تصدقون انه بنتي 7 سنوات اليوم انتقدت أبلتها العربي والسبه ؟؟؟؟

[فـلـفـلـهـ]

اشلووووووووووونكم ياأبلات ياحلوين




وانا قاعده أدرس بنتي لغه عربيه انصدمت يوم قالت لي :

















" ماما أبلتنا العربي ماتسلم علينا لمن تدخل الصف "



اشرايكم بأبلتها العربي ؟؟؟؟!!!!!!!!!!!!!!!!!!!!







واشرايكم أخلي بنتي تنبهها ؟؟؟!!




اشلووووووون معلمه تدخل الصف بدون سلاااااااااام ؟؟؟

 

[۩۩ الجـــــود ۩۩]

توقعت الموضوع اكبر من جذى

كيفها تسلم ما تسلم شى راجع لها

 

[ريم^الفلا]

اي اليهال ينتبهون حق اشياء ماتخطر علا البال
لا احس راح تنحرج ويمكن تحط علا بنتج

 

[سارا ديور]

ان خليتي بنتج تنبها .. أكيد الأبله بتزفها

وإن قلتي للإداره عنها بيقولون واااااااااااي يا أولياء الأمور ينطرون علينا الزله ههههههههههههههههههههههههههههههههههه

 

[فجر العنزي]

لا تعلييييييييييييييييييييييييييييييييييييييييييييييييييييييييييييييييييييييق

 

[زيـטּ عَبْس]

خرعتينا عبالي شي جايد

ومو معقوله المعلمة بتدخل الصف وماتسلم وتطبق الوقفة الإستهلاليه اللي هي ترديد دعاء او حديث أو قراءة الفاتحة
مع التلميذات


احنا نطبقها ومدربين البنات

ويا اختي يمكن نست مرة أو مرتين نتيجة تبديل حصص أو تغير وتدخل الحصة حده حده ولين تضبط السبورة وتطلع كتب البنات إللي إلى هاللحظه مايعرفون يطلعون أغراضهم من الجنطه ولين ماترتب الصف والطاولات والكراسي


الله يعينا بس

 

[نسناس]

السلام حبيبتي ,,,

ما أدري إذا كانت المدرسة تتحاسب إذا ما سلمت وإلا لأ ؟؟؟

بس عني أنا مو على طووول أسلم أدخل عليهم ساعات أقول ::

صباح الفل يا حلوين أو شلونكم يالشطار أو ننشد نشيد ترحيبي

والله خبري بالسلام عليكم من زمااااان

 

[شـ ShOoNa ـونـا]

ل وووووووووووووووووووووووووووووووووووووووووووو ل .

أنـا ادخل عليـهم الصـف واوديـهم الصــاله و مـا أسـلم عليـهم .. اولـى ابتدائي ســلامــهم أغنيـه يـصير
يمـدوون مــد بالسـلام .

عــادي يـاقلـبي تيـك ات ايــزي لا تسـلم عليهم الابله مو مشــكـله

 

[Turquoiseya]

حبوبة عادي تصير
دوري للابلة اي عذر عشان ما تاخذ بنتج فكرة سلبية عنها
الله يخلي لج بنيتج

 

[أحلى^حياه]

ويه لا تطيحين الابلة من عين بنتج مو زين
قوليلها دروسكم طويلة ومافي وقت للسلام!!
بعد شنسوي

 

[بساكيت]

ياجماعة لاتستهونون بكل شي لا صراحة صج المفروض المعلمة لما تدخل تعلم البنات السلام ولا باكر عيالنا يكبرون ما يعرفون تحية الاسلام تري الاشياء الصغيرة هذي وايد مهمة ولا يجوز نتهاون فيها

 

[أحلى استاذه]

ياحلوكم يا اولياء الامـــــــــــــــــــــــــــــــور --- يمكن هالابلة نست مرة مرتين

انا قبل فترة جتني ولية امر بنتها شاااااطرة اسم الله عليها (وهي كل اجتماع اولياء تجئ:dddds

تخيلوا شنوا قالت لي (انا طبعا كل يوم انادي البنات باسامي دلع اقولهم يا عروسة يا أحلى فراشة ياحلوه وهكذا ---- المهم شنو قالت لي ليش صارلج يومين ما دلعتي بنتي :dddds: بنتى هاليومين نفسيتها تعبانة تقول الابلة ما دلعتني اليوم بالله عليكم شقول لها ضحكت والله وقلت يمكن نسيت عندي اكثر من وحده بالصف اذكر منو واللا منو :eh_s(6):
:eh_s(6): ( انزين انا منو يدلعني:krkrkr

