اول مره اكتب موضوع بهالساحه و العشم فيكم كبيييييييير ( تحويل مسار المعده )

[:: Diva ::]

السلام عليكم












بنات حبيباتي ابي اجمع اكبر قدر ممكن من المعلومات عن عملية باي باس من تجاربكم
يمكن لعل و عسى الله يهدي زوجي و يوافق اسوي هالعمليه الي اموووووت و اسويها
و ان شالله اسويها بالصيف









انا طولي 172
وصل وزني بحمل الى 117
بعد الولاده سويت ريجيم و صار وزني 103

و عيا ينزل اكثر يعني جم كيلو يبي 33 كيلو علشان يصير وزني 70
و انا ابي 65 يعني يبي لي 38 كيلو


تقريبا 40 كيلو علشان اصير باربي لوووووووووووووول
رفيجتي بنفس مواصفاتي بس كانت امتن مني الحين تلبس سمول
الله يهنيها و ماشالله عليها و حملت بعد سنه عادي و ولدت



سؤالي


عند اي دكتور ؟

بجم ؟
مو بس تكلفة الطبيب
ابي كل شي

جم يوم اكون بالمستشفى ؟ و اي مستشفى سويتي فيه ؟

سايد ايفكتس ؟

كل وحده ما عليها امر تقول لي جم كان وزنها و جم صار خلال شكثر



و انا مسويه قيصريه هل يأثر ؟
راح اقدر اباري ولدي ولا العمليه كبيره ولازم اقعد عند امي و شكثر ؟

و شكراً جزيلاً​

 

[مزيان]

اهلين الصراحه انا ماصارلي شهر ونزلت تقريبا ماشالله 12 كيلو ولله الحمد
انا مع الحمل خقيت وصرت عصاقل وبعد الولاده ماشالله صرت سمبتيك واشزيني لاريجيم ولاشي بس رضاعه وبعد 6 اشهر طشت طشت طشت اضعاف مضاعفه
نفسيتي اتعبت مابقى ريجيم ومابقى نادي حدي 8 كيلو وادبلهم عقبها
حنيت على ريليي ماكان راضي سنتين وانا احن واطحن صرت ادرل والحمدلله الله هداه مع الاستخاره
الله يسلمج انا نفس وزنج تقريبا بس انتي ماشالله اطول انا طولي 165
سويتها عند الهيفي ماشالله عليه خوش دكتور
سواها لي بالسلام
قعدت يومين والثالث طلعت
وماشالله الخامس بالافنيوز
وتعبها يختلف من شخص للثاني
كلفتني 3000
وعلى فكره انا ولادتي قيصريه وشاف جرحي وقال عادي
بس لازم تمشين وتستمرين على فيتاميناتج وكلام الدكتور
وبالنهايه التوفيق من الله ماعليج الا بالاستخاره
الصراحه الواحد العمر يمشي فيه والصحه والصراحه اللبس يعور القلب واهم شي الامراض من السمنه
انا قصيت قصة حياتي
وآسفه عالاطاله

 

[ام سلوم DoDo]

وااااااي عليكم من صجكم اتسوون عمليه تغيير مسار عنبو تضعفون وبعدين تخسرون صحتكم عشان المتن صكو حلوجكم ومارسو الرياضه واسهل شي المشي كل يوم ساعه وراح اتشوفون الفرق انا والله اعرف وحده سوتها مسكينه انزلت 40 كيلو ب40يوم يعني كل يوم تخسر كيلو
بس شوفوها مسكينه فجاه اطيح على اهلها
وحده مسكينه صارفيها السرطان
وذاك اليوم كاتبين المعده اتعن بعد فتره
والله حبايبي هذي العمليه ترا مو زينه وراح تخسرون صحتكم انا وحده متينه وكنت ابي اسويها بس من شفت اللي سووها مسكين سكسرون الخاطر شوفو المطرب الجسمي صج ضعفان بس والله امبين عليه ان خاسر صحته ومافي حيل
الله خلق المعده لكم وعارف شنو فايدتها وكل شي في جسمج له فايده اشلون انتي اتغيرين خلقه ربج
ولاتنسون المعده بيت الداء اشلون انتي تغيرن فيها؟

الله يهديكم صج انتو بنات الكويت هبه كل شي تحبون اتهبون فيه حتى على حساب صحتكم
بعدين تبين اتحملين اشلون ولانتي جسمج ما يستفيد من الاكل اللي تاكلينه
شكلكم تبون اتيتمون عيالكم
حرام والله حرام
انا عندي التحزيم والحلقه احسن من تغيير المسار تخيلي باجر اتعيشين الله لا يقوا بمعده امعفنه
يعيني ماراح اتعيشين مده طويله هذا الشي يقصر العمر وانت عندك عيال
فكري بنفسج وبصحتج ومره راح اتمارسين الرياضه بعد ما جسمج راح يترهل
فمارسيها بدون عمليه احسلج من انج تخسرين صحتج وبعدين عيالج

سامحوني على اسلوبي بس والله انكم ضايجتوني
بعد شسوي انتو تحبون الزف شكلكم

 

