صوري لنا ايفونج

[ارستقراطيه]

عندى سؤال بنات
اذا شريت الايفون شلون اركب له برامج وتكون شغاله ؟؟
وهل يلزم خط فواتير ؟؟ والا مسبق الدفع ؟؟ علشان استفيد من خدماته
ووين اسوى له اب ديت
وبرامج حلوة والعاب حق ولدى


اذا اقنعتونى فيه راح اشتريه

ومشكورين


متابعه على بعد

 

[رموشه]

اها مشكوره حبيبتي ام يوسف ^^

 

[رموشه]

هلا والله حبيبتي ارستقراطيه شكلج والله اعلم تبين تصيرين ايفونيه ^^
جوفي حبيبتي اذا تبين تنزلين له برامج عندج موقع ابل ستور في منه المجاني
وفي اللي بفلوس بس بعد ما نزل برنامج installous اللي انزله من cydia
صار تقدرين تنزلين الالعاب اللي بفلوس بدون ما تدفعين ولا فلس >> خوش برنامج

,,

بالنسبه لسؤالج الثاني قصدج للنت صح ! اذا ايه لا مب لازم لان انا استخدم
النت عن طريق الوايرلس بس عليج تسوين سيرج وتطلع لج الشبكات بس
على ما اظن اذا انتي تبين تسوين لج خدمه النت شغال عندج تقدرين تسوينه
هذي اللي عرفته من بعض البنات بس انا ما جربتها !

,,

بالنسبه للابديت تقدرين تسوينه بروحج تتعلمين الخطوات من النت
وتقدرين تودينه لمكان يبيعون فيه ايفون واكيد اهم بيسوون لج ابديت

,,

بالنسبه للبرامج حق ولدج اتوقع بتستانسين عليهم لان انا بنت خالتي
توها شاريه ايفون واستانست على الالعاب الموجوده في ابل اهو بتلقين
قسم خاص بالعاب اليهال التعليميه وحلوه يستفيد منها الياهل

,,

بس بقولج شي اذا انتي ما تحبين التلفون المعقد ترى الايفون ما يصلح لج
لان في اشياء بالتلفونات العاديه تسوينها بسهوله بس بالايفون لفه طويله
وترى بطاريته ما تتم يوم كامل بسرعه تخلص !
وبالنهايه شي يرجع لج انتي وخيارج ^^

 

[ارستقراطيه]

يا بعد قلبى رموشه
اى الحين فهمت
تسلمييييين من القلب
على الجهد والتوضيح

 

[رموشه]

العفو حبيبتي حاضرين للطيبين ^^

 

[el2ansa elzain]

زين انا لما سويت لي الآكاونت حطيت رقم الفيزا مالتي ؟
انتو شلون شحطيتو مكان رقم الفيزا ؟

 

[رموشه]

لا لا تحملي تحطين رقم الفيزا مالج
لان في طريقه تسوين لج اكاونت مجاني
وهذي الطريقه بالصور

http://q8yat.net/showthread.php?t=422884&page=2

 

[{ آلـخـَـجـل طـَبـعـي ~]

الله ونـآسه ابي جذي
عندي اي فون بس ماعرف اسوي هالحركات بليز علموني شسوي

 

[رموشه]

حبيبتي الخجل طبعي تبين نعلمج مثلا شلون تنزلينه !
او شلون تضيفين الناس فيه !
ياريت توضحين اكثر ^^"

 

[AL BNFSJ]

السلام عليكم بنااااااااات :eh_s(6):

صراحه خوش موضوع وبنفس الوقت سوالى احباط

الجهاز عندى صارله شهر تعبثت فيه وايد والنتيجه......
:krkrkr::krkrkr::krkrkr::krkrkr::krkrkr:
فيوزاتى كلها ضربت :ggdw:

صراحه ما حبيته بس شسوى هدية من ريلى ومتفشله اقوله مابيه

ومن اللى شفته ما شاء الله مسوين شغل فيه صراحه روعه
برامج والعاب وسوالف وايد حلوه ما شاء الله

من قريت الموضوع وانا ادور على اللى تقولون عنه سيديا ليما طاح حيلى
مو موجود عندى شسوى الحين اشلون احطه
يا ريت تعلمونى ولو انكم راح تبتلشون فينى يبيلى مجابل عدل :dddds:

ويعطيكم الف عاااااااااااااااااااااااافيه​

 

[رموشه]

هلا اختي البنفسج بالعكس والله الايفون تلفون وايد حلو
ولو تعلمتي عليه بيعجبج وايد وما بتحبين غيره
جوفي اول شي ابيج تقولين لي جم رقم الفيرجن
مالج اذا تبين تعرفين شلونتطلعين رقم الفيرجن هذي
الطريقه : تروحين الاعدادات وبعدين حول وبيطلع لج
رقم الفيرجن ^^

 

[AL BNFSJ]

هلا والله

الله يسمع منج عاد ودى اصير فنانه فيه يمكن وقتها مو احبه الا اعشقه لووووووووول

شوفي ياقلبى سويت مثل ما قلتي

بداية انا جهازى iphone 3G S

واذا قصدج بالفيرجن الاصدار هذا رقمه 3.1.2

 

[el2ansa elzain]

امبييي رموشه انا حطيت رقم الفيزا !! شسوي الحين ؟!