 

[لميــاء]

وعلية عليناااا عومه ماكوله ومذموومه

على العموم حبوووبه يمكن الابله بالحصة الاولى تحيي العلم وتقرا الفاتحة تنسى تسلم

بس اتوقع بالحصص الباجي لازم تسلم وما تنسى

على العمممموووووم نلتمس لها العذر بعد شنسووووي زميلتنا بالمهنة

 

[ام _خلودي]

والله مسجينه الابله

لووتدروون شنونسوووى من اول ماندش المدرسه

الى الهده جاان رحمتناا من هالانتقادات الاماتخلص

اهو اشراف اهو تدريس اهو احتياط اذاعه انشطه سجلات ورش عمل

دروس نموذجيه مراقيه وساعات منفذه خدمه ممكن توصل فراشه

 

[فـلـفـلـهـ]

ياجماعة لاتستهونون بكل شي لا صراحة صج المفروض المعلمة لما تدخل تعلم البنات السلام ولا باكر عيالنا يكبرون ما يعرفون تحية الاسلام تري الاشياء الصغيرة هذي وايد مهمة ولا يجوز نتهاون فيها

8
8

كلاامج عين العقل اختي بساكيت ...

ياأبلااااااااااااااااات غلللللللط نستهين بالسلام .. غللللللللللللللللللط

آنا معلمه لطالبات الثانويه ويوميا أدخل لااااااااااااازم أسلم عليهم ... فما بالكم أطفال بمرحلة الإبتدائي ؟؟؟

المعلمه قاعده تناوب وتاخذ حصص واحتياط وتصحيح كل هالأعباء سهله والسلام صعبببببببببببببب !!!!!!,,,,

وبصراحه اذا المعلمات يستهينون بالسلام فلازم نعلم أولادناا يبدون بالسلام ...

والله المستعااااااااااااااااااااان

 

[عندي أمل]

صح كلامج اخت فلفله لازم تسلم

بس بقولج شغله انتي معلمه ثانوي يعنى بنات كبار يعتمدون على نفسهم بكل شي يعنى حتى للسلام جاهزين عشان يردون عليج

بس بالمرحله الابتدائيه الوضع غيررررر جد متعب من تدخلين الصف تحسين بصداع هذي ناسيه الكتب وهذي الواجب والثانيه تشكي من فلانه

اطقها وهذي متاخره واللي تبي تشرب مااي واللى اعزكم الله تركض تبي الحمام وابله شوفي وابله سمعي واللي مكشخه دفترها وغصب تشوفينه وانتي قاعده تسطرين السبوره عشان ماتزعل تخيلي كل هالاشياء مع بعض

يعنى لما ندش لازم نضغط على عصابنا عشان البنات
يعنى حمدي ربك انتي ادشين صفج بهدوء

احنا ندش وربي صدااع وضيقه مادري سلمنا او لا ضعنا

ومشكوره اختى على الملاحظه وربي يخلي لج بنتج

 

[gazaaaal2]

اخترعت على بالي شي قوي



صح لازم الابله تسلم

بس يمكن ادخلت الصف معفوس

ولا الحصة الاخيره


يعني الموضوع عادي سهالات




تجي علينا ايام زين نذكر اسامينا ههههههههههههههههه

 

[درر النور]

والله مسجينه الابله

لووتدروون شنونسوووى من اول ماندش المدرسه

الى الهده جاان رحمتناا من هالانتقادات الاماتخلص

اهو اشراف اهو تدريس اهو احتياط اذاعه انشطه سجلات ورش عمل

دروس نموذجيه مراقيه وساعات منفذه خدمه ممكن توصل فراشه

صج معاج حق .. مناوبة أربع مرات .. كراف .. في كراف يمكن نست المدرسة والله مرات أنسى نفسي ..

 

[هدى123456]

لا واللة كلامج صح المعلمة لازم تسلم وتكون قدوة ان عن نفسى ادرس احتياجات خاصة لازم كل ما ادش عليهم اسلم واعلمهم شلون يردون السلام ولازم ما ننسى ان احنا بوزارة التربية والتعليم يعنى بالاول تربية وديننا حثنا على السلام فلازم نكون قدوة حق هالاطفال اللى عندنا.

 

[بحر الرمال]

خير يا طير ما سلمت؟
عبالي الابله طاقه بنتج و الا طاردتها!!!
انا اقول روحي رفعي قضيه عالابله لانها ما سملت!!!