شلون شتسوين تاخذين جيلج من هني ولا من هناك ؟؟ وجم كلفج شراء السكن هناك ؟؟

والله احنا ماعندنا شقة بس عمي ابو ريلي عنده شقة بمصر :eh_s(20): بس مره وحده رحنا مصر :eh_s(3):

وين كنتي تمنين تروحين وماقدرتي ؟؟ وين بتروحين ؟؟

امممم مادري والله بس الحمدلله تقريبا وايد اماكن رحتلها وان شاء الله ربي يقدرني واروح اماكن ماشفتها :eh_s(15):

شلون تم تجميع ميزانية السفر وتكاليفه ؟؟

بما اني مدرسة فالله يعافي فلوس العطله والا جان علوم هخخخخخ

وين رحتي قبل وشنو احلى دوله واسوء دوله ومميزاتها وعيوبها ؟؟

مع الاهل رحت مصر - سوريا - لندن - فرنسا - دول الخليج كلها الا عمان
مع الزوج مصر - ماليزيا - الامارات- بحرين


احلى مكان رحتيله او سوق بسفراتج السابقه وتنصحين فيه وبشددده ؟؟

ماليزيا تصلح للعائلات وحلوه واااااااااايد للاطفال

ويزاج الله خيييير عالموضوع الروعه

لانج انتي روعه يا شوشو :eh_s(17):

انتي الأروع ياحياتي

واذا عندج اضافات ترى احنا طماعين ونستاهل

 

[انا كويتية]

ميزانية السفر منج ولا من ريلج ؟؟ او مقاسمه ؟؟

الميزانية كلها من ريلي

وين ناويه هالسنه تروحين وجم يوم؟؟
والله زوجي يقول نطلع اليابان ومناك على هاواي وامريكا

معاج عيالج او من غيرهم او تابعه الى اسرتج اذا كنتي غير متزوجه ؟؟
انا وزوجي

تفضلين السفر مع اهلج وجماعه ام مع زوجج وعيالج بس ؟؟
احيانا مع زوجي واحيانا مع رفيجاتي

اذا كنتي تمتلكين بيت او شقه شلون شتسوين تاخذين جيلج من هني ولا من هناك ؟؟ وجم كلفج شراء السكن هناك ؟؟
احنا ماعندنا برة بيوت

وين كنتي تمنين تروحين وماقدرتي ؟؟ وين بتروحين ؟؟
انا احب الشرق ملينا من الغرب واوربا ... الشرق فيه سحر وتراث وآثار وتاريخ .. انا وزوجي نحب نزور قرى ونعيش مثلهم مانحب دير المجمعات والأسوقة... واللي ودي اروح لها المغرب مراكش

شلون تم تجميع ميزانية السفر وتكاليفه ؟؟
من زوجي

وين رحتي قبل وشنو احلى دوله واسوء دوله ومميزاتها وعيوبها ؟؟
رحت من الدول العربية البحرين والسعودية والإمارات وقطر ولبنان وسوريا ومصر والأردن والدول الأوربية بريطانيا وفرنسا وبلجيكا وهولندا وايطاليا والمانيا ومن الشرق سيريلانكا ومن الشرق الأقصى تايلند والفلبين وسنغافورة
وامريكا كل الولايات تقريبا ماعدا كاليفورنيا وبوسطن ونيو مكسيكو :eh_s(20):


احلى مكان رحتيله او سوق بسفراتج السابقه وتنصحين فيه وبشددده ؟؟
امريكا وسريلانكا تييييييييييينن
:eh_s(15):
مشكورة حبيبتي على الموضوع :eh_s(9):

 

[ظلال القرآن]

اهلين وسهلين ومرحبتين شخبارج شهوده؟؟
السنه فيه خطتين اول وحده تعديلات بالبيت ومطبخ يديد وهذا كله مكلف خصواصا ناويه على الوليد
بجدد السرداب كله وصراحه ريلي مو مشتهي صيحه العمال
الخطه الثانيه السفر الى تايلاند بانكوك شانج ماي بوكيت وما يندرى شيصير
راح افترض اني بسافر وارد على اسئلتج