[:: Diva ::]

اهلين الصراحه انا ماصارلي شهر ونزلت تقريبا ماشالله 12 كيلو ولله الحمد
انا مع الحمل خقيت وصرت عصاقل وبعد الولاده ماشالله صرت سمبتيك واشزيني لاريجيم ولاشي بس رضاعه وبعد 6 اشهر طشت طشت طشت اضعاف مضاعفه
نفسيتي اتعبت مابقى ريجيم ومابقى نادي حدي 8 كيلو وادبلهم عقبها
حنيت على ريليي ماكان راضي سنتين وانا احن واطحن صرت ادرل والحمدلله الله هداه مع الاستخاره
الله يسلمج انا نفس وزنج تقريبا بس انتي ماشالله اطول انا طولي 165
سويتها عند الهيفي ماشالله عليه خوش دكتور
سواها لي بالسلام
قعدت يومين والثالث طلعت
وماشالله الخامس بالافنيوز
وتعبها يختلف من شخص للثاني
كلفتني 3000
وعلى فكره انا ولادتي قيصريه وشاف جرحي وقال عادي
بس لازم تمشين وتستمرين على فيتاميناتج وكلام الدكتور
وبالنهايه التوفيق من الله ماعليج الا بالاستخاره
الصراحه الواحد العمر يمشي فيه والصحه والصراحه اللبس يعور القلب واهم شي الامراض من السمنه
انا قصيت قصة حياتي
وآسفه عالاطاله

الف الف الف الحمدالله على سلامتج
و ياااارب تضعفين من غير شر يااارب
والله محد حاس فيني كثرج الى الان

فديتج مشكوره وااايد افدتيني

 

[.. مـــلاكـ ..]

رفع /

 

[لجين70]

نصيحتي لج سوي عملية سليف وهي عملية قص طولي للمعده يعني المعده راح اتكون حجمها صغير

وراح كون اكلج بكميت اكل اليهال الصغار والجسم بسرعه راح يحرقه وتكونين علي طول شبعانه ولا تحتاجين لفيتامينات او

غيرها لان المعده راح اتهضم الاكل ويستفيد منه الجسم وهذي العمليه اامنلج من التحوير لانج تكونين طبيعيه ولا تحتاجين لمراجعة الدكتور

الا بعد العملية بعشر تيام علشان ايشوف الدكتور ان كلشي تمام و العمليه انشاءالله مافيها مخاطر .

 

[فوفو00]

سوي العملية وانتي مغمضة انا كنت 117 وصرت 75 وموعاجبني بعد كنت البس xxxl ,صرت m

 

[مزيان]

الف الف الف الحمدالله على سلامتج
و ياااارب تضعفين من غير شر يااارب
والله محد حاس فيني كثرج الى الان

فديتج مشكوره وااايد افدتيني

الله يسلمج حبيبتي
انتي استخيري وشوفيلج دكتور وروحي له استشاره وقعدي معاه وناقشيه على تفاصيل العملية وشنو اللي يناسبج
والصراحه انا انصح فيها
وربي يسهل عليج انشالله

 

[دندونه اماراتيه]

خواتي شحالكم وشخباركم بعج اذن صاحبة الموضوع بسال سؤال عن المضاعفات بعد العمليه بكم سنه فيه والا مافي لانه بس هاي النقطه اللي مخوفتني

 

[carrot^cake]

العملية الحمدلله سهالات والله
3 ايام بالمستشفى
ولما تطلعين اسبوع بالكثير وتقدرين تمارسين حياتج عادي
حتى السبوح اخر يوم لي بالمستشفى قالي تسبحي عادي

وسويتها عند باسل السميط كلفتني بين 2800 وال900
ونزلت 11 كيلو تقريبا بشهر

 

[miss_Ba6oOo6a]

التحزيييييييييم فشلها كبيييييييييير ونسبه نجاحها 45% وانا فشلت وسوت اشيااااااااء
السليييييف سهله وزينه بس احتماااااااال كبير تكبر المعده بعد سنتيييييين وما تنزل كثر التحوييييييييل
التحويل انا الحين مسويته من قال اتعفن المعده شهالخرابيط فيها دم وانزيمات ماشي فيها مو مقطوطه قط كنت 118 والحين 95 ليه 3 شهور وشوي سويتها عند خورشيد بالهادي ب 3200 سهالات وما تعور وتعيشين حياتج بعد اسبوع تقعدين 3 ايام بالطبيب وتطلعين شي اكيد خموول لان اول شهر سوائل بس عادي سويها وجن الورد وماكو اكبر من المتن وامراضه

 

[دندونه اماراتيه]

ياختي خلاص خلينا نتشجع ونسويها العمر واحد لين متى بنتم عايشين في المتن انا باذن الله بسويها بعد العيد استخيري وانا الحين اكثر من الاستخاره وان شاء الله ربي يوفقنا جميعا ونضعف بصحه وسلامه .

 

[:: Diva ::]

be right back

 

[أم حمادين]

يارب انشالله اسويها ونفتك من المتن