لقـــاء مع طبآخه .. { حيــاكم نتعرف على طباخاتنا !!

[<<لمار>>]

ماشاء الله عليكم كلكم مبدعات وفنانات بالطبخ الله يوفقكم ويسعدكم بحياتكم

 

[أم ريوف 1400]

حبااااايبي يعطيكم الف عااااااااااااافية

بصراااااااااااحة ارشخ الغااااااااااااااالية العضوة ((ذبحنى صمتى ))
غلاوى شرفينااااااااااااااااااااااا
نبي ابدااااااااااااعااااااااااااااتك

 

[ذبحني صمتي]

.... ووووووي فديتج ام ريوووف....

احرجتيني الصراحه......

بس يااختج انا احب المطبخ وأعشقه من خلف الكواليس محد يعررفني...؟؟؟؟.....مو فشله اشارك..؟؟؟!!!!!!

بس ناويه اشد حيلي بهالقسم....( ماتعرف تنزل صور ومتووهقه ههههههههه

 

[أم ريوف 1400]

حبيبتى كلناااااااا كنا عليميااااااات

حملى على العملاق سهل
خيوووووووولنتاااااااااااا لاتشوفك

لاوالله ام السنع مبين كل يوم تزوريناااااااااا
شدى الهمه

 

[ذبحني صمتي]

جايه جايه....

تحريني....

 

[ذبحني صمتي]

_عرفينا عن نفسك وخاصه في الطبخ ؟

إحم إحم.... معاكم إختكم غاليه من الجهراء الأصيله عمري بالعشرينات وبس......موظفه...عزباء مع مرتيه الشرف..:dddds:..... أعشق الطبخ وفنونه.... وعندي المطبخ وسيله للتفريغ الصراحه....مادري ليه؟؟...بس اطبخ ارتاح..


3_تحبين الطبخ او لا؟

اكيدد..... أحبوووووووووووه حيل....

4_وجبتك المفضله؟
اممم اموت ع المقبلات اللبنانيه..... وسوالف اطباق الكريمات والحمسات......


5_طبق تحبين تسوينه كثير؟

في طبق اسوييييييييييه العايله الكريمه كلها تحبه وتطلبه مني دوووووووم.... هوشورما الدجاج مع عيش الشبنت والكريما
عجيب الصراحه.....عاد انا اهلي يكرهوون الواحد انه يضبط طبق..... يمكن سويته 1000 مرة بسنه وحده
بس مداخيل العافيه عليهم....:krkrkr:


6_الطبخات اللي تسوينها معدودة ولا كثير وماتنعد؟

لا كثيره لاني احب اجررررب واحووووس واجد...


7_اول مرة دخلت المطبخ كم كان عمرك لو تذكرين؟

بلى اذكر...كنت بثالثه متوسط....سويت بيض مقلي من غير دهن ....وطبعا الريحه غطت البيت كله....
ربي ستر يوومها....



8_اول طبخه طبختيها وش كانت هي؟

اممممم.....بديت بسلطات اول شي...

9_طبخه طبختيها فشلتي فيهاوش كان شعورك وقتها والكل منتظر تخلص؟


اول طبخه رسميه....كانت فطاير جبن....وكنت صاجه العايله عليهااااااااااا .....بس كانت فاشله مع مرتبه الشرف....طلعت يابسه حييييل وماتنوكل..
اذكر اخوي قضب وحده ويطالعها ويقول لأخوي الثاني ودك بفلعه 4 او 8 غرز من كثر ماكانت يابسه خخخخخخخخ
بس صج وقتها تحطمت.......... ويمكن سنه مادشيت المطبخ.....

10-طبخه طبختيها والكل مدحك ؟

كثير والله بالذات بالدوام...أستانس لما يتحرووون اطباقي انات بالذاااااااااات.....

11_موقف طريف صار معاك في المطبخ ؟

...يووووووووه يااكثرها....

اذكره مركنا برمضااااااااان.وبفطر عند خوالي....سويت لزانيا وتعبت عليهااا حيييييييييييييييييل....
حطيتها بكيس على عدالها وقلت للخدااامه....وديها السياره.....عاد من الذكاء الزايد مسكتها بطريقه عموديه...ونزلت اللزانيا
كلها بالكيس........يما ووقف قلبي يوووم شفتها.....بس من الحره يوم وصلت نجبتها بصحوون.....وقدمتها على إعتبار
انها معكرونه بالبشاميل ..... رقعتها وكلووها ولي يوومكم هاذا مايدرون انها كانت لزانيا_03BA:


12-يعتمد عليك في الطبخ او لا؟
من قلب .... بشررط مايكوون في لحم لاني ماحبه كلللللللللللللللللللش...