ميزانية السفر منج ولا من ريلج ؟؟ او مقاسمه ؟؟

لا الميزانيه منه اهو بس مشتراي هناك علي يعني الشغلات الخاصه فيني صوايغ اهلي جذي يعني

وين ناويه هالسنه تروحين وجم يوم؟؟

قلت لج تايلاند

معاج عيالج او من غيرهم او تابعه الى اسرتج اذا كنتي غير متزوجه ؟؟

طبعاااااااااااا معاي ان شاء الله السفره لهم واهم الي منقين تايلاند لانهم يتابعون عيش سفاري

تفضلين السفر مع اهلج وجماعه ام مع زوجج وعيالج بس ؟؟

لا طبعا لا يحوشك مع جماعه طاش ماطاش

اذا كنتي تمتلكين بيت او شقه شلون شتسوين تاخذين جيلج من هني ولا من هناك ؟؟ وجم كلفج شراء السكن هناك ؟؟
لا ما امتلك

وين كنتي تمنين تروحين وماقدرتي ؟؟ وين بتروحين ؟؟

انا اتمنى امريكا بس بعد الاحداث صعب ما يتقبلون العرب وخصوصا انا منقبه

شلون تم تجميع ميزانية السفر وتكاليفه ؟؟
ريلي الحمد لله يعرف يضبط ميزانيته وانا بعد

وين رحتي قبل وشنو احلى دوله واسوء دوله ومميزاتها وعيوبها ؟؟

طبعا دول الخليج مصر تركيا لندن سويسرا النمسا المانيا ماليزيا
احلى ديره النمسا وهي كلها على بعضها مميزات واتمنى اروح لها كل سنه
احلى مكان رحتيله او سوق بسفراتج السابقه وتنصحين فيه وبشددده ؟؟
احلى مكان سياحي زل ام سي جنه الله في الارض
انا ما تهمنى السوقه وايد لانها مصاريف وزن ومضيعه وقت بالسفر واحنا ديرتنا فيها كل شي واذا مصرين وطبعا لندن متصدره بالسوق

 

[ضحـاوي]

والله شهوده قربت العطله ويات حزت هالسوالف خليني اسولف معاكم شوي

ميزانية السفر منج ولا من ريلج ؟؟ او مقاسمه ؟؟

من ريلي

وين ناويه هالسنه تروحين وجم يوم؟؟

مصر اسبوعين وودي اروح نروح مصر 10 ايام ودبي 3 ايام بس مو راضي

معاج عيالج او من غيرهم او تابعه الى اسرتج اذا كنتي غير متزوجه ؟؟

عيالي معاي وهالسنه باذن الله اول مره ابي اخذ بنتي العنونه الصغيره معاي عمرها 3

تفضلين السفر مع اهلج وجماعه ام مع زوجج وعيالج بس ؟؟

افضل مع زوجي وعيالي و اهلي بس احنا نسافر بروحنا

اذا كنتي تمتلكين بيت او شقه شلون شتسوين تاخذين جيلج من هني ولا من هناك ؟؟ وجم كلفج شراء السكن هناك ؟؟

احنا نسكن بالماريوت وناخذ سويت ويكلفنا الليله ب 120 دولار

بس هالسنه يقول ريلي رفعوا الاسعار بعد تجديد الديكورات

وين كنتي تمنين تروحين وماقدرتي ؟؟ وين بتروحين ؟؟

ما احب الا مصر ودول الخليج

شلون تم تجميع ميزانية السفر وتكاليفه ؟؟

ريلي حاط ميزانيه خاصه للسفر والوناسه

وين رحتي قبل وشنو احلى دوله واسوء دوله ومميزاتها وعيوبها ؟؟

رحت : الامارات- السعوديه -الاردن - لبنان - سوريا - مصر

تركيا - فرنسا - لندن

احلى شي مصر والاسوء ما فيه

احلى مكان رحتيله او سوق بسفراتج السابقه وتنصحين فيه وبشددده ؟؟

انا ما احب اسافر للدول الاجنبيه مع ان الميزانيه الي نسافر فيها تكلفنا اكثر من ميزانية دول اوربا بواااايد

وانصح الي تبي تروح مصر تروح شهر 7 الجو عجييييييييييييييييب والله

لكن من يقرب شهر 8 الجو يقلب ويحتر ويرطب ومع الزحمه بعد يا سلاااااااااام

 

