الوطنية للأتصالات

[Om_Hassony]

السلام عليكم يا بنات اشلونكم ؟؟ :68_asmilies-com:

بنات انا قابليني الوطنية للأتصالات بالكول سنتر مالهم ؟ بس بعرف جم رواتبهم و شنو بدلاتهم و جم ؟

الله ايخليكم اللي اتعرف اتقولي لاني خلاص زهت و طقت جبدي وشكلي بروح اهناك :0bee2e8d89:

 

[Om_Hassony]

اشدعوه محد ايرد ؟

 

[katkota_86]

على حسب الجامعي تقريبا مو اقل من 1000 دينار

 

[Om_Hassony]

مشكوره على الرد تسلمين

 

[CuTe_Q8]

مارحتي خذيتي ورقة طلب العمل فيها كل شي .. ؟

انا رحت خذيتها يطلعلي الراتب مع دعم العماله 870 ..

 

[^^ROSE^^]

الدبلوم الراتب الاساسي 430 زيدي دعم العماله و شوفي جم يصير
الجامعي مادري
والبارت تايم 180

بسألج ماتدرين اذا عندهم حاليا بارت تايم ولا لأ؟ ابي كول سنتر اي مكان مابي فرع واجابل اوادم

 

[CuTe_Q8]

روز انتي موظفه بالوطنيه ؟

 

[^^ROSE^^]

لا حبوبة
بس اعرف واحد يشتغل هناك دبلوم راتبه اعتقد اذا مو ناسيه 430 هالحروة

 

[fatma]

اهوا الجامعي 510 معاشهم اشويه هذا بالنسبة حق قسم السيلز ويشتغلون 6 ايام بالاسبوع ويوم واحد عطلة وشفتات انا ماحب جذي ماعجبني

 

[^^ROSE^^]

صح الوطنيه اقل معاشات بين شركات الاتصالات

 

[CuTe_Q8]

اي حتى واحد يشتغل بزين .. قالي ان الوطنيه نزلوا بمعاشاتهم ..

وواحد موظف بالوطنيه .. قال ان بن ثاني وعدهم بزياده رواتبهم ..

..

انا طلبي المعاش الاساسي 470 .. وانا دبلوم ..

بس متردده اتوظف ولا لا .. !

 

[Om_Hassony]

مارحتي خذيتي ورقة طلب العمل فيها كل شي .. ؟

انا رحت خذيتها يطلعلي الراتب مع دعم العماله 870 ..

كيوت انا وقعت العقد معاهم وقالولي ان ايدقون علي حق مباشرة العمل يمكن على نص شهر 12 ؟؟

بس ما خذيت اورقة طلب العمل شنو هاذي امته آخذها ؟؟

بقيت أسأل في بدلات يعني جم بدل سماعه وبدل شاشه ؟

 

[Om_Hassony]

للرفع

 

[تمنيتك]

مبروووك بنات
الله يوفقكم يارب


بس انتو متي قدمتو ؟؟ ومتي دقو عليكم بعد جم يوم ؟

انا قدمت ومادقو علي الا الان لوول بس خيره الحمدالله .. لان المعاش مقارب لمعاشي

 

[CuTe_Q8]

ام حسوون ..

انا دقوا علي قالولي مبروك تم قبلوج وراجعينا من الساعه 10 لي 2 ..

رحت لهم وعطوني العقد .. الي مكتوب فوق " طلب عمل " شي جذي .. مكتوب في كل شي ..

والبدلات الموجوده بس بدل مواصلات 35 وبدل سكن 100 ..

ممم مكتوب بدلات اخرى .. بس مو محددين شنو اهي وجم .. وفي بعد عموله .. هذيل كلهم تحت بند مستحقات الموظف ..


وطبعاً في مكافأه سنويه تكون على اساس الراتب بنسبة 20%

..

وانا بعد ماوقعت الاوراق عطاني ورقه عشان الفحص الطبي ..

..

هذا الي صار معاي امس ..

 

[Om_Hassony]

اموفقه كيوت يا قلبي وماقصرتي انشالله الله ايوفقنا و نفتك من اللويه هاذي كلها

 

[CuTe_Q8]

تسلمين حبيبتي .. امين انشالله ..


" تمنيتك "

التقديم والاتصال صار كله خلال 3 اسابيع بس

وانشالله موفقه

 

[تركوازية]

انزين اشلون دوامهم من الساعه جم لي جم؟؟

و وين انروح انقدم ؟؟

شنو الشهاجات المطلوبه؟؟

 

[ReRez]

اي حبوبات انا بعد بعرف وين اقدم انا خاطري كول سنتر لأن ماحب اقعد فيس تو فيس مع الاوادم
مشكوورييييين

 

[CuTe_Q8]

والله انا قدمت من النت طرشت لهم السي في مالي ..

والدوام شفتين .. " 8 - 4 " .. " 12 - 8 "

والشهادات الي كانت مطلوبه وقت الاعلان اهي الدبلوم .. بس اكيد يبون جامعيين بعد اذا في حق الافرع

[email protected]


هذا الايميل بس تدزون لهم السي في ..

واهمه يدقون عليكم