 

[رموشه]

الله يهديج بس اسالينا قبل انزين سوي لج اكاونت ثاني لان
اذا شريتي اي شي بينحسب من الفيزا انتي الغيه اذا تقدرين
لان ما عرف طريقه الغائه بس سوي لج واحد ثاني فري
ووصلتج الطريقه المجانيه ! اي سؤال ثاني انا حاضره ^^

,,

حبيبتي البنفسج جوفي اول شي لازم تسوين جيلبريك لتلفونج
عشان تنزلين السيديا وما اظن ان نزل لهالاصدار جيلبريك
بس الظاهر الجيلبريك للفيرجن 3.0 اذا تبين تصبرين لين
ينزل له جيلبريك او تبين اعلمج شلون تسوين الفيرجن مالج
3.0 يعني تسوين له داون جريد قولي لي رايج عشان ادور لج

 

[AL BNFSJ]

حبيبتي البنفسج جوفي اول شي لازم تسوين جيلبريك لتلفونج
عشان تنزلين السيديا وما اظن ان نزل لهالاصدار جيلبريك
بس الظاهر الجيلبريك للفيرجن 3.0 اذا تبين تصبرين لين
ينزل له جيلبريك او تبين اعلمج شلون تسوين الفيرجن مالج
3.0 يعني تسوين له داون جريد قولي لي رايج عشان ادور لج

فدييييييييت قلبج والله
لا ياقلبى لا تعبين روحج شسوى امرى لله وانطر الجلليبرك اللى تقولين عنه
بس شنو الجليبرك >>>> ضايعه بالطوشه :ggdw:

عاد اذا نزلوه لا تنسينى لأنى برد واتعبج معاي :eh_s(6):

ومشكوووووووووره يالغلااااااااا
عسى ربى يحفظج ويحققلج كل ما تتمنينه
ويوفقج بحياتج

مشكوره

 

[AL BNFSJ]

رموووووووووووش

انا قلت افرفر سبحان الله يمكن احصل اللى تقولين عنه هنى هناك

وحصلته بموقع اجنبى موبس للايفون لا للايبود بعد

هذا اهو

http://www.felixbruns.de/iPod/firmware/​

 

[غلا ستايل]

هاي ببيع ايفوني
ايفوني 3g

16 جيجا
لونه اسود
برامج والعاب وايد
ومعرب بالكامل

ونظيف حده وشرط البيعه فحصه وبلزقته للحين

سبب البيع بشتري بلاك بيري :tomato2:

السعر 150
وكاهي صور ايفوني
55343541
اذا في شرايه

 

[رموشه]

فديتج حبيبتي البنفسج على هالدعوه الطيبه
ان شاء الله بسوي اللي تبينه وبأذن الله بخليج
محترفه بالايفون ترى انا بعد اعتبر مبتدأه
بس بحاول اعلمج اللي اعرفه وان شاء الله تستفيدين
وبالنسبه للفيرموير انا بصراحه مادري اخاف يكون مب
مضمون لان اغلب المنتديات الموثوقه تقول ليلحين ابل
ما نزلت الجيلبريك للايفون اليديد 3.1.2 بس في طريقه
تسوينه داون جريد تبين اعلمج اياها !
والجيلبريك اهي العمليه اللي تقدرين تنزلين
منها برنامج السيديا والبرامج والالعاب المكركه
بالنت ^^

 

[AL BNFSJ]

هلووو رموش :eh_s(6):
انت تستاهلين كل خير ياقلبى
كافى نفسيتج الحلوه ومساعدتج للجميع

شوفي حياتى انا سويت سيرج لقيت اكثر من منتدى عربى حاطينه
قلت اخاف مو ثقه عاد قمت وسويت سيرج بمواقع اجنبيه لقيتهم حاطينه

ونطرتج وايد :0bee2e8d89:

بس شسوى الفضول ذبحنى عاد رفيجتى عطتنى موقع للايفون فيه شرح فظيع شلون نسويه
ورحت سويته وصار اوكى ونزلت السيديا وكل شي تمام والحمد لله


واكثر من جذى خفت اتهور قلت اقولج الاول واشوف شنو تنصحينى فيه :balo:

بس سؤال ,,, يعنى شنو داون جريد :eh_s(6):

وويعطيج الف عافيه​

 

[رموشه]

تسلمين حبيبتي ولو انا قبل لاني كنت اسال ومسكينه كاواي ما قصرت
والله شهادتي فيها مجروحه من جذي انا حاسه فيكم الحين وانتو والله
تستاهلون كل خير وما شاء الله عليج تعجبيني صراحه ومبروووووووووك
على السيديا سويتي خطوه قويه وبدايه واااااااااايد حلوه تستاهلين التصفيق والله
جوفي حبيبتي دام ان الحين نزل السيديا بعلمج كل شي فيه يعني اللي اعرفه بعلمج
اياه واول شي بنزل لج برنامج اسميه القنبله هههههههههه لانه صج اسم على مسمى
تقدرين تنزلين فيه البرامج اللي مب مجانيه وكل شي اللي تبينه بالمجااااااان
والداون جريد اهو من اسمه يعني ترجعين الاصدار لما نقول ابب جريد نرقي
الاصدار الى اصدار احدث مثلا 2.2 نسويه 3.0 هذا سوينا للايفون ابب جريد
لكن اذا انا 3.1 وسويته 3.0 هذا سويت له داون جريد اتمنى شرحي سهل ^^
وسامحيني تأخرت لان طلعت وانشغلت شوي والحين بطلع بجوف بس بنات
وراجعه ان شاء الله