[حبـــاري]

ميزانية السفر منج ولا من ريلج ؟؟ او مقاسمه ؟؟

بما اني مدرسه فكانت ميزانية السفره علي بس بشرط لما نرد الكويت يكون مصروفي من زوجي و بالمبلغ اللي احددهوين ناويه هالسنه تروحين وجم يوم؟؟

لحد الآن مايندرى
معاج عيالج او من غيرهم او تابعه الى اسرتج اذا كنتي غير متزوجه ؟؟

طبعا من غير ولدي لأن عمره سنه يعني ايلعوز بالسفر[]
تفضلين السفر مع اهلج وجماعه ام مع زوجج وعيالج بس ؟؟

انا احب السفر مع زوجي لأن يضيق خلقي بدونه

وين كنتي تمنين تروحين وماقدرتي ؟؟ وين بتروحين ؟؟

كنت اتمنى اروح جزر المالديف و ما ادري متى تتحقق هالامنيه بس انشالله بأقرب وقت

وين رحتي قبل وشنو احلى دوله واسوء دوله ومميزاتها وعيوبها ؟؟
رحت الامارات و مصر و البحرين و تركيا ، بس احلى شي تركيا طبعا رحت لها بشهر العسل كانت احلى سفره ، طبعا قعدنا في بورصا شهر كامل ما كنا نعتمد على التكاسي ابدا لان الجو حلو و المناظر احلى ، رخيييييييييييييييصه حيل و شعبها حبوبين و من مميزتها انج تضعفين حيل انا بشهر نزلت عشر كيلوات مع اني كنت آكل وايد بس كنا نمشي وايد و عندهم ماي ايقدمونه في المطاعم ايهضم لانه ينزل من الجبل دايركت .
احلى مكان رحتيله او سوق بسفراتج السابقه وتنصحين فيه وبشددده ؟؟

تركيا ، فيها سوقه حلوه و فيها الرخيص و الغالي بس مو تو متش فيها مجمع ( زفر ) عباره عن ثلاث اهرامات اذا دخلتي ما تطلعين الا من ثالث هرم او انج ترجعين للاول علشان تطلعين هذا المجمع كله ماركات حلوه و اسعارها مناسبه جدا . و طبعا يوم الثلاثه في سوق ايسمونه البوتيم كله استوكات الماركات تنباع بارخص الأسعار و السوق كله كويتيين بس ارخيص حيل فيه استوكات دبنهامز و بينيتون و gab فيها بعد اماكن سياحيه حلوه فيها جزيرة الاميرات و شلالات حلوه و روحو يلوا للاستجمام و الحمامات التركيه لا تنسونها و على فكره راح تتعلمون تركي بسرعه لانهم ما يتكلمون انجليزي ابدا حاكمهم مانع تعليم الانجليزي بالمدارس و لغتهم وايد سهله و روحو البازار فيه اشياء حلوه و عندهم حديقة حيوانات حلوه .
كلمات تركية سهله ..........
تعيوك ني لأ
قل تعني تعال
قت تعني روح
جك قوزال تعني كثير الجمال
خوش قالدن تعني مساء الخير او السلام عليكم او كيف الحال
خوش نسنس تعني تماما او الحمد لله
نسيت الباجي طبعا لووووووووووووووووووول

 

[ضحـاوي]

ذكرتيني حباري

بير1
اكي2
اوج3
درت4
بيش5
التي6
يدي7
سكز8
تكوز9
اون10
*****************
اشك : حمار
ميمون : مينون
كاردش اختي **
اركداش حبيبي **
الي فيهم نجمتين صح او العكس مو متذكره من زماااااااااااااااااااااااااااان رايحه

 

[ضحـاوي]

بعد مادري اذا خايرته شوي بس كنت فلته بالتركي

قعدنا شهر وتعرفت على وايد اتراك

 

[امون حبيبة زوجها]

ميزانية السفر منج ولا من ريلج ؟؟ او مقاسمه ؟؟
لا الميزانيه من زوجي بس مشترواتي الخاصه مني انا

وين ناويه هالسنه تروحين وجم يوم؟؟
والله مادري المشكله زوجي وانا مافي لغه اوكي بس اهو وده على ماليزيا لان كل ربعه يمدحونها بس انا مابي ماليزيا لاني شايفتها ودي على سنغافوره