13_قوليلنا وصفه لطبخه حلوه كثير تسوينها لاجل نجربها ؟
انا ابداع بالسلطااات .... واشهر سلطه عندي الفته بس بطريقتي لان اسويها بالشبنت...انا وحده نصيره الشبنت واحطه بكل طبخاتي تقريبا......[

وهي عبارة... عن كرنب مقصص وخس امريكي.... وبيدجان مكعبات محموس....وفطر معلب....
وبصل محمووس بزبده الين يكرمل..( سر النكهه)..... مو لدرجه الإحتراق.)...... ونضيف عليه ملعقتين كبار صوص فرنسي....

والصوص....روبين مع ملعقتين كبار هرده وليمونه.....وملعقه كبيرة لبنه حااامضه.....وشده شبنت مقطعه...
نضيف الصوص على الخضروات.....ونزين بالخبز المحمص والسمااااااااااااااااق.....وستين عافيه ع قلووبكم...

وتفضلو الصوووورة...

14_سوي طبخه وصوريها لنا؟

تفضلو هالطبخه سويتها لجمعتنا وكااااااااااانت تهبل ماشالله.....

عيش بالخضار والبشاميل وكفته الدجاج....

تطبخين العيش عادي.....مع هيل وورق غار.....بس مو إستواء كامل لان راح يدخل الفرن...
وتسوين حمسه خضارج اللي تحبينها مع البهارات طبعاااااا.......انا استخدمت المثلجه وضفت عليهاااا
فلفل بارد الوان عشان المنظر......

إحمسي الكفته الزاهبه....انا افضل امريكانا ماافيها زفره....وبهاراتها طيبه.... حطيها على الحمسه وخليها شوي
ع النار عشان تتشرب من مرووق الحمسه......

سووي بشاميل بالطريقه اللي متعوووده عليها.....بس ضيفي شويه جبن موزريلا وجبن شدر......عشان الطعم أحلى..

جيبي صينيه فرن كبيره.....دهنيها بزبده ..( طبقه خفيفه حيل)....وحطي نص كميه العيش...
وحطي خليط الخضار والكفته.....ورشي جبن موزيرلا وشدر......وصبي شوويه بشاميل...( كميه بسيطه )
وتالي ....حطي كميه العيش الباقيه..... وصبي عليها الباشميل....غطي السطح كلهااااا......ورشه جبن
موزريلا وقطع ززززبده للتحمير.... وحطيها بالفرن تقريبا ثلث الى نص سااعه مو أكثر......

وشوفوووا الطعم صج وااااااااو........ ومهابط العافيه على قلووووووووووووووبكم......

15_نصحيه توجهينها لطباخات منتدى كويتيات؟ ^_^


ياويل قلبي.... والله كبرت وصرت اقوول نصاايح.....(..موزين الغرورهههههههههههه

اولا اقول مشكورة لام ريوف الغاليه اللي اتاحت لي هالفرصه العظيمه.....واللي اكيد غيري يستاهلها أكثر مني..
وفي بنات وااجد ماشالله عليهم مبدعين بالقسم....... بس ان شاء الله.....تحرووونا بالفتره الجايه....

وربي يسعدكم الصراحه قسم المطبخ هنا..... استفدت منه كثيررررررررر.......

ونصيحتي.....التجربه والمحاوله .... وعالم المطبخ يمكن متعب بس ممتع حيييييييييييييييييييل....
حتى لوو فشلتي ماعليه..... لابد تجي معاج وتضبطين الطبخ.....ترى مافي احلى من طبق تسوينه وتشووفين الكل يمدحه..

الف شكر للجميع........

 

[ذبحني صمتي]

يوووووووووووووووه ام ريووف جبت العيد بهالصورة......::

...ذا اللي طلع معي.......ياليت احد يصغرها..!!!!!!!!

 

[||الجـــواهـــــر||]

ذبحني صمتي
هلا والله وغلا بالجهراويه هلا بجارتي
وينج ؟ مادندري عنج حسافه خخخخخخخخخ
ماشالله عليج شهالابدااااااااااااع
لااله الا الله ماشالله مبين شغلج يهبببببببببببببببببببل تبارك الرحمن صج طباخه
والعيش شكلها يشهي شكلي بسويها يوم الخميس
الله يعطيج العافيه

 

[أم ريوف 1400]

غلاووووووووي معرفتك شرف لي
بجد بدعتى وااااااااااي طلعتى نبااااتية مواكلت لحوم
عااااااااااد اختااااري احد

 

[الصابرة المحتسبة]

ماريمار: عساج على القوة والله يوفقج دنيا وآخرة

ماركية: احبج في الله

ذبحني صمتي: يعل ربي يسخرلج عيال الحلال ويسمح ربي دربج ويشرح صدرج

 

[يمّه مني]

عاشو عاشو
لايوقف لايوقف لايوقف

 

[بشوره الكويت]

بحني صمتي
يزاج الله خير

طلعتي مو هينه

حياج الله اخت عزيزه وغاليه

من التالي نحن بانتظار المزيد

 

[ام سلومd]

ماشاء الله عليكم بنات كل وحدة تقول انا عندي الزود ربي يحفظكم كلكم

 

[78MariMar78]

ماركية


حياتي انتي اخجلتيني فديتج وموفقة ابحياتج ياقلبي


بشورة
ياقلبي الله اسلمج من كل شر وعسى ربي ابلغج بعيالج يارب



ماريمار
حدددج عسووولة والله اوفقج انشاء الله

تسلمين ايمانو
وانتي بعد عسولة
ربي يوفقج ويحفظج

مااااااااري ياشموسة الديوانية

الله يعطيك العاااااااااااااااافية

هلا ام ريوف
شخبارج
تسلمين يا قلبي

 

[حلوة ومملوحة الكويت]

[

1_السلام عليكم ورحمة الله وبركاته ,, شلونك ؟!
تمام بخييير

2_عرفينا عن نفسك وخاصه في الطبخ ؟
ايمان عمري 26 اليوم عيدي ميلادي متزوجة وماعندي بيبي ومتخرجة من التجاري وناوية اكمل جامعة الدبلوم مايوكل خبز لووول3_تحبين الطبخ او لا؟
اكيييييد انا هواياتي 3 الطبخ في المرتبة الاولى وبعدين الانترنت واخر شي القراءة

4_وجبتك المفضله؟
امووووووووووووت بالمحاااااااشي والعيووووش مممم كلشي كلللشي انا اكيييييييلة بس مو وايد صج شهيتي مفتوحة بس اكلي باعتدال اخاف على وزني

5_طبق تحبين تسوينه كثير؟
فوتوشيني الفريدو مع كريمي صوص ودياي ومشروووم اخيييييييه

6_الطبخات اللي تسوينها معدودة ولا كثير وماتنعد؟
لاتعد ولاتحصى احب التنويع واحب الفناتك وكل ماهو جديد في عالم الطبخ


7_اول مرة دخلت المطبخ كم كان عمرك لو تذكرين؟
10 سنوات اذا ماخاب ظني

8_اول طبخه طبختيها وش كانت هي؟
اول مرة سويت بيض حق خواتي وسويته من غير زيت نسييييييت وخواتي اقولون حلوو حلوو لوووول بس الطبخة الطبخة اهي انا الفتها وانا صغيرة حمسة بامية مع كوسا وطماط وبصل وثوم وكنت احط معاها لحم مفروم ساعات وبابا حبهاا وايد وماما بعد بس امي قالت سوالي حاارج لوووول

9_طبخه طبختيها فشلتي فيهاوش كان شعورك وقتها والكل منتظر تخلص؟
ماذكر اني فشلت فشلت بس ساعات لمن اسوي اطباق يديدة اول مرة اسويها يطلع الطعم مش ولابد وطبعا ليومكم هذا اسوي اشياء يديدة وساعات تطلع الطبخات اوكي وساعات انا مايعجبني بس يعجب غيري تدرون الناس اذواق[/COLOR]

10-طبخه طبختيها والكل مدحك ؟
الحمدلله كلشي اسويه يطلع حلوو وزوجي الاهل اهم اكثر ناس يمدحوني [/COLOR]

11_موقف طريف صار معاك في المطبخ ؟
ايييي اخر مرة امس كان عندي جم حبة سينابون مفرزنتهم قلت خنحطهم بالفرن وحطيتهم ونسيتهم واعلي صار لونهم بنيييي وتحمشوا من فوقو تحت قلت ها والله ماقطه خاطري فيه وترسته صوص ابيض وكاكاااو ويا زوجي وشافني اكل قالي ليش ماسويتيلي مشروم وياااج مت ضححححك قتله هذا سينابون محرووووق لوووووول[/COLOR]

12-يعتمد عليك في الطبخ او لا؟
بفضل الله الحمدلله

13_قوليلنا وصفه لطبخه حلوه كثير تسوينها لاجل نجربها ؟

مثل ماقلت وصفة الفوتوشيني الفرديو مع المشروم والصوص اول شي ييبي الدياي وقصصيه وحمسيه ابزيت زيتون وملح وفلفل اسود تالي احط عليه فص ثوم مهروس واقلب واحط مشروم مقصص بعدين رشة طحين وبعدين كوب كريمة ونص كوب حليب واخليهم الين تثقل الصلصة تالي اضيف الباستا واقلب واقدمها مع رشة بقدونس

14_سوي طبخه وصوريها لنا؟

شيز كيك الليمون

وهذا الرابط

http://q8yat.net/showthread.php?t=514219


15_نصحيه توجهينها لطباخات منتدى كويتيات؟ ^_^[/COLOR]
keep trying
ولاحياة مع الياس ولا ياس مع الحياة بالارادة والصبر اتصيرين فنانة




وانشالله كنت ضيفة خفيفة عليكم


ممممممم


اختتتااااااار حلوة ومملوحة الكويت

ياهلااااااااا بنااااااااات
اشلونكم حبيباتي..من قريت الدعوووه جيت ركض:ada:
مشكووووره يا أيمانووو الحلوووه على دعوتي:ggdw: أكيد بتدعيني تدرين ليش...لأنج حلوووه وآنااا حلووووه...ههههههههههه
الصرااااحه موضووووع روعه ويقرب بين المشاركات في هالقسم الأكثر من رائع
نبتدي:eh_s(6):

السلام عليكم ورحمة الله وبركاته ,, شلونك ؟!
ياهلاااا بخير حبيباتي اللهم لك الحمد والشكر

2_عرفينا عن نفسك وخاصه في الطبخ ؟
حلوة ومملوحة الكويت 32سنه متزوجه عندي بنتين وولدين ماشالله الله يحفظهم
والله العالم اني ما دخلت هالقسم إلا اني أحاول اساعد غيري من البنااات اللي ما يعرفوون يطبخووون
ويمكن تلاحظون بناات بمواضيعي إني احاول افصل بالكتابه طريقة طبخ الأكله

تحبين الطبخ او لا؟

أمووووووووووت عليه واعشقه..حب الطبخ يسري في دمي...صااارت نشيده ههههههههههههههههه
4_وجبتك المفضله؟
كل أكله حلوة ..يعني الحمدللله الأكل نعمة وكل أكله لو انهااا سندويشة فلافل أو جبن.. حلووووه عندي ..ولهااا طعمهااا
فأنا من النوووع اللي يتنطع بالأكل ويقدر الطبخه اللذيذه سواااء عيوش او محاشي او مشاااوي او سندويشااات
لكن طبعاااا كل شي باعتدااال


5-طبق تحبين تسوينه كثير؟
البريااااني يطلبوونه مني

6_الطبخات اللي تسوينها معدودة ولا كثير وماتنعد؟
وايد طبخااات اسووي وحتى اللي ما اعرف اسووويه احاول اني اسويه مره وثنتين ليمااا تضبط

7 -اول مرة دخلت المطبخ كم كان عمرك لو تذكرين؟

12سنه كنت احب ادخل المطبخ واساعد حبيبتي الوالده ..واهيا لاحظت وقامت تدخلني معاها المطبخ تحت عيونهاا ورقابتهااا

8- اول طبخه طبختيها وش كانت هي؟
أذكر سويت بيض لاخواااني الصغاااار كان رمضااان ومقزرينهااا بيض على الغدااا مره مقلي ومره مسلوووق ومره مع طماااط يعني تفننت فيه لهم.والحين كل ما اشوفهم عقب ما كبروااا اقولهم هاااا ما تبوووون بيض.

9-طبخه طبختيها فشلتي فيهاوش كان شعورك وقتها والكل منتظر تخلص؟
أذكر اول مره سويت عيش يوم نجبته ما تقوولين عيش..جنه هريس من كثر المااااي ههههههههه.. صج فشللللله

10-طبخه طبختيها والكل مدحك ؟
البريااااني..والمجابيس

11- موقف طريف صار معاك في المطبخ ؟

ههههههههههه..هالموقف ما انسااااه ..كنت ابي املح الغداااا..وكان مجبوس دجاااج..ويبت علبة الملح ومسكتهااا بايدي
وبديت ارش ملح شويه شويه بالجدر..ما دريت الا غطا العلبه ينفتح وثلاثة ارباع الملح اللي في العلبه صااار في جدري..صج احترييييت:krkrkr:..هههههههههههه وطلبت من المطعم هذاك اليوم..وتبت من عقبهااا قمت املح اكلي بالقفشه
12-يعتمد عليك في الطبخ او لا؟
اكييييييييييييييد...اشهالثـقه:dddds:
13_قوليلنا وصفه لطبخه حلوه كثير تسوينها لاجل نجربها ؟
يبتلكم وصفه سهله
حبيبتي تسوين لج حمسة لحم مفروم مع البصل والثوم والبهارات المشكله والفلفل الاسود
واذا جهزت الحمسه تيبين خبزه ايرانيه وتفردين الحمسه عليهااا عدل وترشينهاااا بجبن البيتزااا المبشووور وشوية جبن قلاص
وتحطينهاااا بالفرن وتشغلينه من فوووق بس ليماااا تذوووب الجبنه وعليج بالعااافيه.
وهذي صورتهااااا

14_سوي طبخه وصوريها لنا؟

الدجاااجه المشويه


15_نصحيه توجهينها لطباخات منتدى كويتيات؟ ^_^
حبيباااتي اللي تقووول آنا ما اعرف اطبخ وكل ما اطبخ مايضبط الأكل معااااي..اقووولهاااا لا يأس مع الحياااة
واحناااا يا ما طبخناااا وما ضبطت طبخااات ويانا في بداياتنا..حاولي مره وثلاث وعشر..الغلط راح يعلمج الصح
والطبخ مماااارسه..
وعسااااني ما ثقلت عليكم بناااااات
ومشكوووووورين مره ثاااانيه





[/SIZE][/B]

 

[ذبحني صمتي]

ذبحني صمتي
هلا والله وغلا بالجهراويه هلا بجارتي
وينج ؟ مادندري عنج حسافه خخخخخخخخخ
ماشالله عليج شهالابدااااااااااااع
لااله الا الله ماشالله مبين شغلج يهبببببببببببببببببببل تبارك الرحمن صج طباخه
والعيش شكلها يشهي شكلي بسويها يوم الخميس
الله يعطيج العافيه

هلا بنت ديرتي....أرحبي والله..... ياهني ام ريووف فينا تموووت ع الجهرا هههههههه

عيوونج الحلوة ياقلبي.....سويها ومهابط العافيه عليكم مقدما...

انا موجووده بس كنت خلف الكواليس.....

غلاووووووووي معرفتك شرف لي
بجد بدعتى وااااااااااي طلعتى نبااااتية مواكلت لحوم
عااااااااااد اختااااري احد

الشرف لي ام ريوووف يابعدي.....بس بشري عسى هونتي عن خيالتوو وتاخذيني انا لحموودي تراها رفله طبخ خخخخخخ

وارشح الدووبا ميس نوووف بس ياليت تحصلينها........ مختفيه عن الانظار هاليوومين.....

ذبحني صمتي: يعل ربي يسخرلج عيال الحلال ويسمح ربي دربج ويشرح صدرج

اللهم آمين...... ربي يسعدك يالطيبه على هالدعوووووووووووة...ولك بالمثل...

بحني صمتي
يزاج الله خير

طلعتي مو هينه

حياج الله اخت عزيزه وغاليه

من التالي نحن بانتظار المزيد

هلابك اكثر يالغاليه...... الشرف لي بوجودي بينكم....

ام سلووم....... ماقصرتي يالغاليه...

مملوووحه عجيب شغلج ماشالله.....

 

[حلوة ومملوحة الكويت]

هلا بنت ديرتي....أرحبي والله..... ياهني ام ريووف فينا تموووت ع الجهرا هههههههه

عيوونج الحلوة ياقلبي.....سويها ومهابط العافيه عليكم مقدما...

انا موجووده بس كنت خلف الكواليس.....



الشرف لي ام ريوووف يابعدي.....بس بشري عسى هونتي عن خيالتوو وتاخذيني انا لحموودي تراها رفله طبخ خخخخخخ

وارشح الدووبا ميس نوووف بس ياليت تحصلينها........ مختفيه عن الانظار هاليوومين.....



اللهم آمين...... ربي يسعدك يالطيبه على هالدعوووووووووووة...ولك بالمثل...



هلابك اكثر يالغاليه...... الشرف لي بوجودي بينكم....

ام سلووم....... ماقصرتي يالغاليه...

مملوووحه عجيب شغلج ماشالله.....

مشكووووره حبيبتي وما عليج زووووووود

 

[ام سلومd]

الصراحة الموضوع عجيييييييييب يخليج قصب تسابعين البنات علشان تعرفين بعض وصفاتهم و المراحل الي مرو عليهم خلال طبخهم صج صج وناسة

 

[78MariMar78]

ماشاءالله مبدعات وفنانات

عاااشوووا

 

[أحلى همبه كويتية]

انا بختاااااااااااااااار مرة ثالثة
السموحة يا صاحبة الموضوع - الخيالة

ام فططططططططططططططوم يالله وينك