معاج عيالج او من غيرهم او تابعه الى اسرتج اذا كنتي غير متزوجه ؟؟
ماعندي عيال والله يرزقني انشالله

[]تفضلين السفر مع اهلج وجماعه ام مع زوجج وعيالج بس ؟؟
والله بما اني متزوجه توني صارلي سنه ماشفت فرق لانه م اول ماتزوجت سافرت مع اهلي مصر امي تعالج رحت معاها ولحقني زوجي هناك فما اخذنا فرصه للسفر بروحنا

اذا كنتي تمتلكين بيت او شقه شلون شتسوين تاخذين جيلج من هني ولا من هناك ؟؟ وجم كلفج شراء السكن هناك ؟؟
ماعندنا شي برا والله يرزقنا

وين كنتي تمنين تروحين وماقدرتي ؟؟ وين بتروحين ؟؟
ودي ودي ودي حيل على استراليا بس زوجي يكره الطيران الطويل مع انه يحب السفر بس اكره ماعليه يطول بالطياره اهو بمصر ساعين تعب حيل شلون استراليا
وبعد صج ودي على سنغافوره ارقى دوله بشرق اسيا اهي وانشالله الله يكتبلنا ونروووحلهااا

شلون تم تجميع ميزانية السفر وتكاليفه ؟؟للحين ماجمعنا شي

وين رحتي قبل وشنو احلى دوله واسوء دوله ومميزاتها وعيوبها ؟؟
مع اهلي
لبنان+ سوريا+ ماليزيا+ مصر+ دبي +المغرب+عمان

مع زوجي مصر والعمره وانشالله ناوين هالسنه بس وسن مادري

لبنان=تهبللللللللللل عججيبه و وشعب مضياف وسوقه وكانت جمعه مع بنات خالتي صج استانست
سوريا =ويعععععععععععع الله وكيلج قعدنا فيها يومين وردينا لبنان صج خياااس

المغرب=عاااديه وقل من عاديه مافيها شي يذكر ورحنا الرباط والدار البيضاء عاديااات

ماليزيا=حلوه وتهبل سوق وتطور وطبيعه بس حررررررر

مصر= ونيييييييسه وحركه تهبل

عمان= طبييعه صج مافي نفسها لالبنان ولاماليزيا ولاغيرها طبيعة صلاله تجيبهم كلهم وجو ومطر تجنن وسكنا في فلل الهوليدي ان عجيبه بس حدج بو5ايام موواكثر لانه بتطق جبدج

دبي= طبعا تهبل سوقه تونس وامكن كلها حلوه وصج مركز ابوالهيل عجيييب يجننن وكل سوقتها حلوه بس بالشتا بالصيف نموووت


احلى مكان رحتيله او سوق بسفراتج السابقه وتنصحين فيه وبشددده ؟؟
فندق كونراد في مصر سكنا فيه انا وزوجي وصج صج راااقي و شارع ريجنت اللي بماليزيا كنت حيل احبه
وجنتنق هاي لاند في ماليزيا الجبل


شهوده سؤال للحين ماليزيا حلوه الكل يذمها يقولون خربت وصارت غاليه وفوضى وازعاج وديزل

 

[bnt q8 in usa]

تسلمين شهوده حبيبتي هذا من ذوقج

شوفي :رحت مصر وايد استانست بس طبعا كل هالسفرات رحت لها لمن رجع الكويت بالصيف 3 اشهر اسافر شوي...................
رحت البحرين بو3 ايام
سوريا 3 ايام
بلنسبه حق امريكا طبعا رحت شيكاغو ودزني فلوريدا وكنداا وبالتيمور واشنطن..........

طبعا اذا كنتي مثل حلاتنا طلبه يطلع عليج ارخص من انج تحجزين من الكويت لانه بيطلع وايد عليكم

ميزانيه السفره للامانه كلها علي زوجي لانه انا عندي قاعده لمن افتر بامريكا ماتشري هدفي سياحه ليش..؟؟؟
لانه المحلات موجوده اساس بولايتي ف عشان جي مااتشري هذا بالنسبه لامريكااا



طبعاا بحول الواحد الاحد واذا ربي شاء انشالله تعالي الصيف الياي
بروح فرنسا دزني وبنمر كذا دوله يعني تور
وطبعا التذاكر وكل شي علي زوجي اللهم مشترياتي بتكون علي


وسلامتج حبيبه
وبخاطري بصراحه اروح كوريا من كثر ماريلي يمدحا لانه وايد رايح لها اهي واليابان وانشالله اروح لها

 

[rawona]

ماشاء الله لا اله الا الله

شكلج بتثرين الموضوع rawona

خلاص نبيج بالموضوع للفائده بنستفيد من تجاربج

الغريبه انج مارحتي لاحلى دوله بشرق اسيا واهيا ماليزيا !!

طيب احلى دوله من الدول الي رحتيلها واسواقها المهمه والمحلات الرووعه هناك شنو ؟؟

افضل الاماكن السياحيه

ناطرين لمساتج بالموضوع

والحين بكتبلج تجربتي

مشكوره بعد قلبي .. اما بالنسبه لماليزيا الكل يستغرب عدم روحتي لها بمن فيهم انا !! والله جد مادري ليش ماودي اروحلها مع اني شفت صور لها وطبيعتها تهبل بس مادري ليش مو حابتها :eh_s(22):

اما عن احلى دوله رحتلها والله وايد دول اوروبيه اعشقها مثل اسبانيا و ايطاليا واليونان بعد هولندا عجيبه بس اللي صج صج امووووووت فيها "امريكا" والله صج هالدوله انا ما شفت مثلها بالعالم كله .. من حيث التنظيم و احترام القوانين و شعبها احليو مو الكل طبعا لابد ما اتلاقين فيهم الشيين بس صج والله احبها حيل حتى لما ايي اسافر والله لاشعوريا اقول باروح امريكا .. صج جامعه بين الوناسه والسياحه والتسوق .. انصحكم تروحولها لانها عجيبه .. وانا كاتبه موضوع عنها وحاطه صور في قسم الدول الاجنبيه واتمنى تعجبكم :eh_s(15): ​

 

[قمر ضاوي33]

ميزانية السفر منج ولا من ريلج ؟؟ او مقاسمه ؟؟

اذا السفرة قريب منه واذا بعيد مومقاسمة انا ربع واهم ثلاث ارباع بس لازم اساعده
وين ناويه هالسنه تروحين وجم يوم؟؟

شاليه - عمرة برمضان ان شاء الله - شرم الشيخ
معاج عيالج او من غيرهم او تابعه الى اسرتج اذا كنتي غير متزوجه ؟؟

الشاليه وشرم الشيخ معاي بنتي ان شاء الله بس العمرة لا
[]تفضلين السفر مع اهلج وجماعه ام مع زوجج وعيالج بس ؟؟

والله اليمعه حلوة وسفرة الزوج رومانسية اكثر الي يحصلي ما اقول لأ:eh_s(6):
اذا كنتي تمتلكين بيت او شقه شلون شتسوين تاخذين جيلج من هني ولا من هناك ؟؟ وجم كلفج شراء السكن هناك ؟؟
ما عندنا شقة برة
وين كنتي تمنين تروحين وماقدرتي ؟؟ وين بتروحين ؟؟

اتمنى رحلة حق استراليا ان شاء الله السنة المقبلة مع بنتي بعد
شلون تم تجميع ميزانية السفر وتكاليفه ؟؟

كل شهر نحط 200 مني 300 منه لمدة معينة ووقفنا استعمال الفيزا والماستر من بداية السنة علشان ان شاء الله ناخذها معانا بالسفر للإحتياط

وين رحتي قبل وشنو احلى دوله واسوء دوله ومميزاتها وعيوبها ؟؟

مع اهلي رحت امريكا - هولندا 4 مرات - ألمانيا 4 مرات - اليونان - تركيا - مصر 5 مرات - دبي - السعودية 6 مرات عمرة
مع زوجي رحت ماليزيا - تايلند وبوكيت

احلى مكان رحتيله او سوق بسفراتج السابقه وتنصحين فيه وبشددده ؟؟

بوكيت رووووووووعة

مشكورة موضوعك روعة مثلك يا